منتديات حوامل النسائية - تجربتي مع الخياطه مهم حداً للبكريات

منتديات حوامل النسائية (https://naqatube.com/index.php)

- منتدى فترة النفاس (https://naqatube.com/forumdisplay.php?f=24)

- - تجربتي مع الخياطه مهم حداً للبكريات (https://naqatube.com/showthread.php?t=268874)

تجربتي مع الخياطه مهم جداً للبكريات

السلام عليكم ورحمة الله وبركااااته

الاحظ بهالقسسسم مشششاكل مع الخياطه واخطاااااء كبيره تسوونها بنفسسسكم ....hwaml14

بقولكم تجربتي وكنت مبتدئه مثلكم لين جت وحده انصحتني ومشيت بنصيحتها عسى الله يوفقها ويفرج همها :

بالبدايه اصرفت لي الدكتوره بيداتين وميبو للخياطه
وكنت استخدم فوط اللوتس الكبيره ..hwaml5

وماادري كيف الطريقه وكانت الخياطه تالمني بشكل كبير لدرجه امشي وانا فاتحه رجولي واحياناً اعرج وكنت معنده مااروح للدكتوره لاني خايفه مره جتني ضيقه ذيك الفتره الله لايعيدها ..

مره سيرت علينا وحده ولاحظت مشيتي واني معصبه طول الوقت حتى امي عجزت فيني

قالت لي شوفي بعطيك طريقه وامشي فيها وراح تدعين لي قلت تم لاني ابي اي شي يريحني:

1/ قالت اتركي عنك ميبو واستخدمي كريم ابو اسد
لان ابو اسد فيه مضاد حيوي يقتل البكتيريا واذا طاحت خيوطك ارجعي لميبو ..

2/ جيبي لك قطن لفه كبيره وجيبي شاش وسوي لك فوطه لان اللوتس قاسيه وتحك بالخياطه ( وفعلاً صادقه )
تقول سوي مجموعه عشان متى ماتبينهم جاهزات ..

3/ قالت خوذي كيس معك لادخلتي دورة المياه فيه قطن مقطعته قطع صغيره تقول نهائي لاتلمسين خياطتك واذا بتمسحين خوذي قطنه وحطي عليها مويا مايله للحراره عشان تلين الخياطه ومسحي ولاتمسحين مره ثانيه بنفس القطنه تقول على طول قطيها بكيس جنبك فاضي وخوذي قطنه ثانيه نظيفه وسوي نفس الطريقه وارميها لما تشوفين القطنه لامسحتي تطلع لك نظيفه عاد وقفي..

4/ بعدين خوذي بطل صحه حطي شوي من البيداتين والباقي مويا مايله للحراره عاد صبيه على المنطقه*

5/ عاد خوذي كلينكس ونشفي المنطقه عدل*

6/ وبعدها خوذي كلينكس ولفي فيه اصبعك وحطي كريم ابو اسد ودهني فيه الخياطه*

7/ واخر شي حطي على الفوطه قطران وبكذا نكون خلصنا

بنات والله يابعد نصيحتها شفت الحياااه احس خياطتي لانت وقبل كانت متكررربه*
وصرت امشي مثل الاوادم واحس اني نظيفه عرفت وشلون استخدم اللي عندي

اي صح نسيت شغله مهمه قالت لي اشتري مسكن روفيناك دي
واشربيه بسس قبل لايجون الحريم لانك تطولين بالقعده وماراح تحسين بخياطتك*

وفعلاً لاجا وقت العصر حطيت حبه روفيناك بفنجال وصبيت فوقه مويا وشربته

اقسم بالله اني احس ودي اركض تبارك الله مااحس بأي شششي

حبيت اكتب تجربتي متاكده راح تفيدكم باذن الله لان كثيير مثلي مايدري وش يسسسوي ولا يعرف كيف يستخدم الادويه*

تحذيرات ؛hwaml11
1/ لاتستخدمين المويا والملح وخياطتك ماطاحت لانها بتشدها ويمكن تفكها لك ونفس الحكايه المره
لكن ان طاحت خيوطك مو مشكله سوي اللي تبين

2/ لاتتربعين ابد وخياطتك ماطاحت لانها بتوسعها لك ماتكون مضبوبه

3/ لاتتشطفين بمويا بااارده ابد

4/ ولاتمشين بخطوات متباعده لان نفس الحكايه بيضر خياطتك

اعتذر على الاطااااله وأي سؤال انا حاااااضرهhwaml7