|
ليبيه ومحتاجه مساعدتكم يا اخواتي
بسم الله الرحمن الرحيم
السلام عليكم ورحمة الله وبركاته أخواتي العزيزات كيف حالكم ان شاءالله تكونو بخير يا رب الرجاء حابه اطلب مساعدتكم فيما يخص موضوعي هدا اني حامل توا في الشهر السابع وبصراحه انا مغتربه وفي نفس الوقت حابه جدا اعمل عزومه بعد ما اولد ان شاءالله لان سبق وجبت بنت وبصراحة كان جديد علي الجو فكنت صعب اعمل عزومه ولكن توا حابه اعمل عزومه وبصراحه حابه جدا انكم تساعدوني بخصوص هدا الشي من ناحيه الاكلات التي ممكن اني انقدمها وهل يمكن اني انحضرها قبل العزومه بيوم او يومين وخاصة وحابه اشوف واعرف تجارب الي عملو عزايم وايضا يا ريت بالصور ادا امكن ومشكورات حبيباتي والله لا يحرمني منكم ...............hwaml53 |
رد: ليبيه ومحتاجه مساعدتكم يا اخواتي
اتمني منكم تساعدوني |
رد: ليبيه ومحتاجه مساعدتكم يا اخواتي
مافهت عليك ...
عزومه الحين وانتي حامل ولا لقمتي بالسلامة إن شاء الله |
رد: ليبيه ومحتاجه مساعدتكم يا اخواتي
اولا مشكورة عزيزتي لاهتمامك والعزومه بعد ما اولد ان شاءالله بس انا دايما احب اجهز كل التفاصيل قبل بوقت ههههخخخخ مستعجله دايما |
رد: ليبيه ومحتاجه مساعدتكم يا اخواتي
وينكم يا اخواتي ما فيش رد لتوا مافيش وحدة مرت بيها حالتي نستني في ردودكم وبارك الله فيكم |
رد: ليبيه ومحتاجه مساعدتكم يا اخواتي
مرحبا خوله
كيف حالك وحال بنوتك والنونو ان شاء الله اتم ولادتك علي خير وكل شئ اتجهزيه بشوي بشوي انا عندي بنوتين ومن شهر واكثر كيف جبتها بنتي التانيه ودرت سبوعي علي خير ولله الحمد نتمني انفيدك بس انتي مغتربه وممكن حابه اديري حاجات مختلفه وافكار حلوه انا الحق كله جاهز لان ناسي ممكن80مراه تقريبا وربي يعاونك وحاولي اتشوفي شن ناقصك من اواني التقديم من صواني وطواسي وكيسان ومتارد ووووووو واتوكلي علي ربي وتو يفوت كله علي خير شفتي جنس النونو الحلو؟؟ وربي يرزقك ماتتمني |
رد: ليبيه ومحتاجه مساعدتكم يا اخواتي
اقتباس:
الله يبارك فيك يا اوخيتي والحمد لله علي سلامتك وان شاء الله يا رب تتربي في عزكم ونسال الله ان تكونا من البنات الصالحات بالنسبة ليا ان شاءالله ولد وربي يتمم علي خير وبالنسبه للاواني 90% منهم متوفرات والحمد لله لكن اني نبي اكلات حلوة حارة جديدة لاني بادن الله خاطري بندير رز بلاو ومعاه اكلات حارة |
رد: ليبيه ومحتاجه مساعدتكم يا اخواتي
وينكم يا بنات |
رد: ليبيه ومحتاجه مساعدتكم يا اخواتي
ياغالية ياخولة ..
أولا مبروك عليك الحمل.. وإن شاء الله تولدي وتقومي بالسلامة.. أماى بالنسبة لتفكيرك بالموضوع قبل فترة فهذا الشىء حلو جدا وطبيعي أيضا... المهم أولا عزيزتي.. زي ماقالتلك أختي جوهرة شوفي الصواني .. وكل الماعي بصفة عامة وماتقوليش عندي ... لأن في حاجات في أخر لحظة نكتشفو انها ماعندناش زي مثلا مثارد سواني تباسي كواشيك شوك ..سكاكين.. طيس عصير عدد مناسب طيس شاهي امممممممممممممممم مفارش يعني بخشات وفوط وألأفضل كلينكس المائدة أحسن وأحسن.. المهم وهكذا مالقي مية وووو وخلاص توا نجو للأكل والله حابة نفيدك من قلبي ضروري أول شىء تحري عدد الضيوف.. وتحددي جنسياتهم وألأأفضل غديري حاجات تمشي مع كل ألأذواق وبالنسبة للأكل تقدري مثلا رز بلاو وحاجات رقيقة 3 أو 4 أو معه حتى شربة أو طبيخة وطبعا تقدري اديريها من يوم قبله والرز يفضل اليوم نفسه وزتقدري اديريه الصبح بكري ويقعد لكن حتى لو الليلة يللي قبله كويس بس ضروري تردي بالك منه مايكونش نوعية تفتت أو هكي.. المهم وتقدري اديري رز مبوخ حاجة راقية جدا وحلوة وتمشي مع أذواق كل الجنسيات لأن الكسكسي مثلا مايعجبش بعض ألأشخاص مثلا.. طبعا التجهيز تقدري اديري الوجبة بس يوم العزومة وباقي الحاجات يكونو قبل يوم أو اثنين ولو حاجات تتحمل حتى قبل إسبوع وتحطي في الفريز.. ولو عارفة إن عزموتك حديريها فيسع بعد الولادة تقدري اديريهم حتى قبل ما تجيبي مثلا تقدري اديري مبطن حاجة حلوة وأنيقة ولو مش شاطرة فيه عوضيه بطاجين جبن وتقدري ادري افخاد دجاج بس ماظنش يجو في الفريز المهم تقدري تديري خبزة محشية وحتى بيتزاوحتى كفته أو طعمية.. طبعا البوريك حلو حتى هو ويجي في الفريز بس أحيانا يهطهط مرات تفوتيه أحسن.. ووووووووووووشن ثاني طبعا المحاشي ممممممم حلوة لكن مرات ماتمشيش م ذوق ضيوفك يعني تعوضي وقتك في المخبوزات أفضل وطبعا سلاطات ومشروبات وما إلى ذلك يعني بإختصار تبسي رز بالو ولا رز مبوخ يللي هو مسقي.. أو طبيخة ومعاه حاجتين ولا حاجة لو رز مبوخ ولوبلاو حتى 2 أو 3 عادي طبعا مع دجاج وبطاطا بركة وسلاطة مية مية والحمد لله وربي ينوضك بالسلامة |
رد: ليبيه ومحتاجه مساعدتكم يا اخواتي
وبالنسبة للحلو ياحلوة انت وراحتك
تقدري تاخدي بسكويت جهاز .. وتقدري تشري كيكة يوم العزومة أو مثلا ببكلاوة ممممم تجنن وتقدري تاخديها حتى قبل يوم أو يومين لو ماتبي تجهزي كل شىء قبل وقت.. ولو شاطرة في الحلو تقدري تبهري ضيوفك بحاجة مميزة من صنع يديك طبعا هذا لو الضيوف شوية يعني بسبوسة أو أي كيكة أو حاجة حاجة تعرفي اديريها ولو ضيوفك مش ليبين من المميز جدا إنك تاخديلهم الحلويات الليبية لأصيلة مقروض أو غريبة ..... إن شاء الله نكون فدتك وأي سؤال تفضلي وماتشغليش بالك ياحلوة كله حيجي في وقته حلو بإذن الله.. |
رد: ليبيه ومحتاجه مساعدتكم يا اخواتي
مرحبا خوخه ربي يسهل عليك وينوضك بالسلامة إنتي ووليدك
ماشاء الله البنات عطوك كل الافكار معاش عندي شي نزيده أني زي ماقتلك مادرتش لمه لأني مانعرفش هلبه نساء لكن راجلي دار لأصحابه عقيقة عنده أربعين راجل قسمهم علي مرتين درتلهم وجبتين علشان إرضاء الاذواق درت رز بلاو وكسكسي وراجلي خدي افخاد دجاج من مطعم عربي ومع سلايط ومشروبات وفواكه والحلو جابوه أصحاب راجلي جابوا كيكات وواحد منهم سعودي جاب بسبوسة وقهوة سعوديه وهذا هوا وربي يعاونك انتي ديري علي قد جهدك ماتعبيش روحك هلبه كله ماشي غير التعب بيولي عليك وخصوصا لو كنتي بروحك مفيش من يساعدك صعب عليك |
رد: ليبيه ومحتاجه مساعدتكم يا اخواتي
الله يبارك فيكم يا اوخياتي وان شاءالله ربي ما يحرمني منكم ومن اهتمامكم وان شاءالله خير |
| الساعة الآن 12:34 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .