تجربتى تانى مره فى المركز المصرى للاطفال الانابيب
 

بناات دى تجربتى التانيه للحقن المجهرى اول مره محصلش انقسامات للبويضات الكلام ده من اربع سنين رحت المركز دخلت للدكتوره رجاء منصور كتبتلى على حقن بيوفيت 12 وسيتوفاج وفوليك اسيد لمده 3 شهور والحضور للمركز باليوم 20 بعد ثالث دوره المهم رحت المركز اخدت انا وزوجى 3 انواع برشام لمده 3 ايام من بدايت التنشيط اللى هوا كان يوم 25_12_2014 وهيا حقن فوق الركبه كل يوم حقنه وهما 25 حقنه والدكتور كتبلى فيتامين cوفيتامين e وفوليك اسيد وسيتوفاج المهم اخدت معاديوم 7_1_2015 وتم نزول الدوره يوم 4_1 المهم وده طبيعى المهم رحت المركز فى ميعادى يوم 7 الساعه 11 صباحا وخدت الممرضه منى عينه دم قالتى التحليل ده عشان متابعه التبويض المهم تم صرف 30 حقنه عضل اسمها menogon والممرضه علمتلى على المكان اللى هاخد فى الحقن ،،،،،،،،، سنعود بعد قليل

رد: تجربتى تانى مره فى المركز المصرى للاطفال الانابيب
 

عدنا::::::
اليوم اللى اخدت فيه الممرضه عينه الدم وتم صرف حقن عضل قالولى الدكتور هيتصل بيكى عشان الدكتور يقولى هاخد الحقن امتى المهم الدكتور اتصل بيا تانى يوم 8-1-2015 يوم خميس وقال لجوزى اخد الحقن بدايه من النهارده اخد 3بودره مع 2 مايه وكمان قالى اخفف حقن اللى تحت الجلد اللى فى الركبه الى نص حقنه بس بدل واحده كامله وقالى احضر للمركز يوم الاربعاء 14-1-2015 الساعه 9 صبااحااا ..... سنعوود بعد قليل hwaml7

رد: تجربتى تانى مره فى المركز المصرى للاطفال الانابيب
 

عدناااااااhwaml03
ذهبت للمركز يوم الاربعااء الموافق 14-1-2015 اخدو منى عينه دم تاانى وقالتلى استنى فى الاستراحه عشان هتدخلى عند دكتور احمد كامل عشان اعمل سوناار ودخلت عملت السونار ودى اول مره اعمل سونار للمتابعه التنشيط وقالى لسه المبايض ضعيفه شويه وربنا يسهل وتتحسن مع العلاج المهم قالى هنزود الجرعه بتاعت حقن العضل هنخليها 4 بودره و 2 مايه والحضور للمركز يوم السبت 17-1-2015 ادعوووووووولى يابنات اصل انا خايفه قوووى مع انى باكل اناناس عشان التنشيط وبشرب لبن كتير وباكل لحوم بس انا حاسه نفسى النهارده دايخه خالص ومش عارفه اصلب طولى الله المستعان ادعولى يابنااااات بالله عليكم هروح معادى يوم السبت وسوف اوافيكم بالاحداث hwaml13

رد: تجربتى تانى مره فى المركز المصرى للاطفال الانابيب
 

رد: تجربتى تانى مره فى المركز المصرى للاطفال الانابيب
 

ممكن تفيدوني صبايا انا حابة كتير اكون حامل وصارلي سنة و3 اشهر متزوجة وما صار شي الحمدلله وعملت انا وزوجي فحوصات وكل شي تمام الحمدلله الشهر الماضي اخدت مي حماتي على وحدة عملت لي حجامة على ضهري وبطني وحطت لزقة على ضهري وضايل للدورة 9 أيام علما بانو دورتي مو منتظمة ومو حاسة بشي بس أيام التبويض وبعدها بكم يوم صآر عندي وجع رهيب وما كنت اقدر انام منو واختفى هسا بحس بوجع الدورة اللي بحس فيه كل شهر ...
مأ بدي أتأمل متل كل شهر ...
هل من الممكن يكون عندي حمل ؟؟؟
الله يرزقنا ويرزق كل مشتهي الذرية الصالحة

رد: تجربتى تانى مره فى المركز المصرى للاطفال الانابيب
 

الله يرزقك حبيبتي وان شاء الله المرة هذه تحصل انقسامات . كلي مكسرات كل يوم حفنة وعصير اناناس وبيضة على الافطار مع شوي كمون والتمر أيضا مفيد والسمك الخالي من الزئبق .والله يسهل أمورك

رد: تجربتى تانى مره فى المركز المصرى للاطفال الانابيب
 

اختى meElYaA شكرا ليكى ياااقمررر اامين ياررب

رد: تجربتى تانى مره فى المركز المصرى للاطفال الانابيب
 

اختى miya12 انا بعمل كده وادعيلى ربنا يتمملى على خير عندى معاد بكراااا عشان متابعه التنشيط

رد: تجربتى تانى مره فى المركز المصرى للاطفال الانابيب
 

nana ممكن يكون حمل استنى اسبوع وبعد كده اعملى تحليل ممكن يكون حمل وربنا يسعدك ويديكى ياااارب ويكرمنى ويكرم كل مشتاق

رد: تجربتى تانى مره فى المركز المصرى للاطفال الانابيب
 

ازيكم يابنات وحشتووووونى وعدنا م جديد hwaml13 النهارده كان معادى فى المركز اول مادخلت عملت تحليل دم hwaml02وبعد كده حولونى على الدكتوره ليلى عشان السونارhwaml73 هيا طمنتى وخوفتنى فى نفس الوقت قالتلى عدد البويضات حلو بس لسه صغيرين انا اترعبتhwaml93 طمنتنى وقالتلى متقلقيش انا هديكى حقن فى البطن عشان تسرع عمليه التنشيط وتكبر حجمها بصراحه يابنات انا بحب الدكتوره دى اوى اسلوبها مع المريض تحسى براحه نفسيه وانتى بتكلميها hwaml53المهم هوقف دلوقتى حقن العضل وهاخد الحقن اللى فى البطن اسمها merional تكلفتها 700 جنيه بودره 2 و1مايه عددهم 12 حقنه مره الصبح ومره بليل الله المستعان وقالتلى كلى برتقال واشربى سوايل كتير وشربه وتعالى يوم الثلاث 20_1 ادعولى يابنات اللى عندها معلومه عن زياده حجم البويضات ياريت متبخلش عليااااااااا انا محتاجلكم يابنااااااات hwaml21 سوف اوافيكم بالاحداث انشاء الله hwaml4

رد: تجربتى تانى مره فى المركز المصرى للاطفال الانابيب
 

الجوز يكبر البويضات والمريمية .الله يرزقك بالذرية الصالحة

رد: تجربتى تانى مره فى المركز المصرى للاطفال الانابيب
 

اها قالولى المراميه مع الحلبه راح اجربها لان معادى بعد بكرا والله المستعان شكرااا اختى miya

رد: تجربتى تانى مره فى المركز المصرى للاطفال الانابيب
 

ياألله انا سمعت ان العمليه متعبه وفعلا متعبه ابر كثثثير الله يكتب لكم الحمل ويأجركم يارب

ويرزقكم الحمل بدون انابيب وتعب

رد: تجربتى تانى مره فى المركز المصرى للاطفال الانابيب
 

الله يسر امورك وان شاء الله تبشرينا قريبااا

رد: تجربتى تانى مره فى المركز المصرى للاطفال الانابيب
 

الله يرزقج بحمل معافى يااارب طمنينا عنك حبيبتي ان شاءلله خيير

رد: تجربتى تانى مره فى المركز المصرى للاطفال الانابيب
 

ازيكم يابنات انا رحت المركز يوم 20 عملت تحليل دم كالعاده واستنيت دورى عشان ادخل للدكتوره ليلى عشان السونار دخلت والحمد لله طمنتنى يابناااااات قالتتلى المبيضيين شغالين اليمين والشمال وعندك 8 بويضات كبرو للحجم اللى انا عاوزاه والباقى لسه حجمهم 17 و18 انا عاوزاهم يوصلو ل20 و21 المهم اطمنت وقالتلى تشترى حقن بطن تانى من المركز وهما 8 حقن ع يومين الصبح وبليل 2 بودره ع 1 مايه وتيجى يوم الخميس 22_1 روحت من هناك الساعه 10 تقريبا ع الساعه 3 اتصل بيا المركز كلمنى دكتور من عندهم وقالى بناءآع تحليل الدم النهارده الثلاث هتاخدى الصبح حقنه البطن عادى 2 بودره و1 مايه ونفس الكلام بالليل بكرا الاربعاء هناخد الصبح 1 بودره ع امايليل بقى مش هناخد حاجه خالص وتيجى الخميس المركز انا عملت طبعااا اللى قالى عليه الدكتور،،،،،،،،،، سنعوووووود

رد: تجربتى تانى مره فى المركز المصرى للاطفال الانابيب
 

رحت المركز امبارح الخميس عملت تحليل ودخلت للدكتوره ليلى قالتلى تحليل الدم ممتاز والبويضات الحمدلله وصلو للحجم اللى انا عاوزاه وتحليل الدم بتاع النهارده هوا اللى هيبين العمليه امتى روحى وتعالى الساعه 3 علما ان انامش ساكنه فى القاهره بس لينا شقه فى العبور قلت اروح احسن ما افضل قاعده مستنيه للساعه 3 روحنا وانتو عارفين بقى التوتر والقلق اللى كنت فيهم ربنا ما يكتبها عليكم طبعا انا مش هقلكم ع زحمه الدائرى والطريق وجوزى من التوتر المرايه بتاعت العربيه اتخبطط فى عربيه تانيه واتكسرت قلنا الحمد لله اللى بتيجى ع كده المهم وصلنا ع الساعه 3 ونص يعنى متأخريين نص ساعه لقينا التحليل لسه مطلعش فضلنا ملطوعين يجى ساعتين التحليل طلع 5 ونص وكان معايا 5 بنات اتحددت عمليتهم السبت معايا والباقى الاحد المهم دخلنا للدكتور قالى هتوقفى العلاج كلو النهارده والحقن كمان والنهارده الساعه 8 ونص مساءأ هتاخدى الحقنه دى choriomonفى معادها بلضبط وتشربى مايا كويس وتتغذى كويس تشربى 3 لتر مايا فى اليوم وبكرا الجمعه هتريحى من الادويه خالص مش هتاخدى حاجه وتيجى المركز يوم السبت صايمه 8 ساعات عشان عمليه السحب ادعوووولى يابات ،، علفكره انا عارفه انى طولت عليكم بس انا بعمل كده عشان حاجتين الاولى انكم تدعوووولى والثانيه عشان اى بنت مقدمه ع الحاجه دى تستفيد ادعولى انا خايفه اوووى وانشاء الله بكرا بعد العمليه لو قدرت اتواصل معاكم هكلمكم فى رعايه الله

رد: تجربتى تانى مره فى المركز المصرى للاطفال الانابيب
 

موفقه ياروحي وعارفه شعورك لاني جربته ٣ مرات ربي يفرح قلبك عاجلا غير اجل

رد: تجربتى تانى مره فى المركز المصرى للاطفال الانابيب
 

ربنا يعزك يا حوريه ويرزقك بالحمل السليم يارب انا عملت النهارده 24 _1 _2015 عمليت السحب والحمد لله طلعت 12بويضه والدكتور قالى هيتصلو بيا بكرا انشاء الله عشان يقولولى على عمليه الترجيع امتى وصرفولى 4ىحقن عضل وحبايه واحده اخدها النهارده بعد العشا بس انا خايفه لان عندى كحه وخايفه ده يأثر على العمليه مع انى باخد دوا بس مش جايب نتيجه يااااااارب اكمل مشوارى ع خير لانى تعبت بجد

رد: تجربتى تانى مره فى المركز المصرى للاطفال الانابيب
 

المركز اتصل بيا النهارده وقالى الترجيع يوم الاثنين هل ده كويس يابنات انا عملت عمليه السحب يوم السبت

رد: تجربتى تانى مره فى المركز المصرى للاطفال الانابيب
 

الله يرزقك اللي تتمني ياااارب
ربي يعوضك عن تعبك ان شاء الله

ماعندي فكره بس حبيت ادعي لك

رد: تجربتى تانى مره فى المركز المصرى للاطفال الانابيب
 

الله يتمم لك على خير يارب ،