|
ترديد الرحم الي تعرف لا تبخل علي 😊
السلام عليكم شلوونكم بنات
بنات انا قبل كم يوم طلبت وحده اعرفها وسوتلي تمريخ او ترديد للرحم وطلع عندي الرحم ماايل واايد جهة اليسار وبعد نازل تحت المهم سويت بس مره وحده لان هي كانت تبي تسافر من ثاني يوم يعني الحمدالله حصلتها بعد وقبلها كانت الدوره تنزل شوي بس ولمن خلصت وجا ثاني يوم الله وكيلكم وسخ ينزل مني تكرمون المهم ي بنات سوالي منو رددت رحمها مره وحده وحملت بنفس الشهر وبعد من تبخرت بالشااي وحملت لان بعد الله اشكثر حملوا على هذي الطريقه وشرايكم بشرب الميراميه من اليوم السادس واحسن اشربها بروحها او مع الشاهي يااااااليت تردوون وتطمنوني واماانه عليكم تدعووون لي بالحمل السليم المعافى هذا الشهر |
رد: ترديد الرحم الي تعرف لا تبخل علي 😊
وعليكم السلام
انا مرخت العام 3ايام ورى بعض واخذت علاجات لاكن لم يحصل حمل اما بالنسبه للوسخ رحمك مونظيف عشان كذا وماتشربين اشياء سخنه والا كان مانزل وابعدي عن الاشياء البارده خلال الدوره وعليك بالرشاد مع التمره ومشروب الزنجبيل والبردقوش مع المراميه من اول يوم بالدوره لحد الطهر ووقفي واذا حابه تكملين لايام التبويض براحتك ولاسويتي شوربه حطي عليها فلفل اسود وقرفه واشربي حليب مع فلفل اسود وقرفه تشوفين كيف راح ينزل اذا في اوساخ المراميه افضل لحالها بدون شاي او فيك تسوينها كشاي اعشاب مع بابونج او بردقوش طيب بسالك حللتي هرمونات انتي؟ االتبخر بالشاي ماجربته بصراحهه الله يرزقك الحمل السليم يارب ويفرح قلبك |
رد: ترديد الرحم الي تعرف لا تبخل علي 😊
اقتباس:
والله ماحللت هرمونات الدكتوره رفضت وقالت بعد مايعدي ع الاجهاض 6شهور |
رد: ترديد الرحم الي تعرف لا تبخل علي 😊
يختي وش عليك من الدكتوره المفروض طلبت منك تلقائي
انا بصراحه ماسووا لي تحاليل نهائي بعد الاجهاض لاني انا ماراجعت بس سويت تحاليل بمركز مخبري وشامل اذا الدورهعليك انصحك سوي تحليل لو بخاص ع الاقل تعرفين وش لك وش عليك او كنتي تعانين من لخبطه |
رد: ترديد الرحم الي تعرف لا تبخل علي 😊
ميلان الرحم ماله دخل في الحمل انا احمل و الرحم عندي مايل و صديقتي الرحم عندها مقلوب و تحمل هالشي يرجع لشطارة الدكتوره
|
رد: ترديد الرحم الي تعرف لا تبخل علي 😊
اختصري الوقت وتأكدي من الهرمونات مدام الدوره عندك روحي لدكتوره ثانيه
وشي ثاني تابعي التبويض وخذي منشطات طبيعية الله يكتب لك الحمل السليم |
رد: ترديد الرحم الي تعرف لا تبخل علي 😊
حبيبتي كل هذا خرافات و استنزاف للأموال
و حاسة فيك انك بتجربي كل الطرق بس خلي أملك بـ ربنا كبير انا حملت الحمدلله و لما جبت ولدي رحت ابي اكشف بعد النفاس قالتلي الدكتورة رحمك مقلوب قلتلها ايش يعني ؟ قالت ما فيه شي الحمدلله بس اقلك و هاذي خلقة الله و ما تأثر في اي شي من حمل و ولادة و التبخير ما هو الا كلام فارغ لا اساس له اتوكلي على الله و احسبي ايام التبويض و ابدأي جماع يوم و ترك بعد الدورة بعد ما تكوني اتأكدتي من هرموناتك و زوجك لا تلعبي في نفسك و لا تحطيها في يد ناس جاهلة الله يرزقك بالذرية الصالحة اللي تقر عينك ❤️ |
رد: ترديد الرحم الي تعرف لا تبخل علي 😊
اقتباس:
ويييييييح قلبي😩😩😩 والله كرهت المستشفيات الخاصه والحكوميه والمختبرات وانا الي سوت لي ترديد اساسا مساعدة دكتور بس هي تعرف بالطب الصيني وعرفت ان سبب اجهااض حملي السابق لان الرحم متحرك عن مكانه وصار بجهة اليسار ونازل تحت وتقول عشان جذي الاكسجين ماوصل للجنين وتوفى الحين رديت رحمي وان شااء الله انه رجع مكانه ان حملت هالشهر الحمدالله وان ماحملت خيره والحمدالله ع كل حال والتحاليل اخذهم الشهر الجاي اذا ما الله كتب وشكرا ع الرد❤❤❤ |
رد: ترديد الرحم الي تعرف لا تبخل علي 😊
اقتباس:
انا متحرك وصاير مايل ونازل وهذا شي يمنع الحمل ويسلموو ع الرد❤❤ |
رد: ترديد الرحم الي تعرف لا تبخل علي 😊
اقتباس:
والله نظفت من الدوره وهي عطتني جدول للجماع والله يكتب الي فيه الخير و بالنسبه للتحاليل اذا الله ماكتب هذا الشهر خلااص بسوي تحاليلي الشهر الجاي ويسلمووو ع الرد❤❤ |
رد: ترديد الرحم الي تعرف لا تبخل علي 😊
اقتباس:
والله للاسف انها مو خرافات وشووفي ع النت شكثر بنات كان عندهم ميلان او انقلاب وتمرخوا وحملوا بنفس الشهر وفي نص الحريم يمرخون بدون مقابل لوجهه الله بس وانا اقوولج اختي من هالنااس تروح لكذا مستشفى وعياده وماكو فايده يقولون مافي امل سبحان الله بس تمرخ بنفس الشهر تحمل سبحان الله عاد ان شااء الله الله يكتبلي هالشهر واحمل وان الله ماكتب الحمدالله اسوي تحاليل ويسلموو ع الرد❤❤❤ |
رد: ترديد الرحم الي تعرف لا تبخل علي 😊
الله يرزقكك بالحمل السليم المعافى
انتي شكل رحمك مو نظيف دوري غير هالممرخه وخليها تنظف رحمك لان مع المرخ تنزل كل البلاوي الي برحمك وغير كذا تأكدي من تكيسات المبيايض ترى تسوي كذا |
رد: ترديد الرحم الي تعرف لا تبخل علي 😊
وعلى فكره ترى اختي كان عندها ميلان بالرحم
وامرخت ثلاث ايام وحملت بنفس الشهر ماشاء الله |
رد: ترديد الرحم الي تعرف لا تبخل علي 😊
اقتباس:
الله يرزقني ويرزقج بالولد الصالح والذريه الصالحه ي رب هي الممرخه للامانه قبل تمرخ كان مااينزل علي دم ومن بعد مامرخت نزلت بلاوي ووسخ تكرموون والوسخ تكرمون طول وهو ينزل يعني بالعاده انظف خامس يوم صار سابع يوم وهو ينزل وسخ وابشوف هذا الشهر واذا ماكو شي بشووف التحاليل والتكيسات ويسلموو ع الرد❤❤ |
رد: ترديد الرحم الي تعرف لا تبخل علي 😊
اقتباس:
الله يرزقهاا ويرزقج ي رب نفس اختي جذي مااشاء الله |
رد: ترديد الرحم الي تعرف لا تبخل علي 😊
اهلين ام الزين ان شاءالله تحملين هالشهر لان كثير سوس تمريخ وحملو بعدها
ان شاءالله تبشرينا الشهر الجاي وان كان حملتي من قبل بدون علاج صدقيني بتحملين بس الله مارد امورك طيبه باذن الله |
رد: ترديد الرحم الي تعرف لا تبخل علي 😊
اقتباس:
اي والله ي مهره الحمدالله ومااشااء الله كل حملي الساابق وحتى اجهااضي كان طبيعي بدون علاج ولله الحمد والمنه عاد باجهاضي قالتلي الممرخه ان سبب موت الجنين نقص الاكسجين وجا النقص لان الرحم مااايل ونااازل واايد عاد نشووف هالشهرين وعسى الله يكتب الخير ❤❤ |
رد: ترديد الرحم الي تعرف لا تبخل علي 😊
حبيبتي بقولك شي عرفته
اول شي الدوره توجعك قووه قوووه اذا جاتك ؟؟ اذا ايه تاكدي يعني ان رحمك فيه شي مو شي خطير لا يعني ماتهتمي بنفسك وتبقى بقايا من الدوره السابقه توجعك على اساسها الدوره اللي بعدها بالنسبه للتمريخ انا سويته فادني بشي واحد اللي هو الهواااااااااء انا وحده احب الغاازيات بششكل ولا اهتم اذا جتني الدوره ولا البس شرابات وامشي ع السيراميك عاااادي وهذا غلط مني المفروض اهتم لانها يوم مرختني وقت الدوره كانت تضغط ع رحمي ويطلع صووووووووووت انا سمعته وامي سمعته مرررره واضح وعقبها ارتحت وربي صارت تنزل لونها اسوووووود غير كذا مساويء التمريخ / الممرخه زي الدايه طب شعبي طيب كيف تعرف ان الرحم مايل منقلب خلفي والا مافي رحم اصلا ؟؟ ماتعرف وان عرفت ف ناادر لانها يسمونها فرااسه ومو كلهم اغلبهم يخمنون ويخوفونك انا لما مرختني قالت لي رحمك خلفي ؟؟ على اي اساس خلفي عشانها شافت سري داخل جوا هههههههههههه وحكمت على اساسه انه خلفي وهو داخل جوا لاني من انا صغيره ماحب البناطيل تجي فوق بطني والا تحته احبه ع سري ولبسي كله ضيق عشان كذا بطني تعود صار مكان الحزام داخل واللي فوقه وتحته مرتفع شوي يعني اللي يششوفه يعرف اصلا انه مكان الحزام على مدار السنيييين اخذ له شكل وخوفتني وسويت سالفه وبس افكر رحت الدكتوره قامت تضحك قالت ايش الخرافات هاذي رحمك هذا هو مافيه ولا شي ليش هي معها سونار يوم شافت الرحم خلفي ؟؟ وبس طولت عليك هههههه اعذريني |
رد: ترديد الرحم الي تعرف لا تبخل علي 😊
اقتباس:
ههههههه الله يسعدج انا الي جتني مو ممرخه عااديه هي كانت بالصين او الفلبين استشااريه بالطب الشعبي حقتهم الي يعرفون علتج من اعصاب القدم واليدين وفعلا كلامها بشغلات وااايد صحيحه فينا ومنها التهاب البول والوز انا اعاني منهم فهي مسكت مكان بيدي وبساقي وقالت هذا مكان الرحم ولمن اضغطت عليه حسيت بعوار بمكان الرحم نفسه عرفتي وفهلا مسكت كذا مكان وتقول هذا عصب المكان الفلاني ولمن اقولها اكديلي انه المكان الكلى او الوز لمن تضغط شوي بيدها تحسين بالمكان نفسه المهم هي ضغطت ع مكان الرحم بالساق وراحة اليد وقالت ي مدام انتي صعبه تحملين وان حملتي بيطيح خلال شهر ونص وقلتلها انا تووني مسقطه خلال جم شهر قالت اي عشان جذي اعلمج وتدرين ليش نزل الجنين لان الرحم ماايل ع اليسار وناازل حيل انتي شكلج شايله شي ثقيل بيوم الدوره المهم وعطتني موعد الدوره الي فاتت وقالت عشان ارد الرحم بمكانه واحااول انظف المكان بالمساج وقالت هذا طب صيني عندنا وكل حريمنا الي هناك يسون جذي انا قلت اجرب مرح اخسر شي وفعلا رددتني وحسيت بعوااار مو طبيعي وقالت العوار عاادي الرحم رجع مكانه والحمدالله ومن بكره نزل علي دم ووسخ تكرموون وانا ان شاااء الله اني متفائله خير هالمره 😍😍 ويسلمووو ع الرد❤❤والله يسهل عليج ويرزقج 😘😘 |
رد: ترديد الرحم الي تعرف لا تبخل علي 😊
السلام عليكم .. اختي الفاضله .. المراخ مفيد جدا ولكن لا تكثرون منه .. وان شاء الله .. الله يرزقش الذريه
|
| الساعة الآن 05:12 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .