|
نبض جنيني اختفى احد يفهمني شلون
بسم الله الرحمن الرحيم
السلام عليكم ورحمة الله وبركاته الحمدلله على كل حال ابيكم بس تدعولي لاني بضيقة مابعدها ضيقة والله اعلم بحاليhwaml78hwaml78 مثل ماتعرفون خواتي انا الخميس اللي طاف سويت سونار والدكتورة قالت لي فيني كيسين والكيس الاول فيه جنين وسمعتني النبض والكيس الثاني قالت لي صغير وماقدرت تسمع النبض ولاتجوف الجنين واليوم كان موعدي عند دكتوري ورحت وكلي امل اسمع نبض الجنين الثاني ولكنhwaml80hwaml80hwaml80 صدمني بكلامه قالي انه مافي الاكيس واحد ومافيه جنين ولاحتى نبض رغم اني بالاسبوع السابع يعني المفروض يكون فيه نبضhwaml80hwaml78 وعطاني مهلة اسبوع واحد بس للخميس الياي اذا بعد مافيه نبض بيسويلي تنظيف انا انصدمت من كلامه شلون مافي الاكيس واحد وشلون مافيه نبض وانا سامعته قبل اسبوع باذوني انا وزوجي خبرته اني سويت سونار من اسبوع ووريته الصورة والتقرير قالي الدكتورة غلطانه يمكن سمعت نبضج انتي مو نبض الجنين او يمكن سمعت نبض الجنين وهالاسبوع توقف وقالي مافي اي اثر للكيس الثاني خواتي احد صارلي نفس حالتي؟؟؟ وحتى لو كلامه صحيح النبض توقف مولازم يجوف شي داخل الكيس؟؟؟ ومعقولة باسبوع واحد بس يختفي الكيس الثاني نسيت اقولكم انا من رجعت البيت سيدة اتصلت على الطبيبة اللي سمعتني النبض وخبرتها بكل شي وقالت لي لا مستحيل انا متاكة اني شفت كيسين ومتاكدة انه اللي سمعتج ياه اهو نبض البيبي مو نبضج يمكن النبض توقف ماادري لازم ارجع اشوفج شسوي؟؟؟ انا من الصدمة اليوم كان عندي ابرة تثبيت ماخذيتها ورفضت اخذ حبوب الدافستون ورميت العلبة طمنوني ربي يخليكم انصحوني شسوي وربي حاسة نفسي بموت من القهر |
رد: نبض جنيني اختفى احد يفهمني شلون
إن شاء الله خير يالغاليه ..
وكلي أمرج الله وأنتظري أسبوع وعيدي الكشف عند دكتوره ثانيه .. |
رد: نبض جنيني اختفى احد يفهمني شلون
اختي توكلي على رك وكثري من الاستغفار
والدكااتره ماتااخذي كلام وااحد لازم كذا دكتوور وانا انصحك بكرى روحي لنفس دكتورتك اللي سمعتك نبض الاول وقالت الثاني فيك كيس مافي نبض اناا اختي راحت قالت لهاا الجنين ميت وهي كانت متاخره بالحمل وتقعد تبكي ولاما راحت لدكتوره ثانيه قالت الجنين طيب وهالحين مع بنت تجنن علشان كذا روحي لنفس دكتورتك والله يطمن قلبك يارب ويفرح نظرتك |
رد: نبض جنيني اختفى احد يفهمني شلون
أختي واظبي على العلاج وان شاء الله خير وأكثري من الاستغفار وان شاء الله ربنا يسترها ان شاء الله وانتظري اسبوع وروحي مرة ثانية للدكتورة وشوفي شو الاخبار وطمنينا عليكي
|
رد: نبض جنيني اختفى احد يفهمني شلون
ربي يثبته لك وتقر عينك بشوفته
ارجعي لدكتورتك وشوفي وش بتقووول ربي يسعدك ويسهل عليك |
رد: نبض جنيني اختفى احد يفهمني شلون
لا لا لا
حبيبتي في وحده من البنات هنا قالوا لها نفس الكلام مافيه كيس ومافيه نبض وخرابيط لكن يوم سوت كشف بعد اسبوع اظن طلع معاها النبض والله لو ادري وين الموضوع جبت لك الرابط حتى قريب مو قديم مره الامل بالله ماهو بكلام طبيب يمكن صح ويمكن غلط انتي استمري على المثبتات حتى ماتندمي بعدين واعملي بالاسباب ووكلي امرك لرب العالمين وربي مايخيب لك امل ان شاء الله ربي يرزقك واختي وكل محروم يارب العالمين |
رد: نبض جنيني اختفى احد يفهمني شلون
روحي عند دكتورة غير وجوفي
وانا شاء الله ما فيج الا كل خير الله يثبت لج حملج على خير يا رب دعوه من كل قلبي |
رد: نبض جنيني اختفى احد يفهمني شلون
ام عائشه...
ياقلبي روحي دكتوره معروفه وشاطره ... وخليها تشوف ليك .. لازم تتاكدي من الكلام لاتتبكي ولاتزعلي بس انت لازم تنتظري اسبوع واستمري ع تثبيت وخليك ع امل ربي كبير ..وانت لسه بالاسبوع السابع يعني الاغلب يتاخر النبض .. ربي يثبت لك حملك وتشوفي ضناك بخير الكيسين يارب العالمين |
رد: نبض جنيني اختفى احد يفهمني شلون
جزاكم الله الف خير على كلامكم ودعواتكم الصادقة
الحمدلله على كل حال واللي كاتبه ربي بيصير وانا راضية والحمدلله بس غصب عني والله دموعي ماقاعدة توقف اللهم لااعتراض لاحكمك ولك الحمد حتى ترضى وسامحني واغفر لي وان شاءالله راح ارجع اعيد السونار يوم السبت والله كريم ان شاءالله ربي يتمم حملكم على خير ويرزق كل محرومة يارب استغفر الله الذي لا اله الاهو الحي القيوم واتوب اليه |
رد: نبض جنيني اختفى احد يفهمني شلون
حبيبتي نصيحه انتظري لاتسوي تنظيف ولاشئ بدررررررررري الحين البيبي صغيييييييييرررر وماراح يبين..
إنتظري إسبوووع ياقلبي والله يكون بعونك واستمررري ع الدافستون وتوكلي ع الله وان شاء الله تبشرينا بعد اسبوع ع صحة البيبي.. |
رد: نبض جنيني اختفى احد يفهمني شلون
يارب يفرح قلبك ويطلع كلامه غلط
الحي في الدعاء واكثري الاستغفار وربي يفرج همك طمنينا عنك |
رد: نبض جنيني اختفى احد يفهمني شلون
ماعليك شر ياام عائشه وربي يخيب ظن هالدكاتره ويعطيك لين يرضيك انا بداية حملي سويت اربع اوخمس سونارات دايمن يقلون مافي نبض ونهاية الشهر الثاني بين الحمدلله وانا بالرابع الان وعقبالك يارب انتظري اسبوع ماعليك منهم العلم عند الله
|
رد: نبض جنيني اختفى احد يفهمني شلون
قلبي عورني عليج يا ان عائشه تذكريني بننفسي ايام الحمل الاول كنت ابغي اي شي
يثبت لي انه عايش وينبض انه ورفيجتي صار لنا مثل الشي بس اهي راحت واعادت السونار وطلع فيه نبض والحين عندها بنوته عمرها شهرين ان شاء الله حظك يطلع احسن مني وتسمعين النبض وطمنيني hwaml13لانه انه اعرفف شلون الواحد يفرح طول هالمده وبعدين ينصدم طمنينا عنك |
رد: نبض جنيني اختفى احد يفهمني شلون
ام عايشه طمنين عليك اليوم السبت رحتي سويت سونار
يارب فرح قلبك |
رد: نبض جنيني اختفى احد يفهمني شلون
توكلي الله فانه سميع مجيب الدعاء
طمنينا عليك حبيبتي في انتظارك |
رد: نبض جنيني اختفى احد يفهمني شلون
الله يطمنج ان شاء الله يسمعون النبض
وطمنينا عليج يالغاليه اكثري من الاستغفار والدعاء لله |
رد: نبض جنيني اختفى احد يفهمني شلون
طمنينا عليكي اختي..
|
رد: نبض جنيني اختفى احد يفهمني شلون
حبيبتي اعتقد البيبي طا وانتي ما حسيتي فيه لان صل معاي جذي تدرين هو قطعة دم صغيره عادي يطيح من غير ما تحسين والدكتوره كلامها صح وحتى الدكتور الي رحتيله نفس الشي اكيد صح والله يعوضج حبيبتي وعسى ان تحبو شيئا وهو شر لكم معوضه يارب يا قلبي شنو المانع اذا زوجك موجود وانتي بصحه وعافيه ما في مانع بأذن الله
|
| الساعة الآن 02:33 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .