|
جعل كل من ترد علي للجنه ولاده طبيعيه بعد عمليتين
السلام عليكم 🌹
الله يسعدكم ابي اسالكم اذا احد ولد طبيعي بعد عمليتين قيصريتين عندي بنتين كلهم عمليات الحمد الله بنتي الصغيره الان عمرها ثلاث سنين وانا الان حامل بالشهر الرابع سالت دكتوره بمستوصف خاص قالت اذا عندك عمليتين معناته الولاده الثالثه بعد عمليه مع اني الحمد الله ماعندي اي مشاكل الله يسعدكم طمنوني اذا احد ولد طبيعي بعد عمليتين ونسيت اقولكم ان الدكتوره قالتلي لاتستني الطلق بالتاسع روحي خذي موعد ولاده وروحي اولدي عمليه بدون طلق وكذا مادري اسوي زي ماقالت وللا لا افيدووووني جعلكم للجنه ويحققلكم ماتتمنون يارب😢 |
رد: جعل كل من ترد علي للجنه ولاده طبيعيه بعد عمليتين
اعتذر خطا مطبعي بالعنوان 👆
جعل كل من ترد علي للجنه ولاده طبيعيه بعد عمليتين ✅ |
رد: جهل كل من ترد علي للجنه ولاده طبيعيه بعد عمليتين
ماعندي علم الله يسهل عليكي يارب
|
رد: جهل كل من ترد علي للجنه ولاده طبيعيه بعد عمليتين
حبيبتي انا مثلك مسوية عمليتين و اتمنى المرة الجاية تكون طبيعي ان شاء الله
بس في رايي مادام ما عندك مشكلة المفروض تولدي طبيعي حاولي تشوفي دكتور ثاني يكون شاطر و قوليلو انك حابة تولدي طبيعي اذا ممكن يساعدك و ان شاء الله يسهل عليكي و تولدي طبيعي بالتوفيق ان شاء الله |
رد: جهل كل من ترد علي للجنه ولاده طبيعيه بعد عمليتين
مشكوورين عالرد الله يعافيكم
حبيبتي بسومه كيف ممكن يساعدني اولد طبيعي اساسا اغلب الحريم اللي اعرفهم ولدوهم بالمدينه المنوره قيصري الله المستعان صارت موووضه الله يستر يارب يارحيم اولد طبيعي ويسهل ولادتي ولجميع من يقرا رسالتي |
رد: جهل كل من ترد علي للجنه ولاده طبيعيه بعد عمليتين
لﻷسف راح تكون ولادتك الثالثه عمليه لازم لانك ولدتي عمليتين وفي خطوره عليك لو تولدي طبيعي لانك جرحين فيخافون وقت الطلق الرحم يصير فيه تقلصات ويتمدد الجرح وينفتح ويسبب لك نزيف داخل الرحم لاسمح الله يعني فيه مضاعافات انا اختي مثلك حاولت تولد طبيعي بس قالها الدكتوره في خطر على حياتك والاهم تقومي بسلامه أنتي والبيبي وماتجازفين الله ياجرك ان شاء الله وكلي امرك لله وكثير ولادتهم عمليه الله يسهل عليك وعلينا يارب
|
رد: جهل كل من ترد علي للجنه ولاده طبيعيه بعد عمليتين
انا الي اعرفه اذا مرتين قيصري خلاص مافي طبيعي لان الطلق يكون مرره خطر عليك
فالاحسن تولدي قبل مايجي لك الطلق وليه تبغي تجربي الطبيعي ؟ الاثنين تعب و وجع ... رغم اني ماجربت الطبيعي بس خايفه منه مررره ... ولدت مره بس و كانت عمليه و ممكن تكون العمليه ارحم و الله اعلم كثير يقولوا الطبيعي اهون بس بعد الكل يقول الطبيعي صعب و الطلق مووت و خروج البيبي مؤلم مررره و الجرح بعد الولاده يكون في المهبل مرره حساس حتى البعض صعب يمشوا مده مو بسيطه و كثير يلتهب لانه بمكان حساس و غيره و غيره مشاااكل بعد الولاده الطبيعيه فلا تفكري ان الطبيعي راحه كلهم تعب في تعب القيصري و الطبيعي و اثنينهم فيهم جرح انا ما اعرف الطبيعي بس حسب ما اسمع و الي استنتجته ان الطبيعي بتموتي وجع وقت الطلق و بيروح بعد الولاده بس بيظل وجع الجرح و الوجع مع الرضاعه و ممكن مشاكل ثانيه مثل بواسير و توسع تحت و بلاوي العمليه من اسمها تخوف ... بس مابتخافي و انتي تولدي و لا تتووجعي التعب كله بعد الولاده و اظن بيستمر مده اطول من الطبيعي و بالمقابل مافي مشاكل بالمهبل او ما شاابه الاثنين تعب و لهم سلبيات و مصاعب مافي ولاده بدون تعب ارضي بنصيبك و المهم تقومي و البيبي بصحه و سلامة و ربي بيجزيك ع تعبك ان شاء الله |
رد: جهل كل من ترد علي للجنه ولاده طبيعيه بعد عمليتين
اقتباس:
مشكوووره عالرد حبيبتي اختك اللي حاولت تولد طبيعي كم لها سنه بين ولادتها والولاده اللي قبلها ؟؟ انا كلمت وحده من قريباتي ممرضه قالتلي اذا ماحسيتي بالم بالعمليه عادي تولدي طبيعي اذا كل شي تمام الله يكتبلي اللي فيه خير يارب |
رد: جهل كل من ترد علي للجنه ولاده طبيعيه بعد عمليتين
اقتباس:
مشكوره حبيبتي عالرد ربي يعافيك لاوالله فرق بين العمليه والطبيعي الطبيعي الم ساعه والعمليه الم ايااام والعمليه الله يكفينا الشر كثرتها تضعف القلب وانا احب الاطفال ودي انجب عشره ههههه |
رد: جهل كل من ترد علي للجنه ولاده طبيعيه بعد عمليتين
ممكن تولدي طبيعي بس راح يكون في بعض المخاطر عشان كذا بعد عمليتين قيصريتين يوصون بالولادة القيصرية
|
رد: جهل كل من ترد علي للجنه ولاده طبيعيه بعد عمليتين
اقتباس:
مخاطر زي ايش لاسمح الله ؟؟ |
رد: جعل كل من ترد علي للجنه ولاده طبيعيه بعد عمليتين
تقريبا نفس مدتك سنتين ونص وتخيلي انتظرت لحد ماجاها الطلق وراحت المستشفى والدكتور عطاها مسكنات وع طول حولها عمليه ماحاول معاها ابد للاسف اختي عنيده وكانت بتخاطر بحياتها بس لطف ربك الحمدلله طلعت منها بخير انصحك ماتجازفين مستحيل ولاده الطبيعي بعد قيصرتين والله يكتب لك الولاده السهله
|
رد: جعل كل من ترد علي للجنه ولاده طبيعيه بعد عمليتين
طبعا القرار راجع لك .. بس انا كمان انصحك ما تجازفي بالطبيعي
مثل ما انتي قلتي العمليه تتعب و الرحم يتعب و عمليتين اصعب من عمليه يكون مكان العمليه اضعف اذا بس عمليه وحده يكون في امكانيه للطبيعي لو مر ع العمليه الاولى سنتين او اكثر لكن مو ممكن طلق صناعي لان ممكن العمليه تنفتح من داخل و يحصل نزيف و اذا عمليتين يعتبر خطوره لان تكون منطقه الجرح اضعف و حتى الطلق الطبيعي ممكن يسبب نزيف و خطر فليش تجازفي بصحتك ؟ الي اعرفه ان ابدا ما ينصحوا بطبيعي بعد عمليتين متتاليتين ،،، و مثل ماقلتي الجسم يتعب فيكون الحد الاقصى اربع ولادات حسب ماسمعت و بصراحه ما اعرف من ضحك عليك و قال لك الطبيعي الم ساعه ... صح انه طبيعي من ربي بس تراه متعب متعب و ناس حتى بعد الاربعين تعاني مشاكل و ناس يجيها الطلق يوم و يومين ... غير مشاكل الخياطه الي تحت .. ترى حتى الطبيعي يشقوا و يخيطوا انا عارفه العمليه تعب لكن كل الولادات تعب ... و انتي ماجربتي الطبيعي فلا تحكمي انه راح يكون سهل و انا ما جربته بس عكسك احسه اصعب من كثر ما اسمع مشاكل عنه و الم الطلق و الم الخياطه و الي ترجع تخيط مره ثانيه و الي يجيها ارتخاء و توسع بالمهبل اصلا مكان الجرح بس يخوف بالماضي كان الطبيعي .. طبيعي جد .. بدون ما يشقوا و يخيطوا بس الحين غييير في حالات يكون الافضل ترضي بالعمليه يعني ناس تعاند و تنتظر الطلق رغم ان المفروض تسوي عمليه و بعدين تتعب من الطلق و تولد عمليه لان الطبيعي تعسر يعني تعب اثنين و ناس ياحرام مو عناد بس مثلا المستشفى حكومي ما يبغى عمليه يتركها تعاني لحد ما يصير الوضع خطر و بعدها يحولوها عمليه و ناس تؤم يطلع واحد طبيعي و الثاني عمليه كانهم ولدوا مرتين اذا مره ودك طبيعي انصحك تستشيري اكثر من دكتور و في اكثر من مشفى و شوفي الكلام الي يقنعك اكثر و ترتاحي له اكيد ان اهل الاختصاص يفموا اكثر منا و اكيد نصيحتهم لك بتكون افضل من آرائنا و ربي يكتب لك فيه الخير ... طبيعي او عمليه المهم تقومي انتي و البيبي بالسلامه .. ربي يتمم لك و لنا ع خير بصراحه الولاده رعب سواء عمليه او طبيعي و يجيك الهم و انتي تفكري فيها اه الله يعينا بس |
رد: جعل كل من ترد علي للجنه ولاده طبيعيه بعد عمليتين
خليها على الله واصبري لاتستعجلين ابد لان الدكتورات حيل عجولاتانتي اعرفي لمن تنزل الاشاره مده اسبوع ادا ماكو ولاده سوي عمليه اني صديقتي بعد ولاده قيصري ولدت طبيعي بس توسع اصطناعي انتي اهم شي مافي نزيف اوضيق والاعمار بيد الله الله يسهل عليج يا رب اني مثلك بس ابني صغير عمره خمس سنين اتمنى طبيعي
|
رد: جعل كل من ترد علي للجنه ولاده طبيعيه بعد عمليتين
الله يسعد كل اللي رد علي ماقصرتووا حبيباتي
وربي يكتبلي ويكتبلكم اللي فيه خير... باذن الله بستشير كذا دكتوره وربي يسهل |
رد: جعل كل من ترد علي للجنه ولاده طبيعيه بعد عمليتين
الله يقومك بالسلامه ياااااااارب
|
رد: جعل كل من ترد علي للجنه ولاده طبيعيه بعد عمليتين
|
رد: جعل كل من ترد علي للجنه ولاده طبيعيه بعد عمليتين
هو ممكن أختي وسمعت عن كثير أنجبوا بعد عمليتين طبيعي بس ما تضمنين المضاعفات لاسمح الله من تمزق ونزيف لاقدر الله أنا سمعت وحدة جابت طبيعي بعد عمليتين بس شالوا الرحم بسبب النزيف وللأسف طبعا ماراح تقدر تنجب يعني مافي شي يسوى الخاطرة وفي زمنا هذا صارت القيصريه أسهل من الطبيعي وتقدرين تنجبين إلى تسعة إذا صحتك تسمح ومافيه أي مشاكل بس صدقني أنتي تتمنين الطبيعي ﻻأنك ماجربتيه لو مجربه كان قلتي الحمد الله إني أولد قيصري طبعا هذي شهادت كل اللي أعرفهم وولدوا طبيعي بعد عمليه كلهم أجمعوا أنها مررررره متعبه والله يكتب اللي فيه الخير والصالح لك يارب وأهم شي السلامه لك وللبيببي
|
| الساعة الآن 01:59 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .