|
بنات تنصحوني ابلغ الهيئه
السلام عليكم يابنات كيفكم
انا كتبت لكم مشكلتي انه فيه بنت حرام رمت لزوجي الرقم في السوبر ماركت واستمرت علاقتهم اربعه ايام وبعدها اكتشفت وانهى زوجي كل شي بعد ماجرحني وسامحته المهم الحين يابنات انا عندي رقمها وزوجي يقول انها تتصيد العوائل في السوبر ماركت وانها مستعده تقدم اي شي عشان لفلوس اي شي انا يابنات محتاره اقدم الرقم للهيئه ولا استر عليها واتركها لربها مع العلم ان قلبي محروق للان لان زوجي تغير كثير خايفه اسكت وتخرب بيوت عمرانه والحريم ياغافلين لكم الله واكون شطان اخرس محتاره بالله شورو علي ابلغ ولا لا وهم يجيبونها بطريقتهم حتى لو كانت الشريحه بدون اسم |
رد: بنات تنصحوني ابلغ الهيئه
استخيري هاذا الحل الاحسن
ترى الهيئه مو بالسهل انا مدافع عن البنت ولا اقول بنت حرام ولا حلال >> مايجوز لكن الهيئه تفضح ومرات تبهذل وتروح سمعة البنت خصوصا لو كانت بنت ناس وتروح سمعة اهلها او من الصدمه احد يموت من اهلها اخاف تحملي ذنب فافضل شي الاستخاره |
رد: بنات تنصحوني ابلغ الهيئه
عزيزتي سويت مون اول شي اشكر ردك بس والله قلبي محروق ومن الكلام الي قالته لزوجي مستحيل تكون بنت ناس ولا كان اهلها ردوها
قذره بمعنى هذي الكلمه جلست تجري وراه تبغى توريه جسمها وهي ربي كما خلقتني وتبغى تقابله لوحدهم هذي محترمه وبنت حلال؟ علمها عند ربي صح زوجي غلط بس هي الي بلته بنفسها واذا على السمعه الهيئه عندها سريه تامه اذا المتزوجات يرجعون بيوتهم وازواجهم مايدرون عن شي ودي تذوق الويل عشان تبطل تجري ورا الناس المحترمه وتخرب بيوت وتسبب شتات اطفال ورح استخير واللي فيه خير يقدمه ربي |
رد: بنات تنصحوني ابلغ الهيئه
فاهمتك ياختي وربي مقدره وضعك
وعارفه البنات اللي حالتهم كذا الله لايبلانا ويستر علينا استخيري وكوني ادعي ان ربي يكفيكم الشر ويبعد عنكم كل مكروه |
رد: بنات تنصحوني ابلغ الهيئه
استخيري قبل كل شي
لو انا مكانك اكيد اخبر الهيئه عشان تتربى وتعرف ان الناس ماهي لعبه ومن هب ودب سوا الزنا معاها ومع غيرها خليها عبره لغيرها تستاهل الي يجيها ولا ليش تبي الحرام وتلاحق خلق الله! هذا رأيي وانتي براحتك |
رد: بنات تنصحوني ابلغ الهيئه
اللهم استرنا على الارض ويوم العرض والله الرك على زوجك لو مين كانت وايش سوت مايتنزل من وحده لازيها ولا اعلى منها زي ما الحرمه تزني الرجال يزني وكلهم محاسبين امام الله رجم ماقال بس الحرمه او الرجال
الله يسخره لك ويبعد عنكم كل مكروه من شياطين الجن او الانس وقولي اللهم اكفني اياها بما شئت وخوفي زوجك من الله |
رد: بنات تنصحوني ابلغ الهيئه
حبيبتي والله رأيي من راي سويت مون،، ربك كفيل بها..
وحسابها عند ربها،، انتي بس ادعي ان الله يسخر لك زوجك ومايشوف من الحريم غيرك،، ومن غير زعل زوجك برضو غلطان يوم انه عطاها وجه! البنت أكيد ماتمادت الا يوم حصلت احد يتجاوب معها.. فلا تشيلينها الذنب بروحها وادعي الله بقولك: ربي اكفيني اياه بما شئت.. انتي تعرفين جزء من القصة ومن طرف واحد بس.. تحسبي ووادعي لها بالستر والهداية ومايضيع شي عند ربك.. ابن آدم خطاء وخير التوابين الخطأين،،وزوجك اخطئ ويوم اكتشفتي انهى الموضوع ماكنت تدرين لوين بيوصل معها وعشان يكفر عن خطاه أعطاك رقمها عشان يبرر لنفسه وانه ندمان.. دام كذا الافضل انتي تكلميها وتنصحيها اذا المقصد النصح والهداية .. انتي الان تتكلمين بدافع بغض وعصبية لو هديتي بتشوفي الامور من منظور ثاني.. |
رد: بنات تنصحوني ابلغ الهيئه
لو تركتيها كنت أنانية
تخيلي أنك زوجة رجل آخر سوف تصطاده بحبائلها الأمر ألأخر بلاغك إنقاذ لها من براثن الهوى توكلي على الله وبلغي عنها |
رد: بنات تنصحوني ابلغ الهيئه
انا اقول تبلغين الهيئه وخلي تربيها اذا اهلها ما ربوها
خلي تروح تركض ورة العزاب ليش حاطه بوزها ويه المتزوجين انا لو مكانك كنت بلغت الهيئه هالزانيه تستحق الجلد قال ايش قال ترمي لرجل رقم وزوجته معاه ما تستحي على دمها بعدين اختي اعذريني على قساوت كلامي بس زوجك كيف ينزل نفسه لمثل هيك مستويات منحطه؟؟؟!!! |
رد: بنات تنصحوني ابلغ الهيئه
والله يابنات كلامكم كله على عيني وعلى راسي
انا عارفه ان زوجي غلط بس هو انسان يخاف ربه ويصلي ويحبني وعمره ماكدرني ولاقصر معي هي عطته الرقم اكثر من مره لما ابعد عنه في السوبر ماركت واخر مره قالت حتندم لو ماخذته واخذه وحلف بالله انه اخذه من باب الفضول الله يهديه الشيطان زين له سوء عمله اما هي فانا مستحيل انزل نفسي واكلمها لانها حثاله وماعندها اخلاق اطلاقا ممكن تجرحني بالكلام وممكن تكذب ومثل هلاشكال قلوبهم ميته ماتنفع فيهم النصيحه والرقم انا طلعته من الفاتوره هو ماعطاني اياه الموضوع مر عليه اكثر من شهر بس فيه شرخ في علاقتنا من ناحيته احسه ندمان لانه يقول انا ماسويتها وانا عزابي اسويها وانا متزوج وانا احس اني حاقده ومو قادره انسى شي لاكنه في النهايه ابو عيالي ولازم اسامحه وخير الخطائين التوابين ويبقى الجرح في القلب بس لايمكن اقارنها بزوجي هي عندها اكيد مليون واحد تكلمه وتلعب عليه وهو هاذي او مره يغلط من تزوجته فيه فرق وهو اقسم على القران انه كان بينهي كل شي اليوم الثاني قبل ماكتشف شي واعترف انه نزل لمستوى مو مستواه انا ماعمري قصرت معه ابد بس الشيطان لابغى يخرب بيت ولقي احد يطاوعه خربه حبيباتي(( جولييت شوق زوجها نور هنادي تنادي قطرات الندى ))الله يسعدكم على ردودكم الحلوه الي حسستني ان لي احد الجاء له بعد الله مازلت محتاره الا اني اميل للتبليغ عنها لان مو كل زوجه بتكون ذكيه وتلاحظ ولاكل رجال بيترك مجال للشك كم بيت بتدمر وكم اسره بتفرق ولازلت اطلب مشورتكم يالغوالي |
رد: بنات تنصحوني ابلغ الهيئه
انا من راي تبلغين عنها
حرام تخرب بيوت عمرانه بالحب والسعاده ومجرد ماترمي الرقم تغير حياة الاسره فاانتي بلغي عنها عشان يمكن اذا بلغتي عنها ربي يهديها وتصير بنت ناس وسنعه ووتتوب لربهاااا وهي لو ضلت كذ1 راح تكثر ذنوبها فاانتي لو بلغتي عنها بتسوي خير فيها يمكن لعلى وعسى تتوب توبه نصوحه.. |
رد: بنات تنصحوني ابلغ الهيئه
شوفي حبيبتي لازم بالأول تناصحينها يعني خذيلك اي شريحة من اي محل ( مجهوله ) ودقي عليها أو أرسلي لها مسج خوفيها بالله وان رقمها عند موظف بالهيئة وقاعد يراقبها وإذا ماانتهيتي وتبتي لله راح ياخذونك من بيتك و يكتبون محضر في مقر الهيئة بوجود أهلك وقولي لها والله لأبلغ المدير العام للهيئة و أرسله ايميل بتصرفاتك وأرقامك وأقول افضحوها بعد كذا لو ماارسلت لك اعتذار او ندم او وعدتك انها تترك هالطريق ذيك الساعه ادعيلها ان ربي يهديها أنا ما أنصح بالهيئة يمكن يمسكون زوجك بعد لإن عندهم إمكانية مراقبة المكالمات ويمكن يكتبون عليه شي او ملاحظة لا سمح الله بما أنه كلمها بعدين المرة تخرج منها زي ماتخرج الشعرة من العجين والرجال هو اللي ياكلها ينجلد وينسجن ومدري وش؟ لا تتهورين انصحك وخليك وراها عقديها بدون مايدري زوجك و لا تجيبين سالفتها له والله يصلح حياتكم ويسعدكم يارب |
رد: بنات تنصحوني ابلغ الهيئه
سبحااااااااااااااان الله
يعني تغفري لززززززوجك وذنبه عند الله زي ذنبها يعني دام كلمها اخذ ذنب زي ذنبها بالظظظظظظظبط وغفرتيله ووو عشانك زوجته وهذي بتبهدليها وماتبي ربك يحاسبها شوفي انا مع راي سويت مون سيبيها لربك يمكن انت ناوية بس تفضحيها وربي مخبيلها شي يمكن فووووووق او اكتر من اللي تبي تسويه فيها مايدريك تصاب بحادث يشوهها ويخليها عبرة حررام ربي للان ساتر عليها هو ربي رايد كدا وبعدين اش دراك اهلها راضييييييين انت عارفة في بنات يا اختي والله عقارب يخدعوا اهلهم ويستغلوا ثقتهم وانت ورائيك بس بصراحة زوجك عنده حلال ليييييييش مدور ع الحرام هي تعتبر مو مزوجة ماعندها اشباع عاطفي و و و وزوجك ماحب اللي تحط تبريرات للي تباهم وتلوووم الغير ربي ينصرك ويفرج همك وحسبني عليها وربي بياخد حقك |
رد: بنات تنصحوني ابلغ الهيئه
وعليكم السلام
هلا اختي ،، اولا ليش تبرري لزوجك ؟! ترى زوجك كمان غلطان لانه اعطاها وجهه !! مو صغير عشان تعتذرين له وهو عارف انه هذا خطأ وبعدين ي قلبي الموضوع تقولي صار له شهر يعني مو كأن المده فاتت عليه وع بنت الناس الله يهديها وخليها ع الله ربي حسيبها وانت ادعي ان الله يسخر زوجك لك ، ولا يغير عليكم ويحفظه لك وان شاء الله ترجع علاقتكم احسن من اول بكثير بس انت لا ترجعي تفتحي لزوجك موضوعها مره ثانيه ،،، الله يطمن قلبك ي عسل |
رد: بنات تنصحوني ابلغ الهيئه
تفاحة حبيبتي مو المقصد نجرحك بالكلام بس الحق حق حتى لويزعل
وربي ان سويت مون وتعبنا نشرب الغربة وروز وحجازيه قالوا نفس اللي بقوله حنا ترا بشر ومانلعب دور الرب ولا القاضي بمصير الناس بمجرد تصرف سمعنا فيه لناس أغراب ماتربطنا فيهم صلة ونبي نحدد مصيرهم ونتوعد لمجرد ان حنا انجرحنا وصار بقلوبنا شرخ صعب يلتئم ومجرد طاريهم يذكرنا بوجوده،، واللي نحبهم وأهلنا على طول التبرير والعذر لهم دوم على طرف لساننا.. حبيبتي تذكري دوم لايعذب بالنار الا رب النار.. وفيه آية ماني حافظتها نصاً والله بس معناه انه ليس عليك بهدايتهم الواحد ينصح او يدعي بالخير والهداية والضلالة بيد الله .. فالأخير ياقلبي هذي وجهة نظر ومبدأ لأني تذكرت مبدأ حماتي اللي دوم مهما غلطوا عيالها يظلون صح والاغراب اللي ماتربطها فيهم صلة هم الغلط وقليلين الذوق حتى لو احد أولادها سوا كبائر الذنوب دايم له تبرير وعذر عندها بس لو انتي صح وبقرارتها تعرف هالشي ابدا انتي راكبك الغلط من ساسك لراسك لأنك بالأخير تظلين مو منها .. والعذر حبيبتي ع الإطالة .. |
رد: بنات تنصحوني ابلغ الهيئه
الله يكوووووون بعونك اختي
مثل هالمواضيع مالك الاربك تتوكلين عليه وتستخيرينه لجل ماتخسرين اكثر خيتووو الهيئه فيها ناااس خيرررر وماوضعت الا لهالامور وحفظ الشرع وربي يقدم لك الخيررر |
رد: بنات تنصحوني ابلغ الهيئه
اقتباس:
وكلامك عن الهيئه لااا تكلمينهم برقمك كلميهم بشريحه ووابري ذمتك اذا هالشئ بخاطرك وبيطيبه وربي يسر امورك |
رد: بنات تنصحوني ابلغ الهيئه
استري عليها يا قلبي
و أحتسبي الأجر عند الله و تذكري من ستر على مسلم ستر الله عليه في الدنيا و الآخره عارفه قلبك محروق .. لكن انت أطلبي رضا الله و زوجك يمكن متغير مستحي من نفسه و ندمان و كلها فتره و يرجع لك بإذن الله و قولي حسبي الله و نعم الوكيل فيها .. و الله يرد لك زوجك رد حسن و يسخره لك |
رد: بنات تنصحوني ابلغ الهيئه
يالله هالموقف مر علي كثير مع وحدة معروفة بطياشها وخرابها مع الشباب
ونصحتها كثييييييييير برسائل من جوال ولااتعظت ووالله يشهد إنها بنت ناس بس ثقة الأهل عماهم عن عمايلها من وراهم وطرى على بالي نفس حركتك يالغلا بس ترددت كثييييييييييييير بس نصيحتي لو تعرفين أحد بالهيئة وتفهميه الوضع بالكامل وإن غرضك هدايتها وليست فضيحتها فتوكلي على الله بس بدوووون فضيحه لها ولا لأهلها الله ييسر لك الخير يالغالية وهذا من باب الأمر بالمعروف والنهي عن المنكر أخواتي أشجعك أختي الغالية والله يهدي شباب وبنات المسلمين |
رد: بنات تنصحوني ابلغ الهيئه
عجبت من أمرء ستره الله وفضح نفسه ...
أسفه اختي بس أنا بعرف ليه حللتي لزوجك وحرمتي على البنت؟ أول شي ومن دون زعل ... أنتي تعرفي الغيب؟ أستغفر الله ... بس انتي إيش اللي يخليكي واثقه من كلام زوجك انها هي اللي عاكسته؟ مو اهو نفسه اللي كان يكلمهاا؟ ولا يوم طاح الفاس بالراس أنحطت على البنت ... أعذريني من اسلوبي معاكي ... بس انتي مو متأكده 100 بال100 من حقيقة الموقف !! من ناحية زوجك الله يهدية ويعمي عيونه عن الحريم غيرك ... واذا كان عن البنت الله يهديها وماتدري عنها بجد يمكن تكون بنت ناس واهلها مايدرون عنها فلو سويتي شي طاااحت العائله كلها وسط الحضيض ... وماتدرين يمكن البنت مظلومه وانلعب عليها واحد مرسلها على زوجك ؟ أو يمكن زوجك اللي يكلمها ؟ أويمكن تمون بنت مو مؤدبه ؟؟ >>>شفتي فيه كذا احتمال للموضوع.... أنتي تعامل بالاحتمال اللي يدل على شخصيتك ومثل ماتغاضيتي عن زوجك تغاضي عن بنت الناس وربي يهدي الجميع ... ما انصح بالهيئه مو لان الهيئه بيفضحونها او لاي شي .. بس لسبب يمكن يمثل نص بالميه أن البنت تكون مظلومه ولو دعت عليكي ... دعوة المظلوم مجابه .... تغاضي عن الموضوع وربي يهدي الجميع ولاتنسي أهتمي باللي عندك عشان مايطالع للي برااا.. أتمنى اني مااكون ازعجتك بكلامي بس الحقيقه مرره ... تقبلي احترامي.. |
رد: بنات تنصحوني ابلغ الهيئه
اولا اشكركم كثير على كلامكم الي ريحني وفي نفس الوقت اتعبني
انا مابررت ابدا لزوجي وعارفه انه غلط ماتكلمت وطلبت نصيحتكم عشان تقولو لي اني واقفه في صفه وهي ابغى افضحها لا والله غرضي في التبليغ مو هدايتها ولا فضيحتها (انك لاتهدي من احببت ولاكن الله يهدي من يشاء) غرضي اكفي شرها واحط نفسي مكان اي وحده ممكن يسوي زوجها مثل زوجي ويجرحها كم معاناه ممكن اختصر لو بلغت انا حقي ربي بياخذه لي فكرة الشريحه خطرت على بالي بس وش الفايده بتطلع رقم ثاني وتستمر بصراحه تفاجأت من هجومكم واني ادافع عن زوجي انا لو شاكه واحد في الميه انه مو غلطان ماكتبت مشكلتي من الاساس زوجي اول مره يغلط من تزوجته والله يعفو ويغفر مين انا عشان ماسامحه هذا اذا كان قلبي فعلا سامحه لاكن وحده ماعرفها ولا عمري ضريتها تبغى تخرب بيتي بدون سبب ليه اسامحها هذا حق شخصي والنار ماتحرق الا رجل واطيها الي قالو اني متحيزه ماحسو بالي مريت فيه بعدين زوجي رديته وهي من بيردها عن بنات الناس تقول انا اموت في العوائل السعيده تجذبني لان متعتها في خراب البيوت تنزل تتصيد الناس وقت الرواتب كم بيت خربت كم قلب حرقت اعظم امر عند الشيطان يسعده التفريق بين المرء وزوجه حطو انفسكم مكاني ورح تحسو فيه فعلا وبعد مافكرت واستخرت قررت اتركها لربها يريني فيها عجائب قدرته ويبعدها عن عباده الصالحين ويكفيني فيها بما شاء |
رد: بنات تنصحوني ابلغ الهيئه
اهنيك ع قرارك وان دل يدل ع ايمانك وثقتك بالله عز وجل وانتقام ربك اذل من انتقام العبد وربي راح يوريك ودامها ظلمتك قولي يارب وانت عارفة دعوة المظلوووووم كيف بتوصل لربنا وبياخذ بحقها
ويارب يوفقك ونحن عارفين شعورك وقههههههرك ويمكن مهما قلتي ماراح نحس لاننا ماشفنا نحن مبدئنا كان ع الفضيحة وصدقيني الهداية من الله يمكن لو بلغتي الهيئة وانسجنت او او وانعدم مستقبلها يمكن راح تكون اوسخ مما تتخيلي كون انها فقدت الامل اتركيكي من وجدة زيها ماتسوى والله انك اكبر من هالحقيرة واشرف وفكري انك كيف تخليها ولاشي بحياتك انتي اكبر واشرف من وحدة حثالة تخليك تنقهرررري فكري بزوجك وبيتك وانسي هالحقيرة وسيبيها لربببك وربك مايخيب ظنك باذنه |
رد: بنات تنصحوني ابلغ الهيئه
_
اتركيها وحافظي على بيتك وزوجك ومالك شغل فيها ولاتقولين تخافين تخرب بيت غيرك !!! لا لا الرجال يعرف الصح من الخطأ وهو المسئول انه يحافظ على بيته مو انتي اتركي الناس بحالها وكل واحد ذنبه على جنبه بعدين ماتدرين عن الدنيا انتي تدخلين سين وجيم وماتدرين عن العواقب وربي يهدي لك زوجك ويهدي كل الناس ويبعد الحثاله عن طريقنا ياااارب |
رد: بنات تنصحوني ابلغ الهيئه
ياقلبي ياتفاحة ،، العفو عند المقدرة وربك يمهل ولا يهمل
والله مبدأ الفضيحة ماينفع احد وربي قادر يأخذها أخذ عزيز مقتدر..وصدقيني بإذن الله جزاك عند ربك عظيم ،، وترا الدعاء سلاح عظيم .. ربي يهدي سرك ولاتلتفتين لتوافه الامور وترفعي عنها بإذن الله مايضيع شي كل شي عنده بكتاب.. |
رد: بنات تنصحوني ابلغ الهيئه
ياعمري هذي مايبي لها كلام المفروض حتى ماكتبتي تسألين او تشاورين احد عل طول الهيئه الله يبارك فيك وش تنتظرين تخرب بيوت ثانيه هذي من كلامك بنت شوارع وهي اصلا بائعة هوى وليست بنت ناس واتحدى تكون بنت هذي وحده يمكن يكون فيها ايدز وتبي تبلي خلاق الله وتهدم البيوت
انا صار لي موقف لكن مو زوجي وبس اخوي وبلغت الهيئة ولله الحمد صادوها وكانت مريضه بالتهاب الكبد الوبائي وجالسه تعدي خلق الله لكني الحمدلله تلاحقتها ورميتها بالسجن وهذي تاخذ جزاتها بهالمكان القذر لأشكالها القذره الله لايبلانا |
رد: بنات تنصحوني ابلغ الهيئه
طيعيني وربك بيأجرك لاتكوني شيطان اخرس وتستمر هي بالفساد وخراب البيوت علمنا رسولنا ان نغير المنكر كل ماقدرنا والحمدلله عندنا الهيئة الله يجزاهم خير هم اسود مجتمعنا
وانتي ماراح تظلمينها بالعكس هي ظلمت نفسها لمن مشت هالممشى |
رد: بنات تنصحوني ابلغ الهيئه
بلغي الهيئه نصيحه الوسخين اللي مثلهم يستاهلون احد يوقفهم عند حدهم
|
رد: بنات تنصحوني ابلغ الهيئه
تفاحة حبيبتي انا مقدرة شعورك والله لو وحدة تكلم زوجي والا تناظر فيه أصير قنبلة شوي وتنفجر بس مبين انك انسانة عاقلة وزوجك اعقل منك بدليل انه تركها وهذا دليل انه يحبك ويموت فيك الله لا يغير عليكم واتركيها لله هو بياخذ حقك منها لإنها تبغى تخرب بيتك بس ربي ماحقق امنيتها بس لو بلغتي يمكن زوجك يسحبونه الهيئه و يحققون معه شدراك ؟؟ وهنا بغيتي تصلحين و ضريتي نفسك وزوجك ومملكتك الله ينسيك هالموضوع وخليها الله ينتقم منها والله انك اعجبتيني يوم تركتيها والله يرزقكم ويوفقكم ولا عاد تجيبين هالسيرة لزوجك لإنه يمكن يجيه عقدة لإنه كلمها في لحظة ضعف والشيطان كان حاضر بقوووة الله يجمعكم على الخير ولا يشمت فيكم عدو ولا حاسد يآآارب |
رد: بنات تنصحوني ابلغ الهيئه
بدون نقاش بلغي عنها والله هذي الاشكال ماتنرحم
الله لايوفقها ويفضحها حسبي الله ونعم الوكيل لاتترددين ولا لحظه وبلغي نصييييييحه الله يسخر لك زوجك |
رد: بنات تنصحوني ابلغ الهيئه
حبيبتي بلغي عنها ولاتترددي مع احترامي للاخوات صح زوجهاغلط بس والله ان الحريم كلبات ووصخات وكيدهم عظيم واللي ماجرب مايعرف
انا ماابغى اخوفك وماكنت بقول بس بعد ماقريت ردك انك مابتبلغي عنها قلت اقلك اعرف وحده نفس الموقف حصل معاها ووحده اعطت زوجها الرقم بالسوق وكلمها مده وبعدين زوجته كشفته ووعدها انه يبعد عنها وحلف على المصحف ..وهي كلمتها ونصحتها وهددتها تخيلي ايش سوت صارت هي تهدد فيها وتحلف انها تجيب راس زوجها بأي طريقه .. المهم هي قالت بطنشها وبستر عليها واهم ماعلي زوجي وخلاص .. هذيك الوصخه راحت عند اهلها واتهمت الرجال طبعا هي ابوها ميت بس عندها امها واخوات كثير واخ واحد وقالت انه تهجم عليها وسوت فلم لحد مااخوها مسك الرجال وجاب ناس من جماعته وخلاه يتزوجها غصب لانهم هددوه بالضرب والتشويه ... ياخواتي انتبهوا من بنات الحرام ترا والله مو كل وحده تحس في الثانيه يعني الرجل يضعف صح انهم بالذنب سوا بس الحرمه مكاره وخبيثه الله يهدي ازواجنا ويسخرهم لنا يااااااارب |
رد: بنات تنصحوني ابلغ الهيئه
لو انا منك ما استر عليها<<ما تستااهل احد يستر عليها و لان في عوائل تخرب بيتهم والسبه هذي البنت
فتكوون هي مفسده للمجتمع وانتي برراحتك |
رد: بنات تنصحوني ابلغ الهيئه
والله يالغلا لو انا منك
لابلغ الهيئة على طوووووووووووووول الله يسخر لكي زوجك |
| الساعة الآن 09:35 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .