|
هل إحساسي ممكن يكون صحيح ؟
http://forum.hwaml.com/imgcache2/hwa...79422_870.jpeg
السلام عليكم سويت امس سونار ولله الحمد و كانت بنوته شقيه على قولت الطبيبه اسم الله عليها كانت تتحرك وايد و ظلت الدكتورة ربع ساعة عشان تعرف نوع البيبي المهم لما قالت انها بنوته انا و ابوها اندهشنا بس قلنا الحمدالله رب العالمين على عطاياه الحمدالله انها بصحة و عافيه بس لما رجعت البيت و قلت حق امي و خواتي قامو يقولون لي قلنا لج انها بنوته ملابس الأولاد اللي شريتها متبعة احساسج شنو راح تسوين فيها و زوجي سمع هالكلام والله يهداه سمعني كلام مثل السم وقال الله ما يطق بعصا ما كنتي تبين بنت و شوفي الله رزقنا ببنت لو مو متكلمة احسن فخلاني كلامهم اني مو متقبله انها بنوته و حتى إحساسي يقول انها مو بنت مع انها واضحة مثل الشمس جربت قبل ماعرف الجدول الصيني وطلع غلط .. افضل طريقه اهي جمع تاريخ اخر دورة مع تاريخ الولادة و عمر الام هذي أصبحت معاي الله يحفظها لي و يسر لي ولادتها لكن هل ممكن ان إحساسي انها مو بنت صحيح ام لإني مصدومة من ردود الفعل خادمتنا تقول من وجهك ان ولد وكانت تنظر لتصوير فيديو السونار الذي قام بتسجيله زوجي |
رد: هل إحساسي ممكن يكون صحيح ؟
ماشاءالله
الصوره مو واضحه لي بس انتي الحين في مرحله متقدمه من الحمل و اذا دكتورتك شاطره بتعرف عالاكيد اذا بنت او ولد انا بنفس الفتره اللي كنتي فيها قالت لي الدكتوره جنس الجنين و هي متأكدة مررا ، هي شاطره ماشاءالله و كان وضعية الجنين و حجمه تساعد انه يبان اذا بنت او ولد فيه دكاتره مو شاطرين و يغلطون او يقولون لك مو متأكدين اذا بنت او ولد والاغلب كذا .. اذا انتي واثقه باالدكتوره و شفتي من كلامها انها واثقه هي كمان من قولتها انها بنت فـ خلاص هي بنت و الحمدلله ماعليك من كلام النسوان و خرافاتهم بخصوص انه شكلك ولد و حاسه انه ولد انا بحملي الاول كانو يقولون لي ولد خواتي و اطلعت بنت ، المهم الحين ان الله يتمم لك حملها ان شاءالله و تطلع سالمه معافاة و الله يحنن قلوبكم عليها .. |
رد: هل إحساسي ممكن يكون صحيح ؟
ومع احترامي لك و لزوجك
زوجك بزر و ماعنده اسلوب للأسف و انتقائه لعباراته كما يبدو لي غالباً غلط ، طنشي ، و انتي بنت او ولدك بتحبينها غصب عن الكل و علاقتك فيها بتكون احلا و اقوا علاقه و اكيد كنتي تفضلين الولد بس مو معناته انك ماتبين البنت ..! كلهم خير صح .. !❤️ |
رد: هل إحساسي ممكن يكون صحيح ؟
ادعي الله يحميلك اياهااااا ويخليكي تشوفيها بخير وسلااااامة يااا رب
الف مباااارك وعقبالي اعرف جنس جنيني |
رد: هل إحساسي ممكن يكون صحيح ؟
ياختي قولي لزوجك يحمد ربه على هالنعمه غيره يتمناها واللي من الله حياه الله
اهم شي سلامتك وسلامة البيبي وكلهم خير وبركه واللي عطاك الولد بيعطيك البنت |
رد: هل إحساسي ممكن يكون صحيح ؟
والله البنات خير ونعمه واللي يشيلو امهاتهم وابائهم هم البنات .. بكره يكبرو ان شاءاللع ويعرف قدرهم وبعدين سبحان الله البنت تاخذ قلب ابوها وحبيبة امها ..
الله يبارك لكم فيها ويجيبها لكم بالسلامةة ي رب |
رد: هل إحساسي ممكن يكون صحيح ؟
السونار اصدق من الاحساس ربي يخلقها كاملة وبصحة وعافية واكيد راح تفرحو بيها كثير لما تشوفوها مبروك حبيبتي هي هدية من رب العالمين
|
رد: هل إحساسي ممكن يكون صحيح ؟
ولد او بنت كلهم نعمة من الله ، وقولي الحمد لله وادعي الله انها تكون بصحة وعافية اهم من جنسها
انا خاطري في بنت لكن الله يعلم ان مو هامني ابدا بنت او ولد مع ان عندي الحمد لله ثلاث اولاد خلي عنك الاحساس السونار هو الأصح ، غريبه تتبعي احساسك وتشتري ثياب اولاد ! انا احساسي انها بنت لكن مستحيل اشتري شي واتبع احساسي الا لما أتأكد من السونار حاليا انا في الاسبوع ١٩ المفروض يبان بس اقول خلها لنهاية الشهر السادس او نصفة حتى يكون السونار ادق |
رد: هل إحساسي ممكن يكون صحيح ؟
الف الحمد لله على سلامتك والله يهدي زوجك عليك و على البنت ان شاء الله انا نفسي في بنت عشان عندي البكر ولد الله خليه لي و بتمنى ربنا يرزقني ببنت في الحمل ده ومع هيك بقول اللي يجيبو ربنا خير و بركة المهم يجي بالسلامة و يكون او تكون بيخير
ادا جات بنت الحمد لله على النعمة و ادا جاء ولد الحمد لله حيصاحب اخوه ما عليك منهم دي بنوتك و فرحتك انا لما بشوف بنات صغار لابسين ملابس كيوت و شعرهم جميل و مسرح تسريحة حلوة بفرح و بدعي ربنا تكون بنت و تكون صديقتي و حبيبتي ♡ |
رد: هل إحساسي ممكن يكون صحيح ؟
يقول لي المرة اليايه خل ندعي عشان نييب ولد!!!
واهله يقولون انتو متاكدين انها بنت !! وأمه تقول حتى ولدي الصغير قالو بنت وطلع ولد!! بس من صورة السونار واضحة بنوته |
رد: هل إحساسي ممكن يكون صحيح ؟
حبيبتي غلطتي لما شريتي ملابس البيبي اعتماداً على احساسك بس مافي مشكلة عادي تحصل كثير
أصلاً البنات أحلا من الأولاد .... لا تزعلي افرحي وروحي اشتري لها أشياء حلوة |
رد: هل إحساسي ممكن يكون صحيح ؟
اذا الفاتورة موجوده عادي المحلات بتبدل رجعيهم واخذي بدلهم بناتي
|
رد: هل إحساسي ممكن يكون صحيح ؟
"وإذا بشّر أحدهم بالأنثى ظل وجهه مسوداً وهو كظيم"
اولاً:اختي بكلمك بحسبة اخت انت الغلط مبدئيا الي سمحت للغير يدخل بنت ولاولد واولهم زوجك المفروض من تحملين تبشرينه وتلمحين بأن ربي عطاكم النعمة الي ماعطها احد وسخر لكم من الانجاب مالا يسخر ، وماتتركين له فرصة يفكر ببنت او ولد ، لان الرجل سبحان الله لايمنا ثانيا:غلطك مع اهلك بأي حق تسمحين لخواتك يتكلمون بهالطريقة وللاسف ماعرفتي تردي كان من قالو لك كذا قلتي اللهم لك الحمد اليس المعطي الله بيقولو نعم قولي انتم يعني اكرم من الله مثلا ولا تعرفون النفع فين بالبنت ولا بالولد ،، الدنيا الان تخوف بجد علي الولد من عدم تحمل مسؤولية الي الاسياق وراء فكر ضال نسأل الله السلامة والثبات شوفي امهاتهم وابائهم كيف انفجعوا ؟ اذا هم بنات امك وافرحت فيهم شمعني انتي اول بنوته ماتفرحي فيها ؟؟ ثالثا:تشترين ماتشترين بمالك وحلالك وانتي حرة الله جل جلاله ترك لعبدة الامنيات الي يمشي وراها ويحققها بإذن الكريم بالدعآء واذا ماعطها الله اياه قال المسلم اللهم لك الحمد علي الخيرة المختاره منك .. رآبعا: مازال في فرصة وكوني اكثر جدية وحزم بأدب وروحي لزوجك واجلسي جلسة المتزنه وقولي له انا سكت لان ذاك اليوم ممكن تكون مناك بشي ثاني لكن انا وانت اعقل واكثر ايمان بالله من هالاشياء تخيل تجينا معاقة او غير مكتمله او تموت او مايكتمل الحمل عقاب من الله لردنا قدرة بنت او ولد نسأل الله السلامه ولا تدري فين النفع ربما الخير والبركة تجيبة هالبنت واخيرا وليس اخرا ذكريه والجميع بقول الرسول الكريم " من عال جاريتين حتى تبلغا جاء يوم القيامة أنا وهو ـ وضم أصابعه ـ رواه مسلم. ممكن قسيت معك شوي بس تأكدي ياختي انه نيتي مصلحتك وهالبنوته الضعيفة الحركية الله يتمم امرك ويسهلك |
رد: هل إحساسي ممكن يكون صحيح ؟
اقتباس:
|
رد: هل إحساسي ممكن يكون صحيح ؟
الحمدالله على النعمة
بس انتقلت العدوى حق اهله يقولون يمكن مو اكيد ليش تستعجلون العلم عند الله و ضاق خلقهم لما وصل لهم الخبر بالذات ابو زوجي |
رد: هل إحساسي ممكن يكون صحيح ؟
اقتباس:
انتي الي حامل وانتي الوحيدة الي تحسين فيها بهالعالم وهي ماعندها غيرك وعايشة جواك اهتمي بتغذيتك وتفائلي وخلي نفسك فوق لاتسمحين لحد يعطيك ندخل بالموضوع الناس من يشوفون القوي يهابون ومن يشوفون الضعيف ياخذون بالكلام فيه .. وهم تلقينهم ماظاق صدرهم ولاشي بس عشان ابنهم يبغا ولد ،،او انتي توسوسين بس لما تكون البنت بين يديك بينسون كل شي هم وابوهاhwaml7 .... |
رد: هل إحساسي ممكن يكون صحيح ؟
اويييلي يزنوووون البنات ي ناسووو بعشقهم حيييل انا حامل و احساسي يقول انها بنت
والله كريم سوى بنت ولا ولد انا بكريه ونفسي اولد اليوم قبل بكرى اعشق النونو 😍 وبعدين انتي لاتردين عليهم لا تعطيهم مجال بالنقاش هذه ولا تفتحيلهم هالمجال انتي اللي حامل وانتي اللي بتولدي وانتي اللي بتربي يعني الموضوع يهمك انتي وبس حتى زوجك خليه يتعود ع الصبر والكتمان لاتحكون لحد انكم رحتم سونار وشفتو بنت ولا ولد ولا تناقشيهم بالجنس ابد الله يتممم لك حملك على خير ويرزقك اياه بالصحه والعافيه الدائمه ♤♡ |
رد: هل إحساسي ممكن يكون صحيح ؟
الحمدالله على النعمة
|
رد: هل إحساسي ممكن يكون صحيح ؟
انتي لو بسسسسسس تجربين البنات وتشوفينها لما تتغنج وتتدلل قدامك بتنحسفين علللحظة الي تمنيتها تكون ولد
ولو كانو الناس كلهم يبغون ولد انتي ليش تبغين ترضين الناس ؟؟؟؟ ليش من البداية متخوفة من البنات وكانها جريمة وخايفه من ردة فعل الناس وخايفه من زوجك ليش من داخلك رافضة تكون بنت !!!! اذا كنتي تعتقدين من الان ان البنت سبب للمشاكل ووجع الراس لاتلومين الناس على ردة فعلهم لانك حطيتي لهم اعتبار من قبل ماتعرفين جنس الجنين اعذريني على صراحتي لكن اعرف ناس لهم 8 و10 و20 سنه يتمنون ريحة بيبي .. احمدي الله وكوني ايجابية وادعي تخرج سليمة معافاة بكره بس تولدين وتضمينها راح تحسين قلبك مشلوع معها لو بس تكح تدمع عينك ولو تبكي تبكين معاها .. وقدامك العمر ان شاء الله بعد ولادتها تريحين وتحملين بالولد عشان يرتاح بالك ياررب |
رد: هل إحساسي ممكن يكون صحيح ؟
احمدى ربناا على هالنعمه
غيررك يتمنااااا ظاافررر طفل تحيااتى |
رد: هل إحساسي ممكن يكون صحيح ؟
بحملي الاول كان الكل يدعي ربي انه ولد وانا كنت ابي بنت وبعد عمل السونار بين انه ولد
ماحزنت فرحة لكن كنت بخاطري ابغي بنت سبحان الله ولدت بخير وطلعت بنت وربي فرحتي ماتوصف كنت اضحك بقوه ومبسوطه حيل ...حاليا بنتي عمرها 13سنه وكم شهر هي حبيبتي وعمري وروحي ماتصدقي قد ايش افقدها لمن تروح للمدرسه احب سولفها وشقوتها وطفولتها مع طيشها تذكرني بعمري لمن كنت مراهقه اموت فيها ...تخاف عليه كثير تقوم بواجب البيت لمن امرض تضبط حال ابوها لمن احتاج مساعدتها وهالحين هي رفيقة دربي يختي البنت خير وبركه ...البنت حنان ودلع لبى روحهم ... |
| الساعة الآن 11:30 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .