السلام عليكم و رحمة الله و بركاته

أنا قصتى طويل و لكن مع الأختصار بعد دوخة سنوات أبحث عن سبب تأخر الحمل ربنا أكرمنى بدكتور شاطر أكتشف السبب و عالجه و هو كان تشوه فى الرحم .

حاجز رحمى كثيف تقريبا كان قافل الرحم و قعدت سنة عملت فيهم عمليتين و شيلت الحاجز على خير بالكامل الحمد لله رب العالمين يارب و الدكتور بشرنى بنجاح العملية على خير الحمد لله و قدرتى على الحمل أخيرا الحمد لله و الشكر لله يارب

المهم اخدت ركبت بلونة فى الرحم اسبوع وأخدت علاجات .
من ضمنهم علاج هرمونى لمدة شهرين أسمه سيكلو بروجينوفا

الشهر الثانى منه كان الشهر اللى فات كان نهاية العلاج . المهم أن قبل الدورة اللى فاتت
جالى حموضة و مشكلة بالهضم رهيبة و غثيان تام لحد ما جت نزلت الدورة و استمر معايا الغثيان و الحموضة لحد ما بعد الدورة بأسبوع
ملحوظة انا عمرى فى حياتى ما أشتكيت من حموضة أو ألم فى المعدة و كان مصاحبهم أنتفاخ
لما جولى الصراحة شكيت بالحمل بس لما جت الدورة قولت الحمد لله اهو الواحد صبر كتير خلاص ماجتش على كام شهر و بالنهاية كل شيء وقت ماربنا بيأزن

المهم ان الدورة لاقيتها أنتهت و رافضة تنتهى فى نفس الوقت فضلت تستمر أكتر من 4 أيام كل يوم تنزل نقطتين دم صبح ومثلهم بليل

ملحوظة الدورة جت دم فاتح مثل الجرح . الغريب أن كل مرة كان ينزل فيها الدم احس بألم مثل الشد و الحرقان فى الرحم و الاقى ينزل نقطة دم .
و بعد مرار من نقط الدم الخفيفة اللى بعد 4 أيام من الدورة الطبيعية
نزل أفرازات لازجه كلها دم أنا متعوده أن بينزل كدرة بعد الدور ماجتش كدرة لا قبلها و لا بعدها و دى قمة الغرابة
بس قولت عادى لاخبطة
بس أستمرت معايا الحموضة و الغثيان و الأنتفاخ
و حاليا أكتئاب غير مبرر بعيط على الفاضى و المليان و انا مافيش أى حاجة مسببالى أى حزن
بس احساس بضيق طول الوقت
و الجديد بقى أن مش طايقة تماما أتعامل مع البصل فى الأكل ريحته أكنتها بتحرق صدرى أكنى بشم نار فى صدرى و افضل أكح بطريقة بشعة
ده غير نغزات الثدى و طلعلى زى النمش قليل على هالة الثدى
و بالنهائى ألم أثناء الجماع و جفاف رهيب

أنا هاتجنن و مش فاهمة حاجة و دكتورى بره البلد فى مؤتمر طبى و ميعادى معاه أخر الشهر بعد الدورة الثالثة

أرجوكم لو واحده عندها وجهة نظر فى اللى بيحصلى تقولى
اللى مجننى انى والله والله مامركزة بالعكس أنا سعيدة بالعملية و كلى أمل وكنت منتظرة الشهر الثالث ده بفارغ الصبر علشان أول شهر هاجرب فيه الحمل بس معرفش أيه اللى ملاخبط الدنيا كده

المشاركة الأصلية كتبت بواسطة انثى تكره الظلم (المشاركة 4072998) والله مانى عارفه بس هالاعراض الاخيره كانها اعرااض حمل بالضبط طيب اقطعى الشك باليقين واعملى اختباار حمل لحد ما دكتورك يرجع باالسلامه طمنيناا عليكى

المشاركة الأصلية كتبت بواسطة nona roze (المشاركة 4071485) الله يشفيكى ويعافيكى يااارب ويحقق ليكى ربنا اللى تتمنية وحمدااا لله على سلامتك من العملية وباذن الله تعالى تحملى عن قريب ويسعد قلبك ربنا بطفل سليم معافى انتى واللى زيك لو الدكتورة المعالجة مسافرة راجعى مع نائبة ليها ولو مافيش راجعى دكتورة نساء تانية بس تكون ممتازة وباذن الله تفيدك خير باذن الله وادعى ربنا وكونى على يقين ان ربنا هيكرمك

المشاركة الأصلية كتبت بواسطة أم حمودي وعبودي (المشاركة 4073146) حبيبتي طبعا ما بتلقي ردود كثيرة هنا لأن القسم لا علاقة له بموضوعك أصلاً نقل الموضوع

المشاركة الأصلية كتبت بواسطة واثقة برحمة الله (المشاركة 4073158) الله يا ﻻب يفرج همك ويفﻻح قلبك ويعطيكي أحلى توأم متل ما قالوا البنات حللي حمل وطمني وان شاء الله تبشرينا

المشاركة الأصلية كتبت بواسطة ريڤان (المشاركة 4073212) اعراضك مثل اعراض الحمل بس لازم تحللي وتتأكدي و اذا ما كان حمل الله بعينك لازم تنتظري الدكتور المتابع لحالتك و ربي يعوض صبرك بالذرية الطيبة

المشاركة الأصلية كتبت بواسطة nour karim (المشاركة 4073218) انا ايضا اجريت عملية ازالة الحاجز الرحمي العام الماضي وكانت اول دورة تجي بعد العملية قطرات لبضعة ايام ثم نزيف قوي بعدها واعتبرت الامر عادي ولكن لا اعراض مثل التي عندك ولم احمل بعد العملية الا بعد عدة اشهر والحمد لله انا ولدت ليلة رمضان احلى عبد الرحمان ان شاء الله لعقوبة ليك اي سؤال في الموضوع انا في الخدمة بالتوفيق

المشاركة الأصلية كتبت بواسطة بنت... (المشاركة 4073428) اعملي تست للحمل فالبيت عشان تتاكدين ولو طلع سلبي هذا مو معناه انو مو حمل ممكن لسا مابين ومالك الا تنتظرين دكتورتك واعتقد اللي معاك حمل والله اعلم