|
ساعدوني نفسيتي تعبانه مرة00000000
السلام عليكم 00انا بقص عليكم قصتي وتحملوني شوي انا من تزوجت صار لي 10 سنوات مرتاحه جدا مع زوجي والله الحمد المهم زوجي يشتغل موظف في مدرسه بس تدرون الظروف ومتطلبات الحياه اشتغل شغله ثانيه ربي يعطيه العافيه المهم اشتغل في مطعم يخص ولد عمه المطعم هذا حق ولد عمه المهم اشتغل سنتين وبعدها ولد عمه وثق منه واجد الان فعلا زوجي امين مره لدرجه هو مامنه على فلوس المطعم والحمدالله على امانة زوجي المهم لااطول عليكم ولد عم زوجي يغازل ويحب يتعرف على حريم المهم عنده صديقه متعرف عليها من زمان حوالي 15سنه معها المهم من ثقته في زوجي امنه عليها قال لها اذا اتصلت المطعم اعطوها اللي تبيه من اكل اوفلوس اذا طلبت المهم قال حق زوجي اخذ رقمها علشان اذا صارت تبي شي وانا مو موجود تتصل عليك وخلي السواق حق المطعم يوصل لها الطلبات المهم هاذي قامت كلاتتصل على زوجي المهم قامت تبي تسوي علاقه مع زوجي صارت ترسل رسائل حق زوجي حب وغزل وحتى صورها ترسلهم حق زوجي قمت انا مره فتحت جوال زوجي وشفت زوجي يرسل لها عادي انا قمت وفتحت زوجي بالموضوع قال انا ابقى اجمع الرسايل علشان اوريهم ولد عمي اللي مضيع عمره ومضيع فلوسه مع المراه الخاينه خاينه زوجها وهم تخون صديقها وتاكل حتى عيالها حرام من المطعم انا كنت بدايه هالموضوع حامل قمت كلا افكر افكر وتعبت وانا حامل ويقولي زوجي لاتفكرين انتى ماتثقين فيني انا لو بخونك كان تعرفت على ناس قبل مااتزوج بس الحمدالله انا باعد نفسي عن الحرام بجي وانا في هالعمر اسوي الحرام عيب وانا قبل مااخاف منك اخاف من ربي المهم هي الى الان وهي تدق تسولف مع زوجي سوالف عاديه يقول بس انا احيانا اوسوس واقول شو يقول معها وكثر الدق يفك الحام صح تخيلو انا بعد ماولدت وجبت ولد توفى وولدي بجرثومه حتى قلت لزوجي كلا بسبب التفكير وانا حامل والسبب هالزفته وهالحريم اللي يدقون على جوالك ويطلبون عشاء اقول له ليش تعطيهم رقم جوالك خلاص يدقون على تليفون المطعم بس مالاداعي الجوال قال اذا وصل السواق لازم يدقون عليهم من الجوالات وانا تعبانه نفستي حيييييييييييييييييييييييل هل اثق في زوجي ولا لان احس تغير شوي عن اول اول يستحي مايكلم حريم والحين صار عادي من اشتغل في هالمطعم وانا الان من ولدت وتوفى ولدي وصار معاي نزيف وقت الولادة وانا من ولدت صار لي 3شهور وخايفه جدااا وافكر اقول اخاف احمل ويصير معاي نفس اللي صار يجيني نزيف ويتوفى اللي بجيب وهو زوجي يقول ثقي فيني لاتتعين نفسيتك والله مااحب الحرام وهالفتره طالع لي بطلعه ان هم ايحانا يوزعون طلبات ليله الجمعه على فقراء من غير دفع مبلغ صدقه يعني ليله الجمعه المهم تعرف على ناس فقراء وعلمني على اسم عايلتهم وقال مساكين مره فقراء المهم ام وبنتها في بيت واحد عايشن لحالهم حتى اهلهم اولداها مايدخلون عليها يعني كاسرين خاطره وهذي البنت كلاتدق عليه اذا يبون يطلبون من المطعم تدق على جواله عاد هو قاهرني يقول لي لاتفكرين واذا فتحت جواله اشوف مكالمات ومدة طويله تتعب نفسيتي وهو بعد عند جوال ثاني وحاط عليه رقم سري وانا تحترق اعصابي اقول يمكن فيه اسرارواحيانا اشوف مفتوح قبل ميتقفل واشوف مافيه شي ولارسايل عادي يقول لي زوجي انتى لاتشكين في وتتعبن نفسيتك وتحنين على راسي لان كثر الدق يفك الحام انتى ثقي فيني ولاتفكرين بس احيانا اجلس مع نفسي وافكر اقول ليش يعطيهم رقم جواله وهم مايستحون على وجيهم تعبت ساعدوني الله يخليكم اثق في زوجي واترك كل شي وريح نفسيني مين حصل معها نفسي ورمت حملها على الله لان بنات هالايام مايخلون رجال عاقل لازم يخربونه ويهدمون بيته حسبي يالله عليهم تعبت اسفه طولت عليكم 0000000000بس ارجوكم عطوني حل ودعو حق زوجي ان الله يهديه ويبعد عن عيال الحرام ويجعله سعيد معاي طول العمرررررر اسفه طولت
|
رد: ساعدوني نفسيتي تعبانه مرة00000000
ياقلبي الله يعينك ويصبرك ويعوضك عن ولدك خير ويجعله شفيع لك ويسخر لك زوجك ويبعد عنه بنات الحرام
حبيبتي لازم تتخذي مع زوجك موقف صارم يعني اذا كان هذا الشغله ماوراها الا المشاكل بلاش منها ليش يعني كل واحد عنده مطعم يكلم حريم خلق الله ماصارت والله ..قولي له ياتمنع نفسك عن هذي المكالمات لانها من خطوات الشيطان حتى لو مافي نيتك شي يا بروح لاهلي قوليها من باب التهديد يمكن ينعدل وربي ييسر امرك ويرزقك ويسخره لك ويعوضك خير |
رد: ساعدوني نفسيتي تعبانه مرة00000000
الله يعوضكم إن شاء الله بالذريه الصالحه عاجلاً غير أجل ..
وعلى زوجج جلسي معاه وتكلمي أنو هذا الوضع مو مريج ومسبب لج قلق فالافضل يايترك هذي الشغله وأنج تبين تحافظين على بيتج .. والله يخليلج ريلج ويبعد عنكم بنات الحرام ,, |
رد: ساعدوني نفسيتي تعبانه مرة00000000
حاسه فيج اختي
والغيره تذبح مره مافي وحده تتحمل كذا صراحه أجلسي معاه وقولي له انا زوجتك وأحبك وخايفه على حبنا مابي ولا ذرة شك تصير بينا وتدخل حياتنا علشان كذا انت لازم ماتخلي ولا بنت تكلمك قولي له انا ماارضى اغااااااااااار ماارضى اياً كانت تكلمك حتى لو بتموت من الجوع انا مايخصني تعبت من التفكير لازم ماتخليهم هالبنات يكلمونك وناقشيه ليه المكالمات مع فلانه هالمده الطويله قولي له الوضع مو عاجبك وربي ييسر أمورك ويجمع مع زوجك ولا يفرق بينكم يارب :) |
رد: ساعدوني نفسيتي تعبانه مرة00000000
الله يهديلك زوجك يا رب ويبعد عنه بنات الحرام
والله انا ما بعرف انتي ادرى بزوجك |
رد: ساعدوني نفسيتي تعبانه مرة00000000
الله يهديلك زوجك يا رب ويبعد عنه بنات الحرام
|
رد: ساعدوني نفسيتي تعبانه مرة00000000
خلي زوجج يفنش من هالشغله وفكي روحج عن المشاكل
|
رد: ساعدوني نفسيتي تعبانه مرة00000000
حبيبتي ترى الحريم ما منهم امان ان كيدهن عظيم انا اقولج ونصيحه مني لا تأمنين للحريم
ترى هم الا يغون الرجال وازعلي وسوي المستحيل عشان زوجش يتباعد ع الحريم وهالشغل ويشوف له شغله ثانيه والله يعينج حبيبتي ويصبرج |
رد: ساعدوني نفسيتي تعبانه مرة00000000
احسسن حل خليه يترك هالعمل اللي ماوراه غير المشاكل
|
رد: ساعدوني نفسيتي تعبانه مرة00000000
الله يعينك على مابلاك هم الرجال كده كل واحد سيوي هداك اللي مافي زيو ومايحب الحرام ولا تزعلي مني اول شي البنت وامها لا تقولو مساكين وياحرام اصلا استغفر الله البلاوي كلها تجي منتحت راسهم هي لو محترمه وتخاف الله ماكلمت او دقت على جوالو وبعدين المطعم موفيه تليفون خلاص ماله دقدقت الجوالات عندها طلب على المطعم خلاص لكن كلمي زوجك او حاولي تقنعيه يغير رقم جواله او احرقي الشريحه او كبي عليها مويه بالجهاز عشان مايرد وخليه يسيب الشغل في المطعم وعيشي على قدك بدل وجع الراس وهدا اللي اقدر اقوله لك
|
رد: ساعدوني نفسيتي تعبانه مرة00000000
الله يعينك ويصبرك ويعوضك عن ولدك خير ويجعله شفيع لك ويسخر لك زوجك ويبعد عنه بنات الحرام
من رأيي يايترك وظيفته او يقفل الجوالات والي يبي يطلب يدق على المطعم مالها داعي الرسايل والتعارف عشان يكشفها لولد عمه..ولد عمه ادرى فيها لو انها وحده محترمه ماخانت زوجها ووكلت عيالها اكل حرام والي بيسوي خير للفقراء مايوزع رقم جواله كل مابغو شي دقو كأنهم ماصدقو على الله يجيهم واحد عشان تلصق فيه بنتهم ويتمسك فيهم الله يسخره لك ويبعده عنهم |
رد: ساعدوني نفسيتي تعبانه مرة00000000
الله يعينك
بس فكري الاذن تعشق قبل العين احيانآ لاتسكتين وبيني له انه خلاص طفح الكيل وفهميه لو سويتي انتي الي هو يسويه بيرضاها |
رد: ساعدوني نفسيتي تعبانه مرة00000000
حطي فبالج نقاط
لا تكوني نكدية ويسير يشوف الحنان مكان ثاني لا تكوني حنانة ويسمع الكلام من وحدة ثانية فكري بعقلج اونتي تعرفين ريبج عدل ؟؟؟ طبعا فكري بالسلبيات قبل الاجابيات وحطي فبالج لا تفكرين فكرة تخرب لج بيتج ؟؟ ولا تفكرين تتطلعين من البيت وكثري المسجات له وكلام الحلو وكرهيه فالبنات اللي يكلمهم وبصراحة اللي يسويه حرام اذا ريلج كلم بنات <<<< خطر جدا جدا واذا يخاف ربه مو انتي الللي تقوليله شريط مسجل حديث فكري عدل ؟؟؟؟؟؟؟؟ مليون مرة قبل ما تخطين والله بوفقج |
رد: ساعدوني نفسيتي تعبانه مرة00000000
مشكورين اخواتي والله تعبت وانا اقوله انا تعبانه مره موحاس فيني ولامصدق لين ولدت وتوفى ولدي احس شوي خاف علي في البدايه وقت ماكنت ابكي على ولدي وتكلمت معه الف مره اترك هالعمل لاتخرب بيتنا بسبب ناس تافهه ماوراه الاخراب بيوت قال اصلا انا لو بخونك مااجي اقولك عن فلانه وفلانه زين ويقول لو بخونك كان حطيت لي رقم خاص واخليه في سياره علشان ماتدرين عن بس انا الحمدالله مااحب الحرام زين ويقول لي لاتكثرين هذره ترى كثر الدق يفك الحام وتدفعين الجى للحرام والله تعبانه مره تصدقون احيانا يقنعنعي بكلامه بس اشوف افعاله استعجب واشوف جواله من هالمكالمات والله تعبانه انا جالسه علشان اطفالي عندي 3 اطفال وامي متوفيه وابوي متزوج وتدرون مره الابو مومثل الام كلا اقوله لو امي موجودة ماجلست لك دقيقه في بيتك يقول لي اذا تبين تروحين بيت اهلك روحي تعبانه مره حيييييييييييييييييل ادعولي
|
رد: ساعدوني نفسيتي تعبانه مرة00000000
الله يعينك يارب ويصبرك ويعوضك بالذريه الصالحه والله انا مالومك بصراحه الغيره تذبح الله يهديه يارب ويبعد عنه عيال الحرام انا اقولك ريحي نفسك وثقي فيه وبعدي عنك الشيطان بكره يجيك شي والله ماراح ينفعك تسلي مع عيالك الله يخليهم لك ان شاء الله وما انصحك بكثرة الهذره بلعكس لما يجي استقبليه بكلام حلو خليك مثل اول معه يمكن كثر ماتقولين لها وتتهاوشين معه يطفش منك ويروح لبنات الحرام
|
رد: ساعدوني نفسيتي تعبانه مرة00000000
جزاكم الله خيراا مشكورة اختى وحدة من الناس فعلا انا اللي اسوي الان كذا علشان مايطفش مني ومن عيالي والله يهديه يارب
|
رد: ساعدوني نفسيتي تعبانه مرة00000000
أولا ثقي بالله
ثانيا ثقي بنفسك |
رد: ساعدوني نفسيتي تعبانه مرة00000000
انا تقريبا مريت فالي مريتى فيه لاكن الشغله يبغالها طولت بال وثقه فالي تسوينه
يعنى تسوي الشي بثقه موبرتباك اول شي سوي نفسك منتى شايفه شي ولا شاكه فيه وقوليله انا اعرف انك رجال عاقل وما تسوي كذا واناواثقه من نفسي وماراح تلقى زي مريحتك ومحافظه عليك تانى شي بس بعد ايام من كلامك حاولي تشككينه فيك بس على خفيف مومره تزودينها يعنى لما تكلمين امك اواختك ويدخل الغرفه اخرجي منها اوقفلي قولي يلا مع السلامه بس احذركى ماتزوديها وسويها بثقه سوي كذا عشان بس تشغلين باله بكي شوي ثالث شي ونتم جالسين على القهوه الشاي اي شي اديه قصص الحريم الخاينات والى ووووومايحتاج اكمل بس من غير ماتبينين انك تقصدينه اوتتكلمين على الحريم الى يكلمهم قصص مبهمه حتى لوقلك تقصدينى وريحى بالك ارجعي قوليله الكلام الي فالاول انك تثقين فيه وماتقصدينه وستعبطى وان شاء الله ربي يكتبلك الخير ويعوضكي البيبي طبعا مع كثره الدعاء واطلبي الله من فضله خاصه في صلاة الليل |
رد: ساعدوني نفسيتي تعبانه مرة00000000
أسفه حبيبتي عالرد لكن عسى زوجي يكلم وحده والله لأطلعها من عيونه,,الرجال مالهم أمان,أنت مثل اللي تحط النعجه مع الذيب,,تأملي بحالك أنت وزوجك زين وقيسي كل شي بمقياس الشرع ,
ترسله رسائل وصورها وكلام كثير ,,هذا كله حرام ,إذا من جد محتاجه خل تتصل عجوالك وتقولك وش يبغى وأنت وصلي طلبها لزوجك,,وصلى الله وبارك.. |
رد: ساعدوني نفسيتي تعبانه مرة00000000
يشتغل بالمطعم من غير اتصالات وجوالات وقولى لة يريحك من الشغلة ولا يشتغل باحترامة من غير نسوان واللة يهى سركم
|
رد: ساعدوني نفسيتي تعبانه مرة00000000
[quote=اميرةفى امانيها;601981]يشتغل بالمطعم من غير اتصالات وجوالات وقولى لة يريحك من الشغلة ولا يشتغل باحترامة من غير نسوان واللة يهدى سركم وانتى لاتشيلى هم كتير وضحى وكونى صارمة معاة
|
رد: ساعدوني نفسيتي تعبانه مرة00000000
اختي لا تأمني لوهو يكلمهم عادي بوجودك وما تتغي صورته يعني يبقى الامر عادي ولو يكلمهم وصورته تتغير يعني في شي خلي بالك بس اقلك شي لا تنرفزينه خليه يحبك كثير انتي تعرفي شو يعجبه اكثري منه حينسى كل بنات الدنيا ولا تولي له لا ابداً حاضر من عيوني حيبيع الدنيا عشانك نسأل الله لك العون وجعل ولدك شفيع لكي بالجنة
|
رد: ساعدوني نفسيتي تعبانه مرة00000000
مشكورين اخواتي
|
رد: ساعدوني نفسيتي تعبانه مرة00000000
الله يعينك ويصبر قلبك ويعوضك خير في ولدك ويرزقك الذريه الصالحه المتعافيه
|
| الساعة الآن 06:54 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .