منتديات حوامل النسائية - غرديلي يالطيور الله رزقني عمور .. ( للفائده )

منتديات حوامل النسائية (https://naqatube.com/index.php)

- إستفسارات مرحلة الولادة (https://naqatube.com/forumdisplay.php?f=96)

غرديلي يالطيور الله رزقني عمور .. ( للفائده )

السلام عليكم ورحمة الله وبركاته0
كيفكم كروشات ان شاء الله بخير حبيت اسلم عليكم واقولكم قصة ولادتي
مادري هي للفائده او لان ودي اتكلم او يمكن عشان اعرف شعور البكريات بانهم يحبو يعرفو قصص الولاده شوقا للموقف او رهبة منه ..hwaml02
عموما راح اقولكم انا من حملي وانا اشوف قصص الولاده ومتشوقه للحظه الولاده
وبصراحه ماكان عندي خوف كبير منها لانه بنسبه ليه شي مجهول فكنت مااتخيل شكل الطلق كيف .؟!
وعلى ماسمع من الحريم انه مغص مثل الدوره قلت يالله شي معقول ..
المهم حضرت شنطة الولاده من نهاية التاسع ترقبا للمخاض
فكانت الدكتوره تقولي ان ولادتي في محرم والسونار يقول في 28_12
المهم كنت اسمع من الحريم ان الوحده قبل الولاده يجيها نشاط المهم في يوم الاربعاء جلست ارتب البيت مع الخدامه قلت بكرفها وصرت اقولها سوي كذا وسوي كذا من بعيد لبعيد ماسويت شي الا الغدا فقط ............
المهم قبل ماتمشي الشغاله قالت يامدام انا ممكن اجي بكره ولاقي النونو معاكي انتي شكلك تعبان وانا اضحك عليها لان مافيني ولا شي الحمدلله وكنت متوقعه ان موعد الدوره ادق وماراح اولد في الحج
فراحت الشغاله وجلست على النت الين المغرب حسيت بخمول ونمت وانا نايمه حاسه بمغص بسييييييط زي كانه وقت الدوره والدم بينزل المهم صحيت الفجر وانا رايحه جايه طول الليل على الحمام فا الفجر حسيت بزيادة اللام رحت اتوضى ولقيت دمhwaml43 وانا مفجوعه
صحيت زوجي ورحت المستشفى على اللام بسيط بس انا وقتها كنت احسه مولم لاني ماكنت اعرف اللام الطلق المهم رحت وسوت لي كشف من تحت والله انه اخص شي وبعد ماخلص قصتي حكتب لكم النصايح وان شاء الله تفيدكم المهم قالو الرحم مفتوح واحد ونص وعنق الرحم سميك بس حنطلعك كشك الولاده عشان نطمن على وضع البيبي والطلق جلست الين الصباح ودقيت على امي وانا ابكي ابكي خوف مو الم فا بعدها بساعه قالت الدكتوره خلاص خروج وقالتلي نصايح اني اشرب شي دافي واحضر اغراضي وامشي سالتها متى اولد قالت هذا في علم الغيب ولكن عنق الرحم سميك وراح تاخذي شوية وقت لانك بكريه كمان
المهم خرجت من المستشفى ودقيت على امي اطمنها لقيتها فديت قلبها جايتني في المستشفى واخذتها معايه وودانا زوجي ابو زيد نفطر وانا افطر يجيني الطلق كل شويه بس قلت بصبر لاني تالمت من الكشف وللامانه مو كلهم الموني بس وحده وكرهتني الكشف حطيت في بالي اني مهما تالمت لازم اصبر عشان مابغى اروح بالم طلق وبعدين كشف ويطلع اثنين ولا واحد سانتي hwaml15
المهم بعد ماخلصنا من ابو زيد رحت بيتي مع امي وتغدينا وعلى قريب العصر راحت امي وهي تقولي حاولي تنامي ممكن الولاده اليوم انا اقولها كيف انام والطلق يجي ويروح المهم راحت و زوجي حاول يخليني انام بس ماقدرت وعلى الساعه 10 بالليل قال خلاص انا بنام وانتي نامي انا قلت له طيب مع اني متاكده اني ماحقدر انام وكمان لازم هو ينام عشان لارحت اولد يكون فايق معايه المهم خليته ينام وانا رايحه جايه الحمام كل ماجاتني طلقه جاني حشر بعدها ... صبرت صبرت ومعايه ورقه وقلم اكتب وقت الطلق لان الدكتوره تقول كل عشره دقايق ثلاث طلقات وانا احاول امشي واشرب اشياء دافيه واحاول اتروش والله اني بين الطلقه والثانيه ماقدر امشي بس قلت بسوي كل الوسائل لاني بولد او خلاص برتاح بنام لاني بالاخير تاخر الطلق صار يجي كل بعد عشره دقايق مره فصرت ادعي ربي يارب بنام يارب اجلها بس الحمدلله ربي رايد لي الخير .. رحت على الساعه 2 ونص اجيب الدواء واتوضى واصلي وانا مقرره بعدها اصحي زوجي بروح خلاص .. بس قلت بصلي ركعتين وصليت وادعي من قلب برغم اني مادري ويش كنت اقول من ايات لاني مرهقه بالاضافه الى الم الطلق وجاني زوجي انا اصلي قال اشبك مانمتي قلت خلااااص قوووم وديني قال راح يكشوف عليك من تحت ويتعبونك اصبري شوي قلت خلااااااااااااااااااص والله ماقدر قالي انا راح اوديك بس عشاان يدونك منوم لانك مانمتي من امس ورحنا وكشفنا وقالت الرحم مفتوح سته ونص وزوجي يقول يعني خلاص نرجع البيت خخخخخخخخخخ قالت ايه ولاده اي بيت على فوق فورا وانا اطلق بالطوراى قاالت لا مش هنا فوق لاتولدي علينا دلؤتي ههههههههه المهم طلعت فوق بالسرير وقالت الدكتوره كلها نص ساعه ساعه راح تولدين وانتظر انتظر والرحم مازاد الا نص سانتي صار سبعه وقالت خذي نفس لان بيبي مافي اكسجين كويس المهم تركت اكسجين البنج وصرت باكسجين عاادي عشان الجنين وطول الوقت ادعي اللهم لاسهل الا ماجعلته سهلا .......
طبعا وقت الطلق لو بقلبي ..
واذن الفجر تذكرت باني اصلي وقت شدتي لجل ان الله يوقف معايه ويسهل لي صرت اصلي باصباعي ...
وجاتني الدكتوره وعلى الساعه سبعه تقولي المثانه مقفله على الرحم والبيبي مش راضي ينزل و انا رااااااااافضه اسوي قسطره وبنهايه جلست تقولي احنا نعرف المصلحه وين المهم وقلت في بالي لازم اساعد نفسي واولد وساعدت نفسي الين الساعه 8 قالتلي الرحم مفتوح 9 ساتني هيا ولاده دقو على الدكتوره وفرحت وخفت وشغلو الكشافات وفردو رجلي وتجي الدكتوره وانا ادف وتقولي هيا اولي معايه ( يا مخلص النفس من النفس خلصني ) وشجعتني الله يرزقها هيه والممرضات وهم يضغطو على بطني الله يستر عليهم عشان ينزل الراس بسرعه فجئه حسيت بدوخه واشوفهم حلم قالتلي انا دلؤتي اديتك ابره حتخفف عنك وحتساعدك والحمدلله فجئه اشوف البيبي على بطني يحاول يبكي اللهم لك الحمد كما ينبغي لجلال وجهك وعظيم سلطانك .. بعد الولاده ادوني ابره وقالت نامي خلاص ونمت ممكن ساعه واشوف زوجي يجي ويروح مرتبك ويقولي مبروك والممرضه تقول مثله والدكتوره وانا مااادري عن احد احسهم حلم ..
وبعدها جات امي ورحت غرفتي وانا امسك بطني من الفرحه ياااااربي ولدت لا مومصدقه ان ربي فكني وين كنت وكيف صرت الحمدلله الحمدلله الحمدلله....

ذحين نجي للنصايح وتقبلوها مني يمكن ماتناسبكم وا تعرفونها لكن انا جربت وودي افيدكم وابغى منكم الدعاء بظهر الغيب ان الله يوفقني ويسر اموري كلها ..

البكريات ..

لاتخافي من الولاده لان الخوف يعسرها حطي في بالك بانك مو اول وحده ولااخر وحده تولد
وتذكري فرحتك بعد الولاده وشي منك راح تشوفينه
لاتسمعي للحريم يقولوملك الموت حولك وعذاب و هم والله شي مبالغ فيه صح في الم ولكن ماراح يموتك باذن لله تقدري تتحملي يعني لوسنك عورك تالمتي وزعلتي لو يدك مثل الشي خلاص الولاده زيهم مافي فرق الم وراح تصبري عليه باذن لله
حطي في بالك بان الله عزوجل راح ياجرك على كل طلقه والم انتي في كل الاحوال راح تتالمين انوي باذن لله من ذي الساعه بان اي الم يارب اجرني عليه ...

تفائلي تفائلي تفائلي بان مهما وصل الم الطلق بعدها راح ترتاحي كل الم الشهورراح تنتهي ..
ساعدي نفسك بنفسك لاتنتظري دكتوره اوزوجك او امك من بعد الله عزوجل انتي ساعدي نفسك وقت الطلق روحي حطي الدش الحار على ظهرك وبطنك
وقت الطلق اشربي عسل مع مويه دافيه و بعض الاعشاب ماعادا الدارسين لانها تسكن الالم ولكن ماتفتح الرحم ولا اليانسون لانه يقفل الرحم وكل ماجاتك الطلقه امسكي اسفل بطنك بالضغظ شوي والدعاء وقت الطلقه اواخذ نفس بعمق
وحاولي قد ماتقدري ماتروحي المستشفى الا لمن خلااص تشوفي انه وراءبعض والله راح ترتاحي لوجيتي وقالولك خلاص مفتوح عكس لو رحتي كل شوي وفوق الم الطلق الم الكشف ..
المهم حاولي كل طلقه تروحي الحمام وتفضي المثانه ولا تسمعي للحريم الي يقولو الخروع والله عذااب الطلق اهون انا ماجربت ولكن هذا الكلام الي جربوه، وبعدين بالعقل مغص دوره ليه اجيب معه مغص تسمم واسهال راح تشيلي هم الروحه والمستشفى .. هذا راي ..
وبقولكم على شي سويته ولكن حاولو لسويتو تسونه بتركيز
وقت الطلق حاولي تدفي فقط فقط وقت الطلق
عشان تضيعي الطلقه وكمان تفتحين الرحم بسرعه ولكن ذي الحركه بعد القسطره لجل انها ماتضغط ع الرحم ويحصل شي عكسي ...
وخلي جنبك تمر وياحبذا رطب وكلي وقت الي مافيك طلق
وباذن لله راح تتفاجي بان الرحم يفتح بسرعه باذن لله ..
المهم لارحتي المستشفى وقت الكشف من اسفل خذي نفس وخليها تكشف وصدقيني مو الكل يالم ووقت الطلق ماراح تتالمي مره بس في البدايه وعلى حسب الدكتوره ..
ولو قالولك قسطره او اي اقتراح اقبليه هم ادرى ولا تاخري ولادتك ..
بعد ماتروحي غرفتك ويعطونك مسكن ومضاد لابد لابد تسوي تحليل للمضاد لانهم الله يهديهم ماسولولي وبعد اسبوع جاتني حساسيه بجسمي تعبتني مره ..
وبعد الخياطه انتبهي لجلستك والنظافه من اسفل بهدؤء بدون عنف ..
الله يسهل للجميع ويسر ولادتكم

بنهايه اذكركم بالدعاء الدعاء الدعاء والصدقه ...

اختكم
احساس..