|
عندى اعراض لاول مرة تحصل لى هل انا حامل؟
السلام عليكم ,و اولا دى اول مرة اكون معاكم هنا وحابه استفسر منكم انا الدورة باقى عليها 4 ايام الان وهى منتظمه جدا ولكن الشهر ده انا عملت اشعه صببغه لان بقالى سنه متجوزة ولسه مش حملت والحمد نتيجه الاشعه كويسه ومفيش مشاكل لكن انا حسيت ايام التبويض بنغزات وحدثت علاقه مع زوجى ومن يومها باحس بنغزات متقطعه وفى اليوم 19 حسيت بمغص يشبه الدورة على بسيط استمر دقيقتين ونزل فيه نقطه بسيطه اوى دم ودى اول مرة تحصل لى وتانى يوم لقيت انتفاخ وطراوة فى صدرى وكمان تقلصات فى اسفل البطن وطعم غريب فى فمى ... ياترى ايه رايكم هل انا حامل ولا باتوهم وامتى اعمل التحليل المنزلى او الدم ؟ افيدونى اكرمكم الله
|
رد: عندى اعراض لاول مرة تحصل لى هل انا حامل؟
الافضل تنتظرين موعد الدوره و عقبها بيوم او يومين تحللين دم لنه ادق
الله يرزقج و يرزق كل منتظره الذريه الصالحه |
رد: عندى اعراض لاول مرة تحصل لى هل انا حامل؟
انتظري اسبوع وحللي دم افضل وان شاء الله تكوني حامل
|
رد: عندى اعراض لاول مرة تحصل لى هل انا حامل؟
ياااااااااااااااااااااربي يفرح قلبك وتكوني حامل ان شاءالله اني افضل تنتظري تفوت الدورة وتحللي
|
رد: عندى اعراض لاول مرة تحصل لى هل انا حامل؟
انا بحكي ما تفكري كتير عشان ما تتفاجئي ازا نزلت لأنو ياما توهمنا وما كنا حوامل
انتي استني لتتاخر الدوره واعملي فحص دم او تست منزلي وان شا الله بتكوني حامل |
رد: عندى اعراض لاول مرة تحصل لى هل انا حامل؟
اعتقد انها اعراض التعشيش ...قبل يوم من الدورة يمكن يظهر ادا كنت حامل في التحليل المنزلي ..ويارب يسعدك
|
رد: عندى اعراض لاول مرة تحصل لى هل انا حامل؟
الله يفرح قبلك ياارب وتكونين حامل
انا زي ما سمعت انها ممكن تكون اعراض حمل |
رد: عندى اعراض لاول مرة تحصل لى هل انا حامل؟
ان شاء الله تكوني حاامل
انتظري للين تتاخر الدوره وحللي وان شاء الله تبشريننا بحملك .. |
رد: عندى اعراض لاول مرة تحصل لى هل انا حامل؟
ربنا يخليكم ليا يا رب ويكرمكم جميعا وان شاء الله انا هانتظر لموعدها وهعمل اختبار مع ان جوزى كان بيقول لى من شويه لو عاوزة تعملى تحليل هرمونى مفيش مشكله بس انا لسه فاضل على دورتى اربع ايام وقلت يمكن ميبانش دلوقتى ,, ايه رايكم؟ هل فعلا تحليل الدم الهرمونى ميبانش قبل الدورة ب 3 او 4 ايام ؟
|
رد: عندى اعراض لاول مرة تحصل لى هل انا حامل؟
السلام عليكم يابنات وربنا يجعلنى اسمع خبر حلو عنكم قريبا ان شاء الله ,,, انا عاوزة اقولكم حاجه انا لسه فاضل على موعد الدورة يومين او تلاته ولكن انا استعجلت بصراحه لان معنديش صبر وعملت تحليل دم انهارده الصبح لكن طبعا النتيجه سالب مع ان لسه معايا اعراض وبتزيد كل يوم عن التانى لكن مش عارفه بقى بصراحه هل اكرر التحليل بعد يومين ثلا ولا اعمل ايه ؟ افيدونى جزاكم الله خيرا
|
رد: عندى اعراض لاول مرة تحصل لى هل انا حامل؟
اصبري اختي حتى يوم موعدها وعيدي التحليل وان شاء الله ربي يفرحك
|
رد: عندى اعراض لاول مرة تحصل لى هل انا حامل؟
الله يرزقك ياااااااااااااارب
|
رد: عندى اعراض لاول مرة تحصل لى هل انا حامل؟
اصبري لموعد الدورة و عيدي التحليل .. الصبر مفتاح الفرج
الله يرزقك بالحمل السليم و التااام ♡ |
رد: عندى اعراض لاول مرة تحصل لى هل انا حامل؟
بكرة موعد دورتى والاحظ نزول سائل اصفر بغزاره لاول مرة اشوفه من 3 ايام يعنى الاقى سائل اصفر زى الميه ينزل مرة واحده مثلا فى اليوم وكمان بقالى كام يوم فى طعم مر فى فمى وانهارده صحيت اصلى الفجر ووجدت اللعاب بكثره على فمى اعزكم الله ,,, ادعولى بظهر الغيب ولكم عندى دعوة بظهر الغيب
|
رد: عندى اعراض لاول مرة تحصل لى هل انا حامل؟
يااااااااااااارب انت الرزاق انت الوهاب انت العاطي انت القادر ارزقني واختي سمر وكل محرومة من امة محمد بالذرية الصالحة وجعلنا حوامل هذا الشهر انك لاتخيب رجاء من دعاااك وصلي على حبيبنا محمد وعلى اله وصحبه اجمعين .آمييييييييييييييييييين
|
رد: عندى اعراض لاول مرة تحصل لى هل انا حامل؟
الله يرزقك الحمل السليم
|
رد: عندى اعراض لاول مرة تحصل لى هل انا حامل؟
ان شاء الله حامل
|
رد: عندى اعراض لاول مرة تحصل لى هل انا حامل؟
يااارب تكون اعراض حمل وتبشريناااا
|
رد: عندى اعراض لاول مرة تحصل لى هل انا حامل؟
ان شااااااء الله كلنا نكون حوامل فى هذا الشهر ياااااارب اللهم امين وان شاء الله اوعدكم انى ابلغكم ان شاء الله وابشركم بس رايكم اعمل التحليل بكرة لو مجتش ولا استنى شويه ؟
|
رد: عندى اعراض لاول مرة تحصل لى هل انا حامل؟
انهارده الظهر الساعه 12 حسيت بوجع فى ظهرى وبطنى ودخلت الحمام ولقيتها جت بس غريبه جدا انها تكاد تكون لا تذكر وكمان نمت بعد كده من الساعه 1 الظهر لحد الساعه 7 ونص بالليل وصحيت كنت كويسه وكان معنديش حاجه وتقريبا منزلش حاجه تانى واهو اول يوم خلص كده ,, ياترى ده تفسيره ايه؟ عموما انا بكرة ان شاء الله رايحه للدكتور
|
رد: عندى اعراض لاول مرة تحصل لى هل انا حامل؟
السلام عليكم معلش غيبت عنكم يومين تلاته لان كنت تعبانه والحمد لله الدورة نزلت ورحت للدكتور بتاعى وطلب منى تحليل هرمونات حمل وعملتها امبارح وهيبلغونى بيها التليفون كمان شويه ادعولى تكون سليمه لان دى اخر حاحه هعملها عشان انا عملت اشعه الصبغه والحمد لله وكمان عملت تحليل بروجسترون الشهر اللى فات وكله تمام ,,, ويارب ان شاء الله نكون حوامل جميعا الشهر ده يارب يارب وعلى فكرة انا لما الدورة جت من يومين كنت فى منتهى الصبر وحمدت ربنا وفعلا مزعلتش بس استغربت لان كل اعراض الحمل كانت عندى بما فيها اعراض انغراس البويضه ونزول نقطه دم زهريه لاول مرة فى حياتى فى يوم 19 من الدورة ,, عموما قدر الله وما شاء فعل ,,, ويارب الباقيات يكونوا حوامل ويبشروناااااااا
|
| الساعة الآن 02:56 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .