|
بنات اللي عندها فكره عن تحفيز البطانه تردلي الله يرزقها ماتتمنى
السلام عليكم جميعا مشكلتي باختصار عمري 27 سنه وسويت اطفال انابيب 3 مرات وللاسف مانجحت واليوم رحت للدكتور بندر العبدالكريم على اساس ابدا التنشيط لاني كنت ثاني يوم من الدوره وتفاجئت انه رفض يسويلي التنشيط وقالي بما ان العمليه فشلت 3 مرات احتاج اسويلك تحفيز للبطانه مرتين بالشهر اللي قبل التنشيط وشرحلي انها تزيد نسبه التعشيش صراحه خفت بالبدايه وبعدين شرحلي انها تتم بالعياده وغير مؤلمه ولا تاخذ الا دقائق وللحين محتاره حسيت كلامه مقنع لانه ماحد قلي كذا قبل لاكن مازالت متردده بس ماحد طلب من كذا قبل فقلت اسألكم احد جرب هالشي او صارله مثلي
طمنوني الله يطمن قلوبكم |
رد: بنات اللي عندها فكره عن تحفيز البطانه تردلي الله يرزقها ماتتمنى
ولا ماعندي فكرة بس ان شاء الله ربي يشافيكي يارب
واكيد اخواتي راح يفيدوكي نورتي المنتدى |
رد: بنات اللي عندها فكره عن تحفيز البطانه تردلي الله يرزقها ماتتمنى
حبيبتي تم نقل موضوعك لقسم اطفال الانابيب
حتى يفيدونك البنات بتجاربهم أكثر ..تحياتي ♥ |
رد: بنات اللي عندها فكره عن تحفيز البطانه تردلي الله يرزقها ماتتمنى
مشكوره اختي الله يجزاك خير
|
رد: بنات اللي عندها فكره عن تحفيز البطانه تردلي الله يرزقها ماتتمنى
اقتباس:
قريت عن هذا الموضوع بس ما لقيت شغلات واضحة ، لأنو ما أعرف اسمه بالانقليش ،، خلي الدكتور يعطيك اسم الا بيسويه لك بالانقليش حتى أبحث عنه .. بالعكس شيء حلو أن الواحد يبحث عن سبب فشل العمليات إلا راحت ويلاقي حل وشيء يزيد من فرص نجاحها ، كيف هو بالضبط البروسيجر ووش خطواته ؟! هل عن طريق أدوية ولا منظار ولا كيف ؟ |
رد: بنات اللي عندها فكره عن تحفيز البطانه تردلي الله يرزقها ماتتمنى
السلام عليكم اختي... الله يطعمك الذرية وما يحرمك منها ... امين
اختي انا كمان عملت اطفال انابيب 3مرات بالمرة الثالثة كان حمل ضعيف ونزل والدكتور قررلي بالعملية الرابعة الي راح تكون . بشهر10 وهي تحفيز لبطانة الرحم بجرحها باليوم العاشر من الدورة وعمل جرح اخر باليوم ال20 من الدورة وقال العملية غير مؤلمة ولايوجد لها اعراض جانبية.... وتوكلي على الله |
رد: بنات اللي عندها فكره عن تحفيز البطانه تردلي الله يرزقها ماتتمنى
حبيباتي قريت عنها مرة تجارب ناجحة في المنتديات الإنجليزية . .
أطلب منكم طلب ، اكتبوا لنا تجربتكم بالتفصيل وكيف كانت ووين ، عشاني ناوية أعملها قبل لا أرجع الأجنة المجمدة السنة الجاية .. بثوا الأمل في نفوسنا بتجاربكم الناجحة ، الله لا يطولها عليكم ولا على أي محروم .. |
رد: بنات اللي عندها فكره عن تحفيز البطانه تردلي الله يرزقها ماتتمنى
موفقه يالغاليه واتمنى بالفعل تكتبي تجربتك مع هالعمليه بالتفصيل لان الاغلبيه ما يعرفو عنها
الله يرزقك يارب |
رد: بنات اللي عندها فكره عن تحفيز البطانه تردلي الله يرزقها ماتتمنى
اخت امنيه انا طمني كلامك الله يريح بالك انا سألت دكاتره ثانيين وقالو ماسبق انهم جربوها واستخرت الله واتكلت عليه وبسويها مع الدكتور بندر وعندي موعد بعد بكره مع الدكتور بندر عشان يسويلي التحفيز المرحله الاولى لاني اتصلت عليه واكد لي انها ترفع نسبه التعشيش للضعف يارب ماتكون مولمه ويعديها ربي على خير وبعد ماسويها بخبركم بالنتيجه
|
رد: بنات اللي عندها فكره عن تحفيز البطانه تردلي الله يرزقها ماتتمنى
اقتباس:
بالفعل هي تضاعف نسبة نجاح عملية الحقن المجهري للضعف ، حتى وحدة أجنبية كاتبة : ليش مو كل الدكاترة يسوونها قبل أي تجربة بما أن نسب نجاحها بهذي الصورة ! بس أتمنى تكون متوفرة في الشرقية .. |
رد: بنات اللي عندها فكره عن تحفيز البطانه تردلي الله يرزقها ماتتمنى
اليوم رحت للدكتور بندر وسويت الجلسه الاولى للتحفيز وطلعت بسيطه وسهله مو مثل ماتوقعت
اول ماوصلت طلبت مني الممرضه اشرب مويه تقريبا علبتين وبعدها حطوني الممرضات في غرفه الفحص بعدين جا الدكتور وحطلي جهاز الفحص من تحت وحط جوا الرحم قسطره صغيره لاكن غريبه تختلف عن قسطره ترجيع الاجنه اللي كنت اشوف الدكاتره يستخدموها الحمدالله ماكان في الم بس حسيت بمغص بسيط مثل مغص الدوره وماخذت دقيقه وقالي الدكتور خلصنا قلت له عن المغص اللس حسيت فيه قال عادي وهذا دليل ان التحفيز تم بطريقه سليمه وراني القسطره فيها شي لونه زهري غامق وصغير مره زي الخيوط وقالي هذي البطانه القديمه السيئه وراح يطلع بدالها بطانه احسن بالجلسه الثانيه بعد كذا الممرضه اعطتني تحميله شرجيه مادري اش فايدتها وخلوني ارتاح 5 دقايق وبعدها عطاني الدكتور مضاد وحدد لي جلسه ثانيه الاسبوع القادم انا مبسوطه اني سويتها وماكنت صعبه مع اني كنت شايله هم بس الحمدالله ربي يسرها والدكتور ماشالله يده خفيفه الله يجزاه الف خير والله الدكتور بندر ماقصر كان متفهم ومعطيني وقتي وزياده ويشرح لي الصغيره والكبيره ويطمني ويقولي اتكلي على الله والله ماحسيت اني متوتره ابد ابد الله لايضيع لي تعب ويرزقني ويعوض صبري خير و****لله الاسبوع الجاي بعلمكم بجديدي ادعولي |
رد: بنات اللي عندها فكره عن تحفيز البطانه تردلي الله يرزقها ماتتمنى
والله حبيبتي الاخت امنيه ان بعض الدكاتره مايبي يبدا مع المريض حبه حبه يبي عمليه والسلام ومكسب وبس ماخذينها تجاره الله يسامحهم احنا على اعصابنا وهم ماعندهم استعداد حتى يشرحون
الحمدالله اللي الله رزقني بهالدكتور اللي احسه اكثر من رائع متفهم وصبور والله اني جلست معه ساعه ماخليت سؤال وكان يرد علي بكل هدوء واريحيه ويقولي الوقت وقتك اسألي اللي تبين لازم تفهمي احنا وش نشتغل لأن هذا من حقك بصراحه ارتحت له مررره حتى زوجي ارتاح له الله يكتب لي الحمل السليم المعافى على يده ويعوض صبري وصبركم خير |
رد: بنات اللي عندها فكره عن تحفيز البطانه تردلي الله يرزقها ماتتمنى
الف الحمدالله على سلامتك والله يرزقك يارب ولايضيع لك تعب يارب العالمين
|
رد: بنات اللي عندها فكره عن تحفيز البطانه تردلي الله يرزقها ماتتمنى
اقتباس:
الحمد لله ، يا رب يرزقش الحمل على يده حبيبتي .. وين الدكتور بندر ؟ في الرياض ؟ |
رد: بنات اللي عندها فكره عن تحفيز البطانه تردلي الله يرزقها ماتتمنى
اقتباس:
الحمدلله على سلامتك الله يرزقك الحمل السليم |
رد: بنات اللي عندها فكره عن تحفيز البطانه تردلي الله يرزقها ماتتمنى
طمنينا ايش صار معاك يااختي
|
رد: بنات اللي عندها فكره عن تحفيز البطانه تردلي الله يرزقها ماتتمنى
توكلي على الله وسويها
الدكتور بندر مرة ممتاز في عمليات اطفال الانابيب ويخاف الله ولو مو محتاجة لها الشي صدقيني كان ماقرره لك استشيريه على فيتامينات اورثومول للمراة + الاسبرين وان شاء الله نسمع منك اخبار حلوة موفقة |
رد: بنات اللي عندها فكره عن تحفيز البطانه تردلي الله يرزقها ماتتمنى
البنات نصحوكي بالدكتور
اعمليها وتوكلي على الله وعن تحفيز البطانه انا ما عندي فكره بالتوفيق |
| الساعة الآن 02:27 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .