|
حالتي مستعجله وارجو منكم النصيحه المستعجله
مرحبا يابنات المنتدى الغالي
انا كاتبه هالموضوع ابشاوركم وآخذ رايكم وياريت ماتطنشون الله العالم بنفسيتي واكيد كل وحده مجربه راح تفهم اللي احس فيه لانها مرت فيه وماسآل الله الا الصبر والفرج القريب ومتوكله على الله بكل شي انا لي سنتين وكم شهر متزوجه وحابه احمل وطلع عندي كسل بالغده الدرقيه ولخبطه بالدوره وتكيسات جالسه آخذ العلاج والحمدلله الهرمون اتعدل والتكيسات خفت حتى الدكتوره قالت لاتفكرين فيها وجالسه تعطيني منشطات كلوميد وابره تفجيريه واكيد انتم عارفينها والحمدلله على كل حال ماصار حمل وانا ماعاد فيني اصبر على منشطات انا حاسه انو البويضه نفسها مو كويسه عشان كذا ماصار الحمل ومن هالتفكير صرت اقول ابسوي اطفال انابيب يمكن تكون هي الحل لي بدل ماضيع وقتي بالمنشطات على غير فايده اللي ابيه من كل وحده ترد انها تفهم حالتي وتنصحني اسوي العمليه او لا يابنات انا مشكلتي ابدا مو كبيره بس سبحان الله مايصير الحمل حتى الاستجابه للمنشطات كويسه الحمدلله لكن مابي الوقت يضيع اكثر من كذا جاوبوني الله يسعدكم وينولكم اللي ببالكم |
رد: حالتي مستعجله وارجو منكم النصيحه المستعجله
توكلي على الله واعمليها بس روحي لمركز معروف بتقنيته العاليه والدكتور الشاطر
ويكون بعلمك إن هالعمليه ماهي إلاسبب والأمر من قبل ومن بعد لله والله يرزقك وإيانا الذرية الطيبة من عنده. |
رد: حالتي مستعجله وارجو منكم النصيحه المستعجله
والله ياطيف اول ماكبتبت الموضوع قلت بقبي اول من بيرد علي طيف والله العظيم
انا اراجع عند زينب ابو طالب اللي بالحبيب مرتاحه عندها وبسوي عندها العمليه وسمعت انو ماشالله نسب النجاح عندها عاليه وكله بمر الله الله يكتب لنا اللي فيه الخير والصالح |
رد: حالتي مستعجله وارجو منكم النصيحه المستعجله
زين مااخترتي الحبيب وهذي الدكتورة بالذات
أعرف وحده عملتها بالتجربه الثانيه عندها ونجحت والحين هي نفاس ماشاء الله توكلي على الله ودعواتي القلبيه إن ربي يكتب لك الحمل بالذرية الطيبة من عنده |
رد: حالتي مستعجله وارجو منكم النصيحه المستعجله
عزيزتي نصيحتي لكِ 000 المداومه على لإستغفار
وقراءة سورة البقرة يوميا 000 وتوكلي على الله لله الأمر من قبل ومن بعد 000 ولا تستهيني بما أقول من كان همه الله وتوكل عليه كفاه غيره 000 لا دكتور ولا عمليه لا كسل الغدة ولا شيء000 إذاأراد الله أمرا فإنما يقول له كن فيكون أنا لا الجأ إلى أي دكتور إنما إلى الله عز وجل قاضي الحاجات فالدكتور لا يضر ولا ينفع إنما النافع هو الله00 وعن تجربه وحقيقة هذا رأيي 00ربما رح تقولي بنفسك ما هذا التخلف !!! لكن هذه نصيحه غاليه فاحفظيها 00 رزقك الله بالولد الصالح ولكِ الخيار والله المستعان 0000000000000000000000000000000 |
رد: حالتي مستعجله وارجو منكم النصيحه المستعجله
والله يا امنيه احس انوة لسى عليك تسوي الانابيب
واذا انتي مقتنعه بانك تسوي سويها والله يكتب الي فيه الخير طبعا انا ماعرف عن الدكتورة اللي قلتي عنها ومدام سمعتي انها كويسه توكلي على الله ويارب يرزقك باللي تمنينه |
رد: حالتي مستعجله وارجو منكم النصيحه المستعجله
مشكوره ياطيف والله يكتب اللي فيه الخير يارب
اختي امل انشالله بتبع نصيحتك وابد مافيه استهانه كل شي مرده الي الله وما للعبد الا اتباع السبب وجزاك الله خير والله ياغلا مااحس اني مستعجله والله قلبي يبي الاطفال ماعاد اقدر والسبب قدامي ليه اتاخر الله يكتب اللي فيه الخير والصالح يارب |
رد: حالتي مستعجله وارجو منكم النصيحه المستعجله
ان شاء الله ربنا يعوض صبرك خير
توكلى على الله واعملى العمليه والله المستعان وان شاء الله تظبط معك اختى |
رد: حالتي مستعجله وارجو منكم النصيحه المستعجله
حبيبتي الله يوفقك ويعطيك مرادك...
انا بنت بنت خالتي سوت انا بيب ونجحت... الله يرزقك... |
رد: حالتي مستعجله وارجو منكم النصيحه المستعجله
اختي مصريه مغتربه انشالله راح اسويها ادعيلي فالدعاء لاخيك في ظهر الغيب مستجاب ارجوك لاتنسين
ياويل حالي خليتيني اتفائل الله يسعدك وانشالله الله يكتب اللي فيه الخير والصالح |
رد: حالتي مستعجله وارجو منكم النصيحه المستعجله
اختي توكلي على الله سبحانه وتعالى
و استغفري واييييد و العمليه بسيطه واصلا الدكتوره راح تعطيج كورسات علاجيه علشان تكبر وتقوي وتنشط المبايض عندج الله يرزقج ويرزقني ويرزق كل محرومه من الذرية الصالحه |
رد: حالتي مستعجله وارجو منكم النصيحه المستعجله
امنيه وش ضار عليك سويتيها او لسى
طمنينا عنك |
رد: حالتي مستعجله وارجو منكم النصيحه المستعجله
اخواتي الحبيبات اشكركم علي المشاركه وراجعه لردودكم قريبا
اختي غلا للحين ماصار شي واذا جد جديد اخبركم تحياتي |
رد: حالتي مستعجله وارجو منكم النصيحه المستعجله
آنا أشوف انج تتوكلين على الله وتسوينها
آنا سمعت الدكتوره عاليه تقول أحسن شيء ان الوحده اذا تأخر الحمل وكان عندها مشاكل هي أو زوجها تسوي الانابيب ولآ تتأخر لأن المرأه كل ماتقدمت بالعمر تقل فرصة الحمل عندها طمنينا عليج والله يرزقنا جميع بالذريه الصالحه |
رد: حالتي مستعجله وارجو منكم النصيحه المستعجله
خيتو الكلوميد <~ ماله فايده كثير غير يزيد الوزن
جربي تشربي البردقوش <~ يعدل الهرمونات انا كان هرمون الحليب زايد عدله وحتى خلى الدوره تنزل كل شهر <~ لكن تنزل قليل ومعروف عن فوائده الكثير ولاتستعجلي بالعمليه قبل ماتستخدمي الاعشاب والتمريخ |
رد: حالتي مستعجله وارجو منكم النصيحه المستعجله
توكلي على الله انا بعد تعبت من المنشطات اللي بدون فايده وسويتها والحمد الله حامل ومن احد اسباب نجاح العمليه العمر الصغير
لايروح عليك العمر وتكبرين وتسوينها وتفشل وتندمين تراها سهله مررررررررره فوق ماتتخيلين ولا تفكرين انابيب راح تخافين احسبيها علاج عادي وتوكلي على الله بدون انتظار والله اني ندمت اني ماسويتها من اول بس الحمد الله على كل حال استخيري وتوكلي على الله وان شاء الله تبشرينا |
رد: حالتي مستعجله وارجو منكم النصيحه المستعجله
بنات جزاكم الله خير علي الردود اللي كل واحد احسن من الثاني واللي يثبت صدق اهتمامكم لانكم مريتو بنفس المعاناه
رحت امس للدكتوره قالت لي نسوي تلقيح صناعي هالشهر واللي بعده نسوي التلقيح المجهري اللي هي العمليه ورفضت تماما انها تسويها قبل لا تجرب لو لمره واحده التلقيح الصناعي وطبعا قالت ان التلقيح الصناعي نسبه النجاح مثل الحمل الطبيعي من 5- 15٪ والتلقيح المجهري نسبته 50٪ الله يكتب اللي فيه الخير ويوفق يارب |
رد: حالتي مستعجله وارجو منكم النصيحه المستعجله
ربنا يوفقك حبيبتي بالخير انا كمان جربت التلقيح الصناعي مرة واحدة بس ما نجحتش معايا بس الدكتورة بتقولي ان التلقيح لازم يتعمل 3 مرات ، توكلي على الله
|
رد: حالتي مستعجله وارجو منكم النصيحه المستعجله
السلام عليكم
اختي ليش قالت الدكتورة انه لازم التلقيح الصناعي قبل؟؟؟ يعني انا من 11 سنة ماحملت وعمري فوق ال30 والدكتور اهو اللي خيرني بين التلقيح او الانابيب وقالي بالنسبة لعمري التلقيح نسبته من 30 الى 40\100 والانابيب من 60 الى70\100 فانا استخرت الله واخترت الانابيب والحمدلله الله ماخيب ظني الله يرزقج بالذرية الصالحة يارب ويثبت حملي ويرزقني بتوام ااااااااااااامين |
رد: حالتي مستعجله وارجو منكم النصيحه المستعجله
يارب يهب لكي الذريه الصالحه
|
رد: حالتي مستعجله وارجو منكم النصيحه المستعجله
حبيبتي توكلي على الله واعمليها
وان شاء الله بالسلامة يا عمري والله يهون عليك ويطعمك الي ببالك يا قلبي |
رد: حالتي مستعجله وارجو منكم النصيحه المستعجله
ياعمري الغملية نعمة من ربي وحالة التكيسات علاجها بعد الله الحمل ليش لان الحمل يوقف التبويض فبتالي اذا توقف ونزلت بعد 9 شهور تكون رجعت لوضعها الطبيعي سوي العملية وتوكلي على ربك وكل شي عشان شوفة البيبي تهون الله يرزقك وكل محرومة الطفل الي تضمينة ياااااااااااااااااارب
|
رد: حالتي مستعجله وارجو منكم النصيحه المستعجله
الله يرزقك ياااااااااااااااااارب وتحملين وتبشرينا وتقولين الوحم متعبني الله لايضيع لك تعب وييسر امرك توكلي على الله
|
رد: حالتي مستعجله وارجو منكم النصيحه المستعجله
يارب انه يرزقك استخيري وادعي الله والله يكتب للك اللى فيه الخير ويرزقك الذريه الصالحه عاجلا غير اجل
|
| الساعة الآن 12:01 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .