تعبانه كثير
 

مالي احد اشكيله غيركم بعد مامريت فيه في الاجهاض من الم نفسي وجسدي
فقدت جنيني نزفت عشرين يوم وخضعت لعمليه تنظيف بتخدير كامل كنت لوحدي تماما خفت وبكيت كان كل من يمر علي من ممرضه وطبيه يمسح دموعي الا زوجي ماكان موجد
كنت محتاجه زوجي جدا محتاجه يحتويني يوقف معاي لكنه زاد المي خذلني لما تخلي عني وقت ماكنت محتاجته جدا
انا احس اني اكرهه الان اكرهه جدا لما حددت لي الدكتوره عمليه زعل بس مكشر وينافح علي وانا رغم كل خوفي من العمليه بكره والمي ورغم كل الحزن الي احسه صبرت وكنت اهديه وهو يكمل الاجراءات للعمليه بنفس شينه رجعنا البيت وقلت لي وش بتسوي بكره بالدوام بتاخذ اجازه عشان عمليتي قال لا مايحتاج اذا طلعتي من العمليه اجيت العصر بكيت كثير وقلت له انا خايفه ابيك معاي لا تتركني مافي احد من اهلي بالمدينه الي انا فيها قال لي خلاص بداوم واجيك قبل العمليه كان يسكتني مانمت ليليتها الصباح حطني بالمستشفى وراح عمليتي كانت الساعه 2 لما جت الساعه 9 الصباح قالوا لي انزلي الان العمليه كلمته على طول قلت له تعال بينزلوني الان بس كان رده خلاص روحي واذا طلعتي اجي بكيت وقلت تعال الان علما بان الطريق من المستشفى للبيت ساعه وحده اخذوا جوالي ونزلت اخذت ساعه تحت قبل العمليه دخلت العمليه وجلست بالافاقه ساعتين تعبت كثير من البنج رجعت كثير وكل هذا الوقت كنت اقول لهم زوجي برى طمنونه اني بخير طلعوني للغرفه وانا اقول اكيد تعب من الانتظار تحت ينتظري فوق بالغرفه بس حضرته ماجاء الى بعد ماحطوني بالغرفه وغيروا لي ملابسي بعد 3 ساعات ونص جاء قعد عندي خمس دقايق وطلع يخلص له شغل برى
هذا الموقف الي صار لي حملي واجهاضي حسسني ببعده عني خذلني لما كنت محتاجه ماعاد احس اني قاده اثق فيه انه بيكون جنبي بيوم من الايام لو صار لي شي بها الحياه كل الالم الي عشته مايفوق الالم الي احسه الان تعبانه كثير كثير محتاجه احد يحتويني يحسسني بالامان ما اخاف من شي بالحياه وهو موجود جنبي ..اكتب وانا ابكي اسفه اذا مو واضح كلامي بس كنت محتاجه احد اقوله وش احس

رد: تعبانه كثير
 

شوفي ياهدى حنا ممكن نقول زوجك غلطان ونطلع فيه ستين عله

بس ماندري وش ظروفه ودام هذا اول موقف سيء منه تجاوزي الي صار وتعايشي معه طبيعي

لكن الحمدلله انك طلعتي من هالازمه على خير وبصحه وسلامه والله يعوضك ولايضيع لك تعب

مصيره يتغير ويحن قلبه عليك ويحتويك بكره ان شاء الله تحملي ويرزقكم ربي بالذريه والله يألف بين قلوبكم

نصيحه لاتشيلي بقلبك ولا تحدقي عليه مراح تستفيدين شي سامحيه وابدي صفحة جديده

اكيد مقصر ودوره اكبر من مجرد زياره بس مارتكب جريمة لاسمح الله

رد: تعبانه كثير
 

مدري شقولك يا عهود بس يمكن هو متضايق لان صار اجهاض يمكن كان وده بالبيبي وتأزم لانه خسرو
عشان كده هو متضايق ادري مالك ذنب يحط الحره فيك بس في ناس
ماتعرف تعبرر ووقت الزعل يحطو حرتهم بأي احد
اعطيه فرصه ثانيه
ويمكن ماجه لان مايبي يشوفك بهالموقف انتي كنتي حزينه وضعيفه وهو مو قادر يشوفك كده

رد: تعبانه كثير
 

مثل ماقالت الأخت f16

حبيبتي سامحيه وتجاوزي هالمحنه وصدقيني يجي اليوم اللي ربك راح يكتبلك فيه الحمل السليم المعاااافااا وتفرحي بسوفته انتي وزوجك

لاتحزني وتكتأبي

انتي زعلك هو بالأساس من الاجهاض ولهذا السبب تحسي الدنيا كلها مسودة بوجهك

ياحبيبتي بخصوص الأزواج كثير منهم نفس زوجك

انا ولدت مرتين اللي جنبي امي وعمتي زوجي بس يوصلني المستشفى و من يعرف اني ولدت يجي عشان يشوف البيبي ويأذن بإذنه

يعني ماينتظرني برع لحد ماولد وأخلص لاااااااااا

والله مزعلني هالشيء كثير منه

بس شو نقول حبيبتي

الحمد لله ع كل حاااال

تعودت خلاص

فانتي لاتحسي ان زوجك الوحيد نفس الطبع

كثير ازواج مايحبوا الانتظار بس يجووو وقت مالشيء خلاص انتهى


الله يسخركم لبعض

رد: تعبانه كثير
 

هو صحيح ما وقف حدك بمحنتك وبالوقت لي انتي بحاجته بس مادام هده او زلة التمسي له عدر يمكن زعلان ع البيبي ويمكن ما قدر يشوفك به الوضع


انسي لي راح وبلشي صفحة جديدة

كمان لازم تفاتحيه بالموضوع في الوقت المناسب مشان القلوب تتصاافى وتقتنعي بمبرراته

رد: تعبانه كثير
 

رد: تعبانه كثير
 

البنات مثل مااااااااااااااااااقالولك الله يعطيهم الف عااااااااااااااافيه
الله يهديه ويحنن قلبه عليكي

رد: تعبانه كثير
 

ربي يسعدكم شاكره لك تجاوبكم معاي انا اليوم انشاء الله احسن نفسيتي يارب لك الحمد .

رد: تعبانه كثير
 

رد: تعبانه كثير
 

الحمد لله فرحتيني لما قلتي صارت نفسيتك أحسن

صدقيني ربي راح يعوضك بالحمل السليم انتي فقط ألجأي لربك واستغفري كثيرررر وربي راح يفرجها

وانا متأكدة أكتئابك وحزنك بسبب الإجهاض الله يرزقك بالقريب العااجل اللي يسرك يارب

رد: تعبانه كثير
 

خليك معاه بالبيت لا تكلمينه ولا تردين عليه حتى لو كلمك او عَصّب عليك خليه في جوه
خليك ساكته خليه مايعرف اشفيك لا تقولين له لا كلمة حلوه ولا شينة عيشي في بيتك
ولا كأنه موجود خلصي شغل بيتك ولا تقصرين في شي
عشان ما يمسك عليك ممسك جهزي أكله قبل ما يجي من الدوام وحطيه له وخليه وإذا كلمك
قوله كلمات مختصرة طيب أوكي خلاص زي كيذا او هزي رأسك او اسمعيه وامشي
خلصي اللي قاله لك وأعطيه وامشي خليه يعرف انو بعد اللي صار لك تغيرتي
خليه مايعرف شخصيتك تهتمي بنفسك ألبسي واكشخي ولا تعطيني وجه
وإذا سألك اشفيك صرتي كيذا قولي له تذكر ايش سويت فيني
وقت العملية وايش قلت ومتى جيت عندي
وامشي وهو وقتها راح يفكر وراح يحس بالذنب بأذن لله خليك انسانه غامضة
وشوفي كيف راح يصير لك انا قلت لك كيذا وشوفي اذا يصلح لك اللي قلته ولا طنشي

رد: تعبانه كثير
 

حبيبتي الله يعوضك يارب بتوام سليمين معافين يفرحك ويفرح زوجك

اعذري زوجك ممكن زعلان عشان الاجهاض
الانسان يحتاج له فتره لين يرضى بالقدر

ان شاء الله راح ينسى ويتغير

رد: تعبانه كثير
 

ياااقلبي عليك
يمكن هو كان مصدوم من اجهاضك
وكان فرحان كثير بحملك فحصل له مايسمى بالتبلد
من الصدمه وصار يحس انه في حلم ورافض انه يستوعب الواقع
زوجك يحبك ثقي بكلامي هذا وراح يكون جنبك دائما لكن الفترة هذي
عصيبة على كل اثنين يستنون طفل قادم وانا حاسه
فيكم الاثنين

شوفي حبيبتي الكلام اللي قلتيه لنا تحري الوقت والمكان المناسب
وناقشي زوجك فيه بكل حب وحنيه احضنيه وقولي له كل اللي بقلبك انتبهي تخلين بينك وبين زوجك حواجز
هو نصفك الثاني كل شئ بينكم يظل بينكم ومن خلالها رح يتضح لك ماكان غامض

صدقيني رح ترتاحين
الله يسعد قلبك ويعوضك

رد: تعبانه كثير
 

الا صار لك مشابه للي صار لي لما ان الوحده تتوقع شي وللأسف
بس انا في ولادتي تخيلي وانا حامل يقولي اذا ولدتي وانل مو موجود بالبيت خلي السواق يوديك
وش رايك بهذي الكلمه عصبت عليه وقلت له شنو انت ما عندك غيره وانا بهالموقف تبي السواق يوصلني
وسويت له هذره حس انه غلط من صج ويوم ابولد نزلني وانا اقوله انزل معي تخيلي
نزل وانا بغرفة الولاده وكل شوي يطالع الساعه يبي يروح الدوام انا قلت ما فيه لا تروح ويتثاوب وشوي ويغفي ويعصب علي اذا تألمت مررىه عصبني المهم انه سوا الا براسه وراح وما احد معي

وظليت اعيره مده وفي ولادتي الثانيه كانت مفاجئه ولدت بطوارئ وودوني يخيطوني انتظرني لين ودوني الغرفه وقال انا كنت ابمشي بس قلت ما بروح عشان ما تهذر وتقول ما جلست

مع اني ابيه يجلس ويخاف علي من نفسه ومو بالغصب هم ما سكت علييه