|
قصة ولادتي الشيّقة
بسم الله الرحمن الرحيم السلام عليكم ورحمة الله وبركاته أخواتي حبيباتي أنا ولدت يوم 27\8 الشهر الماضي والحمدلله الذي وهبني يوسف على خير وسلامة وبصراحة طولت كتير لحتى إكتب قصة ولادتي لأن كان بدي وقت لحتى إنسى لأن كل ما اتزكر ولادتي بصير ببكي وبحس حالي رح إنهار .. المهم يا عزيزاتي أنا أخدت 20 يوم من شهر ونزلت عالمستشفى ما كان في طلق أبدا من يومين قبل وما في طلق بس انا حبيت إستعجل على ولادتي لأن انا كنت عمبولد ببلد وزوجي ببلد وتأخرت على زوجي وصار بدي إولد مشان إرجع بسرعة لعندو . المهم يا حضور يا كرام نزلت عالمستشفى الساعة 7 الصبح من يوم الجمعة وكان 17 رمضان كنت بغرفة التحضير وبدأت القصة . أنا كان رحمي سميك وفاتح بس 2 سم وبعيد والراس لسه بعيد يعني مش ولادة أبدا صارت الممرضة تحطلي طلق صناعي أجلكم الله في المهبل هالطلق وأعوذ بالله منو والله العظيم أصعب من الطلق التوسيع من المهبل كتير صعب يعني كأنك جايبة ملعقة وعمتأحطي قدر وتحفي فيه والعياذ بالله .. كان الوجع اللي يجيني بعد هالتوسيع بعنق الرحم كتير صعب يعني والله العظيم الطلق كان أرحم .hwaml4 وكانو حاطين على بطني تخطيط مشان يشوفو نبض البيبي وسرعة الطلقات وما كان عميجي طلق خفيف ويروح وكا ما يدخلوا عليي الممرضات مشان يوسعو عنق الرحم حس كأن منكر ونكير فاتوا عليي لحد ما عملوا هالعملة 3 مرات بالآخر انا ما عاد فيني وأصلا الرحم ما كان عميتجاوب أبدا قمت أنا سألتون كم مرة لسه حتوسعوا برحمي هيك؟ قام قالولي ما منعرف على حسب ما الرحم يتجاوب يمكن 15 يمكن عشرين مرة قمت انا قلتلون لا والله أنا ما عاد فيني أبدا انا بدي أولد قيصري انا مش مستعدة أبدا إتحمل هالوجع والله يا إخواتي لدرجة أنا فكرت إهرب من المستشفى من الشباك هههه المهم قالولي نحنا رح نتصل بالدكتورة وهيي بتقرر قاموا اتصلوا بالدكتورة وقالت الدكتورة إنو هيي جاية عالمستشفى وكانت الدكتورة عندا شي 3 ولادات بنفس هالمستشفى ما شاء الله والأصعب من هيك إنو هاليوم كان يوم الولادات العالمي كان قسم الولادات مليااان ما شاء الله وكنت عمإسمع أصوات الولادات بالغرف اللي جنبي وحدة تصرخ وأنا إضرب بحالي آآه والله العظيم حتى أنا وهلأ عمإكتب أشعر بدني وأعصابي عمترجف المهم إجت الدكتورة وكشفت عليي لقت الرحم فاتح 3 سم يعني بعد كل هالتعب بس 3 سم لما دخلت الدكتورة قلتلا الله يخليكي بدي أولد قيصري قامت ما ردت عليي الظاهر متعودة على هالكلام hwaml02 المهم جابت شي وفتحتلي مي الراس وصارت مي الراس تنزل والطلق يزيد وأنا أصواتي وصرخاتي ترتفع hwaml4 كنت كتير عمإتعذب ما عاد فيني على هالطلق لأن انا بقيت من الساعة 7 الصبح للساعة 6 المسا لحتى ولدت قامت الدكتورة قالتلي إنو رح تصبر ساعة وترجع تكشف لو لقت الرحم تجاوب رح نولد طبيعي ولو لقت الرحم ما تجاوب رح نولد قيصري قام الحمدلله الرحم تجاوب بس انا كنت حموت من الأوجاع الرهيبة والطلق وخصوصي أنا كنت عارفة إنو الطلق رح يشتد قمت انا بهاللحظة قررت حط إبرة الظهر epidural المهم اجا دكتور البنج وحطلي إبرة الظهر مع إنو انا وزوجي كنا متفقين مستحيل إني حط هالإبرة بس الوجع اللي شفتو خلاني إحكي مع حالي متل المجانين بس لما الدكتور إجا كان الطلق كتير حامي وسخن معي يعني كانت الطلقة تجي كل دقيقة والمي تنزل مني أخدت وضعية الإبرة وصار الدكتور يعملي الإبرة ويقلي ممنوع أي حركة تخيلوا معي لما تجي الطلقة القوية وممنوع أي حركة؟؟؟ والله العظيم لما كانت الطلقة عمتجي وما فيني أعمل أي ردة فعل كنت حس كأن في كهربا بكل جسمي لأن ما فيني إتحرك ولا قول أي صوت والله كنت اللي عمقولو لا إله إلا أنت سبحانك إني كنت من الظالمين بقلبي بس حتى الإبرة لما تنشك صعبة كتير لأن التخدير بيوصل للعظم بقي الدكتور شي 20 دقيقة لحتى خلص من الإبرة وانا تدريجيا بدأ الوجع يخف عندي لحد ما صار الوجع معدم نهائيا بس خفيف كتير أخف من وجع الدورة والحمدلله وقعدت إحكي مع أهلي وإضحك معون والرحم ما شاء الله 4 ، 5 ، 6 ، 7 ، 8 ، سم ما شاء الله يلا ولادة دخلت الدكتورة وقالتلي يلا ولادة لازم تساعديني بالدفع والشد قمت انا صرت شد معا والحمدلله من دون وجع بس بسيط كتير ما في 10 دقايق حسيت إنو الدكتورة عمتجيب شي فجأة !!!!! لقيت حطتلي إبني على بطنيييييييي وأنا طاااااااار عقليييييييي ما كنت عمصدق إني شفت إبني وشفتو بيشبهني هالمخلوق الضعيف عل بطني وصرت أنا إضحك بهستيريا والله كأني مجنونة ما صدقت وشالو إبني عن بطني وأخدو يتحمم وأنا كنت عمإسمع هالصوت يقبر قلبي بس الدكتورة شقتني من تحت وصارت تقطبني بس والله ما حسيت أبدا بالجرح أبدا أبدا كل هالفترة يعني ما تضايقت من الخياطة .. وهيك والحمدلله تمت ولادتي والله رزقني بإبني يوسف ربي يجعلو من الصالحين وعقبال كل حامل ربي يفرج عنا وعقبال كل محرومة ربي يقر عينا بالحمل ياااارب بس نصيحة أخواتي : اللي بدا تستعمل الإبرة تستعملا بس من أول الطلق مش بالآخر والنصيحة التانية : ماااا تستعجلي على ولادتك اتركي حالك بالبيت تستوي من الطلق لأن الطلق الرباني أرحم بكتيييير من الطلق الصناعي .. والله العظيم دعيت لكل الأخوات اللي بالمنتدى بشكل عام ولأخوات معينات بشكل خاص ربي ما يحرمكون أبدا ويديم الوفق والمحبة بيناتنا |
رد: قصة ولادتي الشيّقة
الحمد لله على سلامتك حبيبتي
اكيد يوسف بيستاهل كل هدا التعب الله يخليه الك وتفرحي فيه وتشوفيه عريس وتجيبي الو اخوان واخوات يااااااااااااااارب وعقبالي وعقبال كل وحدة حامل تولد وتقوم بسلامه هي والبيبي ياااارب |
رد: قصة ولادتي الشيّقة
حبيبة قلبي الله يسلمك يارب وطبعا يوسف بيستاهل والله لما تشوفي إبنك عميبتسم بتنسي الدنيا كلا وكل التعب وعقبال ما تقومي بخير وسلامة
|
رد: قصة ولادتي الشيّقة
حرام عليكي واللة خوفتيني.انا على وجه ولادة
|
رد: قصة ولادتي الشيّقة
الحمدلله على سلامتك ومبروك ماجاك
عقبالنا يارب على السلامه |
رد: قصة ولادتي الشيّقة
قمت انا بهاللحظة قررت حط إبرة الظهر epidural
المهم اجا دكتور البنج وحطلي إبرة الظهر مع إنو انا وزوجي كنا متفقين مستحيل إني حط هالإبرة بس الوجع اللي شفتو خلاني إحكي مع حالي متل المجانين سبحان الله كلنا قلنا نفس الحكى وبالاخير اخذنا الابره غصب عن عيونا الحمد لله على سلامتك وسلامة يوسف |
رد: قصة ولادتي الشيّقة
الله يسلمك حبيبة قلبي والحمدلله يااارب
حبيبتي انا قصد عمخوفكون مشان تحطوا الإبرة انا بدي خوفكون يعني تخافي هلأ أحسن ما تشوفي الأهوال بعدين |
رد: قصة ولادتي الشيّقة
اقتباس:
توكلي على ربنا وكل تعب بتتعبه الوحدة منا اثناء الولادة لها فيه اجر عند الله.. لاتخفي لاني تعبت بولادتي بس لما شفت ابني والله نسيت كل التعب وهيني حامل من جديد وبنتضر لحضت الولادة بفارغ الصبر ربنا يسهل عليك ولادتك يارب |
رد: قصة ولادتي الشيّقة
الحمدلله على سلامتك
ويتربى بعزكم وتشوفيه احلى عريس |
رد: قصة ولادتي الشيّقة
الحــمد للـــه على سلامتك وسلامة يوسف
وان شاء الله يربى بعزك وعز ابوه و ان شاء الله بتشوفو عريس |
رد: قصة ولادتي الشيّقة
آآآآآآآآآآآآآآآه قلبي عورني......الحمدالله ع سلااااامتج حبوووبتي
|
رد: قصة ولادتي الشيّقة
الحمد لله على سلامتك
والله يخليلك يوسف وتشوفيه عريس |
رد: قصة ولادتي الشيّقة
حمد الله على سلامتك
والف مبرووووووووووك عليكى يوسف وعقبالنا يارب واضح ان الولادة القيصرى اهون الجرح ناخد مسكنات وخلاص ربنا يقومنا بالسلامة يارب |
رد: قصة ولادتي الشيّقة
حمدالله على سلامتك انتي ويوسف
وجعله الله قرة عينك انتي وابوه وربنا يحفظو |
رد: قصة ولادتي الشيّقة
الحمد لله على السلامة انشديت مع القصه بس بصراحه خوفتن مع انه حمل الثاني بس الاولى كانت قيصري
|
رد: قصة ولادتي الشيّقة
الف الف الحمدلله على سلامتك
بس الحمدلله انوه بنفس اليوم والله بحملي الاول ثلاث ايام اطلق الله يهونها علينا جميعا والله تعبت طاف علي 3ايام من شهري ادعولي |
رد: قصة ولادتي الشيّقة
الحــمد للـــه على سلامتك وسلامة يوسف
|
رد: قصة ولادتي الشيّقة
الله يطعمني مثلك حبيبتي
الضنى غالي ويوسف اغلى الله يعطيك الأجر بكل لحظة ألم ويتربى بعزكم والحمد لله على سلامتك وسلامة ضناك يووووسف عاشت الأسامي الله يجعله من مواليد السعاده |
رد: قصة ولادتي الشيّقة
الحمد لله على سلامتك يالغاليه واالف مبروك يوسف يتربى بعزكم وربي قطعتي لي قلبي في البدايه حززنت مره عليك وكمان خوفتيني لانو انا بكريه وخايفه موووت من موضوع الولاده بس الحمد لله انك ولدتي بسلامه...
|
رد: قصة ولادتي الشيّقة
مـــــــــبرووك يتربى بعزك يااارب ويثجعله من الصالحين يارب
|
رد: قصة ولادتي الشيّقة
الف الحمدالله على سلامتك يقلبي عورتي قلبي والف مبرووووووووووك
|
رد: قصة ولادتي الشيّقة
الحمدلله على سلامتك غاليتي وعلى سلامة يوسف
يقبر قلبي بوسيلي ياه يا قلبي |
رد: قصة ولادتي الشيّقة
الحمد لله قمتي بالسلامه انتي ويوسف
وعقبالنا كلنا يارب |
رد: قصة ولادتي الشيّقة
حبيبااات قلبي الله يسلمكون يارب وعقبال ما تقوموا بخير وسلامة حبيباتي تسلمولي
|
رد: قصة ولادتي الشيّقة
الف الف الف مبروك الحمدلله على السلامه ويتبى بعزكم..
عقبالنا بالسلامه يارب |
رد: قصة ولادتي الشيّقة
الف الف مبروك يا غلا ويوم الي تشوفي عريس وتفرحي بي يااااااااااااااااارب
|
رد: قصة ولادتي الشيّقة
الله يبارك فيكي عزيزتي وعقبالك يارب
زهرة البنفسج شكرا لمرورك يا قمر والله يبارك فيكي يارب |
رد: قصة ولادتي الشيّقة
ربي يجعلو بميزان حسناتك ام يوسف والف مبروك يتربي بعزك
|
رد: قصة ولادتي الشيّقة
الف حمد لله ع سلامتك ويتربى بعزك
بس انا اقرا وبدمممممع خفت حسيت ان الادرينالين عندي من الان بيشحححححححححححنhwaml61hwaml61hwaml61hwaml93hwaml93 hwaml93hwaml96hwaml96 بنات لاتخوفوني اماااااااانة حاسة بررعب |
رد: قصة ولادتي الشيّقة
الحمد لله عللى سلامتك..
|
رد: قصة ولادتي الشيّقة
تسلمو حبيباتي عالمرور
روز عزيزتي ما تخافي انتي بس حطي إبرة الظهر أول ما يبدا الطلق بس قوليلي انتي حااامل؟؟؟ طمنيني؟ لأن انا دعيتلك بولادتي |
رد: قصة ولادتي الشيّقة
اها يانور انا حامل الحمد لله بباية الراااااابع
بس كل مادخل هنا احس برعب ف دا القسم تسلمي يانور ع دعووووواتك مانحرم منك يارب |
رد: قصة ولادتي الشيّقة
الف حمدلله على سلامتك حبيبتي والله قصتك روعة الله يحفظلك يوسف وابوه
|
رد: قصة ولادتي الشيّقة
رووووز ألف مبارك عالحمل يا غالية ويارب يتمم فضلو عليكي بإذن الله وتجيبي بنوتة متلك أو صبي قمر متلك كمان وان شاء الله يكون وحامك سهل
بشارتي الله يبارك فيكي يارب |
رد: قصة ولادتي الشيّقة
يتربى بعزك وتزفينه لزوووجته...
وحمدلله على سلامتك وسلامة البيبي ...................... |
رد: قصة ولادتي الشيّقة
ربنا يبارك لك فيه ويجعله لك ذرية صالحة
|
رد: قصة ولادتي الشيّقة
ويبارك بأحبابك يارب العالمين
|
رد: قصة ولادتي الشيّقة
الحمد لله على سلامتك حبيبتي
يااااااااااااااارب وعقبالي وعقبال كل وحدة حامل تولد وتقوم بسلامه هي والبيبي ياااارب |
رد: قصة ولادتي الشيّقة
مع اني كان المفروض ما ادخل هالقسم لاني على وش ولاده ههههههههه
بس الفضول شدني لاني اقرى الموضوع والله انا كنت مفكره بعد بابرة الظهر رغم اني اخاف وايد منها بس مادري حتى انا زوجي بعد ما بيرضى بس المشكله ان هو بيكون موجود معاي يعني حتى لو طلبت هو بيرفض فورا يلا الله يسهلها علي وع كل حامل ويقومنا بالسلامه ان شالله قصه مشوقه فعلا :) |
رد: قصة ولادتي الشيّقة
الف الحمد لله على سلامتك ويتربى بعزكم
|
| الساعة الآن 01:30 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .