|
ولدت بفضل الله وجبت عبدالعزيز
الحمدلله حمدا كثيرا .. ولدت يوم اﻷحد 20 ربيع اول وجبت ولد قمر ماشاء الله ( عبد العزيز )..
قبله باسبوع كان فيني آلام طلق ولمن رحت المستشفى قالوا لي مفتوح 2 سانتي .. روحي البيت وامشي وشربي قرفة واذا زاد اﻷلم تعالي.. رحت وسويت مثل ماقالوا ورجعت بالليل يوم زاد اﻷلم ونزل دم .. قالوا كمية الدم شوية مو حق ولادة .. خخخ مدري ايش كانوا يبون .. نزيف مثلا.. رحت البيت وصرت امشي ولمن رحت لهم يوم ثاني قالوا سكر .. فعرفت ان الوقت مابعد يحين.. يوم الخميس كان شكلي يكسر الخاطر ووضعي جدا مؤثر .. بطني نازل تحت كلش.. يوم السبت من صحيت والآلام ذابحتني .. والمغرب خشيت اتروش الا حسيت بمثل مغص الدورة ونزلت مني قطعه دم .. طلعت وشبيت لي عود وشربت دارسين .. صارت الالام تزيد وصرت احسب لها كل ربع ساعة وشويات كل نص ساعة صارت .. الين الفجر صار الالم مايجي الا كل ساعة.. بعد صلاة الفجر بدت تتقارب اوقات الطلق .. نمت من شدة التعب .. وقمت الساعة 7.30 .. رحت المستشفى على 9.30 قالوا مفتوح 2 وروحي البيت .. رفضت وطلبت تنويم على ماخلصت الاجراءات صارت الساعة 10.30 وحطوا علي تخطيط لمدة 45 دقيقة وكان فيه طلق بس ع قولتها بسيط.. صرت اقرا قرآن وادعي والطلق كل 10 دقايق وبعدين كل 5 دقايق.. ناديت الممرضة يمكن 10 دقايق او ربع ساعة وبالموت جات .. قلت لها ابي اقوم اتوضأ عسان اصلي الظهر بس مو قادرة من شدة اﻷلم .. فقامت كشفت علي وطلع مفتوح 8 ولله الحمد.. ودتني ع غرفة الولادة وبعدها قابلتني وحدة وقالت لي بتكشف عشان تشوف زاد او لا وطلع مفتوح 10 وعلى طول ع غرفة الولادة بدلوا لي ملابسي والقابله اللي ولدتني كانت لطيفة جدا .. والممرضة اللي كشفت علي في الغرفة ولقته مفتوح 8 ماشاء الله عليها ذوق وطيبه حيل ساعدوني لحتى ولدت الساعة 1.36 ظهرا .. الحمدلله والشكر |
رد: ولدت بفضل الله وجبت عبدالعزيز
طبها ولادتني كانت في مستشفى الولادة واﻷطفال باﻷحساء..
كل شي كان كويس .. بعد الولادة اخذوني ع غرفة الانتظار الين ما ادخل الحمام عشان يودوني فوق.. والحمدلله دخلت الجمام طبيعي.. معاملة الممرضات اللي قابلتهم السعوديات والفلبينيات كانت حلوة.. ولدي بالليل صار يستفرغ دم واخذوه ع الحضانة فكتب له الدكتور غسيل معدة ورضعتين ويسوفون اذا ما استفرغ ثانية او لا .. الاثنين الظهر جابوه لي بعد ماتشافى ولله الحمد.. طبعا كان احتمالات الاستفراغ.. 99% انه شارب دم اثناء الولادة 1% نقص فيتامين k هم يعطونهم حقنة فيتامين بعد الولادة بس بعض الاطفال يكون ناقص والجرعة ماتكفي.. طلع الاحتمال الاول وتماثل للشفاء... انتهت قصتي .. عقبالكم جميعا بهون وسلامة آمين.. |
رد: ولدت بفضل الله وجبت عبدالعزيز
ماشاء الله تبارك الله
الحممدلله ع سلامتك وسلامت البيبي وربي يحفظه لك ياارب |
رد: ولدت بفضل الله وجبت عبدالعزيز
الف مبروووك
الحمد لله ع سلامتك والله يخليلك ياه ويحفظه الك |
رد: ولدت بفضل الله وجبت عبدالعزيز
الحمد لله على سلامتك آلللف مبروك ويتربى بعزك وعز أبوه
http://forum.hwaml.com/imgcache2/hwa...187673_976.jpg |
رد: ولدت بفضل الله وجبت عبدالعزيز
ماشاء الله
الف مبرؤؤؤك يتربى بعزكم يارب والحمدالله على سلامتك |
رد: ولدت بفضل الله وجبت عبدالعزيز
الحمد لله على السلامه ويتربى بعزكم اختي :)
|
رد: ولدت بفضل الله وجبت عبدالعزيز
الحمدالله على سﻻمتك وعقبالي ان شاءالله
|
رد: ولدت بفضل الله وجبت عبدالعزيز
الف الف مبروك الحمد لله على سلامتك
نآويه اولد بمستشفى الولادة بالاحساء ، الحمد لله طمنتيني من نآحيتهم ، |
رد: ولدت بفضل الله وجبت عبدالعزيز
"بارك الله لك في الموهوب لك، وشكرت الواهب، وبلغ أشدهُ، ورزقت برهُ"��
اللهم أنبته نباتاً حسناً، واجعله قرة عين لوالديه واحفظه ، وبارك لهم فيه واجعله من أهل الصلاح والتقوى .��❤️❤️�� |
رد: ولدت بفضل الله وجبت عبدالعزيز
|
رد: ولدت بفضل الله وجبت عبدالعزيز
|
رد: ولدت بفضل الله وجبت عبدالعزيز
ماشاء الله تبارك الله ..................الف الحمد لله على سلامتك والعقبى لنا ومبروك المولود
|
رد: ولدت بفضل الله وجبت عبدالعزيز
الله يسلمكم ويبارك بعمركم آمين
والعقبى للبقية .. أمنيتي طفل .. هذا المرة الثالثة اللي أولد في نفس المستشفى ما شاء الله.. وبصراحة معاملتهم حلوة .. أسمع كثير يشتكون بس الشهاده لله ماصادفني منهم إلا كل خير.. |
رد: ولدت بفضل الله وجبت عبدالعزيز
الحمد لله على سلامتك
ان شاءالله يكون من الذرية الصالحة |
رد: ولدت بفضل الله وجبت عبدالعزيز
الف الحمد الله على سلامتك
ويتربى بعزكم يارب ولد صالح وبار فيكم يارب |
رد: ولدت بفضل الله وجبت عبدالعزيز
مشآءالله..
مبرووكك حبيبتي .. والف الحمدلله علي سلامتك. يتربي بعزكم . عقبآلي يآرب . |
رد: ولدت بفضل الله وجبت عبدالعزيز
الف الحمد لله على سلامتك
والف مبروك المولود الله يجعله من الصالحين المصلحين البارين |
رد: ولدت بفضل الله وجبت عبدالعزيز
حمداً لله على سلامتك ومبروك البيبي
|
رد: ولدت بفضل الله وجبت عبدالعزيز
ألف مبروك
أنبته الله نباتًا حسنًا ورزق والديه بره أنا ولادتي الاولى كانت بنفس المستشفى وكان رائع وتعامل اروع طبعًا ولدت قيصرية وظليت عندهم 5 أيام عناية واهتمام وأكل يفتح النفس ماشاء الله |
رد: ولدت بفضل الله وجبت عبدالعزيز
الحمدلله على السلامه
ويتربى ف عزكم |
رد: ولدت بفضل الله وجبت عبدالعزيز
الله يسلمكم ويبارك بعمركم جميعا امين
ويقر عينكم بشوفة البيبي وشوفة نبيكم .. ام دحومي . بالفعل جميلة معاملتهم مدري ليه دايم يذمونه.. |
رد: ولدت بفضل الله وجبت عبدالعزيز
الحمدلله ع السلامه والله يبارك لك في عبدالعزيز وتشوفينه من حفظة كتاب الله
|
رد: ولدت بفضل الله وجبت عبدالعزيز
الحمد الله على سلامتك يتربى بعزكم ويحفظه لك
|
رد: ولدت بفضل الله وجبت عبدالعزيز
"بارك الله لك في الموهوب لك، وشكرت الواهب، وبلغ أشدهُ، ورزقت برهُ"��
اللهم أنبته نباتاً حسناً، واجعله قرة عين لوالديه واحفظه ، وبارك لهم فيه واجعله من أهل الصلاح والتقوى .��❤️❤️�� |
رد: ولدت بفضل الله وجبت عبدالعزيز
الف الف مبروك حبيبتي
والف الحمد لله على سلامتك نآويه اولد بمستشفى الولادة بالاحساء الحمد لله طمنتيني من نآحيتهم عقبالي يارب بولاده سهله ميسره بكريه وخايفه |
| الساعة الآن 09:17 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .