|
ساعدوني بفكرة لتجهيز بسيط
بنات أنا عن جد محتارة hwaml79 ما جهزت شيء لإستقبال المولود!! لأن كل شيء مكلف....وبعدين الناس ماتقدر أن هذا شيء دفعتي فيه فلوس، راح يأخذوه و يرموه بالزباله (الله يكرمكم) وأنا زوجي ما عنده إستعداد يدفع، وهذا أول طفل لي. مفرش نفاسي هو مفرش جاهز لونه سكري و بنفسجي، مفرش عادي بس حلو، أمي إشترته. وبسسسسس....... ماجهزت شيءhwaml78 أفكر: كيف أجهز الغرفة في بيت أهلي؟ وش أحط فيها؟ كيف أجهز الغرفة بالمستشفى.....بشكل معقول و مقبول و غير مبالغ فيه؟ أحط بالونات مثلاً؟ و فازات شوكولاتة؟ علمونيhwaml39 وش أقدم للناس في بيت أهلي؟ هل أشتري شوكولاتة باتشي وبس؟ صحون حلويات أيضاً...و معجنات؟ كله جاهز؟ عادي؟ ما راح تتكلم علي الناس؟ |
رد: ساعدوني بفكرة لتجهيز بسيط
هلا وغلا حبيبتي كثير من الأمهات يحسون بالارتباك بخصوص التحضير لاستقبال المولود الجديد وخصوصا البكر فكثير من الأمور يجب أن توضع فى الاعتبار ومن أهمها هى إيجاد اوفر طريقة للاستقبال اولا : تزيين باب غرفه المستشفى او الاستقبال البعض يهتم بالزينه على غرفة الوالده والبعض يفضلها في المنزل بعد الخروج من المستشفى وهنا بعض الصور اللي اخترتها لج http://forum.hwaml.com/imgcache2/hwa...177559_355.jpg http://forum.hwaml.com/imgcache2/hwa...177559_928.jpg ثانيا : توزيعات لأجمل مناسبه البعض يستخدم الشموع في التوزيعات مع الملبس او الشكولاته او ميداليه على اذكار http://forum.hwaml.com/imgcache2/hwa...177554_108.jpg http://forum.hwaml.com/imgcache2/hwa...177553_361.jpg http://forum.hwaml.com/imgcache2/hwa...177552_185.jpg http://forum.hwaml.com/imgcache2/hwa...177551_646.jpg ثالثا : قوالب السكر بأشكال وألوان خطيرة تنفع للضيافه كل وقت مثل اللي تعبى في زجاج صغير..او تكون أعواد سكر ملون حسب الرغبه http://forum.hwaml.com/imgcache2/hwa...177550_816.jpg http://forum.hwaml.com/imgcache2/hwa...177547_235.jpg رابعا : طقم البيبي الكامل .. http://forum.hwaml.com/imgcache2/hwa...177558_807.jpg خامسا : طبعا اللبس اللي لابسته لازم يكون راقي وبنفس الوقت قطن عشان الفايده لج http://forum.hwaml.com/imgcache2/hwa...177557_404.png http://forum.hwaml.com/imgcache2/hwa...177557_596.png سادسا : غرفة البيبي اللي راح يجون لج الضيوف فيها وهذي نماذج يالغلا http://forum.hwaml.com/imgcache2/hwa...177557_262.jpg http://forum.hwaml.com/imgcache2/hwa...177559_803.gif http://forum.hwaml.com/imgcache2/hwa...177557_116.jpg http://forum.hwaml.com/imgcache2/hwa...177556_279.jpg مجهود من تجميعي واتمنى اكون افدتج يالغلا دعواتج لي بالحمل السليم ** ودي وتقديري ** هنوووفه |
رد: ساعدوني بفكرة لتجهيز بسيط
الله ييسر لك حمل سليم
|
رد: ساعدوني بفكرة لتجهيز بسيط
رديت لك على الخاص عزيزتي
|
رد: ساعدوني بفكرة لتجهيز بسيط
مشكلتنا احنا الخليجين المظااهر البرااقه اللي ذبحتنا حتى لو الديون ماكلتنا اكل
والله يااختي انا مااشوووف لها اي داااعي خليك بسيطه ومافيه احلا من البساااطه وربي ماتجهزت لي انا والمولود الا بالملابس اللي باحتاجها فقط لابالونات ولا حلوياات ولاشي صدقيني مافيه زي العاافيه اذا ربي عافااك لا تهمك نظرة الناااس من جد بنااات الاحظ في مجتمعنا تكلف بشكل مو طبيعي لأجل نظرره النااس ليش تخسرين نفسك من شانهم صدقيني الفلووس اللي بتحطينها لهم وفريهاا وتمشي فيها مع زوجك بعديين او اشتري لك وللبيبي اي شي ولاتزعلي من رأيي ياحبيبتي ويبقى القراار لك اولا واخراااا |
رد: ساعدوني بفكرة لتجهيز بسيط
فرح دنياك ... صدقتي ...
وانا معاكي في هذي ... مع اني بكريه لكن مابغى ابالغ في التجهيزات .. البسااااطه البساااطه ... |
رد: ساعدوني بفكرة لتجهيز بسيط
شوووووفي صح أن الحمدالله الخير كثير....
بس عن نفسي مااااتهمني هالأشياااااااء..... ببنتي داااانه...... حطيت مفرش زوااااجي نعووووم وحلوووووو...... وأول يووووم في المستشفى أخت زوجي تكلفت بالفطووور والغداء والعشاء.. ثاني يووووم جاااارتي..... ثااالث يوووووم جااارتي الثااانيه.....((بس خلصن جاااراااتي))...... وأناااا قبل لا أولد كنت مرتبه البيت لأن اللي جوني أول مره يشوفون بيتي..... ماااا أحب المبااالغه بصراااحه هوووو يووووم ويعدي.... بس اهم شي عندي خشة البيبي وشنطته تكووون مرتبه.....بس |
رد: ساعدوني بفكرة لتجهيز بسيط
فيه عند لايف ستااااايل مثل هالعلاقاااااات خذي وحده علقيهاااا على باااب الغرفه على حسب نوع البيبي ازرق او وردي.....سعرها 25 ريااااال......
http://forum.hwaml.com/imgcache2/hwa...495456_219.gif |
رد: ساعدوني بفكرة لتجهيز بسيط
هيه صح نسيت اقوووولج......
انتي سوي بووكس كبير حطي فيه طقم فناجيل وأكواب وصينيه عدد2 للعصير وللقهوه والشاي.. واكواااب العصير.. لأن محد بيجيبلك أكواااب وملاعق هذي الأشياء نجهزها في بوكس..... |
رد: ساعدوني بفكرة لتجهيز بسيط
هذي الفكره حلووووه.....
تشترين هالفازاااات من محل التخفيضاااااااااااات ..... وتحطين فيهاااااا من كل نوووووع شوكالاته..... مش لااازم باااتشي ....حتى جالكسي جوااااهر واااااايد حلووووووو ..... روحي الجمعيه ونوعي.....مش شرط باتشي يمكن حد يجيبلك هديه باتشي....أو غيره.... http://forum.hwaml.com/imgcache2/hwa...496001_946.jpg سويهااااا في البيت هالفكره...... |
رد: ساعدوني بفكرة لتجهيز بسيط
اول حمل لك الله يسهل عليك و يبارك لك فيه و انشالله تقومين بلسلامه و يجيك مولودك بصحه و عافيه
بلنسبه للتوزيعات اللي الناس تأخذها معاه بجد هي غاليه و اغلبها تنرمي عشان كذا لازم تسوين شي مفيد بحاول أفكر لك بكذا شغله و بسوي لك منها عينات و لي رجعه لموضوعك |
رد: ساعدوني بفكرة لتجهيز بسيط
لا اله الا الله
|
رد: ساعدوني بفكرة لتجهيز بسيط
ربي يقومك باالسلامه انتي والبيبي ان شاءالله
سوييييي اشياء بسيطه وحلوه مو لازم فخامه مرررررره |
رد: ساعدوني بفكرة لتجهيز بسيط
3 مرفق
عزيزتي لاكلفي على عمرك وكلام الناس مايفيدك في شي اذا سويتي اتكلمو واذا ماسويتي اتكلمو كمان
ارضاء الناس غايه لاتدرك اهم شي نفسك اذا حابه تسوي سوي ولاتبالغي زي انا قريب خرجت من الولاده رح انزل الصور في موضوع انتي شوفي مواضيعي لانو ماكلفني غير 1000 وشويه بس وكلها شغل ايدي طبعا باالمستشفى ماسويت شي لاني تاني يوم خرجت في البيت طبعا كنت ارقد في غرفة الاستقبال وقت الضيوف بعدين ارجع لغرفتي طبعا اول زينت الباب بقماش تل وورود بعدين جبت فلين على شكل رضاعه ومصاصه وفي اشكال تانيه تحصليها في محلات الهدايا وعلقت بالسقف وطبعا ماجبت مفرش ولاسرير لانو خلاص صار قديم الموضه طبعا جبت قماش ساتان الرخيص ولبست الاريكه اللي في المجلس وزينتو بالورود وسويت مخدتين وغطايه اما بنسبه للحلويات ماجبت شي غالي لانو ولاده مو عيد جبت من السوبرماركت حلويات وشوكولاته مشكل وحطيتو بصحن الحلاوه وطلبت من وحده تسويلي توزيعات بسيطه للاطفال اخذت عليه 300 قلتلها ماابغى شي مكلف لانو للبزوره اما توزيعات الحريم انا سويتها وجبت السله اللي زي العربيه زينتها وغيرت لونها لانو كان لونو بوني وغيرتو للسكري وجبت تحف صغيره على شكل مضلات وزينتها بشرايط والحلاوه اما الفطاير والبيتيفور اشتريت صحن للتقديم وحطيت فيه ورح انزلك الصور عشان تاخدي فكره طبعا للبيبي اخذتلو هندوله صغير وطقم واسفه طولت عليكي |
رد: ساعدوني بفكرة لتجهيز بسيط
ياقلبي انا سويت المستحيل عشان اجهز للبيبي واحط توزيعات وتحضيرات
بحجه انه اول بيبي لي المهم الحمد لله انا والده لي 26 يوووم وحطيت كل اللي نفسي فيه بس تحسسسفت كثير خسرت ما يقارب 6000 ريال على المفرش وتجهيزات الغرفه غير ملابسي وملابس النونو وبصراحه الناس ماتقدر انك تحطين لهم وتتكلفين بس انا شي بخاطري وسويته وبا الاخير تحسفت بس الحمد لله ع العافيه لي ولبنيتي والبيبي الثاني ماراح اتكلف كثير بس انتي حطي شي بسيط في بيت اهلك ولا تزينين غرفه المستشفى لان راح تكوني تعبانه فا راحتك في بيت اهلك وخليك بسيطه ونعومه وبا التوفيق يا الغلا |
رد: ساعدوني بفكرة لتجهيز بسيط
حبيبتي مثل ما قالو البنات لا تهتمي بالناس لان ارضائهم غااية لاااااااااااا تدرك .. لو شو عملتو ما رح يعجبهم
و البساطة حلوة مرررررة أهم شي تقومين بواجب الضيف و تكرمينه و الباقي ما أشوفله داعي أنا بكرية و مفرش عرسي ما أحد شافه على شان كدا راح استخدمه انشا الله ولونه سكري و بني وحلو مرة و الحمد لله الحمد لله الحمد لله ^_^ نحنا عنا بسوريا هذي القصص مو دارجة أبدا يعني ما أتذكر رحت عند و لادة و شفتها مزينة *_* ... و أنا أشوف البنات بالمنتدى أقول لازم أزين ... أشوف البنات عنا بسوريا ما ألاقي أحد مزين حتى لو كانت مادياته فوووق الريح ما يزين لأنها مو عادة عندنا <<< أظنها نعمة هالشغلة ههههههه |
| الساعة الآن 09:25 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .