|
ضايقه فيني الدنيا
صباح الخير
انا يابنات حبيت افضفض لكم لاني متضايقه اخر دوره كانت يوم25رمضان وحللت تحليل حمل منزلي يوم6/11وطلع في حمل ورحت المستشفى يوم 9كشفت الدكتوره قالت في كيس ولسه مافي نبض وكان عمر الحمل شهرالمهم الليوم تعبت ورحت المستشفى كان عندي زكام وكحه ورحت عياده خاصه قالت الدكتوره مااقدر اكتب لك دوا اللين اكشف بالسونار وكشفت قالت مااقدر اعطيك شي انتي دوبك حامل في شهر قلت لها انا قبل اسبوع كنت في شهر اللحين شهر واسبوع قالت لاااا وماراح اعطيك اي دوا عشان حملك لوطلع مشوه ولانزل ماتقولي انا السبب تخيلوووو كذا قالت حسبي الله عليها ونعم الوكيل كلامها ضايقني ونفسيتي صارت زفت وبديت اوسوس وش رايكم يابنات ابغا احد يساعدني لو بدعوه.. |
رد: ضايقه فيني الدنيا
والله مدري شقولك..!
راجعي في مستوصف ثاني لأنه بعضهم تخوفك وسبق راجعت عند دكتوره خوفتني على البيبي ويوم رحت مستوصف ثاني أكدت لي كل شي سليم والله يتمم لك حملك ويسهل امورك |
رد: ضايقه فيني الدنيا
غيري الدكتوره ياحبيبتي
والله يكوون بعوونك والله يكفيك شر هالكلام موفقه |
رد: ضايقه فيني الدنيا
مدري مافهمت وش فرقت شهر او شهر واسبوع ..!
المهم انها تاكدت ان فيه حمل وعليه ماكتبت لك علاج روحي لدكتوره ثانيه وشوفي |
رد: ضايقه فيني الدنيا
شوفي أنا أراجع مستوصف حكومي أنا اخر دوره برمضان نفسك يعني أقول ليه ماتسوين لي سونار قالت ان عطيتك
تحويل قالت ان عطيتك تحويل بيخووفونك ويقلون بس كيس بسوي لك نهايه شهر الثالث |
رد: ضايقه فيني الدنيا
مشكورين ع الردود وماراح اسوي سونار الا في الشهر الثالث بمشيئة الله .
|
رد: ضايقه فيني الدنيا
ممكن قالت كذا عشان تتحاملي على نفسك وماتاخذي اي دوا عشان صحة الجنين
والا الجنين كويس بس اتسمري على اديوتك الفيتامينات والفوليك اسيد والمثبتات وامورك طيبة ان شاء الله بالنسبة لأعراض الفلو ممكن تراجعي طبيبة ثانية موفقة عزيزتي |
رد: ضايقه فيني الدنيا
طيب هي قصدها ان الادويه ماتاخذيها لانك لو اخذتي مضادات او مسكنات ممكن تاثر ع الجنين
لانك رايحه لها تعبانه وتبين علاج صح . ولا لا بالنسبه شهر واسبوع ماتفرق عن الشهر لان بعضهم يحسبون من اول يوم دوره وبعضهم من الاسبوع اللي بعده |
رد: ضايقه فيني الدنيا
ما عندي فكرة بس حبيت أدعيلك
الله يتمم حملك و يرزقك الطفل السليم معافا |
رد: ضايقه فيني الدنيا
حبيبتي الدكتورة كلامها صحيح ماتعطيك علاج وانتي حامل لانها تسبب تشوهات لاسمح الله
وبعدين لساتك بدري ع السونار اقل شي روحي لهم 25 ذو القعدة يكون لك 8 اسابيع حمل لانه اوقات النبض مايبان بسرعة |
رد: ضايقه فيني الدنيا
حبيبتي. لا تخافي أنا كذا تقول لي الدكتوره اربع إجهاضات وولدت مرتين بكري توفى صبرت وأحتسبتها عند الله وربي رزقني بولد عمره سنه وتسعه شهور والحين بفضل الله حامل بشهر كثري من الاستغفار وادعي الله اسأل الله العلي القدير يرزق كل محرومة. بالذريه الصالحه
|
رد: ضايقه فيني الدنيا
الله يسعدكم يابنات ع الردود اللي تريح وانا اكثر شي قهرني اسلوبها معاي مافي داعي للكلام هذا والله يرزقكم يابنات بالحمل السليم وكل شي تتمنونه ويرزقني معاكم..
|
رد: ضايقه فيني الدنيا
ياعسل لا تخافي بالنسبة للأدوية فعلا ماينفع تاخدي شي
اما عن شهر ولا شهر و اسبوع فدا عمر الجنين عادي في بنتي كنت كدا بحساب الدورة يطلع تاريخ وبحساب السونار تاريخ وكان فرق اسبوع عادي لانو حساب الدورة معروف بيحسبو من اول يوم دورة بس حساب السونار بحجم الجنين وعمرو من بداية تكونو فاهمتني بس حبيت أفيدك بالمعلومة لانو حسيتك حقتي من الفرق بالحساب المهم انتي تمشي ع حساب الدورة أفضل |
رد: ضايقه فيني الدنيا
الله يسعدك فعلا افدتيني ع معلومه مهمه مشكوووره..
|
رد: ضايقه فيني الدنيا
بسم الله عليك تعوذي من ابليس
هي قصدها واضح ان الادويه ماتناسب الحامل بداية الحمل خطر على صحتك و صحة الجنين عشان كذا رفضت تكتب لك علاج والا جنينك ان شالله مافيه شي |
رد: ضايقه فيني الدنيا
ريحي بالك اختي في كثير ما يحسبو الحمل بنفس الطريقة والأجهزة تفرق كمان انتي مادام كلشي تمام معاك ومفيش دم ولا آلام غريبة ليش تشري التعب لنفسك لو كان فيه مشكلة لاقدر الله كانت بانت لذلك ريحي راسك واطمني
|
رد: ضايقه فيني الدنيا
معليه حبيبتي لاتتضايقي هي اكيد قالت كذا عشان لايصير شي ب البيبي واذا مرره انتي تعبانه خذي بندول تبع حمل اشربه لافقع مخي من الصداع .. بعدين انا ترى نفس حالتك حسبت لي حملي من اخر يوم دوره لين هذا اليوم قالت لي مافي كيس بعدين مافي نبض ،انا احس بحسبانها غلط ومتآكده كمان عشان كذا انا مريحه بالي واستغفر لجل ابعد الوسواس عني .. ،واساسا النبض مايطلع الا فالشهر الثالث بس ليه يخوفون العالم مدري ! حسبي الله ع الظالم ي انهم معيشينا بتعب نفسي
|
رد: ضايقه فيني الدنيا
ايي والله معيشينا في قلق بس الحمدلله ع كل حال مشكورات حبايبي الله يسعدكم وينولكم اللي في بالكم من جد كلامكم ريحني..
|
رد: ضايقه فيني الدنيا
حبوبه لا تزعلين بس هي كلامها صحيح
يعني الحامل لو مرضت للاسف ماتقدر تاخذ دوا معروف هالشي عشان ما يأثر عالجنين وهي قصدها لو عطتج العلاج واكلتيه عقب لاقدر الله تشوه الطفل اكيد بتحطين السبب عليها عشان الادويه المهم اخذي اشياء طبيعيه تتعالجين فيها والله يشافيج ولاتخافين من كلامها هي بس قالت لج لوووو اخذتي الدوا مب توصف حالة جنينج وبخصوص السونار كل حد يقول شي ماعليج اهم شي انه الجنين بخير |
| الساعة الآن 12:07 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .