|
هل ممكن يصير حمل خلال هالفترة !
السلام عليكم ورحمة الله وبركاته ..
أتمنى تكونون جميعاً بخير يارب * بنات أنا عندي سؤالين : الأول : بعد ما تنتهي أيام الخصوبة والتبويض عادي يصير قذف في الداخل ؟ 2 / صار لي تقريباً 10 أيام من صار اللقاء بيني وبين زوجي .. ووقفت فترة لأني كنت أبي يصير بوقت التبويض وما شفت عقبه تبويض وتأكد لي بعد فترة إن بنفس اليوم اللي صار فيه اللقاء كان هو نفسه اليوم أو اللي بعده .. بعدين طبعاً صار لقاء آخر بعد كم يوم علشان قلت مابي أفوّت أيام الخصوبة - بحسب مشورة البنات لي الله يجزاهم خير - .. المهم لي كم يوم تجيني نغزات بأسفل رحمي، تألمني كثير كأنها زي الغازات .. وشي ثاني لي يومين معاي ألم بظهري فظييييع، قسم بالله يا بنات إني ما أنام الليل منه .. وطالع لي شي بصدري زي الرضّة يعورني حيل، وجسمي قَب كله حبوب !! وصايرة أتشهّى أشياء أضحك على نفسي قبل أطلبها، مرة أبي ( كنار )، مرة ( ساندويتش مشكل)، وكل يوم أبي ( تبولة ) .. وماغير أبي أنام، تجيني الصيحة لا قمت الصبح علشان أسوي لرجلي فطور .. معقولة يا بنات تجي أعراض حمل عقب عشرة أيام !!! وباقي على دورتي تقريباً أسبوع ونص .. وأقول لأمي وتضحك علي :( .. إي وشسمه بعد نسيت شي بنات والله من غير مبالغة يومياً أحمل إني والد، أمس عاد حلمت إن أمه راسلة له مسج وبوقت فجرية وكاتبة له مبروك عليك بنتك، وكنّي بالحلم أقول له شلون تبارك لك بالبنت وأنا للحين ما ولدت، وأقول بخاطري في الحلم الحين بربّي هاللي انولد ولا هاللي في بطني ! ( يارب الله يرزقني ويرزقكم ويحفظ البنات الحوامل ويتمم عليهم ويقومهم بالسلامة ويقر عيونهم بتمام خلق وخلقة عيالهم ) .. * عذراً ع الإطالة .. |
رد: هل ممكن يصير حمل خلال هالفترة !
بنات أفيدوني، الله يجزاكم خير hwaml85 !
|
رد: هل ممكن يصير حمل خلال هالفترة !
يصير اذا ارده ربي بأوقات ماتخطر على بالك
لكن اسمحيلي اعراضك هذي مرررره مبكره ولا اتوقع اعراض الحمل تبدء من هالوقت وبالنسبة للاحلام هذا شي طبيعي عشان اعراضك وافكارك كلها تتمحور بالحمل تبين نصيحتي لو تحاولين قد ماتستطيعين تخففين من التفكير بالحمل والاعراض لو تشغلين نفسك بأي شي ثاني حتى لايسبب لك كثر التفكير توتر وقلق لانك مطوله على ماتعرفين النتيجة الاكيده واسأل الله يحقق لك ماتحلمين فيه |
رد: هل ممكن يصير حمل خلال هالفترة !
حبيبتي كل شيء جايز. ممكن تكوني حامل ان شاء الله. انتي توكلي علي ربك وانتظري قرب الدورة وحللي. وربي يفرح قلبك ان شاء الله
بالنسبه للقذف الداخلي بعد فتره التبويض يصير حمل او لا كله بإراده رب العالمين لا احد يقدر يجزم بذلك |
رد: هل ممكن يصير حمل خلال هالفترة !
شوفي حبيبتي جااايز اكيييد ممكن يكون حصل اخصاب و تكومي بداية حمل
لكن مستحيييل تطلعلك اعراض يعني اللي بيسرلك هدا مو بسبب الحمل اذا موججود ان شاااءالله لان اعراض الحمل اللي قلتيها و اللي ما قلتيها يعني كلها كلها تحصل فجسم المراه بسبب التغيير المفاجي و الهائل فهرمونات الجسم و بما انك لو سويتي تست حمل دحين ما حيبان لان هرموناتك لسا ما بدات تزيد باقي على دورتك اسبوع و نص !! مستحيل يكون في شي اتغير لسا بدري جدااا ان شااءالله تكوني حامل و تفرحينا بس لا تفكري كتيير و تتوهمي خليكي طبيعيه و ربي حيرزقك الحمل باذن الله |
رد: هل ممكن يصير حمل خلال هالفترة !
آلله يررررررزقكك ويآرب تحملي هالشهر
|
رد: هل ممكن يصير حمل خلال هالفترة !
اقتباس:
مرة شكراً يا مريومتو :** ممتنة لك على نصيحتك الطيبة وإن شاء الله أوعدك إني من اليوم بحاول قد ما أقدر أشغل نفسي ولا أفكر .. آمين يارب، وينولك أضعاف ما تتمنين لي عاجل غير آجل يارب hwaml95.. |
رد: هل ممكن يصير حمل خلال هالفترة !
اقتباس:
ياااارب الله يسمع منك ويفرحني ويفرحك أضعاف فرحتي يارب .. فوّضت أمري لله وتوكلت عليه، الله يفتح لي ولك أبواب استجابة دعواتنا فيما نتمنى يارب .. جزاك الله خير، وشاكرة لك تواضعك hwaml23 .. |
رد: هل ممكن يصير حمل خلال هالفترة !
اقتباس:
ربي يسعدك بما تتمنين يارب .. إن شاء الله يارب، وباخذ بنصيحتك أكيد hwaml86 .. |
رد: هل ممكن يصير حمل خلال هالفترة !
اقتباس:
آمين يااااااارب الله يفتح لدعائك أبواب السماء .. والله يرزقك أضعاف الخير اللي تتمنينه لي، شكراً لوقتك اللي أعطيتيني إياه، وبذلك الدعاء، جزاك الله خير .. hwaml84 .. |
رد: هل ممكن يصير حمل خلال هالفترة !
ربي يحفظك عزيزتي ويسعدك..
بالنسبة لسؤالك ألأول المعروف إنه 3 أيام بعد الدورة لو صار لقاء مايصير حمل بعد إذن الله أكيد وبعدهاتبدأ أيام التبويض وبالنسبة للأعراض من المبكر جدا أن تبدأ ولكن نفسيتك وتفكيرك في الحمل هو المسؤول على هذا مابدي أحطم أملك بس يااااااااااااااااااااااااااااااارب تطلعي حامل .. وأظنم إنك لو سويتي إختبار حمل مش حتطلع النتيجة زيدي شوي وحللي أحسن.. وربي يعطيك ماتتمني.. |
رد: هل ممكن يصير حمل خلال هالفترة !
ان شااء الله ياارب يرزقك بالذريه الصالحه قريب ..
|
| الساعة الآن 09:58 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .