|
كيف اقنع زوجي يتعالج
الله يعافيكم اللي غارفه مشكلتي حق زوجي ضعف بالعدد والحركه وللزوجه
الدكتور الزم زوجي يعمل تحاليل هرومانات وهو مطنش وقاله ينزل وزنه ومطنش تعبت معاه وش الحل كيف اقنعه من غير مااجرحه ؟؟ يقهرني مستعجل يبي اولاد ومايرضى يتعالج !!!! |
رد: كيف اقنع زوجي يتعالج
مرحبا اختي
الله يرزقك بالذرية الصالحه يا رب بصراحه انا مستغربه من الناس سواء ذكور او اناث اللي يريدوا اطفال بس ما بيسوا شي عشان الله يرزقهم بطفل زوجك الله يهديه عارف انه عنده ضعف بالعدد وسمين ويريد اطفال طيب المثل بيقول قدم السبت عشان يجيك الاحد بصراحه ما في احلا ولا اغلا من الطفل لو كان حب الزوج يوصل للسماء ما بيعادل حب الام لابنها رائيي اني وما اعممه على اي واحده لو فعلا زوجي عنده مشكله بالانجاب ويحاول ويتعالج راح اكون داعمه له لابعد مدى بس اذا هو ما بيريد يتعالج راح اخيره بين العلاج او يطلقني ما اريد اضيع عمري وانا انتظر منه يفكر صح ويتعالج يمكن ساعتها اني ما اقدر احمل والقرار بيد المراه ولا تستحي من زوجها تكلمه بكل صراحه |
رد: كيف اقنع زوجي يتعالج
الله يسعدك صادقه وربي
ماعاد اتحمل والله ومدرري كيف ارجع اتكلم بالموضوع معاه |
رد: كيف اقنع زوجي يتعالج
كلميه اختي بوضوح وبصراحه
وحاولي تتوددي له وتبيني له ان هذا مو بعيب ولا ينقص من رجولته تعالي له باللين وبالزعل مره وبالغصب مره ومره عن مره رح يقتنع والله يهديه ويقتنع |
رد: كيف اقنع زوجي يتعالج
اقتباس:
انا اقول حل الطلاق اخليه آخر حل انتي كلمه بالهدوء ومن غير عصبية انا ادري كل وحده تبي عيال انتي قولي له إذا تبي عيال لازم تعالج وربي ما يضيع تعب من يسعى واذا مانع كلمي خالتج |
رد: كيف اقنع زوجي يتعالج
الله يسعد كل وحده ردت ويرزقهاا من حيث لاتحتسب
هذي اول مشكله تواجهني بزواجي هو يقول بروح الشهر الجاي يمكن هالشهر تحملي بدون علاج يارب خير |
رد: كيف اقنع زوجي يتعالج
آآآه الله يعين نفس زوجي كل ما الح عليه باكمال العلاج يسمعني نفس الاسطوانه انه بخير ومافيه شي والعيب مني وكمان طلب منه الدكتور اللعام ينزل وزنه ونفس الشي مافي فائده لحد ماتعبت وطنشت وخلاص الان ماافتح معه الموضوع ومالي الا الصبر ومتوكله على الله ومفوضه امري ليه سبحانه هو الرزاق
|
رد: كيف اقنع زوجي يتعالج
السلام عليكم ورحمة الله وبركاته
هلا بك ياوخيتي والله يرزقنا جميعا اختي مشكلتك سهلة كنت قاعده مع زوجي وقالي حل عساه ينفع اولا الرجال بدي المواضيع صعبه عليهم احساسهم بالنقص او عدم القدرة وكلامه االي يقوله يبي عيال بدون مايتعالج يكابر فيها حسسيه بقيمته ومكانته وانه الكل بالكل وبنغس الوقت لاتفاتحيه كثير بالموضوع خليكي بالتدريج معه وابدي حسسيه بطعم الابوة ولو عندك عيال اختك صغار مثلا جيبيهم وخليهم يلعبو معه وكدا الموضوع عندع نفسي وتنحل الامور بادن الله تعالى فكرة الطلاق دي اخر شي وفي حلول كثير هدا ادا ماكان يتعالج اساسا بس من دون ماتعرفي وتدكري الرجال مايحبون يحسون بنقصهم في شي زي كدا وافهمي واحتويه وبسياسة تنحل والله يرزقك ويرزقنا يارب |
رد: كيف اقنع زوجي يتعالج
الله يفرج همك يارب ..يس انا اشوف انك تتفهمبن معه وتحاولبن مرة ثانية وثالثة وماتسكتين لان هالموضوع مو خاص فيه لوحده هذا امر متعلق فيك كمان ..وقولي له ياخذ الامر بجديه مو بتهاون لانه امر مهم بالنسبة لك مو ثانوي ..اذا شفك كذا ان شاءالله راح يتغير ,, بعد التوكل على الله طبعا وانا الله هوالرازق وان العلاج ماهو الاسبب من الاسباب
|
رد: كيف اقنع زوجي يتعالج
أنا زوجي في البدايه مارضى حى يسمع فكرة الفحص ودائما ايقول احنا مافينا شي و وإشاء الله الله بيزقنا
وبعده بسنتين بعد الحنه والزنه سوه التحليل وطلعت عنده المشكله و ماصار يكمل العلاج لانه مكلف لين أقنعته بالحكومه والحمدالله اللحين مرره متحمس للعلاج مره زعلت عليه وقلت له أنا شكلي باروح بيت اهلي وإذا قالوا اهلك وش صاير باقول لهم أن ولدكم مو راضي يتعالج شوفلكم حل معاه ...قالي روحي قالت له لا بصبر وإذا مانفع باسويها hwaml45 وبعده بفتره بسيط بداء العلاج |
رد: كيف اقنع زوجي يتعالج
اختي لا طلاق و لاهم يحزنون ، جربي الخلطة اللي كلمتك عنها فموضوعك الاول ، و باذن ربك راح تحملي هذا الشهر لان زوجك مش عقيم و الطلع يساعد في حركة الحيوانات المنوية و انزلاقها ، فالله وكيلك جربيه و رديلي خبر ، ناس عقيمين حملو بفضل الله ثم بفضل الطلع فما بالك انتو تبارك الله لا عقم ولا شي ....
|
رد: كيف اقنع زوجي يتعالج
ربي يهون عليك عزيزتي ,,
المماطلة لوحده مشكلة ,, صح ,, هوكل شهر يقولك خلي الشهر الجاي ,, كذا عزيزتي يمر العمر وتمر ألأيام ى بلا فايدة ,, أفضل شىء تخليها تجي منه هو.. حسسيه إنك زعلانة ومضاااايقة وعايزة بيبي بس بدون ماتلوميه هو ولا توجهين له أي لوم ,, حسيه إنك بس مضايقة وخلاص بس مش منه ,, عشان تجي منه هو ويقترح عليك العلاج,, وربي يرزقكم يااااااااااااااااااااااااااااارب.. |
رد: كيف اقنع زوجي يتعالج
مرحبا عزيزتي ما ابي اضايقك بس تصرف زوجك أناني لو لا سمح الله انتي مكانه والضعف من عندك كان .. لا يروح عمرك وانتي ما تبين تجرحينه قوليله تبي ضنا روح تعالج ما تبي تتعالج انا ما ني مستعده أتقبل هالوضع حطيه قدام الأمر الواقع ولا تتهاونين
|
رد: كيف اقنع زوجي يتعالج
هذا زوجك وحبيبك تعالي له بالأسلوب هذا
قولي له ياحبيبي المشكله تزيد اذا ماعالجتها وان اذا عالجها ممكن تخف بسرعه وما يطول العلاج وربي يرزقكم بالطفل باذن الله واهم شي يقتنع انه مو عيب أبدا انه بيتعالج بالعكس لكل داء دواء وربي قال أسعى ياعبدي وانا أسعى معك الله يهدي سركم وان شالله تحملين هالشهر وما يحتاج زوجك للعلاج يارب باركريم يكرمكم بالحمل في القريب العاجل |
رد: كيف اقنع زوجي يتعالج
ما عليك من اللي يقولون طلاق و خرابيط تعوذي من الشيطان و استهدي بالله
انتي حاولي تتفاهمين معاه بهدوء نفس ما قدرتي تقنعينه انو يروح المستشفى راح تقدرين تقنعينه انو يتعالج بإذن لله دامه وافق ع الفحص معناتو انو في تقدم ما شاء الله انتي يا حياتي قولي له خلنا نشد حلينا ونجيب بيبي قولي انا راح احرص اني احسب ايام تبويضي كل شهر و انت استخدم العلاج و ان شاء الله ربي يرزقنا الذرية الصالحة و اذا حاول يلف و يدور قولي له حبيبي انا و اياك فحصنا وانا سليمة الحمد لله و المفروض انك تفرح وانت عندك شوية مشاكل و بسيطة بإذن لله راح تروح مع العلاج و اذا مالحقت ع نفسك ترى راح يتأزم وضعك و اعطيه وعد انو ماحد راح يدري عنه انو يتعالج وقولي. له انو الناس يدورون العلاج برى يعني احمد ربك انو علاجك بسيط و موجود هنا لو انو برى ايش راح تسوي اول شي راح يعرف العالم انو العيب منه ثاني شي نفسيته بتكون شينه عشان كيذا حبيبتي لا تجيبين الطلاق ع السانك و زيادة لدعمه قولي له لأني احبك و لأنك زوجي كل حياتي ما ابغى عيال الا منك فتعالج الله يخليك لي يارب ولا يحرمني منك قولي له كيذا وان شاء الله راح ترتفع معنوياته اكثر وراح يتحمس و يتقبل العلاج و اذا وافق ع العلاج انتي قومي جيبه له و اعطيه بنفسك انتي حطي الحبوب بفمه و شربيه الموية وقولي له لأنك دنيتي ما ابي عيال الا منك و اعطيه بوسة بوسط جبهته و روحي بإذن لله راح يتقبل العلاج اسرع يحب يبين انو قوي وهو من جواته مكسور انتي مالك الا توقفين جمبه معاه مو ضدة ترى سالفة الطلاق راح تعقد عليك الموضوع لأنو الطلاق ضدة و راح تزيدين همه هم فهمتي اللحين وقبل ذا كله ان ابغض الحلال عند الله الطلاق ترى مو حل انتبهي انتبهي من هالسالفه لا تخسرين زوجك عشان انو ما اقتنع بالعلاج ترى الموضوع بإن الواحد الأحد هين بس انتي ماعليك الا الصبر ثم الصبر ثم الصبر اعتبريه اختبار من الله حبيبتي |
رد: كيف اقنع زوجي يتعالج
حاولي اكثر من مرة لاتيئسين هذا حق من حقوقج
انا زوجي كان مافيه شي في بداية زواجنا ولا انا بس كان يبي ياخر فكرة الاطفال تميت وراه كل مابين فترة وفترة اقوله الى ان جاء وقت اقتنع من كثر ماحنيت عليه وشاف ان نفسيتي على طول تعبانة ويشوفني ويدري شنو فيني في النهاية ماهنت عليه وخلاني احمل وانا طبعا اكثر طريقة خلته يرضى لي احمل هو الدعاء ثام الدعاء ثم الدعاء والاستغفار كنت على طول ليل ونهار ادعي واستغفر ومن اذكر الحمل ادعي الله يرزقني ومن اسمع بوحده حملت اقول ياربي فرح قلبي مثل مافرحت قلبها والحمد لله في النهاية حملت |
رد: كيف اقنع زوجي يتعالج
رفعتو معنوياتي الله يسعدكم ويخليكم شكرا من قلب الله لايحرمكم الاجر يارب
|
رد: كيف اقنع زوجي يتعالج
تخفيف الوزن غيري طريقة اكله انتي اطبخي قللي زيوت
هلي الاكل مشوي سلطات قولي لها بنروح نتمشى بممشى روحي معاه عملي رياضه سواء بحديقه غ البحر او بمششى كلميه كلام حلو وهو رايق انه نفسك بولد يشبه يملي عليكن حياتكم انا زوجي ماقتنع كنت خايفه اقوله دكتور قال له عمله وخله كل شي عليها يقصدني انا خلي كورة بمرمى وهو يحب بنات ويبي يسميها ع اسم مرحومة زوجة اخدته من ذي نقطه ماتبي نجيب بنوته وتسميها ع اسم المرحومة وبعدين اقتنع وعمله |
| الساعة الآن 05:59 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .