الدورة تنقط ساعدوني
 

السلام عليكم اخواتي
بعد معاناة بحث في النت عن حل لفيت ولفيت وحكيت ماااااالي غيركم.
متل مابتعرفو الدورة اجتني غريبة ها شهر بعد تاخير نزلت نقطة وانقطعت ثم يومين دم خفيف وفاتح وانقطع ثمممم نقطة ثالث يوم واليوم كمان تنزل نقطة الصبح ونقطة العصر ، والمشكلة زوجي كل شوي يسال تحممتي احكي لا رجعت نزلت والله فشلة.
يعني ليش هيك ؟ والمشكلة افتكرت حالي رح اتحمم رحت لطخت شعري زيت ااتاري نزلت نقطة وانتو بكرامة.
الطبيب فحص سونار وماحكا في اي مشكلة ولا جاب طاري للحمل.
بالعادة دورتي تنزل عادي يعني ليش الشهر هيك

رد: الدورة تنقط ساعدوني
 

رد: الدورة تنقط ساعدوني
 

حبيبتي يمكن هده علامة من علامات الحمل لانو كتير نساء بتصير معهم هيك و لتتاكدي وتطمني على حالك اكشفي عند دكتورة و ان شاء الله ماتلاقي الا كل خيييييييير

رد: الدورة تنقط ساعدوني
 

حبيباتي انا رحت للدكتور وحكالي عندي ضعف تبويض مع اني حكيتله الدورة وانتو بكرامة اجت يومين ووقفت واجت خفيفة حكا عادي وما اهتم ولا حكالي اعمل تحليل دم وانا الصراحة زوجي مللللل من كتر ما بعمل تحليل وبطلع سلبي.
اعطاني كلوميد وابر مشان ابتدي فيهم بكرة وانا الصراحة خايفة. يعني عادة المفروض متل هيك بكون بدي اتحمم من الدورة لكن يلي عم ينزل مو دم دورة ولا كدرة وانتو بكرامة هو خفيف ولونه بين الوردي والبني خفيف. بصراحة خايفة اول مرة يصير معي هيك شي

رد: الدورة تنقط ساعدوني
 

حللي منزلي بالبيت وتأكدي قبل لاتبدي تستخدمي اي دوا

رد: الدورة تنقط ساعدوني
 

والله اعلم حمل بس لا تتوهمي كتير انتي اصبري شوي وان شاء الله نسمع عنك الاخبار الطيبه

رد: الدورة تنقط ساعدوني
 

ان شاءالله حبيباتي شكرا مابتقصرو بس انا مافيي اعمل تحليل حمل يعني زوجي مارح يرضى يجبلي اياه لانو اجتني خصوصا اني عملت مرتين وطلع سالب.
بكرا لازم ابتدي بل كلوميد يارب سترك

رد: الدورة تنقط ساعدوني
 

وكمان عشان الدكتور ما حكالنا اشي عن احتمالية حمل، مابعرف ليش حاسسته مابفهم ؟ معقول ؟

رد: الدورة تنقط ساعدوني
 

خيتي يمكن عندك سماكه ببطانة الرحمم
انا صار لي زيك وطلعت سماكه عندي


الله يرزقك ماتتمنينه

رد: الدورة تنقط ساعدوني
 

ممكن اسالك شو يعني سماكة بطانة الرحم؟ يعني هيي تمنع الحمل؟ وكيف تكتشف بفحص سونار عادي ولا داخلي؟ وشكرا

رد: الدورة تنقط ساعدوني
 

غلاتي اعملي فحص بالبيت فحص بول تاست

ممكن حمل انا حصلي كيفك اذا الدم فاتح او بني فابشري باذن الله حامل بس سارعي لانو يمكن الجنين يكون مو مثبت كويس ويسقط

الله يرزقك غلاتي

رد: الدورة تنقط ساعدوني
 

اعرف وحدة صار معها هيك بسبب ضعف التبويض
وعطتها الدكتورة حبوب ينظم الدورة عشان ترتفع
وصحيح نظمتها ورتفع الدم

رد: الدورة تنقط ساعدوني
 

غريب كيف يعطيكي منشطات واساسً ماتأكد اذا حمل ولا لااااااا

حبيبتي اعتقد ضروري تغيري الدكتور

لأن المفروض قبل مايكتب اي نشط
يتأكد اذا فعلااا اللي صارلك دورة او لاااا

الأفضل تتأكدي احتمال حامل ومابان

رد: الدورة تنقط ساعدوني
 

الافضل إنك تغيري الدكتور هذا شكله ما بيعرف شي عزيزتي لان قبل ما يوصفلك إي علاج لازم يعملولك تحاليل

رد: الدورة تنقط ساعدوني
 

حبيبتي حللي دم اذا ما طلع حمل ابدئي في المنشطات

هذا هو معنى سماكة الرحم::

سمك بطانة الرحم :

تصبح بطانة الرحم سميكة بناء على تنبيه الهرمونات لها لتكون مستعدة لحدوث الحمل ، لكن إذا لم يحدث الإخصاب تقل نسبة إفرازات الهرمونات ، الامر الذي يؤدي إلى نزول البطانة الرحمية السميكة على شكل نزف دموي من المهبل وهو ما يعرف بالحيض أي الدورة الشهرية .

سمك بطانة الرحم الطبيعي :

تختلف بطانة الرحم في سماكتها حسب أيام الدورة ، حيث أنه خلال الدورة الشهرية يكون سمكها دون 5 ملم ، بينما تكون سماكتها خلال ال 14 يوم من الدورة تزيد إلى 15 ملم ، وفي النصف الثاني من الدورة تتراوح سماكة الرحم من 15 - 28 ملم .

سبب زيادة سمك بطانة الرحم :

تزداد سماكة بطانة الرحم عند بعض النساء محدثة نزيفاً حاداً وذلك يحدث بسبب ارتفاع هرمونات الأنوثة ، الامر الذي ينتج عنه تشقق في بطانة الرحم وحدوث النزف الرحمي .

أعراض سمك بطانة الرحم :

1. ألم شديد مصاحب للدورة الشهرية لا يمكن احتماله
2. النزف الدموي الشديد
3. الألم عند التبول أو التبرز
4. العقم " عدم الإنجاب "

رد: الدورة تنقط ساعدوني
 

ربي يجزيكم الخير ان شاءالله بسمعكم الاخباروالطيبة قريبا

رد: الدورة تنقط ساعدوني
 

حبيبتي افضل شي تغيري الدكتور لانو يمكن حمل ولسا مابان

الله يرزقك الي ببالك يارب