|
بعد اشعه الصبغه حالتي النفسيه سيئه
السلام عليكم خواتي
سويت اشعه الصبغه من اسبوعين وطلع معاي انسداد بقناه وحده اليمين ولكن قدرت الدكتوره تفتحها بنفس الوقت بالصبغه والحمدلله وعقبهاطلبت مني تحليل بعد الدوره ب 21 يوم اللي اهوه افراز البويضات وكان ضعيف جدااا قالتلي اذا شررفت الدوره هالشهر خامس او سادس يوم دوره راح تسويلي منظار كوي للتكيسات اللي موجوده وكوي لجدار المبيض لانه سميك :( وعطتني علاج glucophage 500mg حبه يوميا بصراحه صاير فيني خوف من المنظار مادري ليش :( في عوار طبعا 3 فتحات بالبطن وعقب العمليه شنو راح يصير :( ودي انطر هالشهر واذا مافاد العلاج اسوي المنظار الشهر الياي اللي حالتها نفس حالتي وسوت منظار تقولي ابي نصايحكم خواتي جزاكم الله خيير دعواااتكم خواتي |
رد: بعد اشعه الصبغه حالتي النفسيه سيئه
الله يساعدج ياقلبي
بس برايي انتظري هالشهر وذا مافي حمل هيئي نفسج للمنظار حتي يروح الخوف منج وانشالله ماتحتاجينه وتحملي وربي يسعد قلبج |
رد: بعد اشعه الصبغه حالتي النفسيه سيئه
عملية كي المبايض ما ينصح فيها بصراحة فحبيت أحذرك
شوفي الدكتورة شتقول اقتباس:
|
رد: بعد اشعه الصبغه حالتي النفسيه سيئه
شوفي حبيبتي المفروض تستخدمي المنشطات و أبسطها الكلوميد وإذا ما نفع انتقلي للأبر مع متابعة التبويض واستخدام ابرة تفجيرية وتحديد أوقات الجماع وممكن تستخدمي تقنية التلقيح الصناعي
أما عملية كي المبيض هذه تستخدم كآخر الحلول لأن التكيس ممكن يرجع بعد كم شهر وممكن تسبب إلتصاقات استمري على الجلوكوفاج ، ومارسي التمارين الرياضية أو المشي على الأقل 3 مرات في الإسبوع ، ونزلي وزنك إذا كان مرتفع وشوفي التبويض كيف يصير عندك |
رد: بعد اشعه الصبغه حالتي النفسيه سيئه
الله يفرح قلبك حبيبتي انا كمان عملت الصبغة ووجدت القناة اليمنى مسدودة وعندي اكياس المبايض و الله محتارة شو اعمل كرهت الاطباء و كرهت الدواء من صارلو مثلي و شو العمل بعد هذه النتائج
|
رد: بعد اشعه الصبغه حالتي النفسيه سيئه
نصيحه مني
نصيحه نصيحه لااااااااتتسرعي ابدااااااً بخصوص اشعه الصبغه حلوووة ومفيده وهذي خطوة مهمه للحمل ثاني شيء لو تبويضك ضعيف فيه محاولات علاج تكون مع المنشطات انا صارلي نفسك الدكتوره طلبت مني اني اسوي هالمنظار واخذت موعد عمليه لكن كنت خايفه ورحت لطبيبه غيرهااا قالتلي مو لازم تعملي منظار لأنك المبايض عندي لها استجابه للمنشطات يعني فيه نتيجه للتبويض لكن ماكان يصير حمل بإراده ربك يعني شيء مو بإيدي وبعدين صليت استخاره واستخرت ربي اذا اسوي هالعمليه للمنظار او لا لأني فعلاا كنت خايفه مثلك وسبحان الله شفت كواااااابيس عن العمليه. الله لااااايرااويك حبيبتي مابطول عليج بس نصيحه لاتسويها اساساً التكيس يرجع لو سويتيه هالمعلومه عرفتها بعدين ان اللي تسويه بالمنظار وتزيليه عالمبايض راح يرجع للأسف مع الوقت فليش تتعبي نفسك خلك مع دكتورة شاطره وعالعلاج بالمنشطات وان شاء الله بتحملي خليكي مع دكتورة شاطرة وغيري طبيبتك الحاليه واكثري من الاستغفار وان شاء الله ربي يجبر بخاطرك |
رد: بعد اشعه الصبغه حالتي النفسيه سيئه
والله ماعندي علم حبيبتي بس البنات ان شاءلله بيكونو افادوكي والعملية انصحج تخليها كآخر الحلول وان شاءلله تحملين وما تحتاجين تسويها بأذن الله يارب امين
|
رد: بعد اشعه الصبغه حالتي النفسيه سيئه
رايي من رايي البنات
الجي كاخر حل واتمنى لك الحمل السليم المعفى |
رد: بعد اشعه الصبغه حالتي النفسيه سيئه
حاولي انك تقرأي اكثر واستفسري اكثر عن هذا الموضوع لدى الاطباء المختصيين حتى يذهب الخوف منك
|
رد: بعد اشعه الصبغه حالتي النفسيه سيئه
كنت اعاني من ااتكيسات من سنتين ماتركت اعلاج الا اخذته ولا نفع معها شي الم فضيع وبعدها
قررت اعمل كي لها والحمدلله سويتها بشهر رمضان الناضي وجدا سهله ولله الحمد يوم واحد بالمستشفى وثلاث ايام وصرت غزال هههههه المها بسيط جدا وصرف ليه الدكتور حقن تحت الجلط كل شهر مره توقف الدوره مؤقت وبعدها اخذت كلوميد هالشهر وابره تفجيريه ليه اسبوع بس الله يجيب الخير للجميع ق |
رد: بعد اشعه الصبغه حالتي النفسيه سيئه
الله يسهل امورك ...
ويرزقنا جميعا الحمل السليم |
رد: بعد اشعه الصبغه حالتي النفسيه سيئه
انا كان عندي تكيسات وم احتجت كي ..استخدمت بس جلوكوفاج وغذاء ملكات النحل وحملت بعد دوره وحده بس ....
|
رد: بعد اشعه الصبغه حالتي النفسيه سيئه
رايي من رايي الاخوااااات ...
اسأل الله العظيم ان يرزقك اللي في بالك يالغلااا انتي و كل الاخوات المنتظرات ...... ياااااا رب ربي ييسر امورك و يوفقك . |
رد: بعد اشعه الصبغه حالتي النفسيه سيئه
|
رد: بعد اشعه الصبغه حالتي النفسيه سيئه
مشكورين جميعا خواتي تناقشت مع زوجي وقررنا نأجل المنظار شوي ونشوف وباجر موعدنا بنروح ونشوف على موضوع المنشطات والتلقيح الصناعي نجرب وان شاء الله ما احتاج المنظار يا رب
سؤال الكولوفاج متعب معدتي مادري ليش اللي استخدمته تعب معدتها ولا انا قوي على معدتي ؟ وابر التنشيط شلون طريقتهم ؟؟ والله يرزقنا جميعا الذريه الصالحه يا رب |
رد: بعد اشعه الصبغه حالتي النفسيه سيئه
أنا في البداية استخدمت نوع من الجلوكوفاج خبص لي بطني ههههههههههه بعدين قلت للدكتورة وغيرته لنوع ثاني والحمد لله ماشية عليه تمام أول شي تبدأين بحبة وحدة في اليوم بعدين تاخذين حبتين ومهم تاخذينها وقت الأكل |
رد: بعد اشعه الصبغه حالتي النفسيه سيئه
الله يفرج الكرب ياااارب ويرزقك بالخلف الصاالح
|
رد: بعد اشعه الصبغه حالتي النفسيه سيئه
السلام عليكم حبيباتي
انا سويت الصبغه يوم 29/11 وبعدها تحليل زوجي طلع عنده التهاب بسيط طبعا عطوه مضاد ومنع من العلاقه بس ليلحين ما نزلت الدوره شسوي 😢 كلمت دكتورتي قالتلي نطري جم يوم اذا ما نزلت راجعيني عادي بعد الصبغه تتأخر الدوره ولا لا ؟؟؟ |
| الساعة الآن 11:23 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .