|
وزني نازل مع الحمل إيش الحل ارجوووووكم
بسم الله الرحمن الرحيم
بنات ادخل الموضوع ع طوووول انا دخلت الخامس قبل كم يوم وزني نزل تخيلو وزني كان 52 قبل لا احمل الحين بدل مايزيد ينقص صاير وزني 45 يفشل ونحفت عظامي باينه كرهت حالي وبالنسبه للأكل انا ماتنبلع لي اللقمه لوحدي زوجي يسوي رجيم ياكل في الدوام وانا آكل لحالي اقسم بالله ما اكمل الصحن ما اقدر تخيلو كل يوم ع الحاله هذي آكل لحالي زي الجنيه استحي اطلع ع ميزان الدكتورة والممرضه تشمت في وزني وتقعد تضحك صرت مسخخخخخرة ناوية ما اروح الشهر الجاي مراجعتي بسبب وزني وكرهت الناس ماصرت اروح لأحد رحت قبل اسبوع عند ناس تخيلو الفطاير ما احبها قلت للحرمه اللي توزع ما ابغى شكرا قدام الحريم بصوت عالي قالت انتي بالذات تاخذين وانا الفطاير الجاهزة من الله ما احبها قلت لها والله جد مشكورة قالت لي يلا شطووورة خذي عشان احط لك نجمه اخذت بس عشان تبعد من وجهي وماتفشلني اكثر استحيت من كلامها وكرهت الناس اكثر بسببها من حملت مارحت مكان ويوم اني رحت رجعت مقهووووورة منها مع انها ماتمون علي ومعرفتي فيها سطحيه قولو لي حل اقدر ارجع وزني ع الأقل ما ابي ازيد بس ابي اصير 52 نفس قبل نسيت اقول الجنين ولله الحمد ماشاء الله وزنه تمام مو ناقص بس انا نقصت |
رد: وزني نازل مع الحمل إيش الحل ارجوووووكم
بس تقرأو.وتطلعو ؟؟
أقلها دعوة |
رد: وزني نازل مع الحمل إيش الحل ارجوووووكم
جربي مكملات غذائيه مثل انشور بلص تحصلينه بالصيدليه مفيد للي عندهم سوء تغذيه
|
رد: وزني نازل مع الحمل إيش الحل ارجوووووكم
الدكتورة ادرى بهالأمور المفروض تكتبهم لي وماوصفت لي حليب
كنت ابغاها تقولي خذي حليب الحوامل بس وصفت لي كالسيوم و حديد من أشهر الرابع اخذهم والحين وصفت لي معهم فيتامينات من الشهر الخامس |
رد: وزني نازل مع الحمل إيش الحل ارجوووووكم
عادي ماشوف الموضوع يستاهل تأزمي نفسك لهدرجة لكن يمكن نفسيتك من الحمنل تعبان
انا طولي 160 و وزني 44 لازم تعليقات وانتي متى تسمنين ليش النحف ماتاكلين بس انا تعودت لاني طول عمري نحيفة قبل ماتزوج يمكن لان الموضوع جديد عليك هههه وانتي اذا زوجك مسوي ريجيم وش عليك منه فكري بصحتك وصحة جنينك واطبخي وكلي الي يعجبك واشربي حليب وسوي سلطات فواكهه وخضار عشان ماتتأثر صحتك لان الاكل المهم حتى لو الجنين صحة طيبة ضروري الاهتمام والسمنة لاحقة عليها اذا ولدتي تدورين ف المواقع ريجيمات هههههه هدي نفسك ياقلبي وعيشي مرحلة الحمل وخليك مرتاحة ولاتأزمين نفسك والناس ارمي كلامهم ورى ظهرك احسن من الي يتطنزون على سمنتها النحف اهون الله يسعدك ي ما |
رد: وزني نازل مع الحمل إيش الحل ارجوووووكم
ماتتصوري والله يا قلبي إيش كثر كارهة نفسي
اهلي من جهه والدكتورة من جهه والناس من جهه تخيلي انا ساكنه لحالي لا جارات واهلي بعيد عني بس اروح لهم كل يوم في الليل حق ساعه وارجع وزوجي دوامه مسائي من الظهر للعشاء اطبخ الغدى لي انا لحالي ولو.حطيت الرز بالصحن تنسد نفسي كل يوم ع الحاله هذي احيانا ابكي فوق نفسية الحمل بيتي وحش دايم اصبر نفسي اقول يلا هانت ماباقي شي ربي يتمم لي ع خير وبيجيني بيبي يسليني .. بس والله تعبت نفسي ارجع نفس قبل يدي صايرة جلد على عظم تروع وربي |
رد: وزني نازل مع الحمل إيش الحل ارجوووووكم
حبيبتى ماتزعليش انتى فى نعمة كتير يتمنو يخسو ولو كيلو واحد ... وطالما انتى اكلك بسيط ماتقلقيش دة علشان الحمل وبكرة ترجع شهيتك زى الاول وتتخنى مع الرضاعة ... بس خلى الدكتورة تكتبلك اى مكملات غذائية او فواتح شهية وحاولى تاكلى حلويات كتير والمهم صحتك انت واانونو .
|
رد: وزني نازل مع الحمل إيش الحل ارجوووووكم
خليك عند اهلك احسن تتغذي وترتاح نفسيتك
خصوصا زوجك حدوامة مسائي مناسب لكخلي اجلسي لو ع الاقل وارجعي بيتك وكل اسبوع خذي يومين عند اهلك انا نفس وضعك وحشة لحالي واهلي بعيدين وزوجي مشغول على طول اروح عند اهلي انام كم يوم وارجع نفسيتي احسن الحمل لعب فينا هههه بس ان شاء الله هانت بيجي طفل تنشغلين فية ويملى عليك بيتك بصحة وسلامة يارب |
رد: وزني نازل مع الحمل إيش الحل ارجوووووكم
اختي ان شالله بالاشهر الاخيره يزيد وزنك
لان الجنين يزيد طلبه ع الاكل وانتي اهم شئ تذكري جنينك بكل شئ يمكن شهيتك تنفتح بس كلي عشانه اقل شئ فوائد خضروات فواكه زبادي بيض وهكدا |
رد: وزني نازل مع الحمل إيش الحل ارجوووووكم
الله يعينك حبيبتي بس روحي عند اهلك او اهل زوجك ايوديكي قبل ميروح الدوم وياخذك من يرد والله رح ترتاحي وتشوفي ناس وتتغيير نفسيتك
انا نفسك ووزني نقص وابد مازاد بس لاحكه يزيد بس اصير ست شهور واهلي بغير دوله بس اهل زوجي قريبين دائما اروح عدهم حتى لو زوجي ميريد بس حتى اشوف ناس واسولف واغير جو الله يثبت حملنا ونشوف اطفالنا يارب |
رد: وزني نازل مع الحمل إيش الحل ارجوووووكم
شقول لج انا عكسج وزني يزيد نفسيتي زفت نفسيتي مفتوحة عكسج نتبادل ومن الحين تعليقات وتوني نهاية الخامس ونفخ يألمني واتعب بعد الولادة في خسارة الوزن محد مرتاح سبحان الله
|
رد: وزني نازل مع الحمل إيش الحل ارجوووووكم
انا لما كنت حامل كنت مثلك ونزل وزني كثييير لين وصلت للاربعين كيلو عادي ياقلبي لاتشيلين هم بس انتي اهتمي بنفسك مايصير كذا ولجاء زوجك يروح الدوام روحي لاهلك ولخلص يمر ياخذك ع الاقل تشتهين تأكلين مع اهلك
|
رد: وزني نازل مع الحمل إيش الحل ارجوووووكم
حلى البحرين
انا بالشهر الرابع كان 48 والحين بمراجعة الشهر الخامس 45 جتني ضيقة اخاف يأثر ع الجنين وزني لأني قرأت ان وحده إبنها جا وزنه كويس بس عنده قصور في الكلى بسبب وزن امه الحين ناوية بالعيد اجلس من اول العيد وارجع بيتي بعد اسبوع ع الأقل انبسط مع جمعتهم و اغير جو لأ |
رد: وزني نازل مع الحمل إيش الحل ارجوووووكم
شوفي حبيبتي عارفة شعورك بس احب اقولك ترى مليون بالمية طبيعي دام الجنين نموه وتطوره زين و دام تحاليلك سليمة
وطبعا انتي اكلك قليل بالاضافة الى نفسيتك تعبانه شوي فشي طبيعي تنزلين انا وحده كذا الحمل بالنسبة لي كانه شي لتخفيف الوزن بحملي الاول الاشهر الثلاثة طبعا لا اكل خير شر ونزلت ما يقارب ال ٥ كيلو او حتى يمكن اكثر بعدها ما ادري بس ما زدت ويمكن نزلت كم كيلو المفاجئة نزلت من سرير الولادة باربي ملابس اللي قبل الزواج واسعة علي لووول وحملي هذا كمان نزلت بالاشهر الاولى والآن انا بالشهر الرابع ولا ربع كيلو زدت بس اللي لاحظته انا صح اكل وكثير بعد بس اغلب اكلي فاكهة و سلطة خضرا و زبادي و وجبة اساسية و اخذ فيتامينات الحمل بس شوي خفت وسألت وقالوا لي كل شي طبيعي و الجنين نموه ممتاز و بصراحة شعور حلو احس اني صحية العبرة مو بالزيادة اهم شي الصحة وترى ما ورى السمنة في الحمل الا المشاكل والطبيعي ان الوحدة تزيد من 11-18 كيلو غرام تقريباو اغلب هالزيادة المفروض تكون بالاشهر الأخيرة بس احب انبهك لشغلة حبيبتي حاولي تغيري نفسيتك شوي اذا زوجك صار عنده اجازة حاولي تطبخين وتاكلوا مع بعض حاولي تروحين لاهلك و تجلسين كم يوم نوعي بالاكل يعني سلطات فواكه زبادي شوربات مكسرات يعني نوعي وغيري روتينك و حافظي على تناول الفيتامينات وانبسطي بهالفترة الحلوة و شيلي خرابيط الناس من راسك و سالفة الوزن من بالك لان عمر زيادة الوزن كانت تدل على حمل صحي وربي يفرح قلبك بشوفة جنينك سليم ومعافى واعتذر عن الاطالة |
رد: وزني نازل مع الحمل إيش الحل ارجوووووكم
حبيبتي البريد الملكي
انتي تقولين مو مهم الزياده .. بس انا وزني نازل عن الطبيعي عارفة وزني المثالي المفروض 63 و وزني قبل يعتبر المثالي الأقل مو الاقصى الحين عندي عدم تناسق و زني اقل من الطبيعي بكثير هذا وانا حامل يعني لاتنسي حجم البطن والجنين والماء اللي حوله فرضا هذا اخذ كله 2 كيلو يعني وزني صاير 43 من دون الجنين يدي عظم زي العصا صايرة والله ما ابالغ وزوجي يوم اجازته يصوم كل هذا عشان الرجيم بس يوم الجمعه اللي آكل ونفسي منفتحه لأننا نروح لأهله وإذا ع الحليب والزبادي والفواكه آكلهم بس مهما كان الوجبه الرئيسيه اهم منهم هذي مكملات وزني مو.صحي اببببد يعني مو.مثل ماتقولي صحة .. إذا الممرضه تضحك والدكتورة تستحي تقولي شي لأن زوجي معي بس اللي تقوله المفروض يزيد وزنك. يمكن لو.زوجي مايدخل معي بتهاوشني |
رد: وزني نازل مع الحمل إيش الحل ارجوووووكم
هلا حبيبتي ..ﻻ تتضايقييين ولا شي حاولي تسلي نفسك ب اي شي حرام مرحلة الحمل مره حلوه
حاولي تلتقين مع الناس واهلك علشان نفسيتك تصير احسن وتروقي وتفتح نفسيتك اذا كان معاك احد ولا تنسي ترا يأثر ع الجنين إذا كنتي متضايقه وهبككك ...بالنسبة لوزنك عاادي لا تزعلين يابعدي بس لازم تاااكلي ..لازم يكون معاك احد علشان تنفتح نفسيتك إذا قصدك ان ماتحبي تاكلي الا لانه ما معك احد ...او اذا كان هالشي من الحمل إن شاءالله ماتتطولين وبعدين نفتح النفسيه ..بس اهم شي لاتزعلين نفسك ..ودلعي نفسك بالاكل والحركاااات والحلويات والحليب ...لاتتهملين فديتش.. وبالنسبة ل مكمل الغذائي لاتأخذينه الا بأستشاره دكتورتك وإالله يتمم لك على خييييير ويسهل عليك وعلينا يارب |
| الساعة الآن 11:29 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .