|
دردشة حوامل مملكة المغرب - تجمع بنات المغرب
بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين
انا لم ارى اي تجمع لبنات بلادي فحبيت ان اجمعهم لتبادل الخبرات التقليدية بتاعنا الي متغيرة على باقي البلدان العربية اتمنى نتلاقاو و نتعارفو و نتابعو بعضياتنا و نواسي بعضيتنا و ندعي لبعضيتنا و نكون بحال لخوت بما اننا مغتربات لا ميمة حدانا و لا اخت و لكن رحمة ربنا معانا يلا كل وحدة تسجل و تقول اين هي مغتربة و كيف هي المتابعة بالبلد المغترب فيه و اين ستدلد ان شاء الله لهلا يحشمنا حمرو لوجه و تجمعو hwaml12 |
رد: دردشة حوامل المغرب المغتربات
غادي نبدا براسي انا الاولى
انا ام سيف مغتربة بالامارات من 10 سنين عندي سيف سنتين حامل ان شاء الله في الشهر الثالت متابعة مع دكتور مصري في عيادة خاصة اسعار طبعا نار نفس الدكتور الي ولدني في سيف ان شاء الله متابعه معاه ان شاء الله الولادة في الامارات كفما الاول يلاه هادا نموذج اتمنى تدخلو و نتعرف على بعضينا ان شاء الله |
رد: دردشة حوامل المغرب المغتربات
السلام ام سيف و جميع المغربيات سواء المغتربات او غير مغتربات.انا بالفعل مغربية و لكن ماشي مغتربة.انا ساكنة في المغرب و لكن بعيدة عن اهلي بحكم العمل.انا اريد ان اهنئكم على التجمع الجديد و ارجو ان يكون تجمع مبارك او مسعود.انا بكرية حامل في الاسبوع 16 و متابعة مع دكتور في عيادة خاصة.عمري 27 سنة.اتمنى اليسر و التوفيق لجميع الحوامل
|
رد: دردشة حوامل المغرب المغتربات
اهلا اختي اسمهان طبعا مرحبا بيك معانا في افتجمع
و الله يكمل عليك بيخير و علينا يا رب و نشوف اولادنا بصحة جييدة اتمنى كل مغربية فيما كانو برا مغرب او داخله المهم نونسو بعضياتنا و الله يجمعنا على خير |
رد: دردشة حوامل المغرب المغتربات
واش نتوما هنا وانا مافراسي ميتعاود
الله يعطيك الصحة اختي ام صيصة على هاد الفكرة نيت انا دخت على ما تلاقيت واحد المغربية فالمنتدى على اي انا ساكنة فلكابون هدا عاد اول حمل ليا فالشهر السادس وغنزل انشاء الله نولد فالمغرب عند الواليدة ايوا هدا مكان الله يجعل هاد التجمع تجمع الخير بالخيرات انا عمري عشرين سنة واحبكم فالله |
رد: دردشة حوامل المغرب المغتربات
السلام عليكم البنات نهار كبير هداا ومرحباا تانا مغربية لكن عايشة في ايطالياا عندي طفل واحد ولد وانا دابا كنت حاملة لكن سقطت لانو صار حمل كيس وبدون جنين والبارح يله ختكم جات من المستشفى الله يعوضني خير انشاء الله
|
رد: دردشة حوامل المغرب المغتربات
اقتباس:
hwaml7hwaml7 مرحبا و الف مرحبا نهاركبير هدا الله يكمل بلخير و توصلي لواليدة على خير و هون لغربة علينا كاملين |
رد: دردشة حوامل المغرب المغتربات
اقتباس:
ايوا خصنا نديرو شوية ديال كعب غزال و غريبة و نحطو صنية ديال اتاي مولاتي مشحر باش نستقبلو بنات بلادي لعزاز اختي دولسي الله يعوضك خير ان شاء الله قدر الله ما شاء فعل و على سلامتك ان شاء الله ربي يجعلهالك في ميزان حسناتك اوا منين كل وحدة تقول من المغرب؟؟؟؟ انا بنت سلا و اصلي صحراوي و لكن الشرقية ماشي الجنوبية هههههhwaml12 |
رد: دردشة حوامل المغرب المغتربات
اييه علاش لا ام صيصة هياا انتى قريبة لياا تانا راني بنت الرباط اش غادي نديرو الصبر وخلاص وانشاء الله تولدوا على خير البنات وربي يكمليكم ايوة هانتوا قولولهاا لياا باش ندير الرفيسة ههههههههه
|
رد: دردشة حوامل المغرب المغتربات
اهلا لبنات اش خباركم اختي دولس الله اعوضك بالخير الحمد لله على سلامتك
ام صيصة نقلك شي حاجة هاد الللقب عندك كيضحكني ولكين زوين منين جبتي تاني هاد صيصة المهم انا راني بنت مراااااااااااااكش الحمرا ولكين اصلي شلحة من تفراوت مشرفييييييين يا بنات بلادي |
رد: دردشة حوامل المغرب المغتربات
الله يسلمك اختى ام الخلفاء ماقلتيش ليناا عندك شي وليدات ولا حاملة خبروناا شو اخباركم مع الحمل
|
رد: دردشة حوامل المغرب المغتربات
اناعاد اول حبالة ليا اختي دولس الله يفكنا على خير
|
رد: دردشة حوامل المغرب المغتربات
السلام اخواتي ام صيصة و ام الخلفاء و دوليسي و جميع المغربيات في كل مكان.نتمنى تكونو بخير.اختي ام الخلفاء الله يجيبك على خير و تولدي بالصحة و السلامة و ناكلو من رفيستك ان شاء الله قبل ما نولدو حتى حنا.اما اختي دولسي ما تقلقيش الله يعوضك على ما فقدتي.ما مكتابش.و عسى ان تكرهو شيئا و هو خير لكم و الحمد لله في جميع الاحوال.و تهلاي فراسك.المهم انا اصلا من مراكش و لكن كبرت في الجديدة و دابا خدامة في نواحي اسفي يعني مزيج من 3 ديال المناطق ههههههههههههههه.متشرفين االبنات
|
رد: دردشة حوامل المغرب المغتربات
انشاء الله ربي يفككم على خير ويفرحكم يارب
|
رد: دردشة حوامل المغرب المغتربات
مرحبا اختي اسمهان غدي نكلو الرفسة انشاء الله وليني راه الاخت دولس هيا لي تكلفات بيها
ههههههههههههههههههه لعقبا ليها انشاء الله ولكل من باغي اختي اسمهان انتي حاملة عندك شي وليدات ؟ |
رد: دردشة حوامل المغرب المغتربات
مشفتوش الاخت ام صيصة غبرات عسى ماشر
|
رد: دردشة حوامل المغرب المغتربات
السلام عليكم.جمعة مباركة ان شاء الله.اياه اختي ام الخلفاء انا حاملة في الاسبوع 16 يعني غادي ندخل ل 4 شهور.الله يكمل.حتى انا هدا هو حملي الاول الله يعونا عليه.
|
رد: دردشة حوامل المغرب المغتربات
السلام عليكم كيف راكم مع الحمل شوية ايوة معندي مندير انتوماا مثقلات انا الي غادي نديرالرفيسة ماكاين باس كيدايرين مع الحمل وانشاء الله ام صيصة تكون على خير شفتهاا غبرات
اجي نقوليكم تتاكلوا الفوليك اسيد تيعطيوه ليكم في اول الحمل تماا راه ضروري ومفيد |
رد: دردشة حوامل المغرب المغتربات
الله يبارك فيك اختي دولسي.باينة فيك حادكة.ايوا ا لحمل ها حنا غادين معاه الحمد لله.انا كاناخد حمض الفوليك و لكن للاسف ما خديتوش من بداية الحمل حينت هو مفيد بزاف في 3 شهور الاولة.عرفتو انا اليوما مسافرة غادي نشوف دارنا توحشتهم .العقوبة ليكم حتى انتوما و الله يعاونكم مع غربتكم.ايوا نشوفوكم نهار الاثنين ان شاء اللله.
|
رد: دردشة حوامل المغرب المغتربات
طريق السلامة اختي اسمهان تمشي وترجعي بالسلامة انشاء الله
اه اختي دولس خديت فالاول الفوليك اسيد ومجوعة دلفيتامينات على حقاش انا كنت ناقصة فالوزن بزاف ايوا الزواج اومايدير هههههههههههههههه ودبا كتبات ليا الحديد ناخدو حتى نولد بلاتي حتى حنا خصنا نطالبو بتتبيت التجمع ديالنا اولا لا كنجي نرد عليكم كنلقا الموضوع طار تنقلب الصفاحي تنلقاه فالتالتة والى اكتر |
رد: دردشة حوامل المغرب المغتربات
مرحربا بناس الرباط و مراكش عقبال المدن تانية
ايه اخيتي عاش منديروش الرفيسة راه شي عامين ما دقتها هههههه الله يستر اهلا بام خلفان هاد لقب ديال ولدي على سمية مسلسل احمد ادم في رمضان الا شفتيه كان اسمو صيصة و عمو و ابوه لقبوه بصيصة و هو اسمتو سيف على فكرى زوجي مصري داكشي علاش كيحبو يدلعو سميات ولادهم هههه |
رد: دردشة حوامل المغرب المغتربات
الله اخليه ليك اختي ويهديه غير بيت نضحك معاك شوية ولكين زين الدلع شكون الي كره هههههههه
شوشتينا عليك غبرتي ولكن الحمد لله على السلامة |
رد: دردشة حوامل المغرب المغتربات
اختى اسمهان الله يديك على خير انشاء الله ام صيصة عامين مادقتيش الرفيسة ويلي اصحبتي وانشاء الله نبقاو على اتصال ديماا
|
رد: دردشة حوامل المغرب المغتربات
أهلا , اهلا بالغزالات
انتما هنا ونا مافخباريش بصراحة الله يعطيك الصحة أختي أم صيصة على هاد الفكرة في تجمع المغربيات , فرحت بزاف فااش شفتو وان شاء الله ربي يجمعنا فيه على خير ونكونو اسرة فيه حيث والله ربي الللي عالم بينا خصوصا احنا المغتربات توحشنا الهدرةبالمغربية وماكانلقاو معامن نتكلموا ...معلش نسيت نعرفكم على نفسي انا نور القمر طبعا اسم مستعار بنت فاس مزوجة سعودي وعايشة بمكة من حوالي 6 شهور .. انا حاملة ب 5شهور ان شاء الله هذا اول حمل لي , عمري 28 سنة ونا فرحانة بزاف بزواجي الله يكمل لي بالخير ويسعدنا مع بعض ... تحياتي |
رد: دردشة حوامل المغرب المغتربات
بالنسبة للتثبيت اكيد نبغي تجمعنا يثبت , وانا طلبت من الادارة وان شاء الله يقومو بالواجب
ولكم احلى تقييم لتجمعنا تحياتي |
رد: دردشة حوامل المغرب المغتربات
حياكم الله يالغاليات وتجمع مبارك بإذن الله ..
وربي يسهل لكن الحمل و الولاده ,, |
رد: دردشة حوامل المغرب المغتربات
اختى نور القمر مرحباا بيك معاانا ومع بنات بلادك وربي يكمليك الحمل على
خير يارب يسلمووو سماسم والله يحييك وانشاء الله يسهل لكل الحوامل |
رد: دردشة حوامل المغرب المغتربات
اقتباس:
الله يحييك يا الغالية سماسم وربي يكرمك وشكرا كثير على تلبية الدعوة جزاكِ الجنة |
رد: دردشة حوامل المغرب المغتربات
اقتباس:
الله يبارك في عمرك أخت دولسي , ربي يسمع منك ان شاء الله وعلى الجميع يا رب |
رد: دردشة حوامل المغرب المغتربات
بنات مبروك السكن الجديد ويسلمووو سمسومة على تثبيت الموضوع
|
رد: دردشة حوامل المغرب المغتربات
احم احم نحن هنا
مرحبا بنور يلاه لقيتيني كنقول مع راسي منقصنا هنا غير نور القمر يا قمر مشكورة اختي سماسم ربي يخليكي ايوا دبا مبقيت نقلب غنجي ديركت هههههه ايوا كيديرين واش خبارالبيبيهات كاين شي ركيل ولا والو ههههههه الله يفكنا على خير ياربي ويرزق كل من تتمنى امين |
رد: دردشة حوامل المغرب المغتربات
مرحبا بالزين ديالي , لباس عليك ؟ شخبارالنونو
انا الحمد لله بخير, هالايام دخلت الخامس وحسيت شوية بحركات النونو ومبقيتش قنقدر نجلس لازم نتسطح على ظهري حيث كاتجيني شي نغيزات كتهولني واش هادشي من الرجيلات ديالو ولا شنو راني ماعنديش خبرة في هادشي , من اسبوع كنت كانحس بوجع اسفل البطن للجهة اليمنى ومكنقدرش حتى نمشي والحمد لله هاد الايام خفات شوية .. عندي موعد مع الدكتورة يوم 26 في هاد الشهر وكنتسناه بفارغ الصبر حيث مشوقة نعرف جنس الجنين الله يتمم لينا الحمل على خير يا رب العالمين |
رد: دردشة حوامل المغرب المغتربات
السلام عليكم
كيدايرين خواتي العزيزات مبروووك عالتجمع انا مغربيه مغتربه بالسلطنه وحامل في الشهور الاولى اتمنا المزيد من التوفيق للتجمع |
رد: دردشة حوامل المغرب المغتربات
هلا بيكي مس لف ربي يتمم لك على خير
عسولتي نور راه حتى انا طرالي بحالك تقريبا غير انا كان عندي لوجه فلمسعودة هههههههه عرفتيها المؤخرة الله يكرمكم فالنص الايمن كنت الى تحدرت نهز شي حاجة صافي تما بقيت كنتكوانسا وبالنسبة للنغزات حتى هما جاوني بلاتي دخلي للسادس وتشوفي الركيل والكومبات غيبداو فكرشك هههههه تبارك الله على النونويان الله احفظهم حتى انا عندي رونديفو انشاء الله نهار الاربع اخر رونديفو قبل ما نسافر انشاء الله ربي يفرحك بالي تمنيتي نشوفو واش غيكون تما شي صاحب لعمرانيتو ولا شي خاطيبة ههههههه ربي معاك متغبريش |
رد: دردشة حوامل المغرب المغتربات
مس لوف مرحبا بيك معانا وربي يكمل عليك في حملك انشاء الله
نور القمر مازال ماشفتي النغيزات ديال بصح انا في ولدي ماشاء الله كان تيتحرك بزاف شبع فياا ركيل انا في الشهور الاخيرة كان تيبقى صاقل تل ديك الزوج ديال الليل شوية وتنبدا جالسة كرشي تتمشي وتجي داير الوقت كل نهار مع ديك الساعة ونهار ولدت جاني الوجع سبحان الله في داك الوقت بالضبط واحد النهار جلست تنبكي والله حيت كان راسو على النبولة ايوة مانقوليكمش على ضربات في الشهر التاسع دابا الي غنقوليكم شبعواا نعيسات مع راسكم ههههههههههه |
رد: دردشة حوامل المغرب المغتربات
اهلا لالة دولس وباين ليا واقيلا هاد البيبي الي عندي كيشبه ولدك الله يخليه ليك
حتى هو مكيجيه الركيل تباركالله حتى الليل وقيلا غير نمشي فين نشبع نعاس حسن ليا ياربي تهون عليا وعلى جميع الاخوات |
رد: دردشة حوامل المغرب المغتربات
شكرا عالترحيب والله يمتعكم بالصحه والعافيه ويرزقكم بالذريه الصالحه
|
رد: دردشة حوامل المغرب المغتربات
مرحبا بيك اختي ميس لوف , شخبارك ؟
حياكم الله جميعا |
رد: دردشة حوامل المغرب المغتربات
|
رد: دردشة حوامل المغرب المغتربات
يجعلها ربي في ميزان حسناتك اخت ملاك
|
| الساعة الآن 07:20 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .