|
العلاج او اطفال الانابيبء
السلام عليكم
لجأت لكم بعد الله لانه في حيره جدا من امري زوجي يعاني من ضعف شديد بالحيوانات المنويه وانعدام الحركه العدد مليون وميتين فقط السليم منها 200 الف بدون حركه ودايم اقرا ان العلاجات ماتجيب نتائج وقلت بدال مانهدر فلوس بالكشف والعلاج اوفر مبلغ من الراتب الشهري لحد مايجتمع المبلغ المناسب واسوي اطفال انابيب عالطول محتاره كثير وايضا اخاف من فشل العمليه وخصوصا ان الماديه جدا ضعيفه مارح اقدر اكررها الا بين فترات بعيده اللي عندها فائده او نصيحه لاتبخل علي |
رد: العلاج او اطفال الانابيبء
انصحك باطفال الانابيب ..
اختصري الوقت والماده .. وان شاء الله ربي يكتب لك الحمل من اول محاوله .. |
رد: العلاج او اطفال الانابيبء
نصيحتي لك كمجربه
قضيت ٨ سنوات واحنا من عشبه الى عشبه من دواء لدواء والحمد لله ما حصل لنا طبيعي وبالنهايه سوينا اطفال انابيب وربي اكرمنا بفضله ومنه ببنوته فنصيحتي لك سوي اطفال انابيب وفي حالة زوجك احسن الحقن المجهري والله يرزقك بالذريه الصالحه |
رد: العلاج او اطفال الانابيبء
اكيد انصحك بالانابيب ترا العمر يمشي
والحمدلله وايد بمات سووها ونجحت من اول مرة لا تتشائمين حبيبتي ترا احس العلاجات ماتجيب نتيجة ابد |
رد: العلاج او اطفال الانابيبء
انا جربت علاجات من مستشفي لمستشفي والم جسمي ونفسي ومصاريف بالفاضي اتوكلي علي الله واختصري الوقت بالحقن المجهري والله يرزقج انشالله اتفائلي خير
|
رد: العلاج او اطفال الانابيبء
استخيري ربك وسوي حقن مجهري وان شاءالله ربي مايضيع لك تعب
|
رد: العلاج او اطفال الانابيبء
بالبداية خلك دائماً متفألة و متوكلة على رب العالمين
و كل مايصيبك خير من الله هو اعلم بك و العملية ناس كثير نجحت معهم من اول مره و خذي احتياطك و جمدي بعض التجنة والله يوفقك |
رد: العلاج او اطفال الانابيبء
حبيبتي حاولي تجمعين المبلغ وعلى طول سووا العمليه ...
او حطي جمعيه وسدديها شهريا أريح لك... أنا سويت العملية ووقتها زوجي كانت الحيوانات نازلة عنده إلى 500...طبعا كان عنده نقص عدد وصار ينقص بالفترة الأخيرة وخفت وسويت العمليه بعد 3 سنين و3 شهور من زواجنا والحمد لله من أول تجربه ربي أكرمني ورجعوا واحد ومن الدرجه الثانيه وثبت واللهم لك الحمد على كل حال... |
رد: العلاج او اطفال الانابيبء
وكذلك نصيحه إلى ما يتجمع المبلغ
اول شي كثروا الأستغفار وسوي لزوجك خلطة العسل مع حبوب اللقاح وغذاء الملكات والمكسرات المشهورة بالنت وزيدي عليها قسط هندي وخليه يستمر عليها 3شهور واذا يقدر يحجم #3 مرات ورى بعض ويفهم الحجام ان تحجيمه للانجاب... وانتي اخلطيلك شمر وكمون وزنجبيل وحطي ملعقه بكوب ماء مغلي وحطي عليها مراميه بدون غصن وغطيها شوي وبعدين أشربيها ... الله يرزقك الذريه الصالحه بدون تدخل الأطباء ياااااااارب |
رد: العلاج او اطفال الانابيبء
مشكورين جميعا
ريوم امنيه حامل ام عبدالرحمن متفائله خير الاميره سوس الله ييسر اموركم ويرزقكم ويفرج عليكم كل كربه لكن هل فيه غرق بين الحقن المجهري واطفال الانابيب وافضل مركز بالرياض لهذه العمليات? |
رد: العلاج او اطفال الانابيبء
الرين الشرقي
الله يعطيك العافيه ويرزقك من واسع فضله وهذا اللي جالسه اسويه بحكم اني ربه بيت وماعندي مرتب خليت زوجي يعطيني مبلغ شهري من راتبه واجمعه والله ييسرها لكن لحد اللحين مو عارفه افضل المراكز بالرياض وهل فيه تحاليل مطلوب اسويها خارج المركز |
رد: العلاج او اطفال الانابيبء
حبيبتي بالرياض عندكم الدكتور بقنه....قريت عنه كثير ممتاز
وعشان المشكلة اللي عند زوجك روحي للدكتور حمود المطرفي تخصصه عقم رجال على حسب ماسمعت... أقرأي حبيبتي بالنت وشوفي اللي يقنعك وترتاحين له والله يفرحك بضمة طفلك ياااااااااااارب |
رد: العلاج او اطفال الانابيبء
حبيبتي هذا الرابط ممكن يفيدك بفهم الفرق بين الانابيب والمجهري ...
طبعا الأغلب الحين يعمل الحقن المجهري وتأكدي من هالنقطه في المركز من الدكتور نفسه.. http://forum.hwaml.com/t250367.html واسمعي هالرابط ...أحسه كلامه يريح...وأنا عملولي ترقيق جدار الجنين والحمد لله ممكن يكون عامل ساعد على الانقسامات والثبات... ‫د فوازادريس -- تقنيات تزيد نسبة نجاح اطفال الانابيب‬‎ - YouTube |
رد: العلاج او اطفال الانابيبء
الريم الشرقي
ماقدر كيف اشكرك الله يسهلك كل عسير ويفرحك يارب بشوفه ضناك سليم معافى خدمتيني كثير الله يسعد قلبك ياجميله |
رد: العلاج او اطفال الانابيبء
اسمع بنات يقولون دكتور بندر بالرياض يمدحونه وايد منهم اعتقد ريوم كانت تتعالج عنده واحين هي مشالله حامل وغيرها بنات من تجمع المقبلين علي عملية الانابيب والحقن المجهري وقارني واستخيري قبل كل شي الله يسهل لج امورج ويرزقج ويرزقنا بالذرية الصالحه عاجل غير اجل قولي امين
|
رد: العلاج او اطفال الانابيبء
اقتباس:
حبيبتي مايحتاج شكر ولو أحتجتي أي حاجه أنا بالخدمه.. الله يفرحك بالذريه الصالحه إن شاء الله ... |
رد: العلاج او اطفال الانابيبء
انصحك خلي زوجك ياخذ عسل مع غذاء ملكة النحل وياكله عالريق وسوو تلقيح مجهري بس بعد شهر من استخدام العسل عشان تكون الفرصه اكبر |
رد: العلاج او اطفال الانابيبء
وربي انصحك من اخت لاختها وربي يشهد حسيت سؤالك نفس حالتي اول زوجك يتعالج نصيحة دكتور محمد الدزراي جدا ممتاز في البحرين لانه تخيلي تفشل العملية نفس ما فشلت عمليتي وترى اطفال الانابيب يبي لها فلوس شكثر يعني بيكون من كل الجوانب سلبي النفسي والمادي والجسدي لانك بتتتعبي كثير نصيحة حبيبتي خلي زوجك يتعالج والله بيرزقك يارب لا تياسين من البداية ...hwaml13 |
رد: العلاج او اطفال الانابيبء
اقتباس:
وينه دكتور بندر بأي مركز وايش تخصصه والله يفرح كل حامل يارب بشوفه ضناها ويرزقنا يارب وكل المحرومين |
رد: العلاج او اطفال الانابيبء
اقتباس:
هذا انا اشير عليه انه يشتريها بس زوجي مماطل واذا حنيت عليه يأخذ الموضوع بحساسيه واني متضايقه من مشكلته |
رد: العلاج او اطفال الانابيبء
اقتباس:
الله ييسرها يارب علينا وعليك انا خايفه من النتايج وخصوصا ان زوجي مو ملقي هالموضوع اهتمام ابحث وادور واقرا وهو يتناسى الموضوع وصار يكرهه النقاش فيه |
رد: العلاج او اطفال الانابيبء
افضل شي ع قؤل الاخوات اختصار للؤقت وللمال سؤي اطفال انابيب وربي يرزقك وكل محرؤمه عاجلآ غير اجل
واهم شي اهم شي النفسيه لازم تكؤني مرتااااااااااااااااحه ابعدي عن القلق بقدر المستطاع وقبل كل شي اكثري من الاستغفار وكرري في كل سجده ربي لاتدرني فردآ وانت خير الؤارثين & |
رد: العلاج او اطفال الانابيبء
اقتباس:
الله يجزاك خير والله يسهلها وييسرها يارب يارب لاتجعل حاجتي ولا حاجه اخواتي في هالمنتدى وجميع المسلمات عند احد من خلقك والله يريح نفسياتنا لانها مره يتعبني هذا الجانب ومشكوره خيتي الله يرزقك ويسهل امرك |
رد: العلاج او اطفال الانابيبء
اول حاجه ادعي واستغفري الله الرزاق بانبيب او غيره
ثاني حاجه خلي زوجك يعمل حجامه دم كل شهر وبعدين يستخدم خطله عسل سدر اصلي مع طلع النخل مرتين باليوم وياكل ٦ حبات حبه البركه واذا مدخن يترك التدخين ويشرب حلبه او ياكلها قد ما يقدر وبأذن الله تحملين بسرعه لاتنسين الاستغفار وشرب مويه مقري فيها ايات الاحياء |
رد: العلاج او اطفال الانابيبء
اقتباس:
الله يجزاك خير ويسهل يارب عالجميع زوجي الحمدلله من مدخن لكن الله يهديه دايم يأخر الصلاه بسبب النوم ومو متجاوب معي لا بعلاج ولا نصيحه الله يهديه يارب |
رد: العلاج او اطفال الانابيبء
دكتور بندر العبدالكريم
الي تسئلين عنه موجود بمركز بنون الطبي خلف غرناطه ٠١١٤٤٤٨٠٨٠ رقم المركز هو والدكتور عبدالعزيز الشهراني بنفس المركز وانا كنت اراجع عندهم وحملت بفضل الله وله دكتور بندر بتويتر حساب يرد على اي استفسار اكتبي بندر العبد الكريم ويطلع لك |
رد: العلاج او اطفال الانابيبء
اقتباس:
الله يثبت حملك يارب ويفرحك بشوفه ضناك تام الخلقه سليم معافي هل حملتي طبيعي ومن راجعتي عنده بالضبط اي دكتور |
رد: العلاج او اطفال الانابيبء
ماعندي فكرة الله يرزقج بالذرية الصالحة عاجلا
|
| الساعة الآن 02:15 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .