|
انا وام زوجي عطوني حل
السلام عليكم خواتي
والله اني اكتب لكم وانا دمعتي بعيني بنات والله تعبت مع ام زوجي بتعاملها معااي احسها تكرهني مو طايقتني عشان اني مااشتغل معاهم انا عندي شقه ببيتهم ولي مطبخ وصاله وغرفتين المهم انا حامل واصوم مقدر اشتغل والله بتقولون معذوره لاني اذا اشتغلت اتعب وهي ما تراعي هالشي حتئ زوجي تحرشه علي وتخليه ما يتعاطف معاي اخ واليوم عطتني كلام مجرح وكلام وسخ وانا سكت ما رديت عليها وتقولي ليش ما تخمين صالتنا بنات شرايكم انا مو خدامه عندها خدامتين والله انا الحين داشه سابع والم ظهر وتعب وفوق هذا اصعد الدرج 5 مرات وخايفه ع جنيني بنات شرايكم بالله شنو الحل معاها مقدر اتحمل اعيش معاهم |
رد: انا وام زوجي عطوني حل
ااااااااااه ياقلبي ذكرتيني بمعاناتي...
اكسبيها بالكلمه الحلوووة ...وفهميها انك تعبانه مع الحمل.. اهم شي زوةجك كيف معاك يعني ما يسمع لتحريش امه عليك ... الله يكوون في عوونك .. |
رد: انا وام زوجي عطوني حل
وين تلقين الزوج اللي مع زوجته مافي مستحيل
لو اننا معانا الحق يوقفون ضدنا عشان امهم :( والله كرهتها مقدر اجامل بوجهها دايم تقط كلام علي قدام زوجي واذا جيت بساعدها تعطيني نقزه روحي سوي فوق بمطبخج واذا ما ساعدتها تحرش زوجي وما يراعوون لو كيفي اعيش بروحي بس اخ |
رد: انا وام زوجي عطوني حل
الله يصبرك يااااااارب عليك انك تعامليها باللين والمعاااملة الحسنة واكيد قلبها رح يرق
|
رد: انا وام زوجي عطوني حل
والله ما ينفع انا متحملتها عشان اللي ببطني وزوجي
تكفوون ادعولي |
رد: انا وام زوجي عطوني حل
اآعملى آلخيِّرٍ وٍآرٍميِّه آلبحرٍ
كـَوٍووٍوووٍونى صبوٍوووووووورٍوره .......... آن آلله مع آلصآبرٍيِّن وٍآلله يِّقوٍمكـَ بآلسَلامه يِآارٍرب |
رد: انا وام زوجي عطوني حل
بصراحه انا اتضايق من زوجه. اخوي بهالحركه يعني احنا صايمين ونشتغل من الظهر
وهي طول الليل مسلسلات ونهارها كله نوم تجيني قبل المغرب تاكل وتمسح ايدها بالجدار خير محنا خدم عندها اذا حامل وماتقدر في شي تسوي من الليل حلا كاسات صواني اي شي او تنزل من بدري وتساعد او تساعدنا بعد الفطور بتنظيف الصحون لا ومع ذلك من ورانا تسبنا طيب قبل الحمل ابو بس تولد ماتكلف علا حالها تعزمنا واذا جتنا كانها ضيفه ماتحرك ساكن والله ما اكذب عليك احنا كذا زوجه اخوي ونتكلم عليها لان فعلا احنا م نشتغل عندها لاتزعلين بس حبيت اعطيك من واقعنا |
رد: انا وام زوجي عطوني حل
واذا سوت اكل احسها تحاول تخربه عشان محد يطلبها
|
رد: انا وام زوجي عطوني حل
شوفي غاليتي ..
ابي اكلمك بكل صرآحه وما ابيك تزعلين مني .. اسمحي لي اقولك انك انتي اللي صنعتي هالمشكله لنفسك مطلوب من المرأة ان تحترم اهل زوجها.. لكن الأحترام مو يخليك تتساهلين بحق نفسك وتبحيثين عن رضاها.. انتي عارفه انك ماغلطتي بشي..ومحترمتها خلآص يكفي هذآ المطلوب لكن موضوع ان لك شقة فوق مستقلة ولك مطبخك..وتنزلين لهم فاليوم 5 مرات ليه ! حتى زوجك ماراح يحس انه تزوج ! ماتغير شي بحيآته.. حبيبتي .. اذآ لك بيت مستقل عنهم .. ليش تنزلين لهم تحت! المفروض تشتغلين بيتك ولزوجك.. وهن تحت يشتغلن بيتهن وكل يومين تسوين قهوتك وتنزلين عند عمتك تحت.. واسمي جيتكم وخلآص اسمحي لي ي قلبي اغلب البنات يطيحن بهالخطاء هذا.. انها تلغي حدود حياتها وتطلب رضا ناس ملهم دخل اصلاً بحياتك الزوجيه! ولآزم تفهمين زوجك هالكلآم بثقة وهدؤ..انا ابي حياتي مستقله اطبخ بشقتي واكون مسؤوله عنها غير لأ .. وعمتك احترميها لكن لآتطلبيين رضاها وانتي ماغلطتي بشي .. خلي لك هيبة عند الحريم ولك حدودك ماتتعدينها.. صدقيني كذآ تمشي حياتك تمام ولآ بالله ليش حاطه لك شقة فوق.. انزلي اسكني معهم تحت..اذآ نظامك كذآ مالها داعي شقتكم .. وبعدين انتبهي .. زوجك يمكن ماهي عاججبته حياته بهالطريقة بس مايبي يدخل بينك وبين امه .. انتي تصرفي من نفسك وانقذي حياتك الخآصه |
رد: انا وام زوجي عطوني حل
كلامك صج
يعطيك العافيه |
رد: انا وام زوجي عطوني حل
والله لو انك فوق او تحت دامك قريبه منهم بينشبووووون لكك الله يعييين بس
|
رد: انا وام زوجي عطوني حل
حاولي تبعدين عنهم وخليك رسميه معاهم وحياتك خط احمر مايتدخلون فيها طبختي والا نفختي مالهم شغل خليك فبيتك وقومي بمسؤليتك وماعليك فيهم
|
رد: انا وام زوجي عطوني حل
والله حاسه فيكي حبيبتي الللللله يعينك
|
رد: انا وام زوجي عطوني حل
شوفي اختي انتي غلطانة من البداية
يعني شوفي مثل ما انتي لج خصوصية اهل زوجج بعد لهم خصوصية 1/ دام انج ساكنة معاهم في نفس البيت بتجيج المشاكل بتجي سواء نزلتي او مانزلتي طبعا في نصايح لج عجبتج عجبتج ماعجبتج قطيها بحر اول شي واهم شي انتي لازم تعرفين شنو أسلوب ام زوجج وتحاولين تكسبينها تكلمي معاها بكلامها دافعي عنها جنب زوجج يعني وقفي معاها في الكلام اللي تقوله حت لو ماعجبج كسبيها بطيبتج شوفي انا عمتي صح انها من البداية مالها دخل فيني بس انا حاولت اتقرب منها اول جلسة لي معاها وثاني جلسة حاولت افهم اسلوبها يعني مثلا عرفت شنو السوالف اللي تحب تسولف فيها وقمت أتكلم معاها بنفس الأسلوب اذا قالت مثلا تبي تروح مكان أقول لزوجي مسكينة اخوانك مايودونها انت تصير نفسهم اذا انت ولدها ماتوديها منو يوديها اذا جينا بنطلع أقول لزوجي خل ناخذها معانا حتى في السفر واذا مثلا بتطلعون مع بعض قولي لها تركب قدام وانتي ورا عيالج اذا صار عندج عيال لاتحرمينها منهم خليها تشوفهم واهم شي تكونين مقتنعة باللي تسوينه مو مجاملة او تمضية وقت لانج بتزهقين في النهاية وشوفي انا اقولج انتي الغلطانة يعني انتي في رمضان تنزلين اسمج تساعدينهم يعني اللي تقولج تسوينه حتى لو ماتقدرين ولو ماتبين تتمين في شقتج وتقدرين اذا حابة تنزلين لهم من اللي سويتيه يعني انتي مو مجبورة ولا غصب عنج مثل ماقلتي انج حامل والرجال معروف بطبعه لو يصير اللي يصير مايرضى على اهله حتى لو ماتكلمتي عنهم هم اهله واحترامهم من احترامه طبقي اللي قلتلج عليه وراح تشوفين النتيجة |
رد: انا وام زوجي عطوني حل
أولا انتي مو مجبورة انج تنزلين لهم كل يوم دام ان عندج شقتج
وثانيا اذا تعبانة وش ينزلج عندهم ثالثا دام انج تنزلين تحت لازم تسوين كل اللي تقولج انتي ماعليج من خدمها خدمها بكيفهم يمكن هي تبيج انتي تنظفين لها رابعا انتي لو يصير اللي يصير بينج وبين ام زوجج لاتقولين لزوجج حاولي تحلين المشكلة بينج وبينها لان أصلا لو وقف جنبج ضد امه في هذا الوقت راح يكون رجال عاق خامسا انتي حاولي كثر ماتقدرين تكسبينها مو تحاربينها انتي بتعيشين معاها عمر مو يوم او يومين حاولي تعرفين طبعها شنو تحب شنو تكره اهديها في المناسبات هدايا سوي اللي تقولج عليه واذا ماقدرتي تكسبينها ابتعدي عنها انتي مكانج وهي مكانها |
رد: انا وام زوجي عطوني حل
الله يعينك
انا كنت ساكنه عند اهل زوجي صراحه اكبر غلط خصوصيه وراحه مافيه مهما كانوا كويسين او العكس لازم لك بيت مستقل بس انتي بعد ليش تنزلين اذا تعبانه خليك في شقتك احسن واذا هو يغصبك اخذي معك شي او اقلها ساعديهم بعد يازينك جالسه وهم يخدمونك لاتعذرين بالحمل ولا تدققين واجد على ام زوجك بتتعبين ترا اغلب العمات كذا ينغزون بالكلام عطيها طناش وصححي وضعك والله يوفقك |
رد: انا وام زوجي عطوني حل
اسفه ع التاخير
مشكوووورات ع الرد والنصايح الطيبه اول شي بالنسبه اللي تقول مرت اخوي ما تسوي شي حبيبتي انا برمضان اسوي حلا كافي اني اقهوي الحريم يعني مااقولج بس قاعده كنت وقتها رجوزلي تشد وتثقل مقدر امشي ولا انام ثانيا اللي قالت ليش ما تاكلين بشقتج حبيبتي انا عندي زوج مو راعي مسؤوليه اكل المطبخ ما يجيبه شلون اعتمد عليه بتقولين قوليله ما في حل اقوله وطاف ولا عندي خدامه بس لا جوني عيال ان شاء الله هني راح اكون مستقله ومااكل معاهم ،، واللي تقول اعرفي اسلوب عمتج اعررررفه طبعها دارسته دراسه مافي وحده تحب ان احد يتدخل بحياتها او يتحكم فيه وانا معاااهم رسميه مااسولف واجد اكون ساكته عشان ارتاح واتجنب المشاكل الله يصبرررني |
رد: انا وام زوجي عطوني حل
يا اختي ام الزوج بالاخير بحسبه امج ... انتي خلج معاها زينه عشان ما تزخ عليج زله و لا حتى يكون عندها شي ضدج و بالنسبه للشغل و تنظيف البيت قولي حق زوجج انا حامل و الشغل يتعبني اذا مب هامنتنكم انا ع الاقل البيبي يهمكم ...
الله ييسر امرج يارب |
رد: انا وام زوجي عطوني حل
والله ماكو احسن مني انسئ اللي صار وكان ما في شي والله شقتي نص دور وكبيره والحين حامل بالثامن اشتغل لحالي ابي بس ابعد عن المشاكل حتئ خدمهم رافعين خشمهم علي من صارت المشكله هذي وزوجي تغير علي
|
| الساعة الآن 06:33 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .