|
مشكلتي اني ادقق في كل شي مع زوجي تعبت والله
السلام عليكم ورحمة الله وبركاته
صباح الخير ياحلوات كيفكم انا عندي مشكله وودي تنصحوني انا مالي الا سنه واربعه شهور من تزوجت وزوجي الحمدلله طيب معي واخلاق ويحبني ويثق فيني ومو مقصر معي بشي وانا والله احبه بس فيه طبع مايعجبني اذا صارت له مشكله يسكت ومايتكلم ولا يشكيلي و كاني زوجته وكمان احيانا يستغفلني لاني طيبه معاه فيستغفلني ببعض الامور ويحسب انه يقدر يخبيها اواني مابفهم تصرفاته انا تعبت لاني مره شفت منه موقف صدمني فيه لاني ماتوقعته منه ابدا والموضوع صعب ماقدرت اكلمه فيه لاني ماابيه يعرف اني عرفت ومن هذاك اليوم وانا احس اني ماعاد اثق فيه زي قبل اذا رحت عند اهلي وهو عند اهله اوطلع مع ربعه ماعاد اثق احسني اتضايق ماادري كيف اسوي احاول اطنش بس انا من النوع اللي ماينسى انام احيانا وانا افكر بعدين تعبت لاني كثير حساسه حتى لو يقولي لا ببكي ماادري اش اسوي انصحوني |
رد: مشكلتي اني ادقق في كل شي مع زوجي تعبت والله
انا مثلك ياقلبي تقريبا .. اول سنة زواج شفت منه بعض الاشياء
وتضايقت وكلمته وناقشته .. من بعدها وانا الافكار تجي وتروح والشك ذبحني في اول سنة زواج بس الحين راح اكمل عن قريب 3 سنين زواج والحمدلله احسه تعدل الرجال وتحسن وصار يحسب لي الف حساب وصار افضل عن اول كثيييييييييييييير الحمدلله عسى الله يحميه ويصلح قلبه .. بس صدقيني يا اختي ترا الغفلة نعمة احيانا .. يعني انا ما ذبحني من اول الا التدقيق كنت ادقق عليه كثييييييييييييييييييير وهالشي خلاني تعبانة نفسيا وهذا اكبر غلط انتي لا تدققين وطنشي وربي راح ترتاحين ,, انتي بس حسسيه انك متابعته وعارفة وش قاعد يصير حولك وبنفس الوقت طنشي يعني لا تعصبين ولا تبينين له انك تعبانة من التفكير !! وانا والله اول سنة زواج كنت مثلك و اشد ! كنت ادقق واشك وافكر واناقش ودايم معبسة واراقبه ! بس بعد ماتناقشت معاه وبعد ما عرفت انه الزوج قبل الزواج شي وبعد الزواج انشالله شي ثاني , ارتحت .. واقول لنفسي كل الشباب كذا وكل الازواج كذا باول سنة زواج يبغالهم اعادة ترويض وتعديل ولازم يتأقلم ويتعايش بحياته الجديدة :) صدقيني انتي بس طنشي و مشي امورك ولا تفكرين كثير !! وصدقيني بعد مرور كم سنة عليكم راح يتعدل هو ويحس بالمسؤولية اكثر ويحبك ويحب حياته الجديدة معاك .. عسى الله يخلي لنا ازواجنا ويحميهم ويصلحهم وترا الحياة تمشي وطنش تعش وانتي عيشي حياتك ولا تفكرين كثير .. وسوي اللي قلت لك عليه لاني مريت باللي مريتي فيه :) موفقة .. |
رد: مشكلتي اني ادقق في كل شي مع زوجي تعبت والله
تسلمي لي بدوره الله يوفقك يارب مشكوووووووووووووره
|
رد: مشكلتي اني ادقق في كل شي مع زوجي تعبت والله
العفوو ياقلبي ماسويت شي ..
بس انا حاسة فيك وصارلي مثل ماصارلك .. بس تكفين سوي اللي قلت لك عليه وشوفي النتايج ^_^ التغافل ثم التغافل ثم التغافل والتطنييييييييييييييييييش .. وبتمشي حياتكم صدقيني .. :) |
رد: مشكلتي اني ادقق في كل شي مع زوجي تعبت والله
فتحي عين وسكري الثانية أختي
|
رد: مشكلتي اني ادقق في كل شي مع زوجي تعبت والله
يسلمممممممممممممممممموا رونق
|
رد: مشكلتي اني ادقق في كل شي مع زوجي تعبت والله
والله انا مثلك واكثر خليها على ربك بس
|
رد: مشكلتي اني ادقق في كل شي مع زوجي تعبت والله
بدوره كفت ووفت نفس التجربه مريت بهاوربي يستر عليهم
قولي كل يوم اللهم اني استودعك نفسي وزوجي وبيتي يامن لاتضيع ودائعك |
رد: مشكلتي اني ادقق في كل شي مع زوجي تعبت والله
يكفيني اي والله خليها على ربك
|
رد: مشكلتي اني ادقق في كل شي مع زوجي تعبت والله
الام مشكووووووووووووووره يالغلا وربي يحفظ لنا ازواجنا ويحميهم يارب
|
رد: مشكلتي اني ادقق في كل شي مع زوجي تعبت والله
تخيلي انك متعرفة على صديقة جديدة اكيد مو من البداية راح تقولين لها كل شي مع الوقت بتطيح الميانة بينكم اكثر كذا الزواج لا تفكرين من اول كم شهر بيحكي لك على كل خصوصياته
|
رد: مشكلتي اني ادقق في كل شي مع زوجي تعبت والله
سبحان الله مثلي وانا للحين المشكله تهئ
وربي في كل شي شارده ووارده الله يعينا بس .. |
رد: مشكلتي اني ادقق في كل شي مع زوجي تعبت والله
ادعيلو الله يهدي ويصلحو واجعله مغظا للبصر لغيري واحفضه لي ولأمه وأبوه
|
رد: مشكلتي اني ادقق في كل شي مع زوجي تعبت والله
يا عمري انا مثلك والله اعلم اذا اكثر بعد الرجال يسوي اشياء يضيع ثقه الزوجه فيها بس الحين قمت اطنش وما اقولك اطنش 100 على 100 بس في الطريق وانا صارلي سنه وشهر متزوجه الله يعين بس
|
رد: مشكلتي اني ادقق في كل شي مع زوجي تعبت والله
حياتي :
مشكلتنا النساء نجي لشخص ماعشنا معه والأكيد أنه غالباُ أكبر منا ثم نبي نطوع تفكيره على هوانا بسرعه ؟؟ لا حياتي: ما كل شيء لدى الزوج لازم تعرفه الزوجه .. فيه أزواج يبي يريح زوجته من التفكير معاه لأنه رجل يستحمل الشدائد والمرأة ضعيفة تتب كثير لو عرفت كل شيء .؟. لذلك خليك بأمور اسعاده ولاتتعبي حالك ومع الأيام راح يفرغ عليك كل شيء بخاطره موفقين. |
رد: مشكلتي اني ادقق في كل شي مع زوجي تعبت والله
أووووووووووووووف دخيلج انا مثلج وصارلي 6 أشهر من زواجي
كل يوم اقول بتغير وأتغير بس في اشيا الواحد ما يقدر ينساها الله يصبرنا بس |
رد: مشكلتي اني ادقق في كل شي مع زوجي تعبت والله
عليك بالدعااااااااااااااااااااااااااءادعي انه ربي يسخره لك ويحببه فيك ويبعد عنه اصحاب السوء وحاولي تتجاهلينه وربي راح يركض وراك
|
رد: مشكلتي اني ادقق في كل شي مع زوجي تعبت والله
مرااااحب
الله يهديه ان شاء الله هذي مشاكل اول سنين الزواج اكثر المتزوجين جدد تصير لهم بس انتي كلمية وناقشيه وان شاء الله بتكونون احسن من السمن على العسل |
رد: مشكلتي اني ادقق في كل شي مع زوجي تعبت والله
اقتباس:
|
رد: مشكلتي اني ادقق في كل شي مع زوجي تعبت والله
ليالي نجد
شذن قطرات ندى هنادي عشق الصدى عاشقة طيور الجنه معنى الوفاء مشكورات والله يحفظن لنا ازواجنا ويحميهم ويخليهم لنا يارب ويساعدنا ومامعنى الا التطنيش وكمان ندعيلهم |
رد: مشكلتي اني ادقق في كل شي مع زوجي تعبت والله
اقتباس:
اختي ذهول الحس صدقيني الرجال اغلببببببببببببببببببهم كذا مثل مثل .. ززززي بعض لا تقولين زوجي غير عن زوج فلانة ترا اغلبهم كذاااااااااا !! وبعدين مثل ماقلت لك , اذا انشالله مرت عليكم السنين راح تتعودون على بعض ويصير يقول لك على شوي شوي عن اسراره او اشغاله .. انتي برضوووو لا تصيرين مررة مرررة ساذجة ولا تصيرين مررة مررة نشبة .. يعني مثل ماقالوا الاخوات ( فتحي عين وسكري عين ) يعني اسأليه بعض المرات شخبار الدوام وش سويت منهو فلان ومنهو علان شخبار فلان وهكذا .. لانك ااذا عودتيه انك ماتسالين و صادة عنه, هو راح يتعود ويصير يسكت طووول عمره .. وصدقيني ياقلبي ترا كلللللللللللللللل الرجال طينتهم وحدة وحنا الحريم نفس مشكلتك بس انحلت مع الوقت وانتي الحمدلله بتحلينها مع الوقت وصدقيني اذا رجعتي وقريتي ردودنا هنا راح ترتاحين وراح تنفذين الكلام اللي قلنا لك :) بالتوفيق ياقلبي :) |
رد: مشكلتي اني ادقق في كل شي مع زوجي تعبت والله
بدوره الله يسعدك يارب والله انك قمر ريحتيني كثير الله يوفقك يالغلا ماقصرتي
|
| الساعة الآن 02:15 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .