منتديات حوامل النسائية - الحقوووووني .. قبل يجيني شي :(

منتديات حوامل النسائية (https://naqatube.com/index.php)

- منتدى الحياة الأسرية والزوجية (https://naqatube.com/forumdisplay.php?f=61)

- - الحقوووووني .. قبل يجيني شي :( (https://naqatube.com/showthread.php?t=29896)

الحقوووووني .. قبل يجيني شي :(

حبيبااااتي
والله مدري كيف ابدا بالموضوع بس بموت من ضيقه الصدر
انا طولت ماحملت واللي بتدخل موضوعي الاول بتشوف اني عانيت عشان الحمل
كان عندي استعداد اسوي اي شي تتخيلونه اهم شي احمل ..

وقالت لي وحده من البنات في النت
انو تعرف حرمه تدلك من جنسيه عربيه تجيك للبيت او تروحين لها ..
شفت انها فكره حلوه تجي عندي بالبيت خصوصا اني انا خوووافه مرررره ..
وباخر الشهور لي قبل احمل كنت اسوي كل شي بالسر مشيت على مقوله الرسول اللهم صلي وسلم عليه : ( اقضوا حوائجكم بالكتمان )

المهم كلمت هذي الحرمه وكنت شوي خاايفه ومتردده ومن صوتها حسيت انها شوي حبوبه وتوكلت ع ربي ..
قالت انو الحين ماتقدر تستقبل احد في بيتها واذا ابي تجيني ل بيتي
وافقت انا وجتني وقت الصباااح .. كان زوجي بالدوام وانا ببيتي لحالي كنت خايفه ادخلها للبيت وزوجي مايدري بس توكلت ع ربي لان زوجي كان يتوتر لما اقوله سويت شي ويجي وقت الجمـاع يتوتر مررررررره لانه يحس اني انا سويت كل شي وهو مااسوى شي ..
المهم جتني وجهها شوي مارتحت له
بس قمت وقفلت الباب وحطيته بمكان ماتدري عنه خفت تسوي فيني شي وتسرق شي من البيت وتطلع ..
المهم شغلت فواحه تقول مهديه للاعصاب وسوت لي مسااج عادي بس كان اكثر مكان تضغط فيه كان البطن يعني زي لتمريخ العادي ..

انا طبعا جتني الغفوه الطبيعيه للي تجي اي احد وهو يسوي مسـاج وخلصت وصحيت وطلعت وكل شي
كان اول يوم من بعد الدوره
يعني امس غسلت وبكره جت الحرمه عندي ..

المهم كان يوم اربعاء
يوم الاربعاء الاسبوع اللي بعده كان موعد التبويض عندي وكنت اتابع تبويض عند الدكتوره وقالت لازم هالاسبوع يصير جماع يعني اربعاء وخميس وجمعه

يوم الاربعاء .. نمت كان الظهر اتوقع حلمت بهذي الحرمه اللي دلكتني
سوري ع الاسلوب بس ابي اشررح لكم بالضبط
((وكانها كانت تدلكني وبنفس الوقت كانها تبيني يعني تشتهيني وانا مو مرتاحه وكاني ابعد عنها وانا منسدحه وهي تدلكني شووي نزل منها افراز لونه اخضرر وكاني انا انهبلت اقول وش هذا ))

المهم يوم الاربعاء صار جماع بيني وبين زوجي ولما خلص زوجي جاني الم مو طبيعي لما قمت للحمام الله يكرمكم لقيت المنطقه الحساسه منتفخه مررررررررررره ولونها احمر
قلت يمكن اتوهم رجعت ونمت ولا قلت شي لزوجي
اليوم الثاني نمت مع زوجي بعد ورجع نفس الشي
بس هالمره زوجي لااحظ وهو اللي قال لي وقالي انتي حارررررررره مره من جوى لدرجه انو زوجي حس بحرقان وتسلخ شوي :(
رحت للدكتوره وقالت مافي شي التهابات عاديه
وماصار جماع يوم الجمعه صار يوم السبت بسس ..

طبعا راحت الايام ونسيت السالفه وراحت عن بالي وحملت وفرحت بالحمل
..
نرجع للمدلكه : قالت لي اذا حملتي خبريني هذا بعد التدليك قلت اوك قالت واذا حملتي كم تعطيني انا جبتها بمزح قلت 5 الاف ..
المهم بعد ماحملت صرت اكلمها بس ابي ابشررها وجوالها مقفل مقفل ومره رد علي رجال قالي انها سافرت ل بلدها وسالته متى بترجع قال يمكن ماترجع المهم انا لي الحين اربع شهور وداخله بالخامس
قبل اسبوع كلمتني هي من رقم غير رقمها وسالتني وش فيك وزي كذا وقلت لها اني حملت قالت وين ال 5 الاف وانا عند وعدي قلت لها كيف احولها لك قالت باي طريقه قلت خلاص بكره اكلمك واسالك ..

لهيت مع نقلتي ل بيتي الجديد ونسيت سالفتها بعد مااتذكرت رجعت اتصل فيها ماترد شويا رجع اتصل واحد وقلت فلانه وين قال هذا مو رقمها

شوي هي رجعت اتصلت علي قلت بسم الله كيف عرفتي وهذا الرجال يقول انو مايعرفك قالت سر المهنه وصارت تتكلم كلام وسخ انوا انا وعدتها ووين وعدي

انا سالت شيخ وقالي اذا الاتفاق صار قبل التدليك تعطينها ال 5 الاف بس اذا بعد التدليك مايصير شي مو متفق عليه تبين اووك ماتبين براحتك
لما قلت لها هالكلام صارت تسب وتلعن وزي كذا قلت لها هدي وش فيك وصاارت تدعي علي وعلى اللي ببطني ..

بعدين قالت بقوولك شي بس لاتحسبين انه تخوويف انتي ع بالك اللي ببطنك شي حلو
قلت انا اي الحمد لله دامه جاني من رب العالمين اكيد خيررره واحمد ربي عليه ..
قالت لا تحمدين ربك تخيلوووووا
قلت اعوذ بالله قالت اصلا اللي سويته انا مايرضي ربي
قلت وش سويتي سحر مثلااا
قالت اللي هو بس انا حبيت ابري ذمتي
وانا كنت ماارد عليك لاني تبت وماادري وش تقوول
قلت طيب علميني وش سويتي شوويا كذا سكتت بعدين صرخت فيها قلت تكلمي .. قالت ارتاحي اللي ببطنك من زوجك انا جتني قشعريره بجسسمي قلت وش تعنين بكلامك ..
شوي صرت اهددها انا قلت تعرفين زوجي وين يشتغل وتعرفين ابوي مين يكون ومن هالحكي صاارت تقول والله اني انا تبت وندمانه بسسس والله لو صار لي اي شي من طررفك قسسسم لااخليك تكرهين عيشتك مو افرق بينك وبين زوجك لااخلي حياتك جحيم وصاارت تهدد فيني انا من الروعه ومن خوفي ع الجنين غمضت عيوني وحاولت اهدى عشان ماتاثر فيني الروووعه وصرت اتحيسب بسس ..

شوي هي قالت روحي ولاعاد تتصلين فيني بس حبيت ابري ذمتي ووال 5 الاف ماعاد ابيها منك مشكوره لااني بااخذها وبتكون مال حرررام
وقفلت مني
رجعت اتصل مره ومرتين وثلاث مرات جوالها مقفل ..

كوابيس واوهام واحلااام واي شي ببالكم موجودين فيني كرهت البيبي اللي ببطني وكرهت نفسسي وكرهت عيشتي وصلت معاااي لدرجه اني ابكي بحضن زوجي وابي اقووله اللي صار بس خفت انه يسوي اي شي بما اني دخلت احد غريب للبيت بدون عمله
جيت اقول ل ماما وخفت عليها وخصوصا انها بتموت ومتشفقه ع النونو اللي ببطني

درت الدنيا كلها والله مدري من اقوول له
لمن اتذكر السالفه ارجع ل رب العالمين استغفر واهدي نفسسي ويرجع لي التفكير مره ثانيه ..
طيب لو دخلت علي احد وسوا فيني اي شي لو كنات هي منحرفه وحاولت تلعب فيني لو صاار اي شي وصار اللي ببطني مو ل زوجي لو ولو ولو وادري ان كلمه لو تفتح عمل الشيطان وادري انها وساويس من الشيطان
بس ابي مساعدتكم ولو بدعوووه طلبتكم والله لو كان الجنين لسى بالاشهر الاولى لااخذ اي شي واسقطه اخسر جنين ويعوضني ربي بجنين اخير منه ولا افقد واخسرر زوجي اللي هو اغلى مااملك اخاف يصير لي اي شي بعدين اول كنت متحمسه للولاده وللي بعدها وللجنين ولكل شي الحين صرت اكره الحمل واكره طااريه وودي يطيح باي وقت :(

طمنوني وريحووووني الله يريح بالكم
اذا سمعتوا او مر عليكم زي هالسالفه من قبل
السالفه لي انا مو ابتداع ولا خيال وربي الشاهد طلبتكم لا تهملونها :( :( :(