|
بنات انا مرررره محتاره بموضوع الابر المنشطه .. ممكن تساعدوني؟؟
مرحبا صابايا...
طبعا كلكم عارفين انو جتني الدوره .. صحت كثير.. مررره ضاق صدري.. بس هالشي ماخلاني اعترض على قضاء الله وقدره... الحمدلله على كل حال... اللهم لا اعتراض يارب... لعل الامر فيه خير لي.. وربي مايكتب الا اللي فيه الخير... بقولكم مشكلتي وياليت تساعدوني اذا تقدرون.. انا متزوجه من 11 شهر تقريبا.. ماصار حمل الى الان... الفحوصات كويسه.. بس ماربي كتب الى الان يارب عوضني خير اخذت كلوميد شهرين ورا بعض ولا حصل حمل... الشهر اللي بعده ماخذت شي... الشهر اللي راح خذت ابره منشطه وحده بس..وبعدها بيوم ابره تفجيريه... وتفائلت كثييييييييير... وقلت ان شاء الله ربي بيكتب لي حمل هالشهر بس قدر الله وماشاء فعل.. نزلت الدوره.. اليوم رحت للدكتور اللي اتابع معاه التبويض .. شوفوا وش قالي.. قال من بكره اللي هو ثاني يوم الدوره بعطيك كلوميد حبتين في اليوم لمده خمس ايام وبعطيك برضوا 4 ابر منشطه( تجي بكرتونه وحده) من بكره ابدا اخذهم كل يوم ابره... بصراحه ما اخفي عليكم خفت.. انا ماعندي ضعف بالتبويض عشان يعطيني كلوميد و4 ابر منشطه...!!!! بصراحه انا خايفه اخذهم لاني سمعت انو فرط استخدام المنشطات ممكن تسبب تكيس وممكن تسمن .. وممكن ينتفخ البطن...وممكن تسبب حمل التوائم.. بصراحه انا مره خايفه... ايش رايكم؟؟؟ وش تنصحوني فيه اخذهم ولا لا؟؟ |
رد: بنات انا مرررره محتاره بموضوع الابر المنشطه .. ممكن تساعدوني؟؟
والله يااختي ماانصحك فيه انا قبل احمل كنت بااخذه من سنه كذا والحمدلله مااخذتها حملت من ربي عليك بالاستغفااار وقريت سوره البقره كامله شهر كامل وبتشوفين النتيجه انا مافي شى مااسويته عشان احمل والله والله مانفعني غير الاستغفاار وسورة البقره الله يكتب لك الحمل عاجل غير اجلا وجميع المحرومييييييين يارب
|
رد: بنات انا مرررره محتاره بموضوع الابر المنشطه .. ممكن تساعدوني؟؟
اقتباس:
والله اني مداومه على الاستغفار وقراءة سورة البقره لي اسبوعين وانا اقراها بس من جتني الدوره من يومين قطعتها.. ومداومه برضو على قيام الليل من الشهر اللي راح وادعي واطلب الله... والحمدلله على كل حال... الله يكتب لي اللي فيه الخير والصالح |
رد: بنات انا مرررره محتاره بموضوع الابر المنشطه .. ممكن تساعدوني؟؟
زي كلام ام دلولي لاتاخذينهم شوفي دكتور ثاني
وان شاءالله تحملي بدون منشطات والله انا توني هذا الشهر راحت الدكتور وكتب لي كلوميد وابرتين منشطه وابرتين تفجيريه والله كريم متفائله خير دعواتكم لي ربي هب لي من لدنك ذريه طيبه |
رد: بنات انا مرررره محتاره بموضوع الابر المنشطه .. ممكن تساعدوني؟؟
اقتباس:
انا ناويه ان شاء الله بكره بروح لدكتوره استشيرها واشوف وش تقول .. بشرح لها وضعي كله.. ان قالت خذيهم اتكلت على الله وخذتهم .. وان قالت لاتاخذينهم ماراح اخذهم وبتوكل على رب العالمين وشرب اناناس وميرميه ... والله يكتب اللي فيه الخير والصالح |
رد: بنات انا مرررره محتاره بموضوع الابر المنشطه .. ممكن تساعدوني؟؟
غلاتي انا لما رحت للدكتورة قالتلي كل شي عندك ممتاز تبويض جيد
والمبايض نشيطة قلت لها كملت سنة وماحملت ابي منشطات قالت تبين تلعبين بنفسك!!!!!!!! قالت ماانصحك بستخدام منشطات وكل شي سليم عندك ورفضت تعطيني منشطات انتبهي حبيت اقولك وش قالتلي الدكتورة واسئل الله الذى رفع السماء بلا عمد ان يرزقنا بالذرية الصالحة عاجلا غير اجل |
رد: بنات انا مرررره محتاره بموضوع الابر المنشطه .. ممكن تساعدوني؟؟
اقتباس:
بعد... ناقصه انا العب بنفسي...زالله ترددت كثير في اخذها!! كانها بتلعب فيني وش ابي بها.. ع العموم انا بستشير دكتوره اليوم وبشوف وش بتقول.. والله يكتب اللي فيه الخير... مشكووووووووووووووره والله يرزقني وياك وكل من تتمنى الحمل بالحمل التام 9 شهور عن قريب يارب |
رد: بنات انا مرررره محتاره بموضوع الابر المنشطه .. ممكن تساعدوني؟؟
اميـــــــــــــــــــــن يارب
|
رد: بنات انا مرررره محتاره بموضوع الابر المنشطه .. ممكن تساعدوني؟؟
مرااااحب...
اليوم رحت عند الدكتوره... وما نصحتني بالحبوب والابر...قالت لي دام التبويض سليم ليش تاخذين منشطات؟؟ وكلت تهزيئ من امي لين قلت بس.. تقولي يابنتي اني تبين تلعبين بنفسك... دام امورك كويسه ليش تاخذين منشطات وحبوب وابر وانتي حتى سنه ماخذتي سنه... حسيت اني فعلا غبيه... مستعجله على هالشغلات وانا توني بكير... عشان كذا قررت اني ما اخذ ولا شي وبخلي اتكالي على رب العالمين وهو القادر على انه يرزقني... وحتى الدكتور اللي اتابع عنده ماراح اروح له بقطعه شهرين 3 شهور ماراح اتابع ولا شي بخلي وضعي طبيعي... لي يمكن 6 شهور ولا فادني الطب ولا دكتور ولا غيره الرازق هو الله سبحانه.. باستمر على علاج قررت اني اداوم عليه اللي هو... سورة البقرة يوميا_ الاستغفار_قيام الليل شفع ووتر مع الالحاح في الدعاء في كل صلاه بشرب ميرميه_ عصير اناناس_ وباكل ملعقة عسل مع حبه سودا... وبخلي كل شي على رب العالمين.... وشراكم يابنات؟؟؟ |
رد: بنات انا مرررره محتاره بموضوع الابر المنشطه .. ممكن تساعدوني؟؟
اية والله كلامك مية مية ,,,مالنا غيير الله هو عاالم با الحاال وانسى الحمل شوي وان شاء الله تغمضين وتفتحين الا وانتي حاامل ياارب,,,
|
رد: بنات انا مرررره محتاره بموضوع الابر المنشطه .. ممكن تساعدوني؟؟
اقتباس:
ياااااااااااااارب ... الله يسمع منك يارب وانتي برضو وكل مشتهيه الحمل يارب |
رد: بنات انا مرررره محتاره بموضوع الابر المنشطه .. ممكن تساعدوني؟؟
الحمدلله ان ماتسرعتي
انتي سليمه ليه المنشطات والله هالدكاتره عجولين بدون حسابات للمضاعفات خليكي كذا مثل ماانتي وراح تحملين باذن الله |
رد: بنات انا مرررره محتاره بموضوع الابر المنشطه .. ممكن تساعدوني؟؟
اقتباس:
يابعد قلبي انتي تسلمييييين والله ... فعلا ماعندهم ماعند جدتي... بتكل على رب العالمين.. على قول امي صكي باب الدكاتره والمستشفيات وافتحي باب الرحمن وبتحملين ان شاء الله قولي امين.. ان شاء الله نحمل انا وياك ورنو وام كرومه والهنوف وبدوره الفرفوره وكل من تتمنى الحمل بشهر صفر يارب يارحيم يارحيم يارحيم... ارزقنا الذريه الصالحه يااااارب |
رد: بنات انا مرررره محتاره بموضوع الابر المنشطه .. ممكن تساعدوني؟؟
ربي يسمع منك ومايخيب ظنك
فدييييييييييييييتك بس انتي تفائلي ولاتضيقين صدرك ياعيوني |
رد: بنات انا مرررره محتاره بموضوع الابر المنشطه .. ممكن تساعدوني؟؟
متفائله انا متفائلهhwaml7
وربي ماراح يخيب ظني hwaml7 ان شاءلله ربي بيعطيني وبيعطي الجميع ان شاء الله |
رد: بنات انا مرررره محتاره بموضوع الابر المنشطه .. ممكن تساعدوني؟؟
الله كريم وخيره فيما اختاره الله
الصبر مفتاح الفرج ربي هب لي من لدنك ذريه صالحه |
| الساعة الآن 07:51 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .