|
دخلن يا حريم ضروري ربي يرزقكن ...
الحمد لله على كل حال .... توني راده من عند الدكتوره و احسها غبيه ما ادري ليش احسها خرفت و يلست ...
خذت عني تحليل دم و طلبت حليل دم هرموني و بعد ساعه دخلت عندها و للاسف قالت لي ماشي حمل و نسبة الحمل بالدم 2 و سببها لخبطة الهرمونات http://forum.hwaml.com/images/smilies/TR%20(8).gifقلت لها انا سويت تحليل منزلي جهازين و طلع لي خط خفيف قالت لي عادي لخبطة هرمونات تزيد نسبة الحمل و اصلا ماشي حمل .... قلت لها ابا سونار قالت لا ما يحتاي لني شفت لج السونار قبل و اظن نفس الشي و انا كنت شايفه كيس اظن هو للبويضه و كان حجمه 17 و قلت ممكن يصير حمل منه ... يا ناس سا عالم انا موليه مب مقتنعه احس شي ثاني ... وانا كنت سايره لدكتوره البديله عنها و قالت لي البويضه منفجره قبل ايام التبويض عيل هاي البويضه من وين طلعت ... كيف بويضه يمكن تتلقح و كيس بويضه وانا كنت مخلصه ايام التبويض و حتى ما نزلت البويضه وقالت لي ما تحتاجين سونار و هيه مجيكه عليه سونار يوم تاخرت 4 ايام و الحين كملت 18 يوم و غير انها قالت لي سمك الرحم عندج كبير ولازم الدوره تنزل و اذا نزلت بتنزل بدال 5 بتكون 7 و كتل .... بتخبل مب عارفه شو اسوي عطتني دوا تنزيل قالت لي خذيهم من بداية تاريخ 1 و راجعيني اليوم 7 من الدوره ... وانا ماخذه دفاستون صار لي 7 ايام ما نزلت و احس الم في صدري مرات و ظهري اذا يلست فترات طويله و عندي انتفاخ شوي في بطني و افرازات شفافه و بيضا و الم الدوره ايني يروح .... و حلفت ما اخذ حبوب التنزيل ...http://forum.hwaml.com/images/smilies/TR%20(8).gif يارب رحمتك الحمد لله على كل حال الحمد لله ... ربي اني لما انزلت الي من خير فقير ... الله يخليكن بنات ادخلن و خبرني شو السالفه لني وايد محتاره ما عرف شو اسوي ...hwaml15 |
رد: دخلن يا حريم ضروري ربي يرزقكن ...
الله يكوون فعونج اختي
18 يوم مو شوي افضل تروحي لدكتوره ثانيه وشوفيها وش بتقول ولاتقوليلها انج رحتي مع هذي الدكتوره وقالتلج هالكلام وان شاء الله خير حبيبتي |
رد: دخلن يا حريم ضروري ربي يرزقكن ...
رروحي دكتوره ثااانيه ولاتقوليها وش صار معك
|
رد: دخلن يا حريم ضروري ربي يرزقكن ...
مثل راي البنات
خلي هالمره اللي رحتيها تكون أخر مره حبيبتي. حطي في بالج السعي للحمل يباله شيئين اول شيء التوكل علي الله وثانياً العلاج الصح علي ايد دكتورة صح اتوكلي علي الله ولاترجعيلها مره ثانيه روحي للدكتورة اللي نصحتج فيها وعسي يكون حملج علي ايديها يارب الله يرزقج بالقريب العاجل |
رد: دخلن يا حريم ضروري ربي يرزقكن ...
روحي لدكتوره تانيه و ان شاء الله خير
|
رد: دخلن يا حريم ضروري ربي يرزقكن ...
خلاص مره ثانيه ما برجع لها هالغبيه " استغفر الله " لا فاد علاجها ولا نزلت الدوره ولا حتى اقدر ابد علاج يديد ... بروح للدكتوره الثانيه ان شاء الله العصر ..
|
رد: دخلن يا حريم ضروري ربي يرزقكن ...
الله يرزقك اختي بالحمل السليم
|
رد: دخلن يا حريم ضروري ربي يرزقكن ...
ااالله يرزقك مآتتمني يآرب
|
رد: دخلن يا حريم ضروري ربي يرزقكن ...
توني راده من عند دكتوره " فاطمه نوح" و شاطره و يلست وياها و تكلمنا عن الموضوع و طبعا ما قلت لها عن الدكتوره الاولى ولا شي ...
سالتني اذا خذت تحليل دم قلت لها هيه و ما ادري شو السالفه بالضبط لكن اللي خبروني نسبة هرمون 2 و نزلت لي افرازات اول يوم للدوره اللي المفروض تنزل و رابع يوم تاخرها و نسيت اقول لها اني خذت دفاستون و سوت لي سونار قالت بطانة الرحم عندج سميكه و الدوره تبا تنزل لكن في صوب اليسار باين كان فيه تبويض متاخر و هالشي يخليني اشك في حمل ضعيف وايد و معرض للاجهاض ... و خفت وايد و قالت اذا ما نزلت لين الخميس الياي بنزلها غصب و ببدا علاج يديد وياج عقب قلت لها اني ماخذه دفاستون و للحين 7 ايام ومانزلت و عقب قالت ها ياكد لي الاحتمال بوجود حمل ضعيف و سمك بطانة الرحم بعد تاكد لي بس ما ابغي ااكد أي الا بعد ما يطلع الفحص اللي بسويه لج و هو فحص الدم " الهرمون" و بتطلع النتيجه الساعه 6 ... بنات انا وايد خايفه وايد وايد و كنت اتمنى الحمل و الحين عندي ضعيف و مهدد بالاجهاض .... انا من ذاك اليوم ادعي و اليوم بعد قلت يارب اذا حمل ثبته و اذا دوره تنزل .. الله المستعان |
رد: دخلن يا حريم ضروري ربي يرزقكن ...
الله ييسر امورك اختي ويفرحك ويااارب يكون حمل وتجي تبشريناا
|
رد: دخلن يا حريم ضروري ربي يرزقكن ...
أنا أختك nanou متابعة الموضوع و بتمنى من كل قلبي تجي تبشرينا بالحمل و ماعندي صبر للساعة 6 أكثر منك و الله أني متحمسة يارب تكوني حامل.
|
رد: دخلن يا حريم ضروري ربي يرزقكن ...
اقتباس:
فديت روحج .. عزيزه و غاليه اختي nanou ان شاء الله تطلع النتيجه ايجابيه و للحين ما تصولو عسى خير يارب ... الله يرزقنا جميعا يارب قريب ... الحمد لله على كل حال ... |
رد: دخلن يا حريم ضروري ربي يرزقكن ...
ياااااااااااااااااااااااارب يارب حمل ويثبت
طمنينا عليج |
رد: دخلن يا حريم ضروري ربي يرزقكن ...
امين يارب .... توه ريلي اتصل قالت له الممرضه وصلت النتيجه لكن اول شي الدكتوره بتجيك عليها و عقب بتصل بخبرك... هسى خير يارب الله يثبت لي و يظهر بالتحليل و اذا لا قدر الله ما ظهر بنتظر لين اسبوع الياي و بحليل لين ربي يرزقني حتى لو نزلوها بالحبوب بعد تملي بالله قوي وربي ما بيخيب ظني فيه ,,,, بيرزقني قريب ....
|
رد: دخلن يا حريم ضروري ربي يرزقكن ...
اقتباس:
فديتج...عسى يارب حمل ويثبته لج يارب طمنينا عليج ننتظرج |
رد: دخلن يا حريم ضروري ربي يرزقكن ...
الله يسمعك اخبار الخير يارب
بنتظار البشرى |
رد: دخلن يا حريم ضروري ربي يرزقكن ...
ما اقول غير الله المستعان كرهة شي اسمه حمل و دوره ... استغفر الله العظيم ... توها اتصلت و قالت حق ريلي ماشي حمل و النسبه 0.100
و الصبح كانت 2 ..... شو السالفه ما ادري ههههههههه ها مب هرمون سوق البورصه صاعد و نازل ... الله المستعان خ تولي الدوره و يولي الحمل و يولي كل شي و الحمد لله على كل حال و عقب شوي بروح اشرب جرفه عشان تنزل سماكة الرحم بلا حمل ضعيف بلا بطيخ .. |
رد: دخلن يا حريم ضروري ربي يرزقكن ...
ياحبيبتي
الله يعينك برأي انتظري شوي يعني كم يوم وعيدي بس التحليل النزلي وشوفي شو النتيجة لاتستعجلي |
رد: دخلن يا حريم ضروري ربي يرزقكن ...
مليت يا ام محمد و عقب شوي بروح اخذ لي كوب شاي مع جرفه تنزلها لي ...
|
رد: دخلن يا حريم ضروري ربي يرزقكن ...
الله يكوون بعونج فد
دام نزل الهرمون يعني ماشي حمل الله يرزقج الذريه الصالحه يارب قريب |
رد: دخلن يا حريم ضروري ربي يرزقكن ...
امين يارب ..... توني اسوي رياضتي اليوميه امس مشيت نص ساعه و اليوم مب قادره ماشي لياقه ههههههه مشيت بس عشر دقايق هلكتني هالجرفه ....
بروح اشرب مرقدوش و اعشاب و ما بخلي شي ما بشربه ههههه حتى لو ماي البحر المهم تنزل و افتك ..... لم تنزل ان شاء الله بروح للدكتوره و يمكن اسوي تلقيح صناعي هالشهر و ان شاء الله خير ... |
رد: دخلن يا حريم ضروري ربي يرزقكن ...
ياحياتي لاتزعلين ولاتتضايقين كلش من الله حلوه اذا احمل او مافي الله كريم مابيخلي حدا اكثري من الاستغفار والله راح يرزقك يارب وكل من يتمنى
|
رد: دخلن يا حريم ضروري ربي يرزقكن ...
الله بيرزقج قريب ان شاء الله خلي عنج الدكاتره وكلامهم وتوكلي ع ربنا
وان شاء الله تبشرينا بحملج يارب |
رد: دخلن يا حريم ضروري ربي يرزقكن ...
امين يارب ... يزاكن الله خير ربي يرزقكن ...
|
| الساعة الآن 01:43 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .