|
إلى كل من جربت القيصري، تتفضل الله يسعدها
السلام عليكم والرحمه
اتمنى الجميع بخير حبيباتي انا بكريه، و قررت الدكتوره قيصري لان الجنين كبر والراس فوق انا مؤمنه بقضاء الله وقدره، وعارفه انها خيره لي ولجنيني بس حابه استفسر وياليت الكل يفيدني 1- تنصحوني بالبنج النصفي ولا الكامل، وغير كذا ايش سالفه القصدره، هل اقدر اطلبها بعد البنج؟؟ لاني من النوع اللي الابره تخوفني وبعد ما اخلص من العمليه، متى ابدأ آكل يعني بعد كم ساعه، وايش اكل؟ ومتى اتحرك طبيعي، بعد العمليه بكم ساعه؟ 2- كم يوم غالباً اقعد في المستشفى؟ 3- المنطقه السفليه- العانه- بما اني قيصري، هل يتغير فيها شيء، كيف راح يكون وضعها؟ الاهتمام بها كيف، كان معايا الدوره او فيه شيء يختلف؟ 4- كيف الاكل في ايام الاربعين، ايش الاشياء اللي اتجنبها غير الحوامض، والحليب؟ 5- الربط، متى اقدر اربط بطني، خايفه من الكرش؟ 6- اهتمامي بالجسم، عارفين اغلب المناطق متغير لونها وابي جدول اهتمام مناسب، اقدر احط كريمات عادي؟ او انتظر لما تنفك الغرز وابدأ احط؟ متى اتصرف عادي واحط زيوت وكريمات الحمام المغربي بعد ما اخلص الاربعين و وضعي تمام، عادي اسويه؟؟ جزاكم الله خير واللي عندها نصائح ياليت تفيدني بها او غلطت اغلاط تنبهني عشان ما اكررها |
رد: إلى كل من جربت القيصري، تتفضل الله يسعدها
حبيبتي لاتخافي
اناجربت القيصريه هي متعبه فعلاً بس تحسي بالآلام بعد الولادة بعد الولاده تقريباً بأسبوع راحي تشفي ان شاء الله اثناء الولادة ماراح تحسي بشيء وانصحك بالبنج الموضعي اللي هو نصفي عشان لما يطلعولك المولد تقدري تشوفيه وعن تجربه لاتخافي ماراح تحسي بأي شيء اثناء الولادة اساساً بيعطوكي أدويه بتحسي انك بعالم ثاني يعني نفس الخمول ماراح تحسي بأي شيء غير هالشيء راح تشوفي البيبي أول مايطلع ربي يسهل لك ويسهل لكل حامل ولادتها سواء طبيعي او قيصري وموفقه ان شاء الله |
رد: إلى كل من جربت القيصري، تتفضل الله يسعدها
حبيبتي ربي يسهل عليكِ
ويقومك بالسلامة انتي والبيبي... حبيبي انا ولدت قيصيري.. التخدير نصفي..والابرة م تخوف حبيبتي ومهي مؤلمة..وبعد اقل من دقيقة م رح تحسين باي الم.. الاكل..انا اول شي اعطوني شوربة دافية وبعدها قالولي ممكن تاكلين اي شي عادي..وهذا من بعد م راح عني التخدير تماما.. تقدرين تتحركين من بعد م يروح عنك التخدير تماما..واصلا لازم الحركة ..انا الدكتورة خلتني اتمشي باليوم الثاني..وقالتلي لازم اتحرك واتمشى لان هالشي يساعد ع التئام الجرح بسرعة.. انا جلست 3 ايام وطلعت من المستشفى اليوم 4 عادي يقلبي م رح يختلف شي.. اكثر شي حاولي تشربين دافي..وتبعدين عن المشروبات الغازية.. الحليب ليش تبعدين عنه؟؟ بالعكس انا كنت اشربه بكثرة عشان الرضاعةة..لانه يزيد الحليب.. صراحة انا م ربطت بطني ابد..بس ممكن من بعد الاربعين تقدرين تسوين رياضة عادي ..وتوقفي اذا حسيتي باي الم..هذا كلام دكتورتي.. صراحة انا م سويت شي..غير اني اهتم بنظافتها وانها تكون جافة وبسسس.. الحمام المغربي معرف عنه شي...م حاولت اسويه صراحه.. ان شاء الله اكون افدتك ولو بالقليل.. ودي لـ سموك |
رد: إلى كل من جربت القيصري، تتفضل الله يسعدها
اقتباس:
حبيبتي الظاهر انك مغربية على اي ، أنا ولادتي التنتين قيصرية ، بالنسبة لوالادتي الاولى أنا ما كنت اعرف شيء عن القيصرية الدكتور قرر البنج الكلي لأني كنت كثير خائفة و متوترة ، بعد العملية وبعد ما انتهت مدة البنج بدات احس بالالام لكن كانو يعطوني مهدءات . الطبيبة كان يساعدني في المشي من ثاني يوم وهناك لم اقدر استحمل الآلام كنت احس كان جسمي مقسوم على اثنين لكن سرعان ما تعودت على المشي كل ساعتين . اما فيما يخص الاكل ماكنت اكل شيء حتى الى اليوم الثاني مساءا وهذه خاصية تبع دكتورتي ولكن كانوا يعطوني مقويات على شكل سيروم وكنت اجلس في المصحة لمدة ثلاث ايام وفي اليوم الرابع. أعود الى منزلي مع البيبي طبعا . فيما يخص العملية هي على شكل خط صغير فوق العانة مباشرة وما يظهر مع مرور الوقت، اما طريقة العناية بها عادي جداً مثل باقي الايام دون ملامسة مكان العملية لانه لازم يكون ناشف تماماً حبيبتي بالنسبة للربط بعد الأربعين لأنك قبل ما تقدرين ملامسة البطن. أنا عن نفسي ماكنت أخذ حمام مغربي حتى إتمام الثلاث اشهر من الولادة كي أتمكن من التأكد من الشفاء التام لمكان العملية في حين كنت انظف جزء بجزء دون ان يصل الماء الى مكان العملية. حبيبتي أنا ولادتي الثانية كانت أحسن لأني اخترت البنج الموضعي يعني النصفي فشوفت بنتي من اول ما اخرجوها والألم نفسها لكن الحمد لله كل شيء يمر بسلام وكل شيء يهون على شان شوفت البيبي. اتمنى اكون جاوبت على كل أسئلتك . تقبلي مروري |
رد: إلى كل من جربت القيصري، تتفضل الله يسعدها
حبيبتي ماعندي خلفيه ربي. يسهل عليكي يارب
|
رد: إلى كل من جربت القيصري، تتفضل الله يسعدها
الله يعطيكم العافيه، ماقصرتو حبيباتي
طيب وكيف كان جدول اهتمامكم من كريمات واشياء زي كذا ؟ ايضا سمعت بتقنيه الكبس بدل الخياطه ؟ ةمرت عليكم |
رد: إلى كل من جربت القيصري، تتفضل الله يسعدها
ياقلبي
الخياطه اتطورت بكثيييييير عن اول انا عملو لي الخياط من جوا بسسسس .. ومن برا ليزر .. كان ع الجرح لصق فكته لي بعد 10 ايام من العمليه الحمد لله التعب لابد منه سواء كان طبيعي او قيصري كل شي له اجره فلابد من الصبر المشي هو افضل علاج للقيصري بس على خفيف الحليب لايشرب اول 3 ايام من القيصري حتى لايسبب امساك وبعدها عادي لانه ضروري ومهم البيبي راح يرضع منك والكالسيوم راح يقل بجسمك لازم تعوضين عنه الربط افضل شي بشماغ بعد ماتدهني بطنك بزيت زيتون حتى ماتحسي برغبة بحكه المنطقه الحمام المغربي ما انصحك فيه من بدري ع الاقل 3 شهور وع حسب نوع عمليتك اما بالنسبه للحمام العادي الافضل انو المويه ماتقرب الجرح خلال فتره الاربعين بعدها عادي استحمي عادي .. الافضل تجيبي سفره او قطعة قماش تحطيها ع العمليه قبل الحمام حتى ماتقرب المويه الجرح وغسلي جسمك كانك تقسميه نصفين وشعرك تحت المغسله تغسلينه غالبا راح تجلسي بالمستشفى 3 الى 4 ايام الحوامض تقلل كمية دم النفاس حاولي تبتعدي عنها وتكثري سوائل هالفنره الله يقومك بالسلامه وتشوفي البيبي بصحه وعافيه |
رد: إلى كل من جربت القيصري، تتفضل الله يسعدها
تسلمين ربي يسعدك
طيب بعد كم يوم ربطتي؟ وزيت الزيتون عادي تحطيه على الجرح؟ هل كان لك جدول اهتمام بجسمك ولا عادي؟ |
رد: إلى كل من جربت القيصري، تتفضل الله يسعدها
تسلمين ربي يسعدك
طيب بعد كم يوم ربطتي؟ وزيت الزيتون عادي تحطيه على الجرح؟ هل كان لك جدول اهتمام بجسمك ولا عادي؟ |
رد: إلى كل من جربت القيصري، تتفضل الله يسعدها
بالنسبه لي اتخدرت تخدييير كاامل ﻵني كنت خايفه .. جلسوا يقنعوا فيه دكتورتي و معاها دكتور ثااني
بالنصفي بس ماوافقت نهائي و مسستحيل اجربه ان شاءالله جلست 3 آيام بالمستشفى و خرجت اليوم 4 كانت الدكتوره تخليني امشي 10 د بالصباح و 10 د بالمسساء اﻷستحمام بعد 6 ايام من العمليه تحممت و كانت من برا بالليزر الحمدالله ﻻزم تحطي سفره ع مكان الجرح عشان الموياء ماتجيه ماكنت اشرب حليييب ﻻنه يسببلي وانتي بكرامه إمساك مرره تألم بصرراحه اذا بتقومي من السرير ﻻزم احد يمسكك متعبه جدآ الله يعين والله كنت بس آبكي 24 س ﻵن ماعندي احد يساعدني ﻻ بالقومه من السرير و ﻻ من ناحية البي بي انا عند اهلي و زوجي دوامه بمنطقه ثانيه أمي تعباانه .. و ﻻ احد خﻻني ارضعهاا جلست 3 ايام بالمستشفى معرف عن بنتي شي غير وقت العصر يجيبوها لي الممرضات اشوفها و يأخذوها معرفت صراحه ارضعهاا ﻻني جلست اسبوعين تعبانه .. واكلي من برا البيت صح اني احاول اكل اكل صحي بس ﻻنه من برا مايكووون صحي يارب لك الحمممد ع النعمه فطير و معصوب بالتممر بس مهما كااان غيييييير و الحين كل ماتذكر ذيك اﻵياام و ربي اببببكي الحين اكتبلك و انا ابكي تكفييييين ادعيلي اولد طبيعي و الله شايله هممم بنتي مرره و البي بي الثااني لو جبت قيصري اش يكون وضعي الله يعييين .. و بالنسبه للحمام المغربي ماسويت .. يوم كملت اﻵربعين جبت وحده سوتلي حﻵوه للجسم كاامل و سوتلي خلطااات تدليك كمان للجسسم كاامل اما بخار ﻻ .. و الجرح ضروري كل يوم تمسحيه ب مسحه طبيه حتى يكون معقم و الربط ماربطت صراحه اتمنى لك التوفييييق .. و نصيييحه لك من آخت اذا كنتي بخااص و هم الي قالولك قيصري طنشيهم روحي حكومي بإذن الله تولدي طبيعي .. |
رد: إلى كل من جربت القيصري، تتفضل الله يسعدها
شوفي ياعسل اول شي التخدير انضحك بالنصفي بلا تردد بس اول شي استخيري
الكامل غالبا تجي معه كحة قوية تقعد فترة وتخيلي جرح وش كبره ببطنك وكحة قوية .. كانت اكثر شي جابت لي العذااااب .. وغير كذا النصفي امن من الكامل و كثير اسباب عموما .. استخيري و خذي النصفي .. بالنسبة للاكل بعد العملية على طول صوم خفيف وسوايل ومغذيات فقط .. الاكل ثاني او ثالث يوم ملني فاكرة بس ضروريي مايرهقو امعائك بالاكل و مايجيك امساك لانه طبيعي بعج العملية ومرة مو كويس طبعا للجرح ااحركة قد ماتقدري اسرع شي تحركي .. صدقيني بيكون تعب بالبداية لكن شي زي السحر .. اول مرة صعب .. ثاني مرة اسهل .. وثالث مرة اسهههل اكثر .. يعني بيكون شي ملاحظ بنفسك حتحسي .. وفعلا الجرح يلتئم افضل كل مامشيتي ونصيحة لاتمشي منحنية .. حيكون صعب بالاول لكن ارفعي نفسك وخلي الجرح ينشد عادي وظهرك مستقيم كذا الجرح يرتخي ومايلتئم وهو مشدود .. تخلصي اسرع ويلتئم صح .. لو ماسويتي كذا ممكن تكملي سمة وسنتين وانتي لسه تحسي بالجرح ان قمتي فجاة اوطقيتي ظهرك مثلا هههه تقعدي بالمستشفى حسب حالتك والمستشفى ..بعضهم اربع ايام بعضهم خمس .. ثلاث ايام مكفاية اخرجي ع مسؤوليتك ان حبيتي عادي اهم شي هم يحطونك عشان يشوفو عملية الاخراج عندك تمام ويتاكدو ماجاتك سخونة او التهاب بالجرح فقط المنطقة السفلى طبعا مايصير فيها شي ولا تتغير .. وعادي اعتني فيها زي ماتعتني بوقت الدورة مافيها مشاكل .. حطي ببالك ان نفاس القيصري مريح لانهم ينظفو الرحم مو مثل الطبيعي يعني ممكن بالكثير اول كم يوم وبعده يكون نقط الى اسبوع ونص اسبوعسن وتخلصي يعني اشربي دوافي و زنجبيل و حاجات بسيطة ماتسبب انقباضات بلاش قرقة يعني تساعدك بس لانه ماتحتاجي كثير خرابيط من هالناحية والاكل عادي لاتعقدي نفسك فقط ابعدي تماما عن اي شي يجيب غازات لان بطنك بتكون زي الطبلة اصلا مليانة هوا .. وابعدي عن اي شي يسبب امساك اكيد الحليب ممنوع اول عشر ايام .. الملوخية والبطيخ والاشياء اللزجة بلاش منها حياتي تزيد احتمالية الافرازات جوا للجرح والالتصاقات والله اعلم هو كلام وحدة ممرضة لي لكن احتياطا بلاش منها بالنسبة للربط ابد ابد ابد ما انصحك .. شوفي فيه حزام خاص للقيصري وكلام فاضي .. لكن ابد ما انصحك بعطيك كلام طبي اغلب الحريم اللي عندهم الربط شي مثله مثل الحياة والموت مايعرفونه .. بعد القيصري الامعاء تكون ماهي بمكانها .. لازم تتركيها ع راحتها ترجع مكانها لانه لو ربطتي ومارجعت واشتغلت زين بتسبب لك مشاكل لا لها اول ولا اخر وشي ثاني الربط والضغط عالجرح يسبب افرازات منه داخلية طبعا وهالشي يزيد الالتصاقات والالتصاقات موال عريض مابي احكي فيه بيطول الكلام لكنه شي خطير واخر شي حبيبي الربط مايفيد كثير بدون رياضة .. تاثيره مؤقت .. اصبري تخلصيي شهر ونص شهرين .. وابدي رياضة دراجة او جري خفيفة و حتنمسح بطنك تماما وطبعا فترة الاربعين مافيش رياضات جامدة حدك تمشي فقط حطي كريمات عادي واي شي تقشير تنظيف اهم شي وخري عن منطقة البطن .. لاتركي وتضغطي وتبخري وتسخني ومدري ايش .. وانتبهي للي مناسب للرضاعة ان كنتي ترضعي .. يعني سوي اي شي بس ابعدي عن الجرح والبطن العناية بالجرح .. نصيحة ابعدي عن كلام الحريم والخلطات .. مسحات طبية من الصيدلية .. كل يوم مسحتين او ثلاث على فترات تمسحي الجرح تمااااام وتعقميه و انتظري ثواني ينشف وبس التهوية افضل افضل افضل شي للجرح لاتخنقيه بشاش وملابس ارقدي وخليه مكشوف كل ماقدرتي ترى الجفاف جدا ممتاز مع المسحات لطبية مايجيك التهاب باذن الله وهذه طريقة المستشفى و طريقي .. لاتحطي مرة ولل خرابيط وخلطات نصيحة |
رد: إلى كل من جربت القيصري، تتفضل الله يسعدها
القسطرة .. حبيبي هيا شكة بسيطة ماتالم وقوليلها تكثر لك الجل و عادي ترى لاتخافي منها
حتى لو رضيولك يحطوها لك بعد التخدير انصحك لا تسويها لان التجهيز يكون بغرفة العمليات وبيكون فيه ممرضين ومساعدين و دكاترة رجال .. فتخيلي شكلك يحطولك القسطرة بينهم وانتي كما خلقك ربي ايكفي التعقيم يسوونه بوجودهم بس القسطرة صعبة والله وماتسوى سويها عادي قبل العملية لانها هينة جدا |
رد: إلى كل من جربت القيصري، تتفضل الله يسعدها
اقتباس:
ماشاء الله تبارك الله انتي مو كنتي في قروب شهر صفر والا محرم والا انا غلطانه كم بين حملك وولادتك؟؟؟ باذن الله طبيعي بس ترى انا جربت الطبيعي كم ساعه شفت الموت وانا ماخرج راسه والعمليه افضل مليووون مررره قولي الحمدلله |
رد: إلى كل من جربت القيصري، تتفضل الله يسعدها
هوادي العاام كنتي معانا ؟؟
آنا كنت بحوامل القعده |
| الساعة الآن 07:40 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .