منتديات حوامل النسائية - قصتي مع رحلة الحمل (واتمنى تتقبلوها ).

منتديات حوامل النسائية (https://naqatube.com/index.php)

- منتدى علاج العقم و تأخر الحمل (https://naqatube.com/forumdisplay.php?f=18)

- - قصتي مع رحلة الحمل (واتمنى تتقبلوها ). (https://naqatube.com/showthread.php?t=304663)

قصتي مع رحلة الحمل (واتمنى تتقبلوها ).

انا الله يسلمكم متزوجه من خمس سنين والحين داشه السنه السادسه وما عندي اطفال
عانيت وااايد في مرحلة العلاج وواجهت كلام جارح من الي حولي بسبب تأخر الحمل لان دورتي ما كنت منتظمة
ودائما تتأخر ولما تجيني تتعبني وااايد فبعد سنه ونص من الزواج قررت اتعالج عشان تنتظم دورتي ولما رحت لدكتوره خبرتني ان عندي هرمون الحليب مرتفع بنسبة 72.1 وعطتني ادويه وابر واستخدمتهم وكانت لما تجيني الدوره بس تمم يومين وفي العاده اذا نزلت وما تتاخر واايد في غيابه تتم ثمانيه ايام اما اذا طولت تستمر شهر ومرات اكثر اشبه بالنزيف
المهم اني طول فتره العلاج عند هالدكتوره ما استفدت شي ودورتي ما تجيني الا اذا شربت دواء مليت ووقفت العلاج فتره سنه تقريبا رحت عند دكتوره ممتازه في الامارات لما رحت عند اهلي وسوت لي فحوصات شامله وخبرتني ان هرمون الحليب طبيعي ومب مرتفع ولا شي من هالكلام وانا اصر عليها وعدت الفحوصات اربع مرات وما عندي هرمون الهرمون مرتفع بس عرفت العله الي متعبتني وبعدم انتظام الدوره الا وهو تكيس المبايض وبديت امشي مع الدكتوره خطوه بخطوه في مراحل العلاج وعطتني الجلوكوفاج ودواء ما اتذكر اسمه وطلبت مني اسوي رجيم اخفف من وزني وبعد جهد وتعب استمريت سنه في الرجيم والدواء لين نزلت عشره كيلو وبداءت دورتي في الانتظام لين اصبح تاتيني كل شهر والحمدلله فرحت واايد انا وزجي وفي هالسنه الخامسه من الزواج بعد ما رجعت للبلاد طلب زوجي اني اتعالج عشان الحمل متلهف ع ما يشوف طفل ورحت عند دكتوره عراقي ممتازه وكان كلامها مطابق للدكتوره السابقه عن الحاله بس هالمره كان التكيس شديد رعم الدوره منتظمه بس ما حدث حمل عطتني جلوكوفاج اكس ار اقوى عن الاول واخذته كم شهر من دون نتيجه
زوجي جن جنونه ع سالفه الحمل وووايد كانت تستوي مشاكل بينا ونختلف عشان سالفه الحمل لين نفسيتي بعد تعبت ودايم كمت ادعي الله عزوجل واستخدم خلطه حبوب اللقاح وطلع النخيل وغذاء ملكات النحل مع عسل وخلطه بعد واكثر من اكل الاناناس والعنب وما حدث حمل وكنت وايد اعاني من نغزات في المبيض الايسر واسفل الظهر والم في الصدر
المهم الدكتوره شافت اصرار زوجي وبعد ما اصرت عليه يسوي فحوصات والحمدلله طلعت النتايج سليمه قررت تسوي لي عمليه منظار تثقيب المبايض وكيها وزواجي وافق واقنعني اسوي العمليه وكنت واايد خايفه خصوصا اهلي بعدين عني
المهم سويت العمليه وتوكلت ع الله عزوجل وتعبت فيها تعب شديد واجى رمضان وانا مالي الا شهر او اقل وبعدمي تعبانه حيل. تاخرت الدوره وما جتني بعد العمليه واايد قلقت وتعبت نفسيتي اكثر عن قبل وفي منتصف شهر رمضان. كان ينزل مني شوي دم فقط كانه امارة للدوره من دون نزولها وفي 8/4 جتني الدوره الحمدلله واستخدمت الكلوميد من ثاني يوم من الدوره لمده خمس ايام وبعدها تاخرت الدوره الي بعدها عشره ايام كنت دايم احس بتعب وارهاق ودوخه والم في الصدر واسفل البطن قررت اسوي فحص حمل في البيت وطلعت حامل انا هنا ع طوول بكيت فرح وخوف من اني افقد الحمل حتى الدكتوره فرحت والكل فرح لي كانت تقول الحمدلله حملتي من اول دوره بعد العمليه ووصتني اتم ع ظهري والحمدلله الي ربي افرح قلبي وقلب زوجي.
اتمنى ما اكون ثقلت عليكم بس وربي حبيتكم وحبيت هالمنتدى من زمان اتصفح فيه وحبيت تشاركوني في تجاربي في رحلة الحمل واشاركم تجاربكم واستفيد منكم ومن خبراتكم
واسفه ع الاطاله بس وربي حبيت افضفض لكم