|
علكة منتوس للحاومل شالسالفة ؟؟
السلام بنات
توني مارة البرادة وشريت لي جم نوع علوج بدون سكر لان فيني سكر حمل ومن ضمنهم منتوس كالعادة توني بعلجه وبالصدفة جت عيوني على الكتابة اللي ورا الا مكتوب لا ينصح بأكله للمرضعات والحوامل !!!!! hwaml45 وانا طايحة فيه طيحة من دشيت الشهر الخامس او السادس مكتوب عليه white بنكهة توتي فروتي علبته فضي ووردي مادري عن الانواع الثانية ما قط قريت عليها hwaml93 احد عنده فكره عن هالموضوع ؟ |
رد: علكة منتوس للحاومل شالسالفة ؟؟
أبد ما عندي فكرة
|
رد: علكة منتوس للحاومل شالسالفة ؟؟
مريت بنفس قصتك
لما اكلت علكه مااذكر ايش اسمها بعد بدون سكر علبتها احمر ع شكل حبوب ولما بقي نصف بصدفه اقرا اللي بخلف تفاجات انه مضر للحامل ومرضع وتفاجات ماتوقعت ف علكه مضره للحامل ومرضع بعد توقفت عنها ع طول ودعيت ربي ان لايمس جنيني بمكروه كنت اغفل عنه وربي الحافظ |
رد: علكة منتوس للحاومل شالسالفة ؟؟
انا كله استخدم علكة منتوس وعنوان موضوعج شد انتباهي صدمتيني والله
رحت اتاكد من العلبة وفعلا مكتوب عليها ينصح بعدم الاستخدام الله يستر ويتم حملنا سليم معافا يارب من كل اذى |
رد: علكة منتوس للحاومل شالسالفة ؟؟
Asho انتي اي نوع تستخدمين منتوس ؟
|
رد: علكة منتوس للحاومل شالسالفة ؟؟
من جد ؟!!
انا امس رحت قضيت و اشتريت منها الحمدلله قرأت موضوعك قبل ما افتحها بس غريبة ايش السبب ؟! شكراً لكي على التنبيه جزاكي الله خير |
رد: علكة منتوس للحاومل شالسالفة ؟؟
غريبه ! كيب سكتلز من تعرف عنه صايره مره اشتهيييه
|
رد: علكة منتوس للحاومل شالسالفة ؟؟
اكيد
عشان المحلي الصناعي الاسبرتام جدا خطير |
رد: علكة منتوس للحاومل شالسالفة ؟؟
ياويلي
كل شششي ممنوع الله يستر علينا |
رد: علكة منتوس للحاومل شالسالفة ؟؟
نفسها اللي انتي استخدمتيها بصراحه وايد زينه وطعمها ما يروح
وبعد اشتريت العلبة الحمراء ونفس الشيء مكتوب عليها بس بصراحه ما وقفتها من قبل الحمل استخدمها وآخر شهوري اكتشفت �� يعني خلاص فات الفوت ههههه |
رد: علكة منتوس للحاومل شالسالفة ؟؟
" يقول الدكتور فهد الخضيري عالم الأبحاث : ...[دققوا في كل مكونات العلك أهم شي إنها تحتوي على مادة (الإسبارتيم) ] .وبالبحث في مادة الاسبارتيم والتي تسمى " القاتل الصامت" تبين أنها تسبب :
_ إرتجاج بالذاكره _ قلق _ تلف الكلى _ عصبيه _ قلة حفظ المعلومات _ تدمير المركز العصبي في الجسم _ تدني الإحساس _ عدم التذوق - قلة مناعه العظام من الكسور (# ممنوعه بالجيش الأمريكي #) وهي موجوده بعلكة نوفا و منتوس ، وعلكة إكسترا تسبب تلف الكلى - وتسبب مرض التوحد أيضا للمواليد إذا تناولتها الأم الحامل " منقول للإفادة لأن الحذر واجب والوقاية خير من العلاج hwaml10 |
رد: علكة منتوس للحاومل شالسالفة ؟؟
الله يعدينا الشر
انا توني اشتريتها واكلت كم حبة |
رد: علكة منتوس للحاومل شالسالفة ؟؟
لا تخافين ان شاء الله ماراح تضرك ولاتضر البيبي
|
| الساعة الآن 02:16 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .