|
الله بيكتب لي الحمل هذا الشهر بأذن الله
انا متفائله جداا
فتحت هذا الموضوع عشان أكون معاكم خطوه ب خطوه hwaml7 الي متابعني راح يعرف قصتي و الي ما تابعني أتمنى يتابعني hwaml02 و يدعي لي hwaml13 أحبكم في الله |
رد: الله بيكتب لي الحمل هذا الشهر بأذن الله
أمس جاتني الدوره
بعد طول انتظار من اخر دوره جاتني عشان تبلغني بفشل عمليتي الاولى هذي دورتي الثانيه بعد فشل العمليه |
رد: الله بيكتب لي الحمل هذا الشهر بأذن الله
طبعا فكرت إيش أسوي
انا على أساس ١ سبعه عندي موعد عشان ابتدئ علاج مره ثانيه عشان احاول ارجع اجنه مجمدة |
رد: الله بيكتب لي الحمل هذا الشهر بأذن الله
قمت الصبح و قررت اروح المستشفى وادخل على الدكتوره و أكلمها
خلاص ما اقدر انطر اكثر بيقولون انتظري الدوره الجايه |
رد: الله بيكتب لي الحمل هذا الشهر بأذن الله
و فعلا رحت و قابلت الدكتوره بعد طول انتظاررررر
و قلت لها كل شي و الحمدلله اقتنعت تقدم لي الموعد و يكون يوم الثلاثاء ان شاء الله عشان ابتدئ علاجي و ان شاء الله راح اوأفيكم كل يوم بكل جديد يصير معاي و ان شاء الله يستفيد الكل من تجربتي في ترجيع الاجنه كل الي اطلبه منكم دعمكم لي و تشجيعكم لي و دعوه حلوه جزاكم الله خير |
رد: الله بيكتب لي الحمل هذا الشهر بأذن الله
اشوفكم يوم الثلاثاء على خير حبيباتي
|
رد: الله بيكتب لي الحمل هذا الشهر بأذن الله
بالتوفيق ياعمري يارب يكتب لك رب الخير
|
رد: الله بيكتب لي الحمل هذا الشهر بأذن الله
الله يبشرك بالخير
و يرزقك الولد الصالح عاجلا غير اجل يارب |
رد: الله بيكتب لي الحمل هذا الشهر بأذن الله
اللله يوفقك خيتو ويسهل امرك ويبشرك بحملك عاجل غير آجل
|
رد: الله بيكتب لي الحمل هذا الشهر بأذن الله
بالتوفيق عزيزتي ،
الله يكتب لك الحمل |
رد: الله بيكتب لي الحمل هذا الشهر بأذن الله
حبيباتي والله فرح توني بردودكم الحلوه
جزاكم الله خير و الله يكتب لي ولكم ان شاء الله ولا يحرم من تمنى قولوا أمين انطروني بكره ان شاء الله من اول زيارته وخطوه لي في هذي التجربة و ان شاء الله كل شي يكون تمام و تتيسر الأمور |
رد: الله بيكتب لي الحمل هذا الشهر بأذن الله
في انتظارك حبيبتي
ربي يووفقك ويكتب لك الحمل السليم التاام |
رد: الله بيكتب لي الحمل هذا الشهر بأذن الله
الله يرررررررررررررزقنا ولا يحررررررررررمنا يارب يـ كريم
|
رد: الله بيكتب لي الحمل هذا الشهر بأذن الله
صباااحووو
شخبااركم انا في المستشفى الحين انتظر دوري ان شاء الله بس اخلص أبلغكم شنو صار معاي انتظروني |
رد: الله بيكتب لي الحمل هذا الشهر بأذن الله
الدكتوره قالت ممكن أناجل العمليه
في حال ما في آباضه لازم الحين أراقب التبويض و يكون ممتاز عشان اقدر ارجع الاجنه من غير أبره تحضيريه ولا بطر انتظر ل بعد العيد ادعوا لي ربي يكتب لي الخير. |
رد: الله بيكتب لي الحمل هذا الشهر بأذن الله
ربي يفرح قلبك ويرزقنا وياكي الصالح المعافى
|
رد: الله بيكتب لي الحمل هذا الشهر بأذن الله
حبيبتي فرصه اخرى
جزاج الله خير يسعدني تواجدج |
رد: الله بيكتب لي الحمل هذا الشهر بأذن الله
ربي يرزقك الحمل السليم
عاجلا غير اجل و ربي يفرح قلبك قريب و قلب كل منتظره يارب |
رد: الله بيكتب لي الحمل هذا الشهر بأذن الله
دلوعه بالحيل
الله يحفظ لج كل من تحبين ما قصرتي تواجدج يفرحني |
رد: الله بيكتب لي الحمل هذا الشهر بأذن الله
يالله يكتب لك اللي فيه الخير ...
أنا مو عارفة قصتك ... بترجعي مجمد ؟ بالتوفيق اختي |
رد: الله بيكتب لي الحمل هذا الشهر بأذن الله
اقتباس:
|
رد: الله بيكتب لي الحمل هذا الشهر بأذن الله
حبيبتي كل تاخيره وفيها خيـره والحمد لله على كل حال ربي يوقفك ويرزقك بالحمل السليم التام
|
رد: الله بيكتب لي الحمل هذا الشهر بأذن الله
بالتوفيق ان شاء الله حبيبتي
و انا ايضا ارجع مجمد بعد العيد باذن الله تعالى يا رب يرزقنا و لا يحرمنا يا رب |
رد: الله بيكتب لي الحمل هذا الشهر بأذن الله
الله يكتب لك الخير
|
رد: الله بيكتب لي الحمل هذا الشهر بأذن الله
حبيباتي ما قصرتوا والله
ان شاء الله ربي يعطينا ولا يحرمنا فديتكم والله تفرحوني بردودكم |
رد: الله بيكتب لي الحمل هذا الشهر بأذن الله
مبارك عليكم الشهر 🌙
|
رد: الله بيكتب لي الحمل هذا الشهر بأذن الله
اليوم حللت اختبار التبويض و طلع سلبي
|
رد: الله بيكتب لي الحمل هذا الشهر بأذن الله
شدعوه بنات
ولا دعوه حلوه في رمضان طيب انا بدعي لكم اسأل الله العظيم ربي العرش العظيم ان يرزقكم مل ما تتمنونه حبيباتي |
رد: الله بيكتب لي الحمل هذا الشهر بأذن الله
سويت تحليل اليوم بعد و طلع سالب
|
رد: الله بيكتب لي الحمل هذا الشهر بأذن الله
واليوم بعد سالب
الله كريم ان شاء الله |
رد: الله بيكتب لي الحمل هذا الشهر بأذن الله
يوم الخميس عندي موعد ادعوا لي
|
رد: الله بيكتب لي الحمل هذا الشهر بأذن الله
يااارب يعطيك الي تمنيتي ويريح قلوب كل الخوات بالمنتدى بالي يتمنون ويااارب يفرح قلبك وقلبي وقلب الكل يا رب
|
رد: الله بيكتب لي الحمل هذا الشهر بأذن الله
مبارك عليك الصيام والقيام
الله يكتب لك اللي فيه الخير ،، التحليل السلبي للتبويض كيف يعني هذا المطلوب سلبي أو العكس عشان ترجيع المجمد ؟ بالتوفيق أختي |
رد: الله بيكتب لي الحمل هذا الشهر بأذن الله
اسأل الله العلي العظيم ان يعطيكم ولا يحرمكم فرحة الامومه هاذي الشغله يبغالها صبر نفسي عشان توصلون بأذن الله تفائلو بالخير ومعنا رب كريم لايعجزه شي في الارض ولا السموات
|
رد: الله بيكتب لي الحمل هذا الشهر بأذن الله
هم يبونه إيجابي عشان الترجيع
بس دكتورتي تقول تبي قبل تنفجر البويضة و انا بويضتي انفجرت ف راح يأجلون لي ل الشهر الجائ الخميس بروح و بيعطوني أبره تحضيريه بضربها الجمعه عشان بيصادف اليوم ٢١ من الدوره و بعدين بنطر أسبوعين على ما تجئ الدوره و بروح لهم يعطوني حبوب عشان سماكت بطانه الرحم و الترجيع وبس هههههه |
رد: الله بيكتب لي الحمل هذا الشهر بأذن الله
الله يعينك ويكتب لك الحمل ،،
|
رد: الله بيكتب لي الحمل هذا الشهر بأذن الله
حبيبتي اللهم أمين و يكتب لج ان شاء الله
|
رد: الله بيكتب لي الحمل هذا الشهر بأذن الله
بكره موعدي و ربي متوترة
الدكتوره هذي مش مريحه مسببه لي توتر قاعده تلعب فيني و في نفسيتج ساعه تقول تعالي و ساعه روحي |
رد: الله بيكتب لي الحمل هذا الشهر بأذن الله
اليوم بروح اضرب الابره التحضيريه
وايد كان حلو الموعد عطيني الابره و حبه لازم أكلها ابتداء من اليوم الخامس للدوره يوم تجئني الدوره بشرح لكم عنها و بقول لكم اسمها المهم اليوم بروح اضرب أبره العضل ادعوا لي حبيباتي |
رد: الله بيكتب لي الحمل هذا الشهر بأذن الله
Gonapeptyl
أبره بالعضل حسب تعليمات الطبيب انا أخذت هذي المره 3.75 mg أبره وحده بالعضل هذي الابره عندنا بقطر معروفه باسم ثاني الا وهو الابره التحضيريه يعطونها عشان تحضر الرحم للعلاج و ممكن الي حابه تقرأه عنها و تفيد البنات ان اخذتها اليوم لأمره الثانيه الاولى خذت ها في شهر ثلاثه و هذي الثانيه في شهر سبعه |
| الساعة الآن 03:38 PM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .