|
ولادتي باحلى سيف يوم الاثنين 26شوال
سلام عليكم ..
ببدأ ع طووول بالاكشن بدون مقدمااات... يوم الاحد العصر كنت نايمه ..صحيت على شئ مثل الحنفيه ينزل مني. طلع موية الرأس تنزل علي .. وهبا.. ع طووول اتصل ع زوجي والحمدلله كان قريب من البيت.. ورحنا مستشفى والمويه تنزل مستمررره معي دخلت الطوارئ ..شافتني السستر وع طوول شالتني ع غرفة الولاده... انتظرت شوي اللين جت الدكتوره وكشفت علي طلع مفتوح واحد سانتي بس هذا ساعه تقريبا خمس العصر .. عاد قالت نصبر شوي اللين ينفتح الرحم.. وكان لسى مافي طلق ابد... بعد الكشف بدأ طلق خفيف مررره.. تقريبا كل ربع ساعه طلقه خفيفه... قالت دكتوره نصبر عليكي اللين ساعه 12 بالليل ونشوف كم فتح رحم .. وطووول ذا الوقت من خمس اللين 12 قالت امشي بالممر... وجلست امشي بالمممررر.. وماشاءالله طووول الوقت هذا الحريم يدخلون يولدون ويروحون وانا اتفرج فيهم اكثر من سبع حوامل ولدوا وانا امشي بالممر. واتفرج فيهم وهم يولدونهم ويوم يأخذون البيبيات يغسلونهم ..ههههههههه.. وكل سستتر تشوفوني تقول ان شاءالله انتي بعد تولدي..هههههههههههه... لحظه فاصل فكاهئ ..هذي وحده سريرها جنب سريري جت غرفة الولاده وهي خلاص ع وشكك ولاده..الموهم نوموها ع سرير وهي تصيح عليهم وتضربهم تقول رجعوني البيت ما ابي اولد ههههههههههههههههههههه... وسستترات يصيحون عليها ..وين تروحين انتي ولاده ادفعي بسرعه وهي تضرب يد السسترات يوم يمسكونهاااا..والله جلست اضحك عليها ضحك.. المشكله بنات انها عندها سبع عيال وهذا ثامن .. شلون جابتهم وهذا تصرفها..هههههههههههه خلص الفاصل الفكاهئ ... وين وصلت اللحين..امممم وصلت ساعه 12 كشفت علي دكتوره تخيلوا كان اثنين سانتي مفتوح بس ....!!! الموهم قالت دكتوره روحي نامي وصباح ساعه ست انحطلك طلق صناعي ... قلت الحمدلله على كل حال.. مكتوب اولد بطلق صناعي... ورحت ونمت لان وراي تعب مع طلق صناعي ... جت ساعه ست الصبح رجعت دكتوره كشفت علي طلع مفتوح رحم اربع سانتي ؟!!! الحمدلله قالت دكتوره كذا اعطيكي طلق بمغذي .... مو تحاميل الحمدلله المغذي احسه اهون من تحاميل .. وتخيلوا وش سوت لي دكتوره جابت عمود مثل السناره قلت هذا وش قالت هذا افتح فيه كيس الجنين عشان تولدين بسرعه وجلست اصيح عندها قلت مايدخل فيني هذا ... شفتوا ربي عقبني يوم جلست الضحك على كانت تولد وتضربهم ..ههههههههههه.. الموهم قالت دكتوره ماتحسين فيه ودخلته وما حسيت فيه. وعلى ساعه سبع بدأ طلق معي قوووووووي قوووووي بكل معنى الكلمه كان كل خمس دقائقطلقه قوووووووووويه ..لانه صناعي ..يوجع بظهر.... وانا اصيح عليهم ابي مسكن ما اقدر استحمل الالم كل خمس دقايق ورحم بس اربع سانتي ... وجابوا مسكن ولا كأن اعطوني مسكن مفعول طلق اقوى منه.. وادعي ياربي صبرني يارب صبرني واقرأ سورة الزلزله.. وادعي .. جت ساعه تسع كشفت علي دكتوره لقته سبع سانتي ..بس.. وانا اغلب الوقت هذا كنت بين نايمه وصاحيه ..مدري وش حصلي احسه كان يغمى علي من الالم لانهم احس بيدهم ع وجهي يصحوني ... جت ساعه عشره الا افتح عيوني وهم مجهزين عدت الولاده كلها وسسترات فوق رأسي يقولون البيبي بخطر بسرعه ادفعي قلبه تعب مرررره.. وانا بعالم ثاني بين نايمه وصاحيه كأني بحلم اسمع ناس يقولوا ادفعي مدام ادفعي مدام والحمدلله ربي ساعدني وقتها كنت احاول ادفع قدر المستطاع مني لان خلاص جسمي تعب مرررررره.. الا احس شئ خرج مني الا الجنين الحمدلله ربي اخرجه بصحه وسلامه.. وجابوه لي شوفي مدام هذا وش قلت ولد .. وبعدها لاتسألوني وش صار معي لان نمت مدري اغمى علي مدري وش حصل بس صحيت الا ساعه 12 ظهر وانا دايخه ودنيا تلف فيني وتخيلوا بعد وش كنت اقول لسى ماولدت ؟!هههههههههههههههههههه... طولت عليكم. اللهم اجعله من خادماً لدينه ... وسميته سيف ..... صح كان وزنه مرره قليل اثنين كيلو 400جرام ... مرررر صغير لو تشووفوه ... عقبال كل الحوامل .. يارب والله يكتب لكم ولاده سهله يارب.... |
رد: ولادتي باحلى سيف يوم الاثنين 26شوال
الف الف مبروووك الحمدلله على سلامتك يتربى بعزكم
|
رد: ولادتي باحلى سيف يوم الاثنين 26شوال
الف مبروك ويتربى بعزكم يارب
عقبالي ان شاء الله تعبت من طول الانتظار:-( |
رد: ولادتي باحلى سيف يوم الاثنين 26شوال
امين يارب والحمد لله على السلامه
|
رد: ولادتي باحلى سيف يوم الاثنين 26شوال
الف الف الف الف الف الف مبرووووووووووووك ام سعود يتربى بعزك يارب
طمنيني عنك الحين ووين ولدتي بالعسكري ولالا |
رد: ولادتي باحلى سيف يوم الاثنين 26شوال
الحمد لله ع سلامتك ياعسل ويتربى بعزكم
بصراحه عجبني الفاصل الفكاهي ههههههههههههه |
رد: ولادتي باحلى سيف يوم الاثنين 26شوال
الله يباركك فيكم وعقبالكم يارب تشوفون اطفالكم وتضمونهم..
شوق ...هلا والله من بعد ما التغى تجمع اهل الخرج ما شفتك.. اخباركك وطمنيني عنك.. وكم لك حامل.. وانصحك تولدي بالمصانع مررره اهتمااام ونظافه غير مبنى تنويم للحوامل متغير صار مبنى جديد روووعه ... |
رد: ولادتي باحلى سيف يوم الاثنين 26شوال
مبروك حبيبتي
|
رد: ولادتي باحلى سيف يوم الاثنين 26شوال
مبروووووووووووك والحمد لله على السلامه
وعقبال باقي الكروشات |
رد: ولادتي باحلى سيف يوم الاثنين 26شوال
الف مبرووووووووووووووك ام سعود يتربي بعزكم يااااااااارب
والحمدلله علي سلامتك ياقمر |
رد: ولادتي باحلى سيف يوم الاثنين 26شوال
الف مبرووووووووووك ..والحمدلله ع سلامتك وسلآمة البيبي ..
بجد الفاصل الفكاهي رهيييييب .. حلوه ماابغى اولد هههههههههههههه الله يحفظلك ولدك ويخليه لك .. وعقباااااااااااااااااااالنا يــآرب .. |
رد: ولادتي باحلى سيف يوم الاثنين 26شوال
الف مبروووووك المولود يتربى بعزك وعز ابوه
والف الحمدلله ع السلامه |
رد: ولادتي باحلى سيف يوم الاثنين 26شوال
الف الف مبروك حبيبتي
|
رد: ولادتي باحلى سيف يوم الاثنين 26شوال
الف مبروووووووووك يالغلا
ويتربي بعزكم وعقبالنااااااا بولاده ميسره من عند الكريم |
رد: ولادتي باحلى سيف يوم الاثنين 26شوال
الحمدلله على سلامتك
ربنا يقر عينكم فيه و يرزقكم بر |
رد: ولادتي باحلى سيف يوم الاثنين 26شوال
الف الف مبروك بارك الله لك في الموهوب و شكرت الواهب
الحمدلله على سلامتك |
رد: ولادتي باحلى سيف يوم الاثنين 26شوال
الف الف مببروك يا ام سعود يا رفيقة الدرب
|
رد: ولادتي باحلى سيف يوم الاثنين 26شوال
الحممدلله على سسلامتك
ويتربى بعزكم~ |
رد: ولادتي باحلى سيف يوم الاثنين 26شوال
مبروووووووووووك ام سعوووود
والحمد لله على سلامتك وسلامة البيبي |
رد: ولادتي باحلى سيف يوم الاثنين 26شوال
الحمدلله على سلامتك ويتربى بعزك
|
رد: ولادتي باحلى سيف يوم الاثنين 26شوال
الف الف الف مبروك ام سعود
وحمدلله على سلامتكم ويتربى بعزك ان شاء الله |
رد: ولادتي باحلى سيف يوم الاثنين 26شوال
الحمدلله عسلامتك ام سعووووووود
ومبروووووك المولود الجديد الله يخليلك اياه يارب مع انه وزنه صغير اتعذبتي كيف لو كان وزنه كبير ههههههه الحمدلله ع سلامتك مرة ثانية وعقبالنا نولد بالسلامة بس تكون ولادة سهلة مش مثلك عمود وابصر شو هههههه |
رد: ولادتي باحلى سيف يوم الاثنين 26شوال
اللهم أمين يستجيب لدعوتك وتشوفيه أمام مسجد ومن جد مستشفي الولاده فيه أشياء جداً تضحك وتبكي بنفس الوقت اهم شئ الحمدلله ع سلامتك وعقبالنا يارب
|
رد: ولادتي باحلى سيف يوم الاثنين 26شوال
الف مبرووووووووووك البيبي يتربى بعزكم
والحمدلله على سلامتك حبيبتي |
رد: ولادتي باحلى سيف يوم الاثنين 26شوال
الحمد لله ع سلامتك وسلامة البيبي
|
رد: ولادتي باحلى سيف يوم الاثنين 26شوال
اي والله يام سعود ماعاد شفتك من بعد مالتغا الله يطمن قلبك ان شاءالله
ريحتيتي شكلي بولد فيه ماراح اروح للرياض |
رد: ولادتي باحلى سيف يوم الاثنين 26شوال
مبروووووووووووك والحمد لله على السلامه
يتربى في عزكم وعقبال باقي الكروشات |
رد: ولادتي باحلى سيف يوم الاثنين 26شوال
الف الف الف الف الف الف الف الف مبررررررررررررررررررررررررررروك ام سعود يتربى بعزك سيف وعز ابوة
الف الف الحمد الله على الاكشن ماشاء الله تبارك الله اي والله ياقلبك انا رفيقات درب الحمد الله ماعشورتي لك الحمد وشكر لك يارب التسهيل من رب العالمين بس صراحه اكشن هههههههههههه الله يستر انا اليوم رايحه مشفى الولاده عشان الموعد لو تسمعين قلبي اوة سامري ههههههههه زوجي يقلول ويش فيك لايكون بتولدين ههه قلت لا بس اخاف اشوف الصراخ الي يولدون |
رد: ولادتي باحلى سيف يوم الاثنين 26شوال
الف مبروك وعقبالي يارب ان شاء الله
|
رد: ولادتي باحلى سيف يوم الاثنين 26شوال
الف مبرووووك ام سعووود ويتربى بعزكم اختى
قصتك ولا أفلام الآكشن ربنا يهونها علينا يااااا رب |
رد: ولادتي باحلى سيف يوم الاثنين 26شوال
انشالله ألف مبروك وربي يقر عينك فيه ويجعله من الصالحين ياااًرب وحمد الله على سلامتك 😊
ويارب يطعم هالوجع وآلام الولاده كل محرومة بحق لا اله الا الله |
رد: ولادتي باحلى سيف يوم الاثنين 26شوال
انسجمت بقصتك والله ...
حمدلله على سلامتك .. وعقبال عندنآ . |
رد: ولادتي باحلى سيف يوم الاثنين 26شوال
الله يباركك فيكم يارب ..
وربي يكتب لكم الولاده سهله ..والخلقة التامة... |
رد: ولادتي باحلى سيف يوم الاثنين 26شوال
الله يحفظك ويحفط سيف
|
رد: ولادتي باحلى سيف يوم الاثنين 26شوال
الف الف الف مبروك ويتربى بعز والديه يارب
|
رد: ولادتي باحلى سيف يوم الاثنين 26شوال
الحمد لله عالسلامة ومبروووووك ماجاك
وربي يرزقك بره ويتربى في عز ابوه ودلالاك وعقبال ليىقريبا بأذن الله بسهاله وبدون طلق صناعي |
رد: ولادتي باحلى سيف يوم الاثنين 26شوال
الف مبرووووووووووك ومبروك ماجبتي
|
| الساعة الآن 11:01 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .