|
ابي كلام يريحني منكم تعبت نفسيتي
السلام عليكم ورحمه الله وبركاته ..
انا متزوجه لي 7 شهور صحيح بتقولون قليله او توك المشكله اهلي كل شهر حملتي حملتي لين تحمست وصرت اروح اتابع تبويض .. والدكتوره تقولي مافيك شي كل حاجه تمام وتعطيني مواعيد الجماع واطبق .. اللي هي 14 و 15 وعطتني ابره التفجيريه وحبوب التثبيت .. الموهم جاتني اوهام اني خلاص حامل يوم 14 بعد الابره تجي الدوره واتحطم وقلت الشهر الجاي ربي يعوضني جاء الشهر الثاني ورحت دكتوره ثانيه نفس الشي قالت مافيك حاجه كل شي اوك وتابعت وسويت ولا حملت جاتني شكوك بزوجي لانه دايم خملان وظهره يوجعه ولم يجامعني بسرررعه ينزل قلبي مو مرتاح قلت شكل المشكله من زوجي دايم ابي افكار كيف اقنعه يحلل بعدها بشهرين رحت التخصصي الطبي وكمان عملت لي تحاليل هرمون وغده وسونار ونفس الشي مافيني حاجه قالت انتي ليه تعالجين وزوجك مايعالج تتعبين نفسك ويمكن المشكله منه ؟ قالت خذي هالتحليل خليه يحلل وراجعيني قلت طيب وقلت له خذ الورقه وحلل قال وش احلل قلت سائل منوي .. قال ليه احلل مافيني شي قلت الدكتوره طلبت لان انا مافيني حاجه قال طيب بس ماكان مقتنع وراح وحلل قال كنت جوعان وماطلع مني الا نقطه وماله داعي هالتحليل احراج ومن هالكلام .. يتبع .......... |
رد: ابي كلام يريحني منكم تعبت نفسيتي
والنتيجه كانت صدمه تتوقعون كم ؟
4 مليوووووووووون انا طلعت ابكي وماااتكلم قلت لازم تروح مستشفى مختص وديته عند عياده الدكتور عبدالكريم ابو رمضان كان اخوي يتعالج عنده من الدوالي والحمدلله الحين صار بخير .. الموهم فحصه سريري قال مافيك شي بس بعطيك تحلل كذا شي لازم تحلل بعد 4 ايام ماتجامع زوجتك ولا شي وتعال حلل جينا بعد هالايام وحلل وطلعت النتيجه 15مليون وهرمون الحليب شوي مرتفع والحركه 45 بالميه وجرثومه بالبول وعطاه كورس 3 شهور مضاد وكلوميد وحبوب مكتوب عليها صانع الحيوانات المنويه وخليته يشتري كمان خلطه عسل مكونه منه ( طلع النخيل حبوب اللقاح غذاء الملكات جنسنج ) بس اناا نفسيتي تعبانه اذا شفت زوجي اتحطم اقول بيتعالج وبحمل ولا لا انا كل ما اشوف عيال اختي من جواتي اتقطع ابي نونو لي اناااااااا زوجي بارد وبرودته تجنني مو مهتم مو متحمس احسه ياخذ العلاج كذا بس يقوي نفسه مافي راسه فكره عيال افكر اسوي تلقيح او انابيب اي شي بس احمل .. امس جتني الدوره بكيت بكيت وتهاوشت مع زوجي كذا بدون سبب من جواتي الومه واستغفر ربي اقول تونا بس من ضغط اهلي علي كل مارحت لهم فتحوا لي هالطاري يخلوني افكر واتضايق .. ابي منكم كلام يريحني ابي انسى ابي اعيش يومي انا يومي يروح بالتفكير .. ودي اروح للدكتور بندر عبدالكريم بالحبيب يمدحونه بس برضوه بيقولي انتي توك متزوجه بس انا تعبانه نفسيااااا محد بيحس فيني ( ابي مشورتكم ) واسفه على الاطاله .. |
رد: ابي كلام يريحني منكم تعبت نفسيتي
حبيبتي زوجك مشكلته ماهي معقده .. فيه حالات صععععبه ومعقده والله رزقهم سبحان الله
وناس واللع سليمين تماما وماعندهم عيال ... انتو اخذتو باباسباب توكلو على الله وزوجك ياخذ الكورس 3 شهور ومع خلطه العسل باذن الله يتحسن وضعه وانتي كمان خذيه ولاانسي الدعاء وقيام الليل والاستغفار .. لان الذريه رزق من الله ماهو بيدناا انا تحاليلي سليمه اخر مره وزوجي بس ننتظر فرج الله احنا نتوكل عل الله اولا بعدين ناخذ بالاسباب واحنا مفوضين امرنا لله فووق كل شي والله يرزقنا ويااااك وكل مشتاقه الذريه الصالحه يااارب |
رد: ابي كلام يريحني منكم تعبت نفسيتي
ان شاء الله تعدي هالشهور على خير ويعمل تحليل ثاني ويرتفع معدل الحركه والعدد
ويرزقك ويرزق كل محرومه التفكير متعب والله اعد الايام بعد التبويض واحاول اني مااصدم نفسي بس انصدم بالاخير حتى الدوره صارت كل شهر تتقدم من التوتر .. |
رد: ابي كلام يريحني منكم تعبت نفسيتي
دورتك منتظمه زي الساعه ؟
حللتي هرمون البروجسترون باليوم 21 من الدوره اذا لا سويهم .. وكملو العلاج ويمكن تحملي قبل لايخلص كورس العلاج وضع زوجك مو سيء زي منتي متصوره بس بعد الجماع باتقومبن بسرعه اقعدي ساعه وارفعي رجولك |
رد: ابي كلام يريحني منكم تعبت نفسيتي
اقتباس:
هذا التحليل البروجسترون حق ايش ؟ والله اجلس ع الفراش ما اقوم بسرعه احط مخده بس دايم اخلي الجماع 14 اانا اخاف اني غلطانه بهاليوم بس حتى كنت متابعه شهرين التبويض ولا صار شي .. |
رد: ابي كلام يريحني منكم تعبت نفسيتي
انا كانت تتفدم دورتي كل شهر كم يوم بعد ماكانت منتظمه زي الساعه
قالتلي الدكتوره حللي ذا الهرمون انتي خلي الجماع من بعد الدوره لين 20 الدوره يوم اي ويوم لا |
رد: ابي كلام يريحني منكم تعبت نفسيتي
اقتباس:
انتي من الرياض ؟ تعالجين وين انا محتاره بالمستشفيات ومارتحت للحين لدكتوره انتقل من مستشفى لمستشفى |
رد: ابي كلام يريحني منكم تعبت نفسيتي
هلا حبيبتي
حطي نفسج مكانه حرااام ليش تتهاوشيين معاه وع فكره الريال يحز بخاطره اكثر وترى مستحيل مافي زوج مايبي عيال ومشكلتج بسيطه جدا استغفري ربج وكل يوم صلي قيام الليل ويارب الله يرزقج وخلي زوجج يسوي حجامه ترى اوكي مره قريت ان في وحده زوجها نفس الشي الحيوانات المنويه عددهم قليل ف مع العسل والحجامه ارتفع العدد بعد 3 شهوور وعن ان اهلج يحنون عادي وانا زوجي ربعه يقولون له ويجي يتهاوش معاي .. ولما تنزل الدوره كأني سويت شي كبييير ... عشان جذيه اقولج هاي شي يعور القلب ولو تستحين حبيبتي ع الاقل خلي الجماع يستوي ف ايام التبويض كل يوم او يوم اي ويوم لاا والله يكتب لنا الذريه الصالحه |
رد: ابي كلام يريحني منكم تعبت نفسيتي
سومي مشكوره حبيبتي صادقه الحجامه زينه بحاول فيه يسويهاا..
الشهر الجاي بتابع تبويض مع دكتوره وان شاء الله يصير شي يفرح زوجي باقي له شهرين ويخلص الكورس مع اني كلمت الدكتور اللي يعالجه قلت له ااجل موضوع الحمل لين بعد 3 شهور قالي لا حتى وهو يتعالج يمكن تحملين لاتمنعين نفسك من زوجك عادي يمكن تحملي قبل لاينتهي العلاج اذكر اهلنا اول يحملون بدون ايام تبيوض وبدون علاجات سبحان الله بس جيلنا اختلف .. |
رد: ابي كلام يريحني منكم تعبت نفسيتي
يا حبيبتي مشكلة زوجك مو كبيرة ومش لازم تتحطمي هيك من اول
انتو ببداية مشواركم يدوب قلتو بسم الله في ناس بضل سنواااااات وهي بتحااول انتي في اول محاولة مش لازم تيأسي ومش لازم تضغطي ع زوجك او تحسسيه انو المشكلة منو ما حدا بيختار شي من حالو هاي ارادة الله ساعديه وحمسيه ليتعالج وحببي فكرة الاطفال عندو اشتري شغلات اطفال وصورهم واغانيهم واحمسيه الله يشفيه ويرزقكم الذرية الصالحة |
رد: ابي كلام يريحني منكم تعبت نفسيتي
اقتباس:
|
رد: ابي كلام يريحني منكم تعبت نفسيتي
الحركه والعدد اوك ماعنده مشكله دام تعالج الدور عليج عالجي هرمون الحليب والله يرزقج واذا زوجج فيه التهاب لازم يتعالج وجيكي يمكن اعداج اذا فيج التهاب لازم تتعالجين لانه يقتل الحيوانات المنويه
|
رد: ابي كلام يريحني منكم تعبت نفسيتي
والله البناات قالو كل اللى كان بدى اقوووله
الله يكرمك بالحمل السليم المعاافى عاجلا غير اجلا اميييييييين ياارب العالمين |
رد: ابي كلام يريحني منكم تعبت نفسيتي
|
رد: ابي كلام يريحني منكم تعبت نفسيتي
اقتباس:
|
رد: ابي كلام يريحني منكم تعبت نفسيتي
حبيبتي انت مازلت عروسة اتمتعي بكل يوم مع زوجك والذرية رح تجي ان شاء الله في الوقت لي ربي كاتب لكم فيك
لا تنكدي على نفسك وعلى زوجك خاصة اذا كنتو صغار بالسن اييسيا اذا كنت اكبر من الثلاثين معلش تابعي ولكن انتبهي من الضغط النفسي لانه يأخر الحمل عيشي حياتك مع زوجك وافرحي وادللي وكلي امرك لربك وما عليك من كلام الناس لأن مالهم شغلة غير الاسئلة المحرجة والتدخل في حياة الناس ولما تتخلفي رح يلاقولك شيء ثاني يحرجوك بيه فانسيهم ولما يسألوك قوليلهم عندما يقول الله له كن سيكون ربي يرزقك في القريب العاجل ان شاء الله |
رد: ابي كلام يريحني منكم تعبت نفسيتي
بعلرف انك صغيره ويمكن فاهمه الحياه خطا
كل شي بقدر يعني مافي شي في الحياه ماشي بالصدفه الله قدر كل شي من قبل الخلق لذلك كل اللي انصحك فيه انك تتوجهي لربك هوالعالم والقادر انه يرزقك انا بقالي 8 سنوات وشوفت كثييييييير بحياتي وطلقت بسبب اني ما انجبت ولكن الحمد لله ربي ابدلني خير منه في كل شي زوجي الحين عنده العدد متفاوت مره 100 الف مره5 مليون مره 500 الف بس المشكله عنده بالحركه اخر تحليل كانت صفر طبعا كان رقم صادم لكن الحمد لله كل مدي الابتلاؤ بيزيد انا انصحك ايضا اذا حابه تسرعي من الامر سوي حقن مجهري ولا تضيعين عمرك المشكله كمان ان الفيتامسنات قد تؤدي لنتيجه عكسيه يعني بدل ما تعالج قد تزيد الامر سؤ |
رد: ابي كلام يريحني منكم تعبت نفسيتي
حبيبتي ما في داعي تزعلين وتخانقين زوجك على شي مو بيد هذا مرض والمريض يحتاج الدعاء وراحة نفسية عشان يتحسن
وهو مهتم بالموضوع بدليل أنه ياخذ الأدوية والعسل بس أحياناً الرجال لما تكون المشكلة عندهم يصير عندهم إحراج ويفضلوا ما يفتحوا الموضوع لا تستعجلي ممكن النتيجة ما تظهر بنفس الشهر وعلى الأغلب تحتاج 3 شهور المهم إذا زوجك خامل ممكن كثير تكون الحيوانات المنوية خاملة عشان كذا لازم يتحرك ويمارس التمارين الرياضية لأنها تحرك الدورة الدموية ويوصل الدم للأعضاء وينتج حيوانات منوية أكثر عدد وحركة ولا تنسي الدعاء والإستغفار ودائماً قولي الحمد لله لأنكم عرفتوا السبب وغيركم ما عرفها ، وعندكم علاج وغيركم ما عنده ،وعندكم حيوانات منوية وغيركم لا ،والعمر قدامكم وغيركم وصلوا لسن اليأس بدون أطفال |
رد: ابي كلام يريحني منكم تعبت نفسيتي
الله يسعدكم وينوركم ي رب كلامكم ع العين والراس ويشرح الصدر
لاني ما تكلمت مع احد مو قادره افضفض لااحد قريب لانهم بيحرجوني بالاسئله صحيح قدامنا وقت فيه ناس سنوات والاسباب اقوى من سببي .. ان شاء الله افرحكم معاي بالنتيجه بعد شهرين من التحليل والله كريم اللهم لاتذرني فردا وانت خير الوارثين .. |
| الساعة الآن 12:40 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .