|
امهات الاطفال الخدج تعالوا نفيد ونستفيد
السلام عليكم ورحمة الله وبركاته
اتمنى منكم التفاعل لفيت في منتديات كثير مالقيت مايشفي غليلي ودي اسوي تجمع لامهات الاطفال الخدج طبعاً بعد اذن المشرفات اول شي انا ام لطفل خديج عمره ثلاث شهور ولدته بالشهر السابع اول طفل لي بعد معاناة عشر سنوات مع المنشطات واطفال الانابيب والحمد لله من الله علي ورزقني باول مولود وعقبال خواتي المنتظرات سبب الولاده مادري وشوا بالظبط بس كان معاي طلق ومارضى يوقف وبوقت الولاده التف الحبل السري وولدني قيصري ابي اعرف منكم ياامهات الاطفال الخدج كم ظل طفلك بالحضانه ؟ انا ابني طول لسا طالع الحمد لله هل رضاعة الخديج متعبة؟ وكم ملي او سنتي يشربون ؟ ومتى ازود كمية الحليب ؟وايش الحليب الي تستخدمونه؟كيف تتعاملون مع الاستراغ (تكرمون) والغازات طفلي بهذلني يستفرغ مع خشمه ويروح نفسه يخوفني بالمره؟ هل صار لابنك مشاكل جراء ولادته قبل الاوان ؟ ابني الشعب الهوائيه ماكتمل نموه فعلشان كذا طول على الاكسجين وتضخم بسيط بالمخ وهل صحيح نموهم بطيءويطولون مايجلسون ؟ |
رد: امهات الاطفال الخدج تعالوا نفيد ونستفيد
ألف ألف ألف مبروك ي قلبي وربي يتمم لك فرحتك ي ررب
وما شاء الله تبارك الله وربي يخليه لك ويقر عينك بصلاحه ي ررب بنت عمي جابتها أمها بالسابع وما شاء الله عليها بنوته تأخذ العقل كامله والكامل الله الحين عمرها ٣ سنوات وما عندها أي مشكله وفعلا طولت بالحضانة ماطلعت إلا لما تمت التاسع وكانت أمها تروح طول الوقت للمستشفى عشان ترضعها طبيعي يعني لاتخافين الأمور طبيعيه وقرت عينك |
رد: امهات الاطفال الخدج تعالوا نفيد ونستفيد
الله يوفقكم ياااااااااااااااااااااارب وان شاءالله تجمع الخير ان شاءالله
|
رد: امهات الاطفال الخدج تعالوا نفيد ونستفيد
صباح الخير سرقت الوقت سررقة ولقيت هذا الموضوع عن الخدجhwaml9 الحمد لله ربي رزقني توام أولاد ماشاء الله تبارك الله وجبتهم في السابع جلسوا شهر ونص في العناية المركزة خلال هذه الفترة كنت اودي لهم الحليب واخر أسبوع كنت احاول ارضعهم وبعد محاولات وصبر طويل مشت الأمور الحمد لله لكن لابد من تدخل الحليب الصناعي أحيانا مع اني معارضة له لكن الضرورة لها أحكام مع الرضاعه الطبيعية مافيه حسبة للرضعه يعني لحد ما يشبع اما الصناعي كم كانوا يعطونه في المستشفى زيها وممكن تزودي لو احتاج الطفل لكن لازم تنتبهي للتعليمات المكتوبة على علبة الحليب استخدم حليب رونالاك للأطفال ناقصي النوم لكن للضرورة زي ماقلت لك بالنسبه للاستفراغ لازم تكرعي "يتجشأ" الطفل بعد ما يخلص رضاعه احيانا يتجشأ بسرعة واحيان ياخذ وقت الطريقة الي حسيتها سريعة نسبيا لوحده قريتها في النت جزاها الله خير بعدما يرضع الطفل خليمي ماسكته شوي على وضية الرضاعة وبعد دقايق ارفعيه على جهه صدرك وابداي امسحي على ظهره من تحت لفوق شوي كذا وبعدها طبطبي بين كتوفة بشويش لحد ما يخرج الهواء وخلاص بإذن الله ماعاد يستفرغ من خشمة الله يعين الجميع اعتذر على الإطالةhwaml13 |
رد: امهات الاطفال الخدج تعالوا نفيد ونستفيد
اهلا أختي اولآ الحمدلله ع سلامتك وسلامة ابنك ربي يحفظه ,,
وان شاء الله تجمع مبارك ومفيد للكل وخصيصا لامهات الاطفال الخدج.. اطفالي ماكانوا خدج .. بس حسب خبرتي بالحياه والدراسه ومن قريباتي .. رح اجاوب ع بعض استفساراتكـ .. بالنسبه للحليب في حليب خاص بالخدج .. متوفربأغلب الصيدلياااات ..وبالنسبه للتطور والجلوس والنمو صح بيتأخر شوي بس عادي ودائم نقصي من عمره واحسبي عمره الفعلي اي اليوم المتوقع للولاده كان ومن هالعمر تحسبي تطوره هو اجا بالسابع يعني .. مثلا حسب تاريخ ميلاده عمره 5 شهور فأنتي نقصي شهرين اي عمره الفعلي لتطوره ونموه 3 شهور يعني بعد مايقدر يجلس او يتسند عادي ...بالنسبه للتنفس بسبب عدم اكتمال نمو الرئه بالاول كل الخدج تصير لهم الصعوبه بالتنفس بس مجرد مايطلعون من الحضانه بعدها بفتره يتحسن التنفس ويصير طبيعي طبعا بعد اكتمال نمو الرئه وان شاء الله مايصير الا الخـــير ودي لك |
رد: امهات الاطفال الخدج تعالوا نفيد ونستفيد
حرم نايف الله يبارك بعمرك والله يتقبل مادعيتي ويارب نفرح بابنك عن قريب يارب ويارب تكون الامور طبيعيه
المهندسه ام تميم ❁اللھـم آآمين يـَآٱرَبِ الـ{؏}ـآلـمـيـڼ❁ مشكوره حبيبتي على المرور |
رد: امهات الاطفال الخدج تعالوا نفيد ونستفيد
فلتر مشكوره اكرعه خلال الرضعه وبعد الرضعه لاكن مستمره معه هالمشكله يارب يشفيه من هالاستفراغ انا ماارضعه طبيعي اعطيه سيميلاك نيوشور انا كنت تعبانه واخذ مضادات قويه فماقدرت اعطيه حليب طبيعي والله يخلي لك الكتاكيت وياليت تستمرين معنا وكم عمرهم الحين؟
|
رد: امهات الاطفال الخدج تعالوا نفيد ونستفيد
ام فراس الله يسلمك ياقلبي ❁اللھـم آآمين يـَآٱرَبِ الـ{؏}ـآلـمـيـڼ❁ الله يحفظه ويحفظ لك يارب ومشكوره حبيبتي ويارب يصير فيه تفاعل ويشرفوني البنات بخبراتهم
|
رد: امهات الاطفال الخدج تعالوا نفيد ونستفيد
ابي تفاعل وينكم بنات
|
رد: امهات الاطفال الخدج تعالوا نفيد ونستفيد
السلام عليكم ... فكرة التجمع ممتازه حتى يستفيدوا الامهات يلي اطفالهم خدج ...
انا ابني كمل ال8 شهور واخر يوم بالثامن ولدتو بس جلس يوم بالحضانه كانت صحتو بخير الحمد لله .. بالبدايه كنت اعطيه حليب خاص بالاطفال الخدج لمدة شهرين وبعدين اعطيتو حليب عادي بس ابني للاسف مارضع طبيعي رغم كل المحاولات والله لليوم احس بضيقه بسبب هالموضوع بس احيانا الظروف تحكمنا ... ربك بعين ... والحين ابني ماشاء الله عمره 3 سنين و6 شهور والحمد لله بخير وصحه وعافيه االله يحفظو ويحفظ كل الاطفال ... وتشوفي ابنك مثله ويكبر ويجننك من الشقاوه ... |
رد: امهات الاطفال الخدج تعالوا نفيد ونستفيد
انا ولدت توام اولاد بسابع جلسو شهر و20يوم بالعنايه اول 3ايام جاهم ضغط وسكر والصغير جاه نزيف من الدرجه الاولى بعد كم يوم راح النزيف الحمدلله
الرضعه كنت اعطيهم 60ملي بس ارضعهم شوي واكرع لهم ييعي ماخليهم يرضعونها كلها ارضع واوقف عشان الهواء يطلع ولا يستفرغون صحتهم ممتازه وطبيعين الحمدلله صح اول الاشهر مناعتهم مو زينه لاكن كل ماكبرو كل مازانت امورهم الحين عمرهم سنتين وماشاءالله ذكين واذكى من الي بعمارهم انا كنت حريصه ع فتامين والحديد الي عطاهم الدكتور واخذوها شهرين او 3 ورضعتهم كل 3ساعات جلسو ومشيو وطلعت اسنانهم بوقتها مع انه ولد عمتهم بعمرهم لاكن تاخر بكل شي لان تغذيه مو زينه ومناعته مو قويه يعني الخديج لو اهتميتي فيه وبتغذيته بتحسي مافيه فر ق بينه وبين الي مولد بتاسع |
رد: امهات الاطفال الخدج تعالوا نفيد ونستفيد
نور العمر مشكوره حبيبتي الله يخليه لك يارب
|
رد: امهات الاطفال الخدج تعالوا نفيد ونستفيد
دلوعة عبودي الله يخليهم لك انا اعطي ابني ٦٠ مل ومره يكملها ومره لا ومشكلتي معه الاستفراغ الدايم ولا اعطاني الدكتور فيتامينات احسه مايهتم بهالامور ودي اعرضه على دكتور ثاني مع انه بني فيه فقر دم وكم مره يحتاج نقل دم وربك يعين
|
رد: امهات الاطفال الخدج تعالوا نفيد ونستفيد
الف الف مبروك حبيبتي وربي يرجعلك وليدك في حضنك بالسلامه ان شاءالله
|
رد: امهات الاطفال الخدج تعالوا نفيد ونستفيد
حبيبتي الف مبروك والله يخليه لك
انا ام لطفل خديج ولدت نص السابع ويختلفون الخدج الحمد الله ولدي وزنه وصحته كانت تمام قعد في الحضانه 20 يوم وكنت ارسل له حليب يوميا من صدري وطلع ولدت وانا عند اهلى صراحه اهتميت بنظافه الغرفه اعقمها باستمرار اهم شي صدره لانه الرئه مااكتملت او ضعيفه ومافيه مناعه طبعنا انا صرفو لولدي حليب للارتجاع لان الحليب يطلعه والاستفراغ اللي تقولين عنه لانه المرئى عاده ضعيف والصمام المعده مفتوح وضعيف فيرجع الحليب من فمه وانفه لالالالازم من التكريع يتجشأ حتتعبين اول شهرين اللين يكمل موعد ولادته وتحسبين تصرفاته مثل يضحك ينقلب من موعد الولاده الاصلي اللي هو شهر التاسع يعني الحين ولدي عمره شهرين ونص توه يعرف يضحك ولا عمره من يوم جبته اربع شهور ونص والغازات والمغص لها قطره حبيت اساعدك حتتعبين زي ماقلت اول شهرين بعدين يبدا يخف |
رد: امهات الاطفال الخدج تعالوا نفيد ونستفيد
ميمونة الله يبارك فيك ويرزقك يارب
|
رد: امهات الاطفال الخدج تعالوا نفيد ونستفيد
ملوكي مشكوره على نصايحك والله يخليه لك
يابنات وينكم معقول مافيه امهات للخدج |
رد: امهات الاطفال الخدج تعالوا نفيد ونستفيد
حبيتي اول شي الحمدلله على سلامت ولدك
انا ام لي توام ولدوا اسبعين في الثامن واحد من توامي نفس مشكله ولدك كان يستفرغ من انفوا بعدين اخت زوجي كان عندها توام نفس المشكلة ونصحتني ان اعطيه اللهايه علشان معدتهم صغيره لما يبكوا مااعراف ايش ايبغوا الحمدلله نفعت معهاهم اما بنسبه لي الحيب كنت استخدام حليب القصر اعتقد اسمو نيشوز انا كان ولدي دايم يشتكي من صدرو وكنت اعطيه جلسه بخار والحمدلله وكنت اعطيه النعناع مع سكر نبات والحمدالله ا الحين ماشاءالله عمر توامي سنتين وسته اشهر لا تخافي ان شاءالله ماقدام ولدك إلى العافيه بس بتعبك شوي انا تعبت مع عيالي بس الحمدالله الحين كبروا مافيهم الى العافيه |
رد: امهات الاطفال الخدج تعالوا نفيد ونستفيد
ام ريناد الله يطمنك ان شاء الله يكبر ويريحني يارب ومشكوره حبيبتي
|
| الساعة الآن 04:17 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .