|
قصة ولادتي المضحكه
السلام عليكم ورحمة الله وبركاته
شخباركم كروشات طبعا كما وعدتكم انزل قصة ولادتي يلا مابطول عليكم كان يوم عادي اللي هو يوم الجمعه 8/11 وبدا الالم العصر الساعه 3 وماكنت عارفه انه طلقhwaml03 المهم كنت اتصفح منتدى حوامل والعب على البلياردو ههههhwaml7 بهاليوم زوجي وعدني يطلعني العثيم المهم كنت اتصفح وواسولف وانكت كان الالم كل ساعه يزيد حبه شوي وانا عادي العب بعد العشاء طلعت انا ووزوجي للعثيم مول ودخلت دايسو عشان انا احب المحل كثير والالم زاد وبديت افقد طاقتي لاني كنت جوعانه زوجي يتسوق جنبي وانا لسه ماقلت له في الم حبيبي ببطني ولاشي بعد كذا وخر زوجي وراح لقسم الميدليات بدايسو وانا عند المناكير شفتو كيف بعيد ومسكت زوجي قال اش في قلت له تعبانه يلا نروح البيت ال احاسب ونطلع طلعت انا وجلست على الكراسي برا هو تاخر 4 دقايق و4 دقايق علي كانها 4 سنوات الالم بدا يزيد وبديت اتعب ههههههههههههههههه جاتني وحده وجلست جنبي قالت لي حامل قلت لا حاطه كوره ههههههههههههه قلت لها اي حامل ومشينا انا وزوجي ووصلنا لبوبه 4 hwaml03 وسيارتنا عند بوبه 2 ياخرابيhwaml13 قال زوجي تقدرين تمشين قلت لا مسكين راح وجاب السياره ومشينا ولسه انا ماصحت ولا صرحت كنت هاديه لاني كنت اعرف اني بولد قلت لزوجي ابي اكشف بمشفى حكومي وداني وهو مو فاهم شي hwaml7قالت لي اربعه مفتوح طلعت وانا خلاص مافيني قوه قلت لزوجي يلا ودني مستشفى الحرس قال ليش قلت بصوت قوي لاني بوووووووووووولدhwaml5 وعلى طول على المشفى مسكين كان فيه النوووم وعنده دوام ههههههههههه قلت له حبيبي بقولك شي قاطعني قال جوعانه يعورك شي قلت لا في محشش يحب زوجته وقال لها انتي غزاله قالت لا انا حمامه قال لها اهم شي انك حيوانه ههههههههههههه طالع فيني ودمعت عينه لانه عارف اني مافيني قوه بس مابي احسسه بشي قلت له ماتضحك طيب خوذ هالنكته قال استرخي عشان متتالمين ههههههههههههههههههههههه جلست اضحك قلت له انا مافيني الا اللي الله كاتبه والبيبي راح يجي وصلنا المشفى قالي قومي اجلسي على الكرسي عشان ندخل حاولت اقوم ماقدرت قرب مني وشالني قدام كل الرجال بيني وبينكم استحيت لانهم صفقو له هههه انا فكرت فاز احد بكاس العالم تعرفون انتو حركات الشباب على فكره كانت الساعه 1 الفجر يوم نوصل دخلت وخذت طولي ووزني وماعرف ايش وكشفت الدكتوره علي قالت 5 مفتوح يلا على غرفة الولاده المهم جاو المممرضات يسحبون دم ويحطون مغذي علي وجابو لي شي اكله لاني بديت افقد الوعي اكلت واستعدت نشاطي كامل صارت الساعه3 زوجي يتصل علي هاه طمنيني كيفك قلت له ياعمري نام انا بخير قال اكيد قلت لع اكيد انت وراك دوام قفل وبدا يحمى الطلق علي بس لسه فيني طاقهhwaml10قولو ماشاء الله ترى اللي بالغرفه جنبي مفتوح نفسي وتصرخ انا ساكته hwaml02جات ممرضتي غلاديس وربي وربي حنونه رغم انهاا مو مسلمه تسولف معي وتضحك وتنكت صار الصبح الطلق يحمى الساعه 8 تعبت مره وفتحو موية الجنين عشان يحمى الطلق 9 ونص صار الالم قووووي علي مو متحمله غلاديس كانت تقرا علي المعوذات رغم انها كافره وتهديني الساعه عشرا افتح عشرا كامل وتعبت انا كثير جات دكتوره مصريه الله لا يوفقها ولا يحللها قاسيه ماعندها رحمه تصرخ علي وتضرب رجلي تقول ادفعي طيب انا بكر مو عارفه كيف ادفع كنت ادفع غلط وتصرخ علي عصبت انا وجلست اصيييح قالت الدكتوره رانيا وخري انا بولدها عسى ربي مايحرمها ماتتمنى ولدت بسرعه على يدها وماحسيت بالم ولاشي وجات بنوتي فوز بكذا خلاص ارتحت ونظفوني وخلوني ارتاح وجابو لي شي اكله واكلت وغلاديس كانت تاكلني رغم انها مو مجبوره بس تقول انا حبيتك انتي مره حنونه hwaml02 المهم غلاديس جابت لي ينفورم جديد عشان اصعد فوق ارتاح بدلت لي وصعدت فوق وحطتني على السرير واكلتني مره ثانيه وقالت لي نامي نمت لاني حسيت اني ارتحت نمت وجات بعد ساعتين غلاديس مع فوز تقولي بنتك حلوه كثير hwaml13 جلست معي والساعه 6 جاو اهلي وهي كانت جنبي تاكلني وتدلعني الله يوفقها يارب كانها اختي وازيد جاو اهلي وشافوني زوجي شافني دخل وضمني جلس يبكي يقول كنت خايف عليك كنت وكنت هههههههههههه مسحت دموعه قلت لها انا مابخليك الا اذا الله كتب لي اني اخليك مرت ابووي قالت له اطلع برى hwaml4مانبيك هنا قلت لها انتي برى وهو خليه هذا زوجي مرت ابوي حاقده علي لان الله مارزقها وكل ماجا احد يسلم علي تطرده اتصلت على غلاديس وقلت لها في وحده مزعجتني تعالي طلعيها وفعلا طردتها ههههههههه وبس ومع السلامه شرايكم بالقصه |
رد: قصة ولادتي المضحكه
ههههههههه قصتك روووعة
ما شااء الله عليك الله يحفظك من العين و يعطيني صبرك الحمدلله على سلامتك انتي والامووورة ربي يخليهااا لكم و تتربى بعزكم |
رد: قصة ولادتي المضحكه
مشكوره حبيبتي والحمدالله على سلامتك
وادعيلي اولد بسلامه عاجلاً وليس اجلاً والله طفشت ومشتاقه لطفلي يارب سامحني لان صبري صار قليل وارضني على المكتوب يارب |
رد: قصة ولادتي المضحكه
هههههههههههههه
الف سلامه عليك وعلى العروسه وان شاء الله يحفظها ربي لكم ويجعلها من عباد الله الصاححين ماشاء الله لاحول ولاقوة الا بالله وحتى من كلامك ماشاء الله عندك عزيمه وقوة ايمان وتوكلك بالله مأخااب هانت عليك الولاده وتيسرت ربي يبارك لك بزوجك ويسخركم لبعض |
رد: قصة ولادتي المضحكه
الحمدلله على سلامتك ومبروك ماجبتي تتربى بعزك يارب
والله يهون على الكل يارب ونولد بالسلامه |
رد: قصة ولادتي المضحكه
ههههههههههههههههههههه فيلم كوميدي والله
الف الف مبروك وتتربى بعزك وعقبالنا ياارب |
رد: قصة ولادتي المضحكه
ماشاء الله تبارك الله ربي يقومك انتي وبنوتتك وما عليكم شروالحمد لله ع السلامة الله يحفظ لك زوجك وبنتك وقولي لزوجه ابوك عين الحسود فيها عوووود هههههههههههه |
رد: قصة ولادتي المضحكه
الحمدالله على سلامتك حبووووووووووبه
وتتربى بعزكم فوووز انشاءالله وقصتك مرره اجنن انشاءالله ولادتي تكوون سهله مثلك يااارب سهل علي وعلى الجميع ياارحم الراحمين |
رد: قصة ولادتي المضحكه
الحمد لله على سلامتك وسلامة البنوته الله يخليها لكم اوتتربى بعزكم ان شاء اللهhwaml42 وناسه قصة ولادتك هههههههه حلو ان اول ولاده لك لها ذكرى حلوه وتضحك hwaml72 ان شاء الله زي ماربي سهل عليك يسهل علي وعلى الكل ان شاء الله hwaml94 مسكين زوجك مره شكله خاف عليك و عاد لما شالك هههههه ليتني موجوده اشوف hwaml03 الظاهر مازاد وزنك كثير مع الحمل hwaml94 تمنيت صراحه تجيني ممرضه عسووله زي غلاديس يحليلها بس hwaml92 الحمد لله على سلامتكم وعقبال كل الحوامل ربي يسهل علينا hwaml53 |
رد: قصة ولادتي المضحكه
الحمد لله ع السلامه ياعسل
صراحه مررررره تعاطفت مع مرة بوك هههههههه الله يرزقها وادعيلي اولد بالسلامه انا بنص الثامن |
رد: قصة ولادتي المضحكه
هههههههههههههههههههههههههههههه
مشكورين كروشات صح مازاد وزني كثير ههههههههههههههههه وحتى لو زاد زوجي رياضي الله يقوم كل كروشه بالسلامه |
رد: قصة ولادتي المضحكه
الحمدالله على سلامتك انتي وفوز
ومبروك عليك ماجبتي |
رد: قصة ولادتي المضحكه
ما شاء الله عنك
ان شاء الله تكون ولادتي ميسرة متلك الله يخليلك العروسة الصغيرة وتربى بعزك وعز ابوها يا رب |
رد: قصة ولادتي المضحكه
صراحة مستشفى الحرس قمة بالتعامل
خاصة القابلات حق الولادة الحمد لله على سلامتك ومبرووك ما جاك.. |
رد: قصة ولادتي المضحكه
والله ضحكتيني الله يسعدك والف مبروك ياعمري تتبرى في عزك
|
رد: قصة ولادتي المضحكه
الحمدلله على سلامتك ويلامة النونو ومبروك عليج النونو فديتها
اما قصة النكته حلوه ههههههههههههههههههههههههههههههههههههه من وين جايبتها موتيني ضحك على هالنكته بسألك حبيبتي انتي تراجعين فالحرس ولا رحتي ودخلوك على طول؟ وشنو رايك فيهم يستعجلون على الوحده ولا لا؟ |
رد: قصة ولادتي المضحكه
انا موقاااهرني في قصتك الأ مرة ابوووووووووووووك
الله ياخذها اذا رضيتي عندي مرة ابوي تجيب المرررررض لا بعد مو وحده ثنتين جعلهم اللي ماني قااايله وقصتك رروووعه |
رد: قصة ولادتي المضحكه
قصتك حلوه كثير وربي يعطيني قوة الصبر مثلك يارب واولد بكل هدوء يارب يقدرني
الف مبروك والحمدالله على سلامتك فديتك |
رد: قصة ولادتي المضحكه
ماشاء الله تبارك الله ألف مبروك والحمد لله على سلامتك
عقبالي يارب مدري متى بولد أحلى شي في القصة الطردة خخخخخ أحسن تستاهل هههههههههههههههه وتتربى بعزكم أحلى فوز |
رد: قصة ولادتي المضحكه
هههههههههههههههههه
اسلوبك رااائع .. الحمد لله على سلامتك والف مبروك |
رد: قصة ولادتي المضحكه
الف الحمدلله ع سلامتك والعسولة
الله يحفظها لكم آمين ويرزقنا بولادة سهلة ميسرة مثل ولادتك ان شالله |
رد: قصة ولادتي المضحكه
انا ماارجع عنده انا ارجع عند عبيد التخصصي
بس ولدت عند الحرس لان الولاده بعيد عني |
رد: قصة ولادتي المضحكه
ماشالله
رزقك ربي الصبر ورزقك بفوز الله يسهل للجميع زيك |
رد: قصة ولادتي المضحكه
قصه مشوقه فديتك وربي يوفقك ويعينك على تربيتها
|
رد: قصة ولادتي المضحكه
تشكرات ياقمر
|
رد: قصة ولادتي المضحكه
قصه جونآآآآن
تحم’ــست معآآك مره وحبيت غلآديس <~ هع هع الحمدلله ع سلآمتك وتتربى بعزكم أن شآءالله ولآتنسي بوسيلي بنوتتك |
رد: قصة ولادتي المضحكه
الحمدلله على سلامتك انتي والامووورة
|
رد: قصة ولادتي المضحكه
قصة ممتعه ههههه
الحمد لله على سلامتك مع المولوده والله يخلي لك زوجك ويحفظكم من عين الحسود |
رد: قصة ولادتي المضحكه
ماشاء الله تبارك الله..
والف الف الف مبرووووووووووك وتتربى بعزكم ياررررررررب.. صراااحه قصة ولادتك مضحكه من جد ههههههههه |
رد: قصة ولادتي المضحكه
هههههههههههههههههه الف الف الف مبرووووك
تتربى بعزكم والحمدلله على السلامه عقبالنا بالسلامه يارب |
رد: قصة ولادتي المضحكه
هههههههههههههه يالبى قليبك
الله رزقني الصبر زيك ماشاء الله |
| الساعة الآن 11:39 PM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .