|
زوجي يضربني
بسم الله الرحمن الرحيم مساء الخير اخواتي الطيبات كيف الحال ان شاء الله بخير ابي مشورتكم انا حامل بالشهر الثالث ومتزوجه جديد ومع هيك زوجي يضربني ويهني تكفون ابي حل لاني مليت منو وانا مالي متزوجه الي 7 اشهر ارجوكم انا ساكته كرمال اللي في بطني ارجوكم ابي حل ساعدوني hwaml03hwaml03hwaml03hwaml03 |
رد: زوجي يضربني
فيه سبب الضرب؟؟
|
رد: زوجي يضربني
انزين ليه يضربك اكيد في سبب قوي للضرب وخصوصا نتي حامل توك؟
|
رد: زوجي يضربني
حبوبه وش الاسباب اللي تخليه يضربك؟
ونوعية ضربه هل هو مضر؟ هل هو كبير في سنه وكم بينكم؟ اهلك في نفس مدينتك؟ واهله؟ وش تكون ردة فعلك اذا ضربك واول ماضربك كيف كانت ردة فعلك وهل هو دائما شيئ معك وكيف تعامله اليومي معك |
رد: زوجي يضربني
لازم نعرف السبب
وحتى لو في سبب ليه يضربك وانتي عروس وحامل!! الله يهديه ويخليكم لبعض |
رد: زوجي يضربني
انا الا لله وانا اليه راجعون
حبيبتي اذا انتي على حق وقفيه عند حده مايصير يضربك وانتي توك عروسه وغير كذا حرام مايخاف الله انتي حامل الله يهديكم ويسخركم لبعض |
رد: زوجي يضربني
صديقاتي سبب ضربو لي هي حماتي دايم الدوم مرتك سوت مرتك حطت مع اني وربي شايلتها بعيوني ع راسي من فوق بس هي ربي ياخذلي حقي منها ودوم الضرب ع بطني وهو يقصد هالشهي
|
رد: زوجي يضربني
حتى لو حماتك السبب
مايصير يضربك وكمان على بطنك ايش من زوج هاذا الافضل يعني لو حاب يعاقب يقوم يصرخ ولا يعاتب مو يضرب لا ياختي احس مو من حقك تسكتي على نفسك لازم يوقف عن حده ياا يحترمك ويحطك في عيونه يا ليش عيشه الالم والضرب على ايش الله يكون بعونك بس :( |
رد: زوجي يضربني
حبيبتي انا صابره بس عشان اللي في بطني ولا وربي ما بسكتله وراضيه بالذل والمهانه بس عشان البيبي اللي بيجي وش ذنبه يعيش يتيم بس حسبي الله ونعم الوكيل ومشكوره ع المرور
|
رد: زوجي يضربني
هلا وغلا
غااليتي هو من زمان هيك ولا ؟ لانك توط عروووسه وحامل يعني ليه الضرب انتو بدايه زواجكم وغير هيك حماتك لا ختليها تدخل في حياتك يعني اذا انتي سااكنه معها في نفس البيت خلي زوجك ياخذ لك شقه صغيره ع قدكم حبيبتي خذيه بالكلام وتفااهمي معه لان ماا يصير يضربك وانتي حاامل كرماال البيبي |
رد: زوجي يضربني
حبيبتي هو من جديد بس عرف اني حامل بدا الضرب فقط
|
رد: زوجي يضربني
الله يكون بعونك :(
بس يظل لازم تتكلمي معاه بخصوص الضرب وليش هو يتعمد بطنك بالذات ضروري التفاهم ياختي |
رد: زوجي يضربني
اقتباس:
اها لكن غااليتي هذا خطر عليك طيب يعني انتو مو متفقين انكم تنجبوا في هالوقت ؟؟ ولا ايه ؟ |
رد: زوجي يضربني
اذا يتعمد يضرب البطن يمكن مايبي البيبي
ولا تسكتي حتى لو كرمال البيبي لان الرجال ان سكتي له بيزييييد |
رد: زوجي يضربني
لاحول ولاقوه الابالله
بس اتوقع انه ماكان يبيك تحملين منه ويدور اي شي والدليل انه يضربك على بطنك!! لاتسكتين قولي لاهلك لاترضين بالاهانه والذل مهما كان ترى كيذا راح يتعود ويتمادى وانتي راضيه لنفسك انصحك انك ماتسكتين خليه يتفاهم مع اهلك والرجال حالا والله يكون بعونك |
رد: زوجي يضربني
حبيبتي قلبي معاك والله يعينك الشي بيدك توقفيه عند حده
مايصير عيشة الذل هذي طيب حاولي تاخذين حجه وتروحي بيت اهلك لين تولدين لان لو استمر بضربك كذا راح يصير شي في الجنين وحرام هذي روح وبعد الولاده شوفي شلون تغيراته اذا ماتغير الف طريقه وطريقه توقفه عند حده حتى لواضطريتي تدخل اهلك في الموضوع وحماتك تحسبي عليها لين الله ياخذ حقك منها مافي اقوى من كلمة حسبي الله ونعم الوكيل اذا وكلتي الله ماراح يخليك وربي العالمين مايحب الظلم وانتي مظلومه ربي يفرجها عليك اختي |
رد: زوجي يضربني
شوفي حبيبتي حالتك نفس حالة وحدة من قرايبنا من اول ست شهور واهو طكايح فيها طق وكانت تسكت له للاسباب اللي انتي تقولينها واذا راحت لاهلها ماتخليهم يتخلون او ماتنفذ الي يطلبونه منها,,وظلت على هالحال 8 سنين واخر مرة طقها زوجهاراحت عند اهلها وقعدت اسبوع وجا كالعاده بياخذها كنه ماصار شي ولما رفضت تكلم عليها وعلى امها واخوانها...تدرين شسوو اخوانه مسكوه وكفخوه لين اكل تبن و ثاني يوم جا ياخذا وعينه بالارض ..ومن يومها واهو ما مد ايده علها ..انت لاتصيرين مثلها وقفيه عند حده من البداية والا بيتمادى.. وخلي اهلك يوقفونه عند حده والاترى بيدوسك.....
|
رد: زوجي يضربني
حبيبتي زعلتيني عليك كتير يا قلبي
حبيبتي حاولي تعدي معاه وتفهمي منو ليش بيضربك وبعدين لا تسكتيلو ازا مو عشانك عشان الي ببطنك وانتو بعدكم بأول زواجكم عشان ما تاخد ايدو على الضرب وازا ضل يضربك نصيحة دخلي الاهل بالموضوع لانو حرام عليه شو بنات الناس لعبة بين ايديه |
رد: زوجي يضربني
شوفي حبيبتي مهما كانت الاسباب قويه ما يحق له يمد يده حتى الاسلام لما شرع الضرب تعرفين بشنو بالسواك ما ياثر
والله اذا ماتدخلو اهلك راح يزيد مرررره وراح يضربك قدام ابنائك بعدين هالبيبي الله يجيبه سليم من الضرب انا اقول لااااااااااتسكتين لازم تحسمين الموقف مع اهلك |
رد: زوجي يضربني
انا بالنسبة لي لرجال الي يتقوى على امرأة دليل على ضعفه لان المرأة بالنسبة له ضعيفة ويدل على عدم رجولته لان الرجال ما يتقاوى على امرأة
بس انصحك انك ما تسكتين عنه لو بتسكتين اللحين بتظطرين تسكتين بعدين لانك اخترتي السكوت من البداية ذكرتيني بوحدة كان زوجها يضربها ضرب لدرجة انها تتنوم بالمستشفى وتجي الشرطة لها بس ما ترضى تبلغ عنه تقول ابو عيالي وما راح يضربني مرة ثانية وبعد كم سنة ضربها وفاض بها الكيل وبلغت عنه الشرطة وسجنوه مع انه ما توقع ولا واحد بالمئة انها تبلغ عنه وانسجن واخذو عليه تعهد انه ما يتعرض لها مرة ثانية وصار يمشي على العجين ما يلخبطوش |
| الساعة الآن 06:22 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .