|
بنات ادخلوو وشوفو موضوعي
السلام عليكم ...
كيفكم بنات والله م ادري وش اكتب لكم لكن يعلم الله مافي احد اشكي له وتوي مسجله فيه عشان اشكي لكم .. المهم مشكلتي ان لي سنه و8 اشهر تقريبا متزوجه وللحين م حملت وسويت اشعه وتحاليل قبل اشهر والحمدلله مافيه شي لا انا ولا زوجي بس قالت لي خذي حبوب كلوميد واخذتها ولا فاد شي ونفس الشي م حملت والحين رحت مستشفي ثاني وقالت كل شي سليم واعطاني كلوميد وكلمين وقالت تعاليني يوم الاربعاء اشوف ومديي محتاره اروح والا اقعد وتوكا ع الله.. . والمشكله مو هنا زوجي يحب الاطفاال وله كم يوم متغير علي لان كل اصحابه للي تزوجو معه ماشاء الله تبارك الله حملو ازواجهم وهو حزينه مدري وش اسوي انصحوني وطلبتكم ادعوو لي ولاتنسوني .. hwaml39hwaml39hwaml39hwaml39h |
رد: بنات ادخلوو وشوفو موضوعي
نفس حالتي الله يرزقنا يارب احياناً توصل للبكاء لي سنتين ما اخذ اي موانع
الشهر الي فات اخذت كلوميد والحين علي الدوره ماصار حمل وبكرا ببدا بالكلوميد ثانيه كل شي بيد رب العالمين متى ما اراد صار الحمل كثري استغفار ودعاء ❤️ |
رد: بنات ادخلوو وشوفو موضوعي
خذي الكلوميد وتابعي التبويض مع الطبيبة ولاتياسي الله يرزقك باذنه في القريب العاجل وحزن زوجك عادي كلنا مرينا على هذي المراحل
|
رد: بنات ادخلوو وشوفو موضوعي
يااخواتي جربو الحجامه انتم وازواجكم .. و لكم اشربو ميراميه او بردقوش ٢٠ يوم بالشهر وبايام التبويض كولو اناناس
كل مؤمن مبتلى .. الاستغفار الاذكار بالصباح والمساء سنة الضحى سنة الشروق الوتر .. الصيام التطوعي .. جربوه بما انكم طيبين ومافيكم الا العافيه .. ف الله مايصلح حال قوم الا اذا اصلحو اللي بانفسهم .. توكلو على الله وابسط الذنوب واصغرها ممكن ترد عنكم الشي اللي تتمنونه .. |
رد: بنات ادخلوو وشوفو موضوعي
مشكورات اخواتي للي ردو والله يرزق الجميع ياااااارب بالذريه الصالحه عاجلا غير اجل بس تكفوون محتاجهه دعواتكم لاتنسوني..
|
رد: بنات ادخلوو وشوفو موضوعي
الله يرزقنا يارب الذرية الصالحة
الله يجبر خواطرنا بالذرية الله يعوضنا بصبرنا الذرية الله يعوضنا بدل الدموع و الحزن فرحة الحمل يارب العلمين ارزقني الذرية الصالحة ومن تتمنی |
رد: بنات ادخلوو وشوفو موضوعي
امييييييين يارب
|
رد: بنات ادخلوو وشوفو موضوعي
الله يرزقك يارب نصيحه لاتفكرين في الحمل عيشي حياتك والحمل يجي من الله
بقولك انا متزوجه لي ثلاث سنوات حملت بعد سنه وسقطت وحملت السنه اللي بعدها وولدت من شهرين بنتي مو مخليتني انام ولا اقدر اطلع اتمشى منها مو مخليه لي وقت من جد مسؤوليه بذات اذا عمرك صغير لاحقه ع الحمل والمسؤوليه وإنسي فكرة الحمل وجربي المنشطات والله يرزقك ببنوته مثل بنتي ماتخليك تنامين ههههههه |
رد: بنات ادخلوو وشوفو موضوعي
حبيبتي أنا اقول طالما سليمه ليش تاخذي كلوميد كل شوي يقولوا كثرتها تسبب تكيسات
جربي المنشطات الطبيعيه البردقوش ممتاز . الله يسهل امورك ويرزقك عاجلا . |
رد: بنات ادخلوو وشوفو موضوعي
فروحهه ... اميييييين ياارب ويحفظ لك ياااارب بنتكك
وتسلمي مملكة الحب بيكون اخر تجربه لي ف الكلوميد وان شااء الله م عاد احتاج لهه ويبشرني بحمل هذا الشهر .. |
رد: بنات ادخلوو وشوفو موضوعي
اشربي البردقوش ممتاز بهالسوالف
والله يعطيج طفل قريبا |
رد: بنات ادخلوو وشوفو موضوعي
الله يرزقك و يرزق كل منتظره الحمل
حبيبتي لا تفكري في الحمل حاولي تشغلي نفسك بقراءة القران و الرياضه و نصيحه اقري سوره البقره و مريم و عليكي بقيام الليل و صلاه الضحى و الدعاء و الصدقه ربي يرزقك أضعاف ما تتمني |
رد: بنات ادخلوو وشوفو موضوعي
لاتخدي ادويه ابدا خليكي
على عصير الرمان والعنب وكلي تين وعسل وخضراء واعملي رياضه. ويارب تحملي حبيت اضيف شي اشربي ماء البرقدوش |
رد: بنات ادخلوو وشوفو موضوعي
الله يرزقك الدريه الصالحه عاجلا
|
رد: بنات ادخلوو وشوفو موضوعي
حبيبتي توكلي علي الله وخذي بالاسباب الطبيه والروحيه وتابعي مع الدكتوره تعطيك ابره تفجيريه بعد الكلوميد تزيد فرصه الحمل عندك وان شاء الله تحملي بهذا الشهر امين
|
رد: بنات ادخلوو وشوفو موضوعي
لا تيأسي حبيبتي وتوكلي على الله
ل شي من الله به صالح داومي على الكلوميد وراجعي علشان التبويض والله يرزقك ياااارب |
رد: بنات ادخلوو وشوفو موضوعي
حبيبتي كلنا عندنا نفس المشكلة أنا متزوجة من سنة وما في حمل مع أني ما أخذت موانع أبدا المهم أننا نتوكل على الله ةنأخذ بالأسباب تابعي مع الدكتورة وخليك متفائلة مادام ما عندك أي مشكلة تمنع الحمل ولا تنسي الحمل رزق من الله يأتي في الوقت الذي حدده الله تعالى ربما يختبر مدى صبرنا وتوكلنا عليه الله يرزقك ويرزقنا جميعا بالحمل السليم المعافى عاجلا يارب |
رد: بنات ادخلوو وشوفو موضوعي
والله ياأختي انا انصحك خليها على الله بما انو تحاليلكم سليمة فلا تخربطي جسمك ويكون الضرر اكثر من النفع مادام عندك تبويض فقضية وقت فقط انا انتظرت سنة مع انو عندي طفلين من قبل بس الحمل الثالث تأخر سبحان الله وماكنت آخذ لا موانع ولاشيء فقط العزل ومع ذلك ماحملت الا بعد سنة وطبعا علاجي كان التقرب والتضرع لله والتوكل الخالص عليه ولاتحزني اختي كلشي بوقته حلو والله ما يأخر شيء الا لحكمة لذلك اصبري وتوكلي على الله و
|
رد: بنات ادخلوو وشوفو موضوعي
الله يرزقك بالحمل السليم ويفرح قلبك بالذريه الصالحه
انصحك بالبردقوش والمراميه مرررره ممتازه وان شاء الله تبشرين بحملك يارب بالتوووفيق خيتي |
رد: بنات ادخلوو وشوفو موضوعي
شكرا من اعمااقي قلبي لكل وحده ردت علي والله اني استانست حيل من دعوايكم وان شااء الله م انساكم بعد انا من الدعااء .. وبكره موعدي مع الدكتوره والله يكتب للي فيه خييير يارب ..
|
رد: بنات ادخلوو وشوفو موضوعي
هلا ريم
ياقلبي لاتشيلي هم طالما كل شي سليم يمكن المشكله في الجماع بعد الجماع حطي تحت مخده وارفعي رجولك ربع ساعه كتير ناس سوتها وحملت طالما مافي سبب معين وخليها يوم بعد يوم والله يحقق لك الي في بالك ومايجي سنه الا البيبي مجننك يارب |
رد: بنات ادخلوو وشوفو موضوعي
والله ياحبيبتي جربي الانناس من اول وقت الدوره لمن 12 يوم وبعدها جمااع يوم وترك
واكلي حبوب فولك اسيد وخلي زوجك ياكل حبوب فيتامين دال مع الاكثار من السي فود الاكلات البحريه وتصدقي بنيه الحمل واقري سورة البقره بنية الحمل وان شاااااااء الله انشاء الله تحملين عن تجرربه شخصيه خاصتا الصدقه |
رد: بنات ادخلوو وشوفو موضوعي
هلا اختي ريم
في بعض الاخوات الله يجزاهم خير ردوا عليج بما يرضي الله وفي بعض الاخوات اقول لهم خفوا على البنت شوي ةكن البيبي بيقعد على ريولكم !!! اختي قلبي معاج وعارفه انج تتشفقين على طفل بس بقول لج نصيحه حلووه واخذيها مني اولا روحي سوي تحليل الغده الدرقيه لان هالغده هي سبب معظم مشااكل الحمل واغلب الناس خبر خير ثانيا تابعي مع الدكتوره ولا تاجلين ولا يوم وروحي على الوقت لان كل كلمه يقولها عن طريق فحص وتتابع واذا تاخذين كلوميد وانتي سليمه فهاي احتماليه الحمل بتوام متعدده خلي بالج لان الكلوميد يسبب في نشاط المبايض وابر التفجير تخليهم يطلعون من مكانهم والجماع لازم يكون اذا بدون كلوميد يوم وترك يعني مب على كيفه وقت ما يبي يجامع لان البويضه لا يعلم نزولها الا الله سبحانه وتعالى وهي تتم 24 ساعه فقط يعني يوم كامل واحد واذا على اعلاج راح تقول لج الدكتوره بعد ابره التفجير لما تاخذينها الجماع ثاني وثالث يوم يعني مثلا اذا خذتي الابره السبت يكون الجماع يوم الاحد والاثنين متواصل واتجاب الاطفال رزق من الله فلا تقنتي من رحمة الله |
| الساعة الآن 12:08 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .