|
مشكله حساسه
احتاج مساعده وحل لمشكلتي , اول مره اتكلم في الموضوع اتمنى تساعدوني
صارلي متزوجه سنه ونص تقريبا وعمري 26 و لا حملت قبل الزواج عملت تحليل هرمون الحليب والغده الدرقيه وهرمون الذكوره وكانت النتائج سليمه و الحمد لله الدوره عندي منتظمه ,و احس بالتبويض في كل شهر بكل اعراضه , ولا اعتقد ان عندي تكيس لاني نحيفه ولا عندي كرش المشكله في الاغلب من زوجي عنده ضعف , في بدايه زواجي كانت تصير العلاقه بيننا مره او مرتين في الشهر , بس الشهور الاخيره صارت مره كل شهرين او اكثر فيه حاجه غريبه كمان لما ينزل زوجي السائل ينزل برا ,لازم نفرش تحتنا فرشه حتى ما نوسخ السرير ,ما اعرف اذا هذا الشيء طبيعي او لا ؟ عنده كمان مشكله سرعه القذف ,في اقل من دقيقه ,صعب العلاقه عليه مره ويتعب فيها انا شاكه اني لسى بنت بس مش متأكده زوجي لمحلي اني انا اروح واكشف واشوف ايش المشكله , هو شايف ان هو طبيعي ومستغرب ليش ما حملت , عذره في قله مرات العلاقه انه تعب ودوام مو بسبب مشكله ,مع انو حتى في الاجازات نفس الوضع هو متحمس للحمل يمكن حتى اكثر مني , واصلا العلاقه بيننا تكون بسبب الحمل فقط يعني لو احمل بيرتاح ويفتك ما اعرف كيف افتح معاه الموضوع واقنعه يكشف و هو مقتنع انو طبيعي و مستحيل يعترف ما اعرف ايش اقوله بالزبط ,المشكله حتى اذا راح للدكتور ماحيقوله الصراحه لانه مو مقتنع انو عنده مشكله الموضوع جدا حساس ولا ينفع التلميح لاني لمحت اكثر من مره ولا فهم ايش التحاليل الي يطلبها الدكتور من الزوج ؟ واذا الدكتور سأل الزوج عن العلاقه اذا طبيعيه و منتظمه او لا وكذب و جاوب طبيعيه ,فيه تحليل يوضح ويبين العكس ؟ اخاف يكذب فطبعا ماحيعطيه الدكتور علاج اذا انا رحت لدكتوره تطلب من الزوج الكشف ؟ مجبوره اروح معاه و اكشف على نفسي مع اني خايفه تديني منشطات و العب في هرموناتي مين تعرفون دكتور او دكتوره كويس في جده وما عنده زحمه ؟ انا و زوجي نكشف عند نفس الدكتور او غير؟ ايش التحاليل المطلوبه ؟ ومتى انسب وقت للتحليل ؟ بعد الدوره او خلالها ؟ لازم اعيد تحاليل الهرمونات اذا مر عليها اكثر من سنتين؟ و ايش التحاليل المطلوبه من الزوج ؟ |
رد: مشكله حساسه
اتوقع زوجك عندة ضعف جنسي لازم يتعالج ماعندي معلومات كافيه يارب البنات يفيدوكي
|
رد: مشكله حساسه
ياقلبي صح مشكله حساسه مرا
بس معقوله يصبر فتره طويله ع الجماع بغض النظر عن الرغبه في الحمل ولسه بدري ع الملل صح تجي فتره نبعد سوا البنت او الرجل بس يرجع الوضع طبيعي والسائل المنوي ازا دخل في المهبل ماايخرج الاازا انت قمتي او رحتي حمام وغسلتي ممكن ع الفراش باقايا بس نادر دي مشكله المشكله التانيه انو وضع انو بس الجماع للحمل يقلل النسبه دائما الواحد يتم الجماع ويتوكل ع الله بس التدقيق متعب سوي اشياء جديده وتغير في المكان والاجواء يمكن ان شاء الله لها دور والاستغفار كمان بس حكايه انك بكر غريبه وقتها ماحسيتي بالم او دم اوشي يوضح انك موبنت او في احس الي يحتاج الدكتور زوجك لازم يكشف ويحلل السائل المنوي ويكلم الدكتور ع مشكله القذف وياكل عسل ويهتم في الغذاء ولا يحط في باله الحمل وحولوها لمتعه وان شاء الله الاخوات يفدوكي والله يرزقك بالي تبغي |
رد: مشكله حساسه
حبيبتى انتى متزوجه بقالك سنه ونص وكل هالاحراج بينك وبينك زوجك لحد هالحين ؟؟؟؟؟؟؟؟
طيب سنه ونصف متزوجه ولسه شاكه انك بنت لحد هالحين ؟؟؟؟؟؟؟؟؟؟؟؟؟ اول شىء لازم تعمليه انك تتكلمين مع زوجك وتوافقين تروحين لطبيب النسااء مع وجود زوجك معك !! لازم زوجك يجى معك للطبيب حتى يسمع نصااااااائحووو ويفهم مطلتباته ويصدق انه مو طلبك انتى ؟؟ عندما تروحين للطبيب احكى كل شىء بدون اى احراج لا تخجلين ولكن احترسى عن الا تجرحين مشاعر زوجك يعنى طبيب النساا راح يسال وانتى جاوبى بصراااااااااحه تاااااااااااامه عندما يكشف عليكى بيعرف انتى مازلتى بنت او لا ؟ واذا طلعتى بنت بيحكى لزوجك وبتعرفووو مين وين المشلكه اذا ما عندك تكيساات ومشاكل باذن الله راح يطلب الطبيب من زوجك تحاليل السائل المنوى ويشمل العدد والحركه وهيك شغلات ! وساعتهاااااااااا راح يكون الكلام تااااااانى ........ ولكن هالخطوه مشوارك للطبيب وزوجك معك ........ موفقه حبيبتى |
رد: مشكله حساسه
المشكلة فعلا حساسة حبيبتي
أولا العلاقة بينكم ما لازم تكون فقط من أجل الحمل ؛ الحمل هو نتيجة للعلاقة وليس الهدف منها المفروض تكون بهدف المتعة والحب بين الزوجين هذا من ناحية من ناحية ثانية إذا كانت العلاقة بينكم تكون مرة في الشهر أو في شهرين فاحتمال تصادف أيام الخصوبة ممكن تكون قليلة وهذا يقلل من فرص الحمل خروج السائل من المهبل طبيعي لكن بعد فترة لما الزوجة تقف أو تروح الحمام لكن أنه يخرج أثناء العلاقة فأعتقد أن فيه مشكلة لازم تتعالج بالنسبة لطريقة تقنعي زوجك عن الطبيب فالأمر بسيط وما فيه إحراج ممكن تروحي أنت أولا والطبيب أكيد راح يطلب تحاليل الزوج وأعتقد أنه حيتقبل الأمر وقتها المهم انك تروحي للطبيب في أقرب وقت وربنا يريح بالك ويرزقك من واسع فضله |
رد: مشكله حساسه
حبيبتي .. المشكله اعتقد عنده ضعف جنسي
اذا كان يجامعك فقط مرا لمدة شهرين ..! في هذه النقطه بتقل فرصة الحمل وحاولي انتي تغيري الاجواء له ولا تجامعوا الا لمتعه وليس لغرض الحمل .. وحاولي تكثري معاه الجماع لاكثر من مره بالشهر |
رد: مشكله حساسه
البنات ماقصروا معك
وتحليل الزوج بيكون عينه من السائل المنوي حقه ولازم على الاقل عشان يصير حمل بيكون الجماع بانتظام يعني في الاسبوع 2 او 3 بعد لانك ماتعرفي وقت تبويضك ولمن تروحي لدكتوره خليها تكشف على كل شيء من قرحه من انسداد غير عن التكسيات والهرمونات والغدد والنفسيه كمان تلعب دور كبيييير فانتوا حاولوا ماتربطوا الجماع لاجل الحمل فقققققط موفقه ان شاءالله والله يسهل امرك ويريح بالك |
رد: مشكله حساسه
بالفعل مشكلتك كثير حساسة بس من نعمة رب العالمين ما في داء الا وله دواء
لا تخافي انتي بس إقناعي زوجك يروح عند دكتور بس يكون شاطر يمكن عندوا ضعف جنسي او خجل زياااادة في رجال بتكون عندهم عقدة الخجل او ما يدري كيف بتكون العلاقة الصحيحة بين الأزواج الله يشفيه ويرزقنا وياكي بالذرية الصالحة عااااجل غير اجل يارب |
رد: مشكله حساسه
حبيبتي البنات ماقصروو وفادوكك كثير وزي ماقالو حاولي تغيري له الجو
واذا ببالكم الحمل ﻻزم تكثفون الجماع وحاولي تتقربي منه وتفهميه انو مهم يروح يحلل ويكشف عن نفسوو حاولي تقنعيه مو عيب الواحد اذا تعالج والله يرزقكك يارب ماتتني ♡الله يسهل امرك |
رد: مشكله حساسه
حبييتي فعلاً زوجك عنده مشكلة واكيد ماهو طبيعي .. جماع مره كل شهرين كيف تبغي تحملي ؟؟!!
لازم يكون شبه يومي عشان يسير حمل بإذن الله ،، يعني شغله ماهو عذر كل الازواج عندهم اشغال ويرجعو لزوجاتهم مشتاقين وصلا مايقدرو يصبروو عليهم اسبوع .. فأكيييد ماهو طبيعيي ولازم تقنعي زوجك يحلل .. اذا بينلك المشكله فيكي لاتسكتي وقوليله ع الي بخاطرك التحليل فقط السائل المنوي من الرجل ،، وانتي لازم تابعي تبويضك ماينفع تقولي احس بالتبويض او انا نحيفه ماعندي تكييس .. نصيحه شوفي نفسك كمان ومو ضروروي تاخذي منشطات الا اذا عندك ضعف تبويض او اذا انتي مستعجله بالحمل .. الله يرزقك الحمل السليم المعافى |
رد: مشكله حساسه
ما قصروا الاخوات كلامهم عين العقل
بس سؤال يطرح نفسه اعتقد سنة و نص كفاية ان زوجك يفهمك و انتي تفهمين شنو متطلباتهم حاولي تعملي له بعض الاجواء الرومنسية و تزيني و تعطري له و قولي له انك مشتاقة له عاطفياً و جسدياً حسسيه باحتياجك له و سوي جلسة مصارحة معاه و فهمي شنو في خاطره و قولي له انه ودك تروحين المستشفى للفحص بس حق مراجعة بسيطة اكسري حاجز الخجل بينكم خليه يحتويك و تحتويه و الله يوفقكم و يسهل اموركم |
رد: مشكله حساسه
حبيبتي مشكلة زوجك بسيطة و مع الدواء بيعطولوا هرمون ذكورة بإذن الله بيتعالج و يشفى في مدة أقصاها 3 شهور و رح تلاحظي الفرق و ان شاء الله بتحملين على طول.
بس أنا من رأيي أيضا لازم تسوين رقية شرعية لك و لزوجك لأن يمكن مساويين لكم ربط أي سحر للتفريق بين المرء و زوجه.. لا تستهيني بالجانب هذا لأن أنا عن تجربة كنت أنا و زوجي كل يوم خناق و عياط مع أنه زواج عن حب و مثل ما ذكرتي السبب الرئيسي من العلاقة هو الحمل سواء مني او من زوجي لأن الضغط تبع أهلوا و خصوصا والدته كثير أثر علينا لكن المدة بين الجماع و الجماع أكثر شيء 3 أيام و إلا في مثل حالتك مرة في الشهر من وين بده يحي الحمل؟ و للا بتركزو على يوم التبويض؟ المهم بعدين اكتشفت بعد 3 سنوات زواج أنو العلاقة بيني و بين زوجي بدون احساس و حتى هو عنده صعوبة في القذف يعني أمل و اتعب و هو كمان المسكين يحاول جاهد انه يقذف و في مرات أمل و اطلب منه يتوقف و يرتاح المهن حسيت الوضع مش طبيعي و يا سبحان الله بعد 3 سنوات من العلاج لي و لزوجي إلا أنني حملت في الشهر اللي توقفنا فيه عن تناول العلاج صدقيني بس جبنا ثلاث رقاة للبيت و كلهم قالو انه معمول سحر ربط منذ ليلة الزفاف حسبي الله على اللي سواها المهم و الله و الله أنه غيرنا البيت اللي كنا مستأجرينو و رحنا سافرنا و كنت في وقت البيريود و لما رجعنا يا سبحان الله كل شيء متغير حتى المعاملة و ما صرنا نتخانق و العلاقة صارت رومسية مثل العرسان الجدد و الله زوجي يقوللي كأن أول أيام شهر العسل و الحمد لله ما شفت الدورة من بعدها ، قولوا ماشاء الله تبارك الله و ادعولي بثبات حملي و يقر الله عيني بشوفة البيبي سليم معافى. أدري كثرت عليك بس و الله قصدي أني أفيك أنتي و كل منتظرة للحمل مع العلم انه كان عندي ضعف تبويض كنت آخذ علاج كل شهر و ما يصير حمل و الشهر اللي ما اخذت فيه اي علاج الحمد لله حملت. و ملاحظة زوجي لما سوا التحليل طلع العدد قليل و السبب ميكروب في المني و أخذ علاج مدته 20 يوم راح الميكروب و العدد نقص كثير و زوجي تشائم و مارجع للدكتور و بعد شهور رجع للدكتور و قاله الدكتور عادي ينقص العدد المهم الميكروب اختفى و أعطاه علاج مدته شهرين و زوجي مو منتظم في أخذ الدواء يوم ياخذه و مرات ينساه المهم انو بعد ما خلص الدواء عملنا الرقية و الحمد لله جابت نتيجة. و أنتي كمان لا تهملي الجانبين الطبي و الشرعي و الله الموفق. |
رد: مشكله حساسه
اذا كان الانزال يتم برا اكيد مفيش حمل وبصراحة مرة في الشهر قليل جدا يعني زوجك لازم يشوف طبيب ويتعالج وباذن الله رح تحملي ربي يفرج كربتك ويرزقكم بالذرية الصالحة يارب
|
رد: مشكله حساسه
أهلا حبيبتي أعتقد البنات مـاشاء الله كفووو ووفووو طبعا حبيبتي موضوع الحمل كله بيد الله إذا الله كاتب يصير وإذا مو كاتب مايصير لكـــــن أول شي صدمني حبيبتي من قصتك أن الجماع يصير كل شهر مره وأحيانا كل شهرين وبقصد الحمل هالشي بروحه كفيييييل ان مايكون حمل لأان مو شرط وقت الجماع يكون فترة تبويض الجماع لازم يصير يوم اي ويوم لا إبتداءا من عاشر يوم دوره او بمجرد تغتسلي وشي ثاني مو شرط أنك ضعيفه مايكون عندك تكيس ! إن شـاء الله مايكون فيك إلا كل خير بس انا قصدي التنبيه على كل شي ونصيحه أبدي انتي وروحي الدكتور بروحك وسوي التحليل اللازمه وأكيد الدكتور بيطلب تحليل لزوجك فانتي سويتي اللي عليك ويصير الباقي على زوجك وحـاولي تقري سورة البقره في البيييت يوميا الله يوفقك حبيبتي ويكتب لنا جميعا الحمل السليم التام |
رد: مشكله حساسه
أحسن حل تروحي وحدك للطبيبة وتشرحيلها وضعكم وأكيد رح تساعدك وتطلب تحضري زوجك وهي بتفهمو انك طبيعية وانو هو الي عايز علاج
|
رد: مشكله حساسه
حبيبتي واضح المشكل من زوجك ليش مستغرب انك ما حملتي وهو ما يجي ناحك الا مرة بالشهر ؟؟ كيف بدك تحملي !!
و هدا امر غير طبيعي على الاقل على الأقل مرة بالاسبوع المفروض يجيك خصوصا انكم مالكم فترة طويلة متزوجين و انتي قلتي من بداية الزواج !! لازم يتعالج و ادا سألك الطبيب ادا العلاقة بيناتكم منتظمة طبعا جاوبي لاء |
رد: مشكله حساسه
الله يعطيكم العافيه ويوفقكم ويحققلكم امانيكم يا رب , استفدت كثيير من نصائحكم
كلمت زوجي و كنت صريحه معاه وقلت كل الي بقلبي و اتفقنا نروح نكشف ايش رايكم نروح نكشف عند نفس الدكتور او انا دكتوره و هو دكتور ؟ اول مره اكشف و شايله هم مين تعرفون دكتوره كويسه في جده ؟ او دكتوره ودكتور في نفس المستشفى ؟ |
رد: مشكله حساسه
الأفضل عند نفس الدكتور
الله يسخر لك زوج و يرزقك بالذريه الصالحه |
رد: مشكله حساسه
سنه ونص كفايه حبيبتي يعني للجراءه وقت حلو كثير بأمكانك تعالجين زوجك
بكون معك جريئه شوي لان الامر مهم البسي له لبس حلو واغريه وطبي عليه كذا فجأه وقولي مشتاقه لك وحشتني ومن هالكلام خليه غصب يشتهيك اجلسي في حضنه وبوسيه مع رقبته واماكن ضعف الرجل فيه رجال كذا مو مهم عندهم الجنس لكن انتي علميه من اول وجديد لاتستسلمين قولي احتاج لك خليه يفهم انك انتي بعد من حقك هالشي مو بس من حقه هو نصيحه يااختي لاتهملين هالنقطه هذا وانتم توكم معاريس انتي الخجل بالعلاقه الزوجيه لازم يشبعك واذا بينزل برا لاتسمحين له من اليوم ورايح اذا قرب بنزل شديه يمك بقوه وقولي لا ابيه داخل تكفى خله داخل يعجبني ومن هالكلام علشان يحس فيك ويدري انك بديتي تشوفين حقوقك ويمكن يعجب فيك اكثر لما تحبين هالشي فيه وفيه شي ثاني شوفي زوجك يحب العاده السريه او لا ؟؟؟ ولا ليش مره بالشهر شي غريب المهم ان زوجك مره مره نايم جربي سوي له اكشن جننيه وحطي العذر انك تبين بيبي |
رد: مشكله حساسه
البنات ما قصرو توكلو على الله والله يرزقك ما تتمنين
|
| الساعة الآن 11:27 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .