منتديات حوامل النسائية

منتديات حوامل النسائية (https://naqatube.com/index.php)
-   منتدى أعراض الحمل والوحام (https://naqatube.com/forumdisplay.php?f=8)
-   -   صورة تحليلي قبل الدورة ب 5 ايام بس بعدين ... (https://naqatube.com/showthread.php?t=334275)

واثقة برحمة الله 10-28-2015 03:39 PM
صورة تحليلي قبل الدورة ب 5 ايام بس بعدين ...
 
2 مرفق
السلام عليكم انا مبارح حللت وكان ضايل للدورة خمس ايام بس ما صبرت لانو عندي اعراض قوية
المهم طلعت النتيجة انو ظهر خط تاني واااضح من اول ثانية ولونه نهدي متل خط التحكم
اليوم حكيت خليني اجرب بجهاز نوع تاني واتأكد بس اليوم كانت النتيجة سلبية انا بصراحة مش فاهمة رجاءا حدا يفهمني أصدق مين فيهم
وهي صورة التحليل الاول

سهام سعيدة 10-28-2015 03:42 PM
رد: صورة تحليلي قبل الدورة ب 5 ايام بس بعدين ...
 
انشاء الله حمل يا حبيبتي

نوت "̮ 10-28-2015 03:43 PM
رد: صورة تحليلي قبل الدورة ب 5 ايام بس بعدين ...
 
وعليكم السّلآم ورحمة الله وبركآته ..


انا اشوف الاتنين نفس النتيجة لانهم بنفس الوضوح .. انتي استني الين موعد الدورة ولو تاخرت يوم حللي وان شاءالله يبان اوضح من هيك .. او لو مستعجله فيكي تحللي دم وان شاءالله يظهر ع طول .. الله يرزقك بالذرية الصالحه ويفرح قلبك ي رب hwaml88

anoossam 10-28-2015 03:56 PM
رد: صورة تحليلي قبل الدورة ب 5 ايام بس بعدين ...
 
ربي يرزفك الحمل فريبا ان شاء الله

واثقة برحمة الله 10-28-2015 04:03 PM
رد: صورة تحليلي قبل الدورة ب 5 ايام بس بعدين ...
 
يا عمري الصورتيين لفس التحليل ما صورت التاني لانو النتيجة سلبية تماما ما في شي
بس انا هلأ انتبهت انو التحليل التان السلبي يعني صناعة 2013 وضايلو شهر لينتهي
ما بعرف انا عنجد محتارة

وردة عمره 10-28-2015 04:39 PM
رد: صورة تحليلي قبل الدورة ب 5 ايام بس بعدين ...
 
ان شاء الله حامل حللي دم بترتاحي

سما زين 10-28-2015 05:31 PM
رد: صورة تحليلي قبل الدورة ب 5 ايام بس بعدين ...
 
ان شاء الله حامل يارب يمكن اول مره كان البول مركز اكتر من المره التانيه لهيك طلعلك سلبي عديه بعد يومين ببول مركز وان شاء الله بتبشرينا

nadasi 10-28-2015 06:51 PM
رد: صورة تحليلي قبل الدورة ب 5 ايام بس بعدين ...
 
عزيزتي حللي دم افضل شي وريحي راسك

υм вtℓαα 10-28-2015 07:32 PM
رد: صورة تحليلي قبل الدورة ب 5 ايام بس بعدين ...
 
وعليكم السلاام
ان شاء الله حمل
بس استني حتى يفوت موعد الدوره وان شاء الله خير
الله يرزقك ويفرح قلبك

Tahaniii 10-28-2015 08:43 PM
رد: صورة تحليلي قبل الدورة ب 5 ايام بس بعدين ...
 
ماشااءالله دام طلع الثاني على طول ولونه وردي باذن الله حامل

أنوار الولاية 10-28-2015 09:08 PM
رد: صورة تحليلي قبل الدورة ب 5 ايام بس بعدين ...
 
ان شاء الله حامل ..

يمكن لأن التحليل الثاني ماكان البول تكرمين مركز ...

ان شاء الله تبشرينا قريب , ومرة ثانية اذا بتعيدي النتيجه غيري نوع التحليل حتى تتأكدي أكثر ..

واثقة برحمة الله 10-28-2015 10:05 PM
رد: صورة تحليلي قبل الدورة ب 5 ايام بس بعدين ...
 
ان شاء الله بعيدو وبشوف
فرحت كتير بردودكم الحلوة الله يسعدكم وينولكم الي في بالكم يا رب

Am Fatmai 10-29-2015 01:06 AM
رد: صورة تحليلي قبل الدورة ب 5 ايام بس بعدين ...
 
واضح جدا انه حمل والجهاز الثاني اظن خربان مدام باقيلو شهر وينتهي حللي بجهاز جديد وحيظهر الحمل الف الف مبروك

نبع الوفا 10-29-2015 03:36 AM
رد: صورة تحليلي قبل الدورة ب 5 ايام بس بعدين ...
 
ماشاءالله الف مبروك ياقمر
ان شاءالله انك حامل .. عيدي التحليل ثاني
او روحي حللي دم افضل عشان تتاكدين

واثقة برحمة الله 10-29-2015 10:55 AM
رد: صورة تحليلي قبل الدورة ب 5 ايام بس بعدين ...
 
ان شاء الله .. الله يسمع منكم

nour karim 10-29-2015 11:24 AM
رد: صورة تحليلي قبل الدورة ب 5 ايام بس بعدين ...
 
حللي دم وارتاحي الله يرزقك بما تتمنين امين

واثقة برحمة الله 10-29-2015 04:11 PM
رد: صورة تحليلي قبل الدورة ب 5 ايام بس بعدين ...
 
1 مرفق
اليوم رجعت حللت بنفس التحليل الاول وهي النتيجة
شو
رأيكم معقول التحليل بوخد في على قد عقلي هههههههه
ما بسترجي هلأ أعمل تحليل دم غير لما يفوت موعدها واطمن واشوف الخط غامق لانو الي تجربتين مع الحمل الضعيف

Tahaniii 10-29-2015 05:44 PM
رد: صورة تحليلي قبل الدورة ب 5 ايام بس بعدين ...
 
ماشاءالله الف مبروووووووك
روحي حللي دم وانبسطي
ادعيلي ربي يرزقني الحمل

واثقة برحمة الله 10-29-2015 06:35 PM
رد: صورة تحليلي قبل الدورة ب 5 ايام بس بعدين ...
 
الله يرزقك بالحمل السليم المعافى ويجبر بخاطرك بتوأم ويعطيكي لحتى يرضيكي يا رب

jojo 123456 10-29-2015 06:48 PM
رد: صورة تحليلي قبل الدورة ب 5 ايام بس بعدين ...
 
ان شااء الله حاامل الافضل تحليلي دم وتبشرينا

واثقة برحمة الله 10-29-2015 11:00 PM
رد: صورة تحليلي قبل الدورة ب 5 ايام بس بعدين ...
 
ان شاء الله ازا ما اجت بحلل

راجية العفو~ 10-30-2015 04:22 AM
رد: صورة تحليلي قبل الدورة ب 5 ايام بس بعدين ...
 
ان شاء الله حامل
فيه أعراض تحسي فيها حاسة انها أعراض حمل

ربنا يبشرك بالحمل ويرزقني ويرزقك وكل مشتاق بالذرية

وطمنينا

واثقة برحمة الله 10-30-2015 06:24 AM
رد: صورة تحليلي قبل الدورة ب 5 ايام بس بعدين ...
 
اعراض كتير بحس فيها وهاد الي خلاني احلل بدري
اول شي نزل علي افرازات مع شوية دم ايام التبويض وانا اول مرة بحياتي يصير معي هيك وبعدها استمر الوجع معي في المبايض واسفل البطن بعد التبويض ب اسبوع او اكتر كأني ماخدة ابرة تفجير مع اني هالشهر ما اخدت ولا اشي ابدا وما راح الوجع تماما بحس فيه لما بسعل او بطلع درج وهلأ في نغزات بالمبايض والصدر وشوية تغير في لون الحلمات ودوخة بتروح وبتيجي ونفسي مفتوحة عالاكل وانا متابعة الحرارة ضلت مرتفعة من ايام التبويض وما نزلت غير يوم ورجعت ارتفعت
وانا كمان بزبط معي تحليل الكلور يعني اخر مرة لما حملت صار الكلور يخلي لون البول احمر متل الشاي ولما نزلت بطل يتغير اللون وهلأ رجع لون البول يتحول لاحمر مع الكلور
وكمان في احلام حلمتها اتمنى تكون خير
حكيت كل شي بالتفصيل اتمنى اكون افدتك عزيزتي وان شاء الله بنفرح بالحمل السليم المعافى انا وانت وكل المنتظرات يا رب يا كريم

امة الله الكريم 10-30-2015 10:07 AM
رد: صورة تحليلي قبل الدورة ب 5 ايام بس بعدين ...
 
يارب يثبت حملك يارب.. انا عملت تحليل منزلى وطلع لى خط باااهت جدا خفيف وعدت التحليل 3مرات وطلعت نفس النتيجة تفتكري اكون حامل ؟؟ انا عندى اعراض كتيرة قوي الى قىتيه بالظبط ويزيد كمان شد في البطن والم اثناء التبول اكرمك الله

واثقة برحمة الله 10-30-2015 10:25 AM
رد: صورة تحليلي قبل الدورة ب 5 ايام بس بعدين ...
 
ان شاء الله نطلع انا اياكي وجميع المنتظرات من حوامل هالشهر ربنا كريم وقادر على كل شيء ان شاء الله اعراضنا تكون اعراض حمل يا رب

واثقة برحمة الله 11-02-2015 11:56 PM
رد: صورة تحليلي قبل الدورة ب 5 ايام بس بعدين ...
 
حبيباتي فهموني انا مو فاهمة شي
امبارح صرت لما امسح بالمنديل اعزكم الله اشوف افرازات بنية فقط عند المسح
حكيت الدورة اجت بس ل هلأ ما في دم بس الافرازات وانا متابعة حرارتي لسا مرتفعة ما نزلت وهي بالعادة لما بتيجي الدورة بتنزل الحرارة شو رأيكم
خايفة احلل دم وتطلع خربطة هرمونات وتنزل الدورة
انا صارلي 8 سنين متجوزة اول مرة بصير هيك

ام صبا الطويل 11-03-2015 06:31 AM
رد: صورة تحليلي قبل الدورة ب 5 ايام بس بعدين ...
 
حبيبتي طمني شو صار معك

واثقة برحمة الله 11-03-2015 09:14 AM
رد: صورة تحليلي قبل الدورة ب 5 ايام بس بعدين ...
 
انا المشكلة موظفة وكتير بتعب بدي اعرف حالي
اليوم بصيرلها يومين متأخرة ازا ما نزل دم

سهام سعيدة 11-03-2015 10:24 AM
رد: صورة تحليلي قبل الدورة ب 5 ايام بس بعدين ...
 
حبيبتي بادن الله حامل .لو كانت دورة كانت نزلت حرارتك قبل نزول الافرازات انشاء الله خير ولا تنسي تبشرينا

salaam 11-03-2015 01:13 PM
رد: صورة تحليلي قبل الدورة ب 5 ايام بس بعدين ...
 
طمنينا حبيبتي ايش صار معك. ان شاء الله حامل


الساعة الآن 12:39 AM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .