|
تحذير من هالانسانه sales_and_design لانها انصبت علي
السلام عليكم ورحمة الله وبركاته
انا عضوة عندكم بهالمنتدى وبصراحه حبيت اسويلي مفرش حق ولادتي وتشجعت اني اختار من المنتدى مفرش حق استقبالي وولأسف اخترت sales_and_design تسوي مفارش وشفت لها جم مفرش بالمنتدى واعجبوني بهالرابط http://forum.hwaml.com/t29732.html وعجبني الافوايت مع السرير البيبي وخذيت ايميلها مثله بالضبط بس خلي الكشكش افوايت على ذهبي واتفقت معاها عالسعر وعلى سرير البيبي وقياس مفرشي لانه عندي سرير نفر ونص وقالت راح اتبيض الويه لي وانا حامل الحين وبشهري الثامن وانا اتفقت وياها من شهر ونص وقالت لي انها بتخلصه خلال ثلاث اسابيع طبعا الاخت كل يوم اتقولي عنده ظرف مره جدتها مره حالة وفاة مره سفر وما ترد علي وخلتني على اعصابي واخر شي جزاهم الف خير ناس اعرفهم بالسعوديه زوجها مباحث اهو اللي اتصل فيها ولما اعرفت انه لي ناس بالسعوديه قامت اترد علي اخر شي قالت انه المفرش خلص بعذ شهر ونص او اكثر وقالت الشحن علي وأمنت بالله واللي اعرفهم اهم اللي وصلوه لي لي حفر الباطن وزوجي سافر وجابه من السعوديه الصدمه لما استلمت المفرش حاطه لي ارخص القماش صديقتي بسعوديه اتقول انه من سوق بريالين ومسويه سرير البيبي كله بسلكون حطه بذمتي يوم الدين انه غشتني ومافيه خياط مكينه كانه ياهل اهو اللي مشتغل عليه شغل جدا رخيص والله العظيم وا وناقص من تحت وستان رخيص جدا وكله ممزق من تحت وخيوطه طالعه انصدمت المفرش كله ما يسوى حتى 100 ريال وانا دافعه لها 1850الف ريال يعني بالكويتي 167دينار ودقيت عليها اكثر من مره ما ردت علي بس احذركم منها لانها والله غشتني ما اقول الا حسبي الله ونعم الوكيل فيها لاني ما راح استخدمه ما يسوى ابد قطيته وما راح احلل لها كل فلس خذتهم مني اهي اسمه مره اتقولي حلا ومره هديل يعني حتى بالاسم جذابه حبيت احذر اللي مثلي الحامل اللي يمكن تثق بهالاشكال النصابه وعلى فكره المفرش اللي عارضته مو لها لانه وحده تبي اتبيع مفرشها اتقول انها شاريته من محل اسمه المفتي وحاطه اهي نفس الصوره اللي عارضتها حلا ويوم واجهتها اسكتت مده بعدين قالت انها تشتغل مندوبه لهالمحل رغم انها قالت انها تشتغل لوحدها مو لحساب احد سامحوني للاطاله بس لاني انقهرت على هالنطره وانا على وشك الولاده ارجو انه اتخلون رسالتي علشان الكل ما يطيح الطيحه اللي انا طحت فيها اختكم ام رهف وجدا قبيح يوم شفته بجيت ونفسيتي اتعبت ومفرش سريري صغير حيل حيل |
رد: تحذير من هالانسانه sales_and_design لانها انصبت علي
طيب اختي صوري المفرش ونزليه .
الله يهديها يعني والله مو لذا الدرجه طمع منتي قد الشغله الله يعافيك لاتاكلين مال غيرك بالحرام.. الله يعوضك خير اختي ولايضيق صدرك انا ممكن اوثق في وحده تبيع ولااثق بوحده تقول انها تصمم |
رد: تحذير من هالانسانه sales_and_design لانها انصبت علي
لا حول ولا قوة الا بالله والله يكون بعونك ويسهلاك امورك انشاء الله
|
رد: تحذير من هالانسانه sales_and_design لانها انصبت علي
الحمد لله اني ماسويتها عندها شي
لاني كلمتها ع الايميل وماريحني كلامهآ احمد ربي اني ماتوهقت معاهاا والله يجزاك خير انك بينتي لنا قبل الكل ينخدع فيها والله يعوض عليك فلوسك يارب |
رد: تحذير من هالانسانه sales_and_design لانها انصبت علي
انا كنت بفصل عندها بس ربي انقذني الحمد لله وفصلت عند وحده غيرررررررها طيوبه والحمد لله مفرشي جاني باحسن الاقمشه
|
رد: تحذير من هالانسانه sales_and_design لانها انصبت علي
لا حول ولا قوة إلا بالله
|
رد: تحذير من هالانسانه sales_and_design لانها انصبت علي
الله يسااامحهااااااااااااااااااااااا
|
رد: تحذير من هالانسانه sales_and_design لانها انصبت علي
انا بنزل لج على الاقل سرير البيبي وانتو حكمو وشوفو المنظر اللي مطرشه لي السرير فيه وفوق هذا مطرشتلي سرير حديد واهي متفقه وياي سرير خشب واقسم انه السرير شكله مستعمل لانه مزلق ووصخ واللبس القطن اللي داخل كله مشقق وصديقتي اللي بالسعوديه والله حذرتني منها وقالت انها ما اتريح بس انا المشكله طرشت لها المبلغ وقلت يمكن ما اترجعهم لي وراح اطرش لكم صورة السرير على الالقل شوفو شكله
شوفوه من تحت اشلون مشقق والخيوط طالعه ولو تشوفونه بالطبيعه بتنصدمون وعلى فكره شفتو هالشغل ترى كله مسويته بالسيلكون وخياط ايد وحتى السيلكون اللي حاطته كله مبين ومنظره جدا بشع انا اول مره اشوف سرير ينعمل بالسيلكون وقاصه اللي تحت بمقص مو مرتب صاير الستان فوق وتحت والقماش كله ممزق شي يعور القلبhttp://forum.hwaml.com/imgcache2/hwa...394624_935.jpg |
رد: تحذير من هالانسانه sales_and_design لانها انصبت علي
والحين بطرش لكم صوره بعد التعديل قمت شريت قماش ستان دير ماركه ودانتيلات وكرستالات وقطيت اللي حطته لي ورحت سويت له لبس جديد كلفني 40 دينار بس تعديل سرير البيبي امانه مو حرام خسارتي وانا طرشت لها قلت لها ما احلل لج كل فلس خذته مني وتحسبت عليها ومالها ويه حتى انها اترد علي http://forum.hwaml.com/imgcache2/hwa...394923_492.jpg
|
رد: تحذير من هالانسانه sales_and_design لانها انصبت علي
لآحوول ولآقووة الابالله الله يهديها بس
والله حراام الي تسوويه ماتدري انهاhwaml4 محاسبه على هالشئ hwaml4 معليش اختي لآتضايقن نفسسك الله رااح يأخذ حقك منها استغفرالله ......^^ |
رد: تحذير من هالانسانه sales_and_design لانها انصبت علي
تسلمين يا الغلا وعوضي على الله وفدوه لبنتي رهوف بس كنت حابه اسوي لها مفرش استقبال يبيض الويه وللاسف انخدعت من طيبة قلبي بوحده مثل هذي حسبي الله وعنم الوكيل
|
رد: تحذير من هالانسانه sales_and_design لانها انصبت علي
لا حول ولا قوة الا بالله والله يكون بعونك ويسهلاك امورك انشاء الله
بصراحه شي يعوررررر القلب.........الله يجازيها.... |
رد: تحذير من هالانسانه sales_and_design لانها انصبت علي
حبيبتي اصلا باين انها نصابه
منزله صور مفرش صحبتي انه هيها مسويتوا وانا رديت على موضوعها قولتلها نزلي صور شغلك مو شغل غيرك بعدين افضل تاخذي من محلات صحيح غالي بس اضمنلك والله يعينك |
رد: تحذير من هالانسانه sales_and_design لانها انصبت علي
لاحول ولاقوة الا بالله
بالله وش استفادت بالي سوته فضحت نفسهااا ورضت تآخذ مآل حرااام ونست ان وراها حساااب وعقاااب حسبي الله ونعم الوكيل الله يعوضك اختي بالجنه وان شاء الله ربي يسهل عليك ولااااادتك ياااااااااارب |
رد: تحذير من هالانسانه sales_and_design لانها انصبت علي
حبيبتي الحمدلله على كل حال وخلاص الله حسيبها من شفت صور موضوعها وانا شاكه لانه مافيه تشابه بالشغل
عزيزتي اهم شي بنتك وعافيتك وهاالفلوس تروح وتجي تعوضين خير يارب |
رد: تحذير من هالانسانه sales_and_design لانها انصبت علي
تسلمون ومشكورين على ردودكم اللي اتبرد القلب انا بس حبيت انه محد يطب بهالمطب ويتعامل معاها الفلوس صج وصخ دنيا بس مو قاطينهم بالشارع لو كل وحده بمكاني مهما يكون بتنقهر
انا ما همني الفلوس كثر ما همني انه ما كو وقت اشوف غيره والله العالم وفوقي اني رحت السوق وشريت قماش جديد من الستان الحرير ودانتيلات وكرستالات وراح اشيل منه القديم واحط مكانه جديد من ضيق الوقت وغلطتي اني تعاملت مع وحده من غير فاتوره والمبلغ عطيته لها كاش وربي يعوضني ان شاء الله وسامحوني عبرت باللي بقلبي بس لام الله من لامني لاني كنت فرحانه انه بسوي استقبال حلو لبنتي وهذي اول مولوده لي اختكم ام رهف |
رد: تحذير من هالانسانه sales_and_design لانها انصبت علي
تعوضين ياقلبي وربي حاسه فيك لاني قد طحت بموقفك بزواج اخوي كنت مفصله فستان 2500 ريال ولاعبين علي المشغل اتذكر وقتها قام يتفكك الفستان بالزواج وكان موقف صعب
ياقلبي المال مب بسيط اكيد وخاصه انه وقت حرج تجهيز وغيره لكن الحمدلله انتي ماراح يلحقط شي بذمتك وحقك تاخذينه عندالله ..الله يتمم لك بفرحت بنوتك يالغلا ..وراسلي ادارة المنتدى حتى توقف عضويتها لاتطيح فيها وحده غيرك .. موفقه |
رد: تحذير من هالانسانه sales_and_design لانها انصبت علي
انتو اصلا ليش تحبون كذا هذا كله سخااافه ابصرحه مايحب كذا الي الي فيه نقص
|
رد: تحذير من هالانسانه sales_and_design لانها انصبت علي
سيتم إبلاغها
وتحذيرها لأن منتدانا يحمل الصدق في كل شئ لاحول ولاقوة إلا بالله الله يعوض عليك خيتو |
رد: تحذير من هالانسانه sales_and_design لانها انصبت علي
الله يهديها يارب وترجع فلووووووووووسك كلها
امييييييييييييييييييييييين الله لايحلل اي وحده بتنصب علينااااااااااااااااا |
رد: تحذير من هالانسانه sales_and_design لانها انصبت علي
حبيبتي الله يقومك بالسلامه وتشوفين احلا رهووووفه يآآآآآرب
لو كنت اعرف انك بالكويت كآن اعطستك رقم مصممه هناك شغلها خيآآآآآآآآآآآآآآآآآآآآآآآآآآآآآآآآآل حتى عندها ويب سآيت خاص فيهآ معوضه خير يآقلبوووو لا تتركين قول حسبي الله ونعم الوكيل هو نعم المولى ونعم النصير وتذكري ان الله لو امهلها في الدنيا بيحآسبها امام الخلائق يوم القيآمه والحيآة تجآرب ومدرسه كبيره لآزم الواحد يتعلم منها حتى لو تورط او انصدم او تضرر حبيبتي والله من اليوم الصبح قريت موضوعك وأني بس أفكر فيك آخر الحمل لحاله هم والولاده هم والنفآآآآآس اكبر هم الله يهون علينا وعليك وتقر عيونك بشوفة بنتك يآرب |
رد: تحذير من هالانسانه sales_and_design لانها انصبت علي
الله يسامحهاا والله ..
لا حول ولا قوة الا بالله .. |
رد: تحذير من هالانسانه sales_and_design لانها انصبت علي
ربنا يعوض عليكى اختى اكيد دى حاجة تدايق جدااااااااااااا وخصوصا انك معندكيش وقت تعملى غيرة وربنا هيحاسبها على اللى عملتة دة وربنا يهديها
|
رد: تحذير من هالانسانه sales_and_design لانها انصبت علي
الله يعوضك خير
ووبالنسبه للاخت اللي نصبت عليكي شفت موضوعها وكل الصور اللي عارضتها تجميع من النت وشغل محل بجده معرووف بشغله وتصميماته اسمه كرسيتال |
رد: تحذير من هالانسانه sales_and_design لانها انصبت علي
لا حول ولاقوة الا بالله
\ المفروض تخلينها تصورلك المفرش بشكل مفصل كل قطعه لحال قبل التسليم هذي اضمن طريقة تتأكدي فيها من نظافة الشغل قبل تسلمك اياه .. انتي دافعه مبلغ مو بسيط و هذا اعتبره ابسط حقوقك .. ربي يعوضك خير حبيبتي |
رد: تحذير من هالانسانه sales_and_design لانها انصبت علي
حسبي الله ونعم الوكيل
الله يسعدك ياسكر بصراحة كانت رائعة وامينة هي تاجر بامنتدانا بعد ماسمعت عن الاخت الي نصبت عليك تذكرت امانت سكر وحبيت اثني عليها بجد ياليت يقتداى فيها ولاهانو الاخوات التاجرات الامينات |
رد: تحذير من هالانسانه sales_and_design لانها انصبت علي
ام دلولي وش تقصدين يعني مانسوي استقبال حق البيبي الجديد ...........؟؟
ارجو التوضيح خاصة كلمة نقص ............. |
رد: تحذير من هالانسانه sales_and_design لانها انصبت علي
الله يسامحها
انا ارسلتله رساله علشان تتقي الله والله مايسوى عليها هالكم ريال قدام فضيحتها والله يعوضك خير يا اختي حلوت البنات |
رد: تحذير من هالانسانه sales_and_design لانها انصبت علي
اقتباس:
الله يهديكي حسيتك دخلتي غلط في الموضوع ورأيك لايودي ولا يجيب اختنا في الله نزلت الموضوع تحذرك وتحذر غيرك من التعامل مع شخص نصاب ماكان لو داعي التعليق دا الله يكملك بعقلك والله يجزاكي خير يا أم رهف بالفعل أنا قد شفت موضوعها قبل كده وشفت الصور اللي لاطشاها من كذا منتدى بس قلت في نفسي يمكن انها تسوي زيها بس والله شغلها حسبي الله عليها حتى ينحرج الواحد لو يبغى يتصدق فيه الله لايسامحها ولا يباركلها في رزقها طالما هوا بالشكل دا |
رد: تحذير من هالانسانه sales_and_design لانها انصبت علي
حسبنا الله ونعم الوكيل
ماتسوى كم فلس اكلهم حرام استغفرالله العظيم |
رد: تحذير من هالانسانه sales_and_design لانها انصبت علي
الله يعوض عليكي يارب
انا ما ادري كيف احد يقبل على نفسة ريال حرام اصلا هي سوت الحركة هاذي من قبل مع العضوة حرم بن حمودة طنشتها وماردت عليها لكن بعدين ارسلت لها طلبها ... بس ماكتبت شي عن جودة الشغل بصراحة على قولة مورا بازار مفروض الوحدة ماتستلم الا بعد ماتشوف الشغل حرام والله هالناس اللي ماعندها ذمة تشوه صورة التجارة الالكترونية وتهز ثقة الناس في التاجرات |
رد: تحذير من هالانسانه sales_and_design لانها انصبت علي
هالحجي رد لاخت ام فله
وعليكم السلام ورحمة الله وبركاته انا خايفه ربي قبل ما اشوفج واشوفها وارد اقول عليها حسبي الله ونعم الوكيل مليون مره فيها ومن اشكالها اللي قاعدين يغشون ناس من امثالنا وثقت فيها وطرشت لها المبلغ واتراجاها واكلمها بكل ادب وحب والله العالم اني قاعده اوصيها على المفرش وانه اول ولاده لي وقامت تلعب فيني كل يوم اتقولي بكره بيخلص وخلتني اكثر من شهر ونص واخر شي اتقولي الشحن عليج وفوق كل هذا ما قلت شي وقلت ماشي تعالي بنفسج تعالي شوفي شغلها شي يعور القلب والله العظيم انه المفرش ما يسوى وكانه وحده ماعمرها عامله مفرش من قبل شغل وصخ وسيلكون وكله القماش ممزق والسرير وصخ قديم وانا شارطه عليها السرير خشبوتلبيسته من داخل كله مشقق وحاطه لي ارخص قماش بسوق تعالي شوفي المنظر وفوق كل هذا اتحسبين انا راضيه لو اني ظالمتها الله ياخذ حقي منها انا دافعه مبلغ 167 دينار كويتي وعلى فكره قطيت الحين عليه فوق هالمبلغ 70 دينار لحد الحين غيرت القماش كله وفوق كل هذا اتقولين لي حسبي الله ونعم الوكيل هالحجي قولي لنفسج ولها انا ما ظلمتها اهي ظلمت نفسها شي ما اتعرف له لا تسويه ولا توعد وتجذب علي بس شرد عليج لو صايره فيج جان ما قلتي هالحجي لانج مو انتي اللي دافعه وناطره انا اقول تقعد في بيتها وما تشتغل هالشغله علشان لا يتحسبون عليها العالم على نصبها تاخذ الفلوس وتسوي شغل ما يسوى حتى 100 ريال انتي خافي ربج بحجيج انا حامل ووحده مصليه ومسميه والحمدالله مو ناطره وحده مثلج اتعلمني اللي سويته صح ولا غلط الله العالم اشكثر صبرت عليها وتحملت مذلتها لي ليما خذيت المفرش منها وفوق هذا اخر شي استلمه بمنظر بشع والله لو بلاش ما اخذه وصج حسبي اللهونعم الوكيل وعلى فكره اهي سوت فيني جذي لاني بعيده وماني بالسعوديه ولاني من الكويت وتدري اني ما اقدر اوصلها من جذي انصبت علي والغلطه غلطتي انا اني سويت بره الكويت |
رد: تحذير من هالانسانه sales_and_design لانها انصبت علي
اقتباس:
قمت الاحقها وقمت اتخوف منها قبل ما استلم المفرش وواجهتها بالهشي قلت لها انا تندمت سويت عندج لانج لعبتي باعصابي وتخيلي عطيتها قياس سريري وقلت لها سويلي مفرش على هالقياس علشان لا يصير صغير على السرير والله العظيم انها مسويه لي مفرش لسريري اصغر من السرير الفرج وقصير حيل وبشع انا ما ظلمتها ورربي فوقي |
رد: تحذير من هالانسانه sales_and_design لانها انصبت علي
والله يا عظوات العزيزات وانا حامل واخاف ربي وباجر وراي ولاده ما ظلمتها كنت بقمة الطيبه معاها فوق انها كانت تخلف بمواعيدها وطنشني وما ترد علي وكل مره اطلع لي عذر كاني اطر منها يعني اشحت منها بس تحملت وسكت وقلت ميخالف ما ابي اخربها معاها وصدقوني كنت اقول لها المفرش زين يبيض الوجه بس الله العالم وفوقي وحسيبي لو ظلمتها ولا قطعت رزقها لانها اهي قطعت رزقها بايدها انا شنو ذنبي اكون ضحيتها والمفروض بعد ما استلم المفرش اسكت ولا كانه صاير شي بالعكس حبيت الكل يعرفها على حقيقتها علشان لا ينقص عليه وسامحوني بس ام فله قاعده اتحسب علي ليش قطعت رزقة البنت محد قالها نتصب علي وانا على فكره حطيت لها رساله وقلت لها اني راح افضحج بالمنتدى لاني دقيت عليها فوق العشرين مره وما ردت علي خلتني اطر اكتب عنها بالمنتدى لو خايفه على سمعتها جان على الاقل ردت علي واعتذرت
|
رد: تحذير من هالانسانه sales_and_design لانها انصبت علي
لك يوم ياظالم
ويارب يعوضكـ |
رد: تحذير من هالانسانه sales_and_design لانها انصبت علي
اقتباس:
والله انك صادقه والصور اكبر دليل شي يكسف ويفشل حسبي الله عليها مليون مره وترى في تاجرات او عضوات تجيكي تحسسك بتأنيب الضمير إنك تبغي تقطعي رزقها ...والله لو شغل نصب بالشكل دا الله فوق يقطع رزقها كمان وكمان |
رد: تحذير من هالانسانه sales_and_design لانها انصبت علي
اقتباس:
ليش والله العظيم انا حامل وعندي طفل اخاف عليه ماعلنت عن الي تفصل الابعد ماجربتها وانتي قطعتي رزقي انا وحده داخله تبغى الايميل لمن شافت ردك خافت حرام عليك تهجمي على نفس الي ظلمك انا ماليا ذنب اقسم بالله العظيم اني ماااااااااعرفها وصورت المفرش الوردي موجود في النت والي اعرفها تعرف تفصل نفسه لكن باي حق تدخلين وتردين على موضوعي وانتي ماتعرفيني وللمعلوميه انا كنت ادور وحده تفصل ليا ولقيت نفس الي نصبت عليك بس ربي ستر ومافصلت عندها |
رد: تحذير من هالانسانه sales_and_design لانها انصبت علي
بعدين انا ماقلت انك مش مظلومه بالعكس شئ يقهر واتحسبي عليها بس انا وش ذنبي وكان ردي دفاعا عن نفسي مش عنها انا اعرفها عشان ادافع عنها
|
رد: تحذير من هالانسانه sales_and_design لانها انصبت علي
الله يسهل عليج الولاده اختي
زوري موضوعي في السوق التجاري عن التوزيعات.....وقوليلي وش رايج اختج لمسة ورق |
رد: تحذير من هالانسانه sales_and_design لانها انصبت علي
ام فله حبيبتي انا ما اقصدج انتي انا دخلت موضوعك لاني شفت نفس المفرش اللي انصبت علي عارضته بس وقلت لج انه هالمفرش نفس المفرش اللي عرضته لي اللي انصبت علي بس ما اقصدج انتي حبوبه واعذريني لو اسات التعبير لانك انتي كاتبه انه هذي وحده اتسوي مفارش ولو تبون رقمها اعطيكم فمن جذي ما ابي وحده يصير فيها مثل ما صار معاي وانا اعتذر منج ما اقصدج
|
| الساعة الآن 10:06 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .