|
أنا تبهدلت مع توائمي
أهلين بنات
ساعدوني أرتب حياتي مع توائمي لأني تبهدلت وكرهت حياتي بعد جيتهم مع إن هم أحلا شي بحياتي بس حياتي ماهي عاجبتني لا بيتي مرتب ولا أنا مرتبة ولا أقدر أطلع مثل الناس وأغير جو عن جد زهقانة ملانة |
رد: أنا تبهدلت مع توائمي
افا عليج ههههههههه حبيتيي انتي استهدي بالله
شوفي ياقلبي انتي لازم تسوي نظام معين يعني مثلا اطفالك بس ينامو خلال ساعه او ساعتين تقدرين تنظفين الحمامات والبيت من كنس ومسح وتنظيف استغلي فرصه النوم عندهم وحاولي ينامون بنفس الوقت عشان شوي تقدرين تاخذين نفسك مثلا الطباخ حظري للدجاج او اللحوم من تنظيف وتتبييل من فالليل عشان تستغلين فتره الصباح فالعنايه فيهم قبل الطبخ وبوقتها مابياخذ منج وقت وايد الطبخ واستغلي فتره انهم يلعبون حطيلهم العاب يمسكونها بهالفتره الله يحفظهم يحبون التركيز وبوقتها رتبي ترتيب عادي ومو شرط كل يوم تكنيس ومسح البيت ماعندكم حد يوسخ ويكركب بس تكرمين الحمامات ضروري بشكل يومي مكان مهم للتنظيف هو والمطبخ المطبخ نظافته تهون عليج كركبه البيت ارتاحي ولاتضغطين نفسج التوأم صعب جدا جدا سبحان الله يارب ياكريم انا كثير ناس يدعون لي يرزقني ربي بتوأم ومنهم زوجي بسسس احس اني مستحيل اقدر واحس صعب جدا جدا جذا يعني بياخذون طااااااقه دبل للام ربي يبارك فيهم اسم الله عليهم بس انتي حاولي تلهينهم بأي شي حطيلهم رسوم لمده ساعه فقط تراها تلهي مجربه او اغاني اطفال انجليزيه جربي شوفي سوي اي حيله عشان تنظمين وقتج وغير انج حامل ياقلبي تحتاجي لأم النقاهه يارب يكون في عونج ويسهل عليج شوفي لو انا كنت بمثل حالتج يعني اجيب شغاله بالساعات تجي تحوس وتنظيف البيت وتروح وتقعدين انتي ترتاحي مافي الا هالحل وعسى البنات يساعدوج ب افكار وعلى فكره هي بس فتره مؤقته وبس يكبرون اسم الله عليهم بيخففف كثييير عنج هالتعب ومرحله وبتعدي |
رد: أنا تبهدلت مع توائمي
ما شاء الله عليج يا أم فافي
أفكار ولا أحلا بس ولدي ما يلها بالألعاب ولا التلفزيون يحب يلحقني ويراقبني حتى لما يلعب كل شوي يجي عندي أما الشغالة زوجي ما يحب نجيب وحدة حتى لو بالساعات وأحيانا أخليه يصير شغالتي |
رد: أنا تبهدلت مع توائمي
هههههههههههههههههههه زين تسوين تراهم مايحسون بالتعب الفظيع والمسؤليه مسؤليتهم يلعبون الاطفال عالنظيف
بس جربي تستغلين ساعات النوم عندهم وولدك الي يحب يراقبك ياعمري ههههههههه حاولي معاه دوري على شي يخليه يلتهي شوي وهو فعلا في اطفال مايلتهون بالالعاب والموسيقى ولاتنسين لانك حامل يزيد تعلق الاطفال بالام عن تجرررربه ههههههه لمن الوحده تحمل الطفل يتغير سلوكه شوي |
رد: أنا تبهدلت مع توائمي
الله يعينك صراحه وحاسه فيكي..انا كنت اقول كل يوم بصوت عالي انا انهاااار..
بس الحمد لله اللحين احس نفسي احسن شويتين لا والله كثير.. اول شي لاازم تحاولي انك تنامي بالليل لان السهر دماار لكي .. ثانيا حوالي تصلي قيام الليل حتى ركعتين وادعي ربي اللهم اعوذو بك من العجز والكسل..والله له عجائب هذا الدعاء. ثالثا وهو الاهم شيلي من بالك فكرة الخرجات والقصد الزيارات لمن اطفالك يكبرو شوي عشان تحسي انك انتي صحبة القرار مش وضعك اللي فرض عليكي كذا وتتقبلي الموضوع.. انا عندي ثلاثه اطفال اكبرهم 5 سنوات ماشاء الله وحامل وشوفي عاد انواع الحوسه لكن ولله الحمد والله بفضل الدعاء والاكثار من لاحول ولاقوة الا بالله بيتي نظيف ولله الحمد بدون شغاله ولا مساعدة احد..ومع كذا لازم من الحوسه ولازم تتعبي معاهم ومش حترتاحي الا لمن يكبرو..طولت عليكي بس حبيت اقول كل اللي اقدر افيدك بيه..وربي يقوي الجميع و |
رد: أنا تبهدلت مع توائمي
هههههههههه الله يعينك ام حسين والله متعب التؤام
اشوف اختي ماتحك راسها حتى شغاله ماعندها بس كنا نمسك بناتها وترتاح شوي لازم تسوين لهم نظام يعتمدون عليه وغلطتك من الصغر ع الاقل لوتحطين اي شي يلتهون فيه العاب كور دمى الله يعينك والله حتى الشغاله مرات ماتقدر علي الاطفال خاصة اذا ماكان متعود نظام معين والرجال ماهم حاسين الله يعطيك الصحه والعافيه ولاتنسين هالجيل يفهم كل شي يعني اتكلمي معهم وكذا افرشي لهم الالعاب وخليهم بغرفه مستقله وانا من راي صيري عوديهم ع النوم بكير والصحوة بكير احسن لك وانتي ترتاحين لانه انا كنت كذا مع بنوتي الله يحفظها لاتخلينهم يسهرون وحتى انتي تنامين وترتاحين وتاخذين وقتك باشغالك ربي يحفظهم لك يارب وان شاء الله يكبرون ويساعدونك |
رد: أنا تبهدلت مع توائمي
هههههههههههه
ياحياتي أنا بسم الله عليهم سوي جدول بينك انتي وزوجك كنس وغسيل ملابس ومواعين وتعقيم حمامات وطبخ بحيث ان اللي عليه الشغل الثاني يعتني بالأطفال يغسلهم ويلبسهم ويأكلهم ويلعب معاهم.. وهكذا ومو كل يوم شغل بيت خصصي له مرتين في الأسبوع بس والباقي تسلي فيها مع زوجك واطفالك وخصصي لك كم يوم يكون الأكل من مطعم صحي كراحة لكم.. اغلب البيوت اللي مايحبون الشغالات كذا نظامهم واجب إن المسئولية تكون مشتركة بين الزوجين داخل وخارج المنزل. ولنا في رسول الله صلى الله عليه وسلم قدوة حسنة حين قال "خيركم خيركم لأهله و انا خيركم لأهلي". وخذي الأمور دائما ببساطة، هونيها وتهون الحياة الزوجية نعمة مافيه زيها حياة ممتعة جدا خصوصا بالتفاهم والتنظيم. تمنياتي لكم بحياة زوجية سعيدة ومستقرة. |
رد: أنا تبهدلت مع توائمي
هههههههههههه
الله يعينك يارب . |
رد: أنا تبهدلت مع توائمي
الله يحفظهم حاسه فييييك لكن معليش تحملي فتره يكبرو وترتاحي
انا قريت لك موضوع انك حامل ماشاء الله والحمل لوحده يلعب بالنفسيه والهرمونات ومحتاجة راحة وتاخذين قسط كافي من النوووووم فمابالك مع البزورة ومسؤليتهم الله يهون عليك الحل الي انصحك فيه هو انك تخليهم مع ابوهم كم ساعه وتدخلي غرفتك تنامي وتريحي وتجددي طاقتك وتكملي المسيرة والبيت والتنظيف علييييه بالكامل الين يقتنع من نفسه ويجيب اك شغالة دائمة لان البيبي الجاي كمان بيكون قريب من سنهم وبتعانين الامرين |
رد: أنا تبهدلت مع توائمي
ههههه الله يعينك عليكم
يارب يحفضهم من كل شر حاولي تعوديهم على النوم في الوقت ولما ينامو قومي بأعمال البيت وخلي زوجك يساعدك فيهم |
رد: أنا تبهدلت مع توائمي
أهلين بنات
مع الأسف زوجي ما يسوي شي للأولاد بس مرتين غير حفاض وبعدها خلاص ولا مرة حممهم ولا يلبسهم ملابسهم ولا يسوي لهم حليب بس ممكن يعطيهم الحليب لما أنا أطلب منه والأكل ولا مرة فكر يأكلهم حتى لما ناكل مع بعض يخلص الأكل عني وأنا مشغولة بتأكيل الأولاد إنما الكويس فيه يغسل المواعين ويكنس البيت ويرمي الزبالة ويكوي ملابسة بس طبعاً مش دايماً حبيت فكرة اني أعمل له جدول يمشي عليه وإن شاء الله يصير زوج شاطر |
رد: أنا تبهدلت مع توائمي
هههههههه ام حسين الغلط عليك من البدايه كان سويتي جدول يومين انتي يومين
هو بالتناوب في بعض الشغلات صدقيني كان راح يتعود |
رد: أنا تبهدلت مع توائمي
الله يحفظهم لك ويهون عليك
ههههههههههههههه صح في أولاد مااا يهتمون لا با الألعاب ولا شيء كان اخوووووووي وهو صغير مااااااااااااايحب يجلس يلعب ولا شيء بس ماشاء الله شيطااني بس با الصدفه اكتشفناااااااااااااااا انه يحب الدعاااااااااااااااايات ههههههههههههههه وبعدهااااااااااا صرنا نشتريهاااااااااااا فيديو زمن الفيديو ههههههههههههه ونحطهاااااااااااااااااااا عشان ترتاح شوي طبعا الحين صار رجاااااااااااااااااااال ماشاء الله وان شاء الله تشووووووووووووووفينهم احلا عرايس ويخليهم لكي |
رد: أنا تبهدلت مع توائمي
ههههههههههههههه مااشاء الله الله يخليه لكي يارب
ويسعدكم ضحكتيني حياااااااااااااااااااااااااااااااااااااتي هههههههههههههههههههههه |
رد: أنا تبهدلت مع توائمي
الله يخليهم ليكى ياغالية ويبارك فيهم ربنا ماشاء الله تبارك الله
|
| الساعة الآن 10:36 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .