|
ما جتني الدوره
اهلا بالجميع
اتمنى من كل اللي تدخل لاتبخل عليا بردها ومشورتها الله يسعدكم انا بدأت دورتي 10/19 وانتهت في 10/25 كذا حلو وتمام ، ولكن اتفاجأ بعد مرور اسبوعين فقط من انتهاء الدوره بنزول دم اسووود استمر لمدة اربعه الى خمس ايام ووقف ، يعني من تاريخ 11/9 الى 11/13 ، ورحت عند الدكتوره قالت احتمال هذي استحاضه وموعد الدوره الاساسي المفروض يجيني 11/22 وما جتني الدوره الى الان ، متأخره اسبوع ولاحظت امس واليوم تنزل مني افرازات بيضه كريمية لزجة وخصوصا اذا سويت مجهود الاحظها اتمنى كل شي واضح .. لاتبخلون علي بردودكم وخبرتكم |
رد: ما جتني الدوره
أختي اعملي تحليل دم وتأكدي الله يرزقك الذرية الصالحة
|
رد: ما جتني الدوره
احتمال حمل ، ان بحملي صار معي افرازات بيضا شوي ،، الله يحقق امانيج يارب ،، دام الدوره تأخرت اعملي تحليل وعسب خير ان شاءالله
|
رد: ما جتني الدوره
احس أني ماودي اسوي تحليل من غير ما احس على الاقل بأعراض الحمل
مثل الوخز وألم أسفل البطن .. لانه يمكن مايطلع حمل وانصدم |
رد: ما جتني الدوره
الحمل اعراضه تبدا بعد تاخر الدوره ومو كل السيدات يحسون فيه
احتمال انك حامل والدم كان انغراس البويضه حللي مو خسرانه شي |
رد: ما جتني الدوره
حللي دم خيتي
يمكن يكون حمل |
رد: ما جتني الدوره
مو شرط تحسي بأعراض
انا اخر مره حملت ماجتني اعراض ابداً ويمكن جاتك اعراض لكن مانتبهتي لها احسمي الامر وسوي تحليل |
رد: ما جتني الدوره
الحين انتبهت للتاريخ
يعني بين اخر يوم للدوره وبين نزول دم مره ثانيه هو اسبوعين يعني احتمااال كبير تكون دوره احيانا يصير خلل في شي وتتقدم عن موعدها كيف كمية الدم الي نزل ؟ لان الاستحاضه من صفات دمها يكون فاتح والدوره دمها يميل الي الاسود يعني احمر غاامق |
رد: ما جتني الدوره
اقتباس:
الدم كان اسود داكن .. وماكان غزير كان بسيط .. وتوقف يوم ورجع .. وأحيانا كان يكون فيه مثل الخيوط حتى نفسيتي كانت حلوه وقتها لاني كنت مسافره سياحة ومافي شي كان ممكن يلخبط عندي الهرمونات من الناحية النفسيه |
رد: ما جتني الدوره
سوي تحليل وتاكدي
|
رد: ما جتني الدوره
اقتباس:
سوي تحليل ويش الي مصبرنج ماطلعتي عليي هههه |
رد: ما جتني الدوره
اقتباس:
ما ادري ليه احس ما ابغا أنصدم ابدا ابدا :( احس لازم يكون في اعراض عشان اعطي نفسي امل انه اذا حللت ممكن يكون في شي .. لانه لم يسبق لي الحمل وهذي اول مره وودي اسعد زوجي عشان كذا خايفه اتأثر جدا بسلبية النتيجة |
رد: ما جتني الدوره
والله ماعندي خبره
بس حبيت ادعي لك يارب يكون حمل ويرزقني بعد انا وكل محرومه انا دورتي مثل تاريخ دورتك بالضبط وحللت وطلع سلبييي بس باقي عندددي امل يارب نكون انا وانتي حوامل هالشهر وباقي البنااااات يارحيم ياحريم |
رد: ما جتني الدوره
ومن قالك ان لازم يكون فيه اعراض حتى يصير حمل
انا عندي اطفال وكل مره مايكون عندي اعراض الا شي بسيط ومو شرط يكون من اعراض الحمل. وخاصة الي اول مره ماجربت الحمل حتى تعرف الاعراض يالله سوي تحليل وبشرينا |
رد: ما جتني الدوره
اقتباس:
بإذن الله بحاول اسوي تحليل منزلي اليوم .. واذا ماظبط بروح بكره الصبح اسوي تحليل دم والله يكتب اللي فيه الخير يارب وييسر امرك |
رد: ما جتني الدوره
اقتباس:
اللهم امين .. والجميع يارب العالمين الله يسعدك وينور دربك ويحقق امانيك واماني الجميع |
رد: ما جتني الدوره
حللي منزلي طيب وشوفي
الله يرزقك يارب الحمل ويفرح قلبك |
رد: ما جتني الدوره
حللت منزلي ياحلوات .. والحمدلله على كل حال
طلعت النتيجه خط واحد فقط.. والله كريم |
| الساعة الآن 06:56 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .