|
بدي مشورتكم يا بناااات ضروري
السلام عليكم ورحمته الله وبركاته
كيفكم ياكروشات !! ان شاء الله تكونو بخير ويكون النونو بخير يااارب ربي يسهل عليكم ولادتكم ويقومكم بالسلامة يااارب بعد تفكير حبيت اني اشاوركم بهالموضوع بصراحة !!! انا امي متوفيه وعندي مرة اب ومثل مابتعرفو مرة الاب شو ماكانت مابتكون مثل الام هلا المشكلة انو هي بدها تحضر ولادتي (تدخل معي غرفة الولادة) وانا بصراحة مو حابة حابة زوجي يفوت معي مو هي ومكسوفة اني اقلها لا مابدي تفوتي معي انتي بدي زوجي او بالاصح خايفة من لسانها لانو لسانها سلط (لايرحم بالحكي) كنت مفكرة انو لما يجيني الوجع اروح انا وزوجي ع المستشفى بدون ماخبرها بس فكرة وين بدي حط ابني اللي عمرو سنة و3 اشهر !!! ولو خدتو معي المستشفى ماهيدخل زوجي بولادتي شورو علي شو اعمل لاتيجي وحدة تقلي قولي لمرة ابوكي وانتي شو دخلك ومن هالحكي انا مابحب احتك فيها لانو لسانها جارح ومابحب اتواجه معها اسفة طولت عليكم بس والله محتارة كل الحُب / |
رد: بدي مشورتكم يا بناااات ضروري
هي ازا لسانها سلط ومابترحم شوبدها فيكي ليش حتى تدخل معك.؟؟؟؟
بعدين بظن صعبه يدخل جوزك مارح يقدم ولا يأخر عالفاضي بس مرت ابوك ازا مانفعتك.مارح تضرك. . خليها تدخل احسن لانها مرا متلك متلها... وخلي جوزك برا يصليلك ويدعيلك بصلاته بتستفيدي منو..... |
رد: بدي مشورتكم يا بناااات ضروري
لا طبعا ماتخليها تدخل اصحك .. نصيحة مني ازا صارت عناد الافضل ما احد يدخل خلي ابنك عند زوجك وخلي زوجك يستناك برا احسن ولا تخبري مرت ابوكي اعتمدي على حالك وعلى زوجك بس ولا تحطي ابنك عند حدا لامرت ابوكي ولا حدا عند زوجك بس ..مالها دخل بحياتك ان دخلتيها مرة بتدخل مليون مرة من اولها كوني قوية والا بعدين بتندمي متلي ..وبعدين اليوم بتدخل بولادتك بكرا بتدخل بعيالك وبعدين بزوجك اوعك لاتحكيلها شي ومافي داعي تتصلي عليها وتخبريها لما تروحي المستشفى وان قالتلك ليه ماخبرتيني طلعي اي حجة لفي ودوري عليها ماتقدر تسوي شي لك
وانا بكرية وبولد لحالي والله بيعين |
رد: بدي مشورتكم يا بناااات ضروري
انا من رايي لاتدخلي زوجة ابوك والي لسااانه مايرحم ينخاف منها بصررراحه تولدي لحالك ولا تدخل معك ..
طيب ابنك ماعندك جاره تثقين فيها او قريبه تحطين ابنك عندها وتروحي تولدي بدون ماتدرررري زوجة ابوك ..واهم شي اذا قالت لك بدخل معك لاتعطينه الضو الاخضر خليها محتاره ماتدري انتي موافقه ولا لا ..واذا حابت سيرة الولاده اطلعي من السالفه بذكاك ودخليه بسالفه 2 .. واذا ابد ماعندك احد عطي ممرضه فلبينه من المشفئ فلوس تجلس مع ابنك لين تولدي .. واذا تقفلة كلش توووكلي ع الله و اولدي لحالك وابنك مع زوجك ..احسن من ان زوجة ابووك تدخل بكرا تقول حكي وكلام انتي بغنا عنه .. انا بكر وبولد لحالي مابيدي شي وياكثر الي مثل حالتي ..واهم شي استخيررري والله يكتب لك الي فيه الخير |
رد: بدي مشورتكم يا بناااات ضروري
احسن شي ماتخلي حدا يدخل معاكي .. واحكيلها انا بخاف اعصب وهيك يعني
|
رد: بدي مشورتكم يا بناااات ضروري
اول شي ربي يتمملك على خير
وبالنسبه لزوجة ابوك قوليلها زوجي يبغى يدخل معي حاب يحظر ولادتي وقولي لزوجك يقولها كيذا واذا تحسي ماينفع العذر هذا لو عندك احد تحطي ابنك عنده وتروحي تولدي ولو مافيه مامعك الا تروحي تولدي لوحدك وزوجك يمسك ولدك وربي يسهلك ولادتك بس انو تتدخلك معك لا لا ماينفع |
رد: بدي مشورتكم يا بناااات ضروري
ربنا يسهل عليك بس ما انصحك تدخل معك خلي ابنك مع زوجك ويستنوكي برا واذا سالتك احكيلها اجاني طلق وما عرفت شو اعمل
|
رد: بدي مشورتكم يا بناااات ضروري
بس بتعرفي اعملي متل ماقالتلك مناير هو الصح ماحدل يدخل معك ماحدا رح ينفعك غير الله؟؟ وخلي زوجك هو مع ابنك وهو الوحيد اللي رح تأمني فيه وتولدي وانت مرتاحه انشالله
بس هي اول مره بسمع مرت اب بدها تدخل مع بنت زوجها؟؟ الامهات نفسهن ماعم يرضو؟؟ هي شو غايتها |
رد: بدي مشورتكم يا بناااات ضروري
اقتباس:
جوزي حاب يحضر ولادتي ويكون جنبي ،، بتعرفي الزلمة برفع معنويات مرتو الله يقومك بالسلامة حبيبتي ريتال ويهونها عليكي ويسلمو كتير على رايك / |
رد: بدي مشورتكم يا بناااات ضروري
اقتباس:
واني االف حجة من عندي لو سالت تاني يوم الله يعينك حبيبتي ويقومك بالسلامة يااارب ويسلمو كتير على المشاركة ورايك / |
رد: بدي مشورتكم يا بناااات ضروري
اقتباس:
وولدت لحالي وكانت الحمدلله ميسرة وسهلة كتير يااارب تكون ولادتي هادي المرة سهلة متل ابني الاول والله انا هون جديدة بالامارات وماصرلي 3 اشهر بالبلد وماتعرفت ع حدا من الجارات وبيني وبينك ابني مابقعد عند حد الا بكون متعود عليه صحيح وقرايب مافي غير اهلي وفكرت اني حط ابني هناك وروح ع المستشفى بس هيك هتلزق فيني والله انا مفكرة انو بالمستشفى الممرضات يهتمو بابني بس يمكن اعمل متل ماقالولي البنات افوت لحالي والله بكون معي هو احسن من الجميع الله يقومك بالسلامة حبيبتي ويسهل ولادتك وطلقك يااارب ويسلمو كتير على المشاركة ورايك / |
رد: بدي مشورتكم يا بناااات ضروري
اقتباس:
بس حابة كتير زوجي يفوت ويحضر الولادة الله يسهل ان شاء الله يسلمو حبيبتي على رايك ربي يقومك بالسلامة ويسهل ولادتك يااارب / |
رد: بدي مشورتكم يا بناااات ضروري
اقتباس:
انا كنت بدي قلها هيك بس خفت من لسانها تقوم تجرحني بشي وانا مو ناقصة والله اللي فيني مكفيني يسلمو حبيبتي على رايك ومشاركتك ربي يقومك بالسلامة ويسهل ولادتك يااارب / |
رد: بدي مشورتكم يا بناااات ضروري
اقتباس:
ويسلمو على مشاركتك ورايك اح ـترامي / |
رد: بدي مشورتكم يا بناااات ضروري
اقتباس:
ونعم بالله معك حق والله ياريتال نفس تفكيري مو عارفة بشو بتفكر كل هاد حنان !!! ما اضن الله المستعان يسلمو حبيبتي مرة تانية على ردك ورايك ربي يهونها عليكي ويقومك بالسلامة ويسهل ولادتك يااارب اح ـترامي / |
رد: بدي مشورتكم يا بناااات ضروري
حتى لو تعرفو يوم الاحد من العصر لتاني يوم الصبح ماحسيت بحركة الجنين بالمرة
الا حركة بسييييييييييييييييييييييييييطة كتير خفت وقلت لزوجي تاني يوم الصبح اني ماحسيت بحركة البيبي قالي انا مشغول اليوم كتير بنشوف العصر وهو بطريقو للشغل ياحرام مابطل يفكر بالبيبي اتصل فيني وقالي والله ماني فاضي بس اتصلي ع مرة ابوكي وشوفيها اذا بتروح معك على المستشفى قلتلو شوفها انت مو ناقصني ع ساعة الصبح اسمعلي كمن كلمة بقلي خليها تحس فينا شوي حرام عليها قلتلو شوفها انت ما اللي دخل المهم اتصل فيها وقالها انو شموخ ماعم تحس بحركة البيبي من امبارح <<< مع العلم انو قبلها بيوم بالليل اتصلت فيها وخبرتها انو البيبي مابتحرك بالمرة وقالتلي خليكي لصبح بنشوف !!! المهم اختنا بالله شو عملت !!! بدت تصرخ ع زوجي وتقولو هادي موسوسة هادي مو ملاقيتلها سالفة هادي مدايقة مو عارفة شو تعمل قلها تتوكل ع الله وتنام متوسوسة زيادة عن اللزوم !!!! رجع اتصل فيني زوجي وقلي هيك هيك بتقول خليكي للعصر بنروح ع المستشفى طبعا انا مدايقة لانو قبلها بيوم الدكتورة قالتلي انتي هتولدي قيصري البيبي مو راضي يلف وعندك بوادر ولادة من الوجع والمغص اللي عندك واعطتني ابرتين مركزة للرئة البيبي واكتشفنا انو العملية مابغطيها التامين يعني هندفع 15000 درهم للمستشفى ولو ولدت طبيعي هندفع 9000 درهم لانو انا جديدة بالبلد هون وانو التامين مابغطي دخول المستشفى الا بعد 6 اشهر !!! فزوجي تضاايق كتير لانو مامعنا هالمبلغ وعلينا ديون اصلا فكلو لعب باعصباي وتنرفزت كتير ومع عدم حركة البيبي صرت خايفة اكتر واكتر وكنت مقررة ارجع ع الاردن عند دار حماي اولد هناك ومع كل هاد وعارفة نفسيتي ونفسية زوجي ماراعت وقامت تخبط وتحكي حكي يسم البدن بعد ماسكر زوجي التلفون بكيت بحرقة خبرت صاحبتي قالتلي قومي صليلك ركعتين لله وهتهدي وان شاء الله خير صليت واستغفرة لنمت مرة تانية والحمدلله بعدها حسيت بحركة البيبي يقطع شرها خضتني وييييييييييييييييييييييييييييييه شو بدي قول لقول عن مواقفها لهيك مستغربة لشو بدها تفوت غرفة الولادة !!! الله اعلم شو ببالها ما اضن انو كلها حنان وخايفة علي وانا هعمل متل ماقلتو هروح المستشفى بدون ماتعرف وهخلي ابني مع زوجي لو صحلو يفوت معي ،، بكون نصيبو لو ماصحلو هي ربي معي وكفى بالله وكيلا يسلمو حبيباتي غلبتكم معي ربي يسهل ولادتكم ويهون طلقكم ويقومكم بالسلامة يااارب دعواتكن اللي اني اولد متل ولادتي الاولى سهلة وميسرة كــل الحــب كـل الحـب كل الحب / |
رد: بدي مشورتكم يا بناااات ضروري
ياحياتي احسن قرار اتخذتيه والله يسهلك ولادتك وتكون ميسره
وحاولي طنشي هي الدنيا كيذا محد مرتاح فيها بس الواحد يصبر وربي معنا واحنا اخوات بالمنتدى واي وحده تحتاج بتلاقي الكل جمبها♡♡ |
رد: بدي مشورتكم يا بناااات ضروري
تسلمي هدوووش حبيبتي
الله يسهلها علينا ويقومنا بالسلامة يااارب منورة حبيبتي الموضوع وصاحبتو / |
رد: بدي مشورتكم يا بناااات ضروري
وانا رأي يا حبيبتي أنك ماتقولين لها ولا تخلينها تدخل معك وأبنك خليه مع زوجك مو لازم يدخل معك خليهم يستنونك برا احسن //تحياتي ❤️❤️
|
رد: بدي مشورتكم يا بناااات ضروري
تسلمي حبيبتي ام لجين
ربي يسهل ولادتك ويقومك بالسلامة انتي وضناكي يااارب اح ـترامي / |
رد: بدي مشورتكم يا بناااات ضروري
يآلله الله يعينك الأفضضل لا تدخليهآ معآكي مهمآ كآن مرت أب مو زي الأم تستر على بنتهآ
واحد من الحلين يا أنك تقولي لهآ زوجي حآب يدخل وتودي عندهآ الولد وانا اشوف هذا افضل حل أو أنك تروحي سكيتي زي ما قالو الاخوات وتولدي لحالك وربنآ معاكي احسن من زوجك ومرت ابوكي |
رد: بدي مشورتكم يا بناااات ضروري
صحيح بسألك ابوكي فينه ؟
ما تقدري تصآرحيه أنك ما تبغيهآ وهو بطريقته يتصرف ! |
رد: بدي مشورتكم يا بناااات ضروري
هلا نوف حبيبتي
الحمدلله على كل شي انا هولد لاعند زوجي ولاعند مرت ابوي تعسرة كل شغلتي بالامارات وسافرت عند دار حماي بالاردن وهون بالاردن مابسمحو لحدا يفوت مع الولادة الحمدلله على كل شي ويسلمو حبيبتي على رايك غلبتك معي ياعسل اح ـترامي لشخصك الكريم / |
| الساعة الآن 05:32 PM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .