السلام عليكم جميعا

وكل عام وانت بخير

انا عضوة جديدة عندكم hwaml7 وحبيت ادخل معكم ونسولف سوا طبعا كنت من المتابعين بصمت في هذا المنتدى على قولتهم من " الاصنام " بس قررت اني ما اكون صنم وابدآ اتحرك واكون صديقة معكم لنفيد ونستفيد http://forum.hwaml.com/images/smilies/TR%20%2817%29.gif
قصتي ياعزيزاتي
انا لي ٣ سنين و ٩ شهور متزوجه ولا مره حملت :(
في البداية و اول ٨ شهور كنا نسوي عزل طبيعي ولا اخذت ابي مانع وتاخرت على الدوره شهرين قلت بس حامل وحزنت صراحه لان فكرتي اتم على الاقل سنه بدون حمل بالذات اني كنت ادرس و رحت حللت وصار ما في حمل

ومن بعدها بديت افكر في الموضوع بجدية قلت بلا تاخير سنه بلا هم ابي الحين احمل طبعا زوجي ما عطاني وجه في البدايه عالاساس خلصي دراسه اول

لما جاتني الدوره بعد شهرين بديت اسوي التحاليل هرمون fsh و lh ما اتذكر كم كانوا صراحه لاني ما سويته الا مره وحده
وهرمون البروجسترون وكان عندي ١٦ بعدين نزل ١٢ ما اعرف ليه http://forum.hwaml.com/images/smilies/TR%20%288%29.gif
وصار عندي تكيس في المبايض وارتفاع هرمون الحليب وكسل في الغدة الدرقية
ولتكيس اخذ كلوفاج ، والحليب دوستنكس كل اسبوع نص حبه الين يحصل حمل وطبعا ضعف تبويض وضعف بطانة الرحم http://forum.hwaml.com/images/smilies/TR%20%2876%29.gif

وبديت كورس التنشيط في بداية السنة هذي واخذت منشط اللي هو فيمارا - لان الكلوميد ابدا ما ناسبني وسبب لي فرط تنشيط - والححمدالله تطلع لي بويضات احجامها كويس ولكن المصيبه انها ما تنفجرررر ابدا http://forum.hwaml.com/images/smilies/TR%20%288%29.gif حتى مع الابره المفجرة ١٠٠٠٠ بس تكبر وتكبر الين يصير حجمها ٣٥ وتنزل مع الدوره وعلى ذا الحال لمدة ٤ شهور تقريبا وجاااني حززززن واحباط http://forum.hwaml.com/images/smilies/TR%20%2874%29.gif وفي نفس الوقت مستغربه كيف يحصل كذا ، جت الاختبارات وتركت السالفة كلها

لما الحمدالله تخرجت صارت الناس تبدا تسال وترفع الضغط وتنرفز لدرجة صرت اكره الجمعات والعزايم بسبب موال الحمل كل ما اشوفهم لازم اسمع " يلا خلصتي دراسه جيبي لنا بيبي "

وانا اقول في نفسي هو بيدي ؟؟ والله لو بيدي حملت من دون ما استناكم وكل ما اسمعها يجيييني حزززن وضيقة خلق مو طبيعيةhttp://forum.hwaml.com/images/smilies/TR%20%2874%29.gif و بالذات لما عرفت اني في وحدة من الجماعة حملت وخبوا علي يحسبوني بحسدها http://forum.hwaml.com/images/smilies/TR%20%2895%29.gif طلعت من عندهم ذاك اليوم ابكي ابكي وبينفجر راسي

من ٣ شهور بديت كورس تنشيط ثاني و حالتي الصحية حاليا الحمدالله احس انها كويسه خف التكيس عندي وسويت اشعة الصبغة قبل شهرين وامورها سليمة والبويضات توصل لحجم كويس واخذ ٤ ابر تفجيريه في اليوم يعني تصير ٢٠٠٠٠ والحمدالله صارت البويضه تنفجر واخذ دوفاستون عشان البطانه
يعني من ٣ شهور واموري سليمه لكن الى الحين ما صار حمل http://forum.hwaml.com/images/smilies/TR%20%2895%29.gif
والدكتورة تقولي ما عندك اي شي يمنع الحمل وانا مستغربه جدا جدا ايش اللي يمنع اذا كل شي تمام وزوجي تحليله كويس بس عنده شوي لزوجه عاليه

كل شهر اقول ان شاء الله هذا الشهر بفرح امي وزوجي ولما تجي الدوره اقعد ابكككي والنفسية تصير زفت واخاااف يكون عندي مشكله وما اعرف وشي واخاف تطلع لي مشكله ثانيه غير المشاكل اللي كانت عنديhttp://forum.hwaml.com/images/smilies/TR%20%2874%29.gif

واعترف ان عندي وسواس وخوووف كبيييير اني م احمل طول عمري http://forum.hwaml.com/images/smilies/TR%20%2874%29.gif نفسي انسى موضوع الحمل لكني متشففففقة مررره على الحمل ونفسي مررره نفسي احمل اليوم قبل بكره

واحس اني مضغوووطه نفسيا من موضوع الحمل بالذات اني ما علمت ولا اي احد ولا امي ولا اي احد من اهلي او اهل زوجي اني اتعالج واننا نحاول نجيب بيبي

اليوم انا يوم ٢١ من الدوره يااااارب يااااارب يا رحيييم يا رحييييم يا رحييييم ما اشوفها هذا الشهر الا بالنفاس وطفلي بين يديني

اسفه اني طولت عليكم بس حبيبيت افضفض لكم وطلع اللي في خاطري معكم قبل لا يجيني شي في مخي

يارب ما تنتهي هذي السنه الا واحنا سامعين " مبروك انتي حامل " يارب ترزقني وترزق اخواتي المسلمات الحمل السليم المعافى اللي تقر عيوننا به

رب لا تذرني فرداً وانت خير الوارثين

وسلام ودعواتكم http://forum.hwaml.com/images/smilies/TR%20%2894%29.gif