السلام عليكم بنات ... انا جديده على المنتدى كنت اتابع مواضيع المنتدى والتجمعات من بعيد لبعيد . . وقررت اسجل واشارك ...



رح ادخل بالموضوع مباشره ... انا حالياً حامل بالاسبوع ال27 يعني اتوقع في بداية الشهر السابع ...


لما كنت بالاسبوع ال22 رحت شفت جنس الجنين في المستشفى الحكومي قالتلي المختصه ان جنسه واضح وان "ولد" لا تتصورون كثر فرحتي لأن عندي بنتين الله يخليهم لي ولأبوهم ... بس خفت اتآمل واقول لزوجي بعدين يفرح وتطلع بنهايه بنت وانا ادري ان هو راضي بقسمة الله سواء بنت او ولد المهم الخلف الصالح والخلقه التامه ...
لكن ما قلتله عشان ما حبيت يتأمل ... ففضلت اتأكد .. وبعد فتره بالاسبوع ال 26 نهاية الشهر السادس رحت مستشفى خاصه .. مع دكتوره اختصاصيه والكل يمدحها رحت عملت سونار وقالت لي "ولد" واكدتلي جنسه وورتني العضو فرحت وبعد زوجي فرح لان وقتها كان معي يشوف الشاشه ... من الفرحه لما طلعنا رحنا نتسوق نطالع ملابس المواليد الاولاد واشترنا شوي والفرحه بوجهه ...

امممم

بنات آمانه أسألكم يعني ممكن السونار يغلط بهالاسابيع رغم اني كنت شاكه بالاول قبل لاشوف العضو قلت يمكن شافت الحبل السري ... بس لما شفت العضو شكله مو حبل سري شكله شي بارز ومقوس ع الطرف ...


اخاف زوجي يتآمل وينحبط بنهايه .... قلتله نروح نتأكد بالرباعي قالي خلاص اكدولنا مرتيين والدكتوره من غير نسب قالت "شور" وانا واثق من كلامهم والحمدلله العلم يطور .. وفي بناتنا اكدولنا وطلع صح ليش يغلطون هالمره ..؟ ....
مع العلم هالحمل يختلف عن حمالي ف المرتيين ...



ادري طولت عليكم ... بس تتوقعوا في آحتمال يغلط السونار ... ؟ او في وحده مرت بموقفي تآكدلها انه ولد مرتيين وشافت العضو وبالاخير تجيب بنت ؟



اتمنى تردوا علي .. والله يحفظكم ويحفظ عيالكم ويسهل عليكم وعلي ...



دمتم بسلام ...