|
بنتي ترضع طبيعي والحين حامل..ساعدوني
السلام عليكم جميعا
اخواتي مثل ما انتو شايفين العنوان بنتي بكريتي ترضع طبيعي عمرها الحين سنه واسبوع وقبل كم يوم بعد ما تاخرت الدوره حللت وطلعت حامل هالحمل ماكان على بالي نهائيا وللحين مو مستوعبه والحمدلله على كل حال اللي ابيه منكم تساعدوني كيف افطمها وهي ماتتقبل الحليب الصناعي ابدا ولا الرضاعه حاولت اسويلها بالكوب موعاجبها طعمه حطيت معاه كاكاو وبعد ماتقبلته وزنها شوي نازل والحين مرحلة تسنين وتعرفون كيف نفسياتهم شينه من تعب التسنين تكفون من مرت بنفس حالتي تساعدني قلبي يتقطع عليها مابغا احرمها فجاه وهي متعلقه بصدري مع اني قاعده اخفف قد ما اقدر وكمان الاكل مو اي شي يعجبها ماتحب الحالي لا فواكه ولا سيريلاك وفي الليل تصحى تبغا ترضع ووقت النوم حتى لو شبعانه لازم تمسك صدري.. اللي مرت بنفس وضعي او اللي عندها خبره تساعدني او تدعيلي ربي يسهل علي فطام بنتي وحملي ويحنن قلب زوجي لانه مو متقبل الحمل ابدا وطلب اسقطه وكل شوي يجرح بالكلام ويقول انه يكره هالجنين ولا يبيه ومو مهتم لو شلت ثقيل ولاغيره عشان يطيح :( نفسيتي جدا تعبانه ولا قادره ابكي عشان ارتاح عالاقل:( |
رد: بنتي ترضع طبيعي والحين حامل..ساعدوني
الله يهدي زوجك ويسخره
غيره متلهف ع شي اسمه طفل واهو متعافي ع نعمه ربه خليه يقول يارب حتى يجي الطفل سليم ان شاءالله اما بالنسبه للفطام مضطره تفطمينها راح تتغير وتتعب نفسيتها لاكن الله يعينج عليها وركزي ع الاكل الي ترغبه يعني حاولي قد ماتقدرين تعطينها اكل وان شاءالله مع مرور الوقت بتخف رضاعتها ربي يتمم حملك هلى خير وتقومين بالسلامه يارب |
رد: بنتي ترضع طبيعي والحين حامل..ساعدوني
الله يكون في عونك
ما شاء الله صار عمرها سنة قللي عدد مرات الرضاعة وزودي وجبات الأكل |
رد: بنتي ترضع طبيعي والحين حامل..ساعدوني
الله يعينك ويحنن قلبه عليك الواحد تجيه النعمه ويرفسها برجله ..!
لكن يمكن انصدم لان تو بدري ع الحمل وان شاء الله بيلين مع الوقت وبنتك بتتعود مع الايام ماعليك بتتعبك اسبوع اسبوعين وغصب تاكل بعدها دام كملت سنه عادي عطيها الحليب في كوب او علبه شفاط والله يهون عليك انتبهي ع نفسك |
رد: بنتي ترضع طبيعي والحين حامل..ساعدوني
ياقلبي
الله معك ويعينك بالنسبه لبنتك مثل ماقالت معانده ان شاء الله مع الوقت بتتعود لاتخافي وبعدين لاتقولي انك حرمتيها ماشاء الله رضعت فوق السنه يعني شيء ممتاز حاولي تأكلينها والحليب ضيفي له نكهات يعني حطي معاه سيريلاك أنا بنتي معتمده عالطبيعي من ولادتها بس بعد 6 شهور اضطريت أدخل شوي الصناعي عشاني رجعت شغلي وضروري تشرب صناعي فتره الصباح وطبعاااا رفضت الصناعي رفض تااااام لكن انا كنت معوداها على المراضع اشفط حليب صدري واحطه بمراضع ولهالسبب ماتعبت كثير في تعويدها عالمرضعه وبالنسبه للصناعي خلطته مع سيريلاك عشان يكون طعمه أحلى والحين الحمد لله اخذته مع انها كانت ترفضه انتي حاولي كذا مره معاها وبقولج حطي منقوع المره على الحلمات عشان تفك عن صدرك وبعدين جوعيها وهي غصب راح تشرب المرضعه حاولي حبيبتي والله يعينك على هالمرحله ويسخر زوجك فعلاااااااااا الأزواج عديمين احساس بصراحه اللي عندي عندك ياقلبي كلهم نفس الشيء الله يصبرناااااا |
رد: بنتي ترضع طبيعي والحين حامل..ساعدوني
اقتباس:
وفعلا المفروض يحمد الله خواتي ثنتين حبايبي وحده لها 14 سنه ولا حملت والثانيه عندها ولد واحد وكل ماحملت تجهض الله يرزقهم ويرزق كل محرومه يارب |
رد: بنتي ترضع طبيعي والحين حامل..ساعدوني
اقتباس:
بس لازم تمسك صدري اليوم حطيت عليه مر وعادي مافرق معها ونفسيتها جدااااا سيئه عشان التسنين صايره بس تبكي من اي شي مع انها بسم الله عليها كانت دايما بس تضحك ونادرا تبكي وهي صاحيه |
رد: بنتي ترضع طبيعي والحين حامل..ساعدوني
اقتباس:
حتى انا انصدمت بس الصدمه ماتخليني اتكبر على النعمه واقول مابيها الله يهديه يارب ويحنن قلبه ببدأ اسويله حرب نفسيه عشان يحبه hwaml15 غصب عنه وبنتي الله يهديها ماتحب الحليب جربت انواع كثيره حتى بالنكهات متعبتني الله يعين عليها |
رد: بنتي ترضع طبيعي والحين حامل..ساعدوني
اقتباس:
المستشفى اللي ولدت فيه ماكانوا يعطونها رضاعه نهائي اذا جاعت يعطونها بشفاط يقولون عشان لاتتعود على حلمة الرضاعه hwaml15 وبالنسبه للسيريلاك هي ماتحبه ابد كنت كل مره اسويه انا اللي اكله بالاخير عشان لا اكبه والمره اليوم جربتها ومانفعت رضعت وماهمها الطعم رغم انها كانت شبعانه بس اللي يهمني وقت النوم مابيها ترضع من صدري ومدري كيف اخليها تسكت لاقامت تبكي تبي ترضع عاد بكريه ومالي خبره وخواتي الله يرزقهم يارب محد عنده خبره منهم وحتى اني بالرياض واهلي بجده لو انهم قريب كان رحت عندهم تنشغل مع الصغار وتنسى ترضع لكن الله يعين يارب ويصبرنا على هالازواج المشكله احنا اللي نتعب وبالاخير وانتي توك والده يقولك عادي ليه ماتقومين وتتحركين منتي اول وحده تولد hwaml15 ليتهم يجربون الطلق بس |
رد: بنتي ترضع طبيعي والحين حامل..ساعدوني
عندي لك نصيحه ان شاءالله راح تضبط معك حطي بالرضعه حليب صافيو ساده و شوي حليب صافيو فراوله لين تتعود عليه يمكن يبيلك اسبوعين كذا وبعدين بعد ما تتعود عليه نقصي حليب الفراوله باتادريج لين يكون حليب ساده واذا تعودت على الحليب الساده
وقفي حليب الصافيو وعطيها الحليب المخصص للاطفال لانه حيكون افضل من الصافيو فيه حديد ومعادن عكس الصافيو جربي هالطريقه وراح تدعين لي بس لازم الصبر الصبر والمحاوله ونسيت اقولك الحليب طلعيه براء الثلاجه ساعه |
رد: بنتي ترضع طبيعي والحين حامل..ساعدوني
اقتباس:
الحمدلله اليوم كله مارضعتها طول ماهي صاحيه وبس برضعها في الليل وهي نايمه شويه شويه لين اعوها والله يعين يارب |
رد: بنتي ترضع طبيعي والحين حامل..ساعدوني
عادي حبيبتي.. بتحصل كثير
وانا حملت بولدي وبنتي عمرها 6 شهور.. وكانت بنتي ماترضع الا طبيعي وماتاكل اي شي في الحياة تخيلي اني ولدت وصار عمر ولدي 5 شهور.. وبنتي ترضع من صدري بس!! ترى مو حرام ولا فيه أي ضرر.. واللي يقلك حرام أو مضر مو صحيح.. أنا زوجي استاذ جامعي تخصص علم حديث وشيخ.. وابويا شيخ ومفتي من أهل المدينة ومافيه أي حديث يمنع أو يحرم رضاعة الحامل.. وكل اللي يذكروه الناس إما أحاديث ضعيفة أو بسبب العادات لأنهم كانوا يتشائمون من رضاعة الحامل ويعتقدون فيها اعتقادات باطلة بسبب الجهل.. وطبيا" لا يوجد أي مانع طبي.. واسألي أي استشاري اطفال بيقلك الحقيقة.. الف مبروك الحمل.. وربنا يتمملك على خير ورضعي بنتك وانتي متطمنة ومرتاحة.. رضعيها حتى لو يصير عمرها 3 أو 4 سنين لأن الرضاعة ليس لها سن معين كما يدعي بعض الجهلة من العرب والمتشائمون ودمت بخير عزيزتي |
رد: بنتي ترضع طبيعي والحين حامل..ساعدوني
مـآ شاء الله الكريم الحلوات قالو كل شيء بقوله لك..الله يسعدهم
وبالنسبـــة لتسنين حطي بفنجـآن زيت زيتون وحطيه بالثلاجة لمن يبرد دلكي لثتها فيه وقد ما تقدري طوووووولي بالك واصبري دلعهم طووووويل البنوتاات .. ....والرجـــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــآل الله يعينـآ عليهم ودائما تكلمي مع زوجك انه يرضى باللي جـآي ترى كل كلمة عليها ملك وربي يحفظكم و يسعدكم ويرزقكم الذريه الصـآلحه يــآرب العااالمين |
رد: بنتي ترضع طبيعي والحين حامل..ساعدوني
ماادري ليه مصرة تفطميها بسرعة ..
خليها ترضع وافطميها ع مهل عشان لاتفقد وتتأزم وحاولي جربي بالاكلات لما تلقي شي تحبه اشفطي من حليب صدرك وحطي بالرضاعه وشوي شوي اخلطيه مع حليب بالتدريج وقللي من حليبك لما يطغى طعم الحليب الجديد وتتعود اخلطي الحليب الطازج مع فواكه وشوفيها لو تتقبله الله يكون بعونك ويقويك ويتمملك ع خير مهم جدا الكالسيوم لها بهالسنتين الاكل مو مهم قد الحليب اما زوجك فالله يهديه ذكريه ان هذي رزق من الله ولايتبطر عالنعمة يعاقبه ربي الحمدلله ماكتبلكم هالشي الا لخيره .. عساه وجه خير ورزق عليكم .. والله يتمملك ع خير .. |
| الساعة الآن 01:18 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .